Skuadra e ekspertëve, të cilët punojnë për “GeniusIQ”, mendojnë se falë risive që do të futen në punë këtë sezon secili vendim i “VAR”-it do të shkurtohet me rreth 30 sekonda. Pra tifozëve u duhet që të presin 30 sekonda më pak këtë vit për vendimin e dhomës së “VAR”.

Sipas tyre falë teknologjisë së re specialistët e “VAR” do të kenë mundësi që të shikojnë 10.000 mijë pjesë të trupit të secilit lojtar dhe për këtë motiv edhe vendimi do të jetë më i shpejtë dhe nuk do të jetë i kontestueshëm.

“Genius Sports” ka bërë me dije se si fillim do të ketë mundësi që të ngurtësojë 100 shkrepje për sekond edhe pse kapaciteti i plotë është 200.

Ky sistem mund të konsiderohet risi në futboll, por në sporte të tjerë është implementuar prej vitesh. Në NBA amerikan falë kësaj teknologjie janë shuar debatet me arbitrat prej vitit 2018.

Si funksionon:

28 iPhone pozicionohen në stadium në mënyrë për të fotografuar lojtarët në ç’do kënd.
Kamerat i lejojnë “GeniusIQ” që të ngurtësojnë deri në 10,000 pozicione të një futbollisti.
Inteligjenca Artificiale kthen imazhet në animacion dhe teregon brenda pak sekondash nëse kemi të bëjmë ose jo me pozicion jashtë loje.

The post Ja si do të funksionoj VAR me 28 iPhone në Premier League appeared first on Albeu.com.