Sipas ekspertëve të ISHP, kjo rritje pritet të vijë për shkak të variantit Omicron.

“Aktualisht situata e Covid paraqitet e qëndrueshme por parashikimet janë që me ardhjen e muajit Janar dhe Shkurt dhe vijim, edhe sipas parashikimeve të OBSH varianti Omicron do mbizotërojë në të gjithë kontinentin europian edhe në Shqipëri dhe piku arrihet në muajin Shkurt”.

Edhe pse situata paraqitet e qëndrueshme me rritje të rasteve vetem një 11 bashki të vogla, për ekspertët qarkullimi njëkohësisht i Covid dhe gripit do të ndikojë në rëndimin e situatës.

“Rritje ka patur vetëm në 11 qarqe në disa bashki të vogla. Ka edhe bashkëqarkullim të gripit në disa rrethe të vendit dhe fokusi duhet të jetë tek vaksinimi për të qenë më të mbrojtur. Padyshim që dominant është Covid , nuk ka rëndësi numri i rasteve të gripit, rëndësi ka që qarkullon dhe me bashkëqarkullimin e gripit mund të ketë përkeqësim të situatës”.

Vatrat familjare vijojnë të mbeten burimi kryesor i përhapjes së Covid dhe mbi 90 % e tyre janë persona të pavaksinuar. I pyetur nëse do të këtë kufizim të masave, Simaku thotë se kjo do të gjykohet nga Komiteti Teknik i Ekspertëve./albeu.com/

The post ISHP tregon muajt që vendi do të arrijë pikun e infektimeve me Covid appeared first on Albeu.com.

Vaksina pritet të jetë mjaft efikase jo vetëm kundër varianteve aktuale të virusit, por edhe kundër atyre të ardhshme.

Ajo do të jetë e aftë të aktivizojë antitrupa që neutralizojnë pjesën e pandryshueshme të proteinës spike të SARS Cov-2, është projekti për të cilin po punojnë shkencëtarët e Garvan Institute në Sidney.

Shkencëtarët kanë testuar imunizime të ndryshme tek minjtë e laboratorit. Objektivi është prodhimi i antitrupave të cilët synojnë një rajon të proteinës spike të quajtur “rajoni i klasës 4 epitope “, që nuk varion gjenetikisht mes cepave të koronavirusit dhe që ka më pak aftësi për të ndryshuar në të ardhmen.

Duke identifikuar këto antitrupa, shkencëtarët kanë mundur të zhvillojnë një strategji vaksinimi, që do të qëndrojë efikase dhe për variante të ardhshme të virusit. Sipas tyre vaksinat aktuale kryejnë një punë shumë të mirë për të mbajtur personat jashtë spitaleve dhe për të ngadalësuar përhapjen e virusit.

Gjithsesi antitrupat e prodhuar nga vaksinat aktuale i drejtohen një pjese të virusit, e cila mund të ndryshojë shumë lehtë; dhe në këtë mënyrë redukton efikasitetin me të cilin antitrupat e drejtuar kundër asaj pjese të virusit, mund ta bllokojë.

Në këtë projekt janë analizuar mijëra e mijëra antitrupa, shumë prej tyre në detaje, për t’u përqendruar tek antitrupat që veprojnë në pjesën e pandryshueshme për të cilën virusi ka nevojë për të infektuar./albeu.com/

The post Australia bën “revolucion”, gati të hedhë në treg vaksinën kundër të gjithave varianteve të Covid appeared first on Albeu.com.