“Ne duhet të jemi të vetëdijshëm se edhe personat që kanë marrë të tre dozat ka të ngjarë të transmetojnë virusin. Është e qartë se jemi larg efektivitetit prej 95 për qind kundër virusit fillestar”, tha Ugur Sahin për të përditshmen franceze Le Monde në një intervistë.

Pavarësisht kësaj, Sahin tha se të dhënat e hershme nga Britania dhe Afrika e Jugut janë pozitive. Hulumtimi i fundit nga Afrika e Jugut, ku u raportua për herë të parë Omicron, sugjeroi se dy doza të vaksinës Pfizer/BioNTech janë 70 për qind efektive në reduktimin e rrezikut të shtrimit në spital.

“Për shkak të Omicron do të ketë një humbje të efektivitetit me kalimin e kohës. Dhe këto të parashikime nuk do të bazohen në të dhëna paraprake laboratorike, por në të dhëna të jetës reale, gjë që është më e përshtatshme,” tha imunologu gjerman.

Sahin tha se testimi kundër COVID-19 është i rëndësishëm, veçanërisht për të moshuarit dhe gjatë dimrit, siç janë masat e tjera mbrojtëse si maskat.

Kompania gjermane tashmë është duke projektuar një vaksinë kundër koronavirusit për të luftuar variantin e ri, duke përdorur proteinën spike të Omicron dhe 32 mutacionet e tij si një antigjen. Shahin njoftoi se vaksina pritet të jetë gati në mars, raporton abcneës.al

Sipas Organizatës Botërore të Shëndetësisë, Omicron është zbuluar në 89 vende dhe po përhapet me shpejtësi edhe në vendet me nivele të larta vaksinimi. Ndërkohë, Moderna, e cila ka prodhuar gjithashtu një vaksinë mRNA, tha të hënën se një dozë përforcuese e vaksinës së saj mbronte kundër Omicron.

Sipas Moderna-s një dozë prej 50 mikrogramësh, e cila është sasia aktuale për një vaksinë përforcuese, rriti nivelin e antitrupave 37 herë më shumë në krahasim me dy doza./albeu.com/

The post CEO i BioNTech: 3 dozat e vaksinës nuk janë të mjaftueshme për të parandaluar Omicron appeared first on Albeu.com.

OBSH, bën me dije se shumë vende nuk e kanë kapacitetin për të analizuar mostrat e biomaterialeve të të gjithë të infektuarve dhe viktimave të shkaktuara nga Covid-19.

Sipas kësaj organizate nuk përjashtohet mundësia që do jetë e vështirë të merret informacion i saktë për llojin e virusit që çon në vdekjen e një personi të infektuar. Në të njëjtën kohë, organizata pret të ketë më shumë të dhëna në javët në vijim në lidhje me ashpërsinë e sëmundjes kur një person infektohet nga Omicron.

Një informacion i tillë është i “ nevojshëm për të kuptuar plotësisht pamjen klinike të të infektuarve me këtë variant të koronavirusit”.

OBSH u bën thirrje vendeve që të mbledhin dhe të ndajnë të dhënat e kujdesit për pacientët në spitale, duke përdorur platformën e organizatës për Covid-19./albeu.com/

The post OBSH jep direktivat: Omicron nuk mund të ndalet vetëm me vaksinim appeared first on Albeu.com.