Në shumë zona temperaturat do të rriten për rreth 15 gradë Celsius. Në Spanjë dhe Portugali parashikohen temperatura midis 35 dhe 39 gradë Celsius.

El Ninjo mund të arrijë që në muajin maj – çfarë do të thotë kjo për verën në Ballkan?

Masa e ngrohtë ajrore do të zgjerohet gradualisht drejt veriut dhe lindjes, kështu që temperaturat e pasdites në pjesën më të madhe të Evropës Perëndimore, përfshirë Mbretërinë e Bashkuar, Francën dhe Evropën Qendrore, do të arrijnë nga 25 deri në 29 gradë Celsius.

Pritet që temperaturat të jenë deri në 15 gradë më të larta se mesatarja shumëvjeçare për fundin e majit.

Si krijohet kupola e nxehtësisë?

Në ditët e ardhshme nga Afrika Veriore drejt Evropës Perëndimore dhe një pjese të Evropës Qendrore do të depërtojë ajër i ngrohtë dhe shumë i ngrohtë.

Në të njëjtën kohë, mbi pjesën më të madhe të kontinentit do të ndikojë një anticiklon i gjerë, pra një zonë me presion të lartë atmosferik.

Një situatë e tillë zakonisht sjell mot më të qëndrueshëm, më me diell dhe më të ngrohtë, me zhvillim më të vogël të reve dhe më pak mundësi për reshje.

Alarm nga shkencëtarët: El Nino mund të thyejë rekordet globale të temperaturave

Termi “kupolë nxehtësie” përdoret kur ajri i nxehtë qëndron për një kohë të gjatë mbi një zonë të caktuar, zakonisht nën ndikimin e anticiklonit dhe një shpërndarjeje të veçantë të qarkullimit të ajrit në shtresat e larta të atmosferës, të ashtuquajturit “bllokim omega”.

Presioni i lartë e shtyn ajrin drejt tokës, ku ai ngrohet edhe më shumë, ndërsa qielli i kthjellët dhe orët e shumta me diell e përforcojnë rritjen e temperaturave. Megjithatë, jo çdo periudhë e motit të ngrohtë është kupolë nxehtësie.

Ekspertët paralajmërojnë se disa rajone mund të përjetojnë ditët e para të vërteta të nxehta të vitit 2026

The post “Kupola e nxehtësisë” drejt Evropës, meteorologët paralajmërojnë rritje drastike të temperaturave appeared first on Albeu.com.

Sipas autoriteteve franceze, incidenti ndodhi gjatë një aktiviteti sportiv në kryeqytet, ndërsa shërbimet e emergjencës ndërhynë menjëherë për të ndihmuar pjesëmarrësit që shfaqën shenja lodhjeje dhe dehidratimi.

Shërbimi meteorologjik francez, Météo-France, bëri të ditur se temperaturat në Paris kanë kaluar 30 gradë Celsius për herë të parë këtë vit, duke arritur deri në 31.9°C. Ndërkohë, në disa zona të tjera të vendit janë thyer rekordet historike të muajit maj.

Meteorologët e lidhin këtë situatë me një fenomen të quajtur “kupolë termike”, që po sjell masa të nxehta ajri nga Afrika e Veriut dhe po mban temperaturat në nivele shumë të larta.

Autoritetet kanë vendosur në alarm disa rajone të Francës perëndimore, ndërsa parashikimet tregojnë se temperaturat mund të arrijnë deri në 35 gradë Celsius gjatë ditëve në vijim.

Ekspertët paralajmërojnë se valët e shpeshta të të nxehtit janë pasojë e ndryshimeve klimatike dhe pritet të bëhen gjithnjë e më intensive në vitet e ardhshme.

The post Temperaturat rekord godasin Francën, një i vdekur dhe disa të shtruar në spital appeared first on Albeu.com.

“Vlerat maksimale prej 42.4°C në Klinë dhe 42.3°C në Han të Elezit janë të pashembullta në historinë klimatike të vendit dhe tregojnë një devijim të madh nga mesatarja shumëvjeçare për këtë muaj”, ka thënë Instituti përmes një postimi në Facebook, duke treguar se mesatarja e korrikut në Kosovë shkonte mes 30-35 gradë Celsius.

Para korrikut të vitit 2025, temperatura më e lartë ndonjëherë ishte regjistruar në Prizren më 1987 – 40.8 gradë Celsius.

Sipas Institutit, shifrat e korrikut të këtij viti janë konfirmim i paralajmërimeve shkencore për përshpejtimin e ndryshimeve klimatike.

“Rritja e temperaturave ekstreme është një nga pasojat më të drejtpërdrejta të ngrohjes globale. Modelet klimatike dhe raportet ndërkombëtare (p.sh., IPCC) parashikojnë se Evropa Juglindore, përfshirë Ballkanin, do të përballet me më shumë valë të të nxehtit, thatësira të gjata dhe reshje të rralla por intensive. Korriku 2025 përkon me këtë tendencë, duke reflektuar një klimë gjithnjë e më të paqëndrueshme dhe të ngarkuar me energji termike”, është thënë në postimin në Facebook.

Instituti ka përmendur edhe pasojat e temperaturave të larta, duke thënë se ato ndikojnë në rritje të sëmundjeve me të nxehtin – goditje termike, probleme kardiovaskulare – më pas në stres për bimësinë, kafshët dhe ekostetmet ujore, si dhe në dëme ekonomike, për shkak të dëmeve në bujqësi dhe rritjes së konsumit të energjisë për ftohje dhe rrezik për infrastrukturën.

“Ngjarjet klimatike të korrikut 2025 përbëjnë një sinjal të qartë për domosdoshmërinë e veprimit të menjëhershëm dhe të koordinuar për përshtatje ndaj ndryshimeve klimatike. Institucionet përgjegjëse duhet të fuqizojnë monitorimin meteorologjik, planifikimin urban, sistemet e paralajmërimit të hershëm dhe politikat mjedisore për të minimizuar rreziqet në të ardhmen”.

The post IHMK: Korriku i këtij viti muaji më i nxehtë ndonjëherë në Kosovë, në Klinë u thyen rekordet appeared first on Albeu.com.

”The Guardian” raporton se një stacion meteorologjik në pjesën norvegjeze të Arktikut regjistroi temperatura mbi 30 gradë Celsius për 13 ditë në korrik, ndërsa Finlanda pati tre javë radhazi me të njëjtën temperaturë.

Shkencëtarët thonë se kjo është seria më e gjatë e regjistruar që nga viti 1961 dhe 50% më e gjatë se rekordi i mëparshëm.

“Një valë vape vërtet e paparë është ende në kulmin e saj, me temperatura maksimale rreth 32-33°C”, tha Mika Rantanen, një klimatolog në Institutin Meteorologjik Finlandez, në një postim në mediat sociale.

“Rajonet e Arktikut kanë regjistruar gjithashtu tre javë temperatura mbi 25 gradë Celsius dhe mund të barazohen me rekordet e tyre të nxehtësisë së gushtit”, shtoi ai.

The post Evropa Veriore goditet nga një valë të nxehti të papërjetuar më parë appeared first on Albeu.com.

Përsa i përket kushteve atmosferike, mot i kthjellët dhe i nxehtë do të dominojë në të gjithë territorin e vendit. Orët e pasdites do të sjellin kalime vranësirash të lehta në zonat malore përgjatë shtrirjes Lindore.

Temperaturat e ajrit mbeten të larta si në mëngjes dhe në mesditë duke luhatur vlerat ditore nga 16°C vlera më e ulët në Peshkopi deri në 43°C pritet vlera maksimale në qarkun e Beratit dhe zona të izoluara të qarkut Elbasan.

Era do të fryjë e lehtë deri mesatare me shpejtësi maksimale mbi 28 km/h nga drejtimi kryesisht Perëndimor duke krijuar në brigjet detare dallgëzim të ulët.

The post “PËRCËLLOHET” SHQIPËRIA/ Sot arrin kulmin, termometri pritet të shënojë temperatura deri në 43 gradë appeared first on Albeu.com.

Për pasojë moti i kthjellët dhe temperaturat shumë të larta do të mbizotërojnë në të gjithë territorin, ku sërish goditen nga vlera ekstreme qarku i Beratit dhe Gjirokastrës me temperatura mbi 40 gradë celcius.

Pjesa e dyte e ditës do të sjellë vranësira të herë pas-hershme për-gjatë gjithë vendit, ku më të theksuara vranësirat do të jenë në skajin Lindor-Juglindor, duke rrezikuar rrebeshe të izoluara shiu

Temperaturat e ajrit do të mbeten konstante në vlerat minimale, ku zonat malore do të shënojnë deri në 14°C, por ulen maksimumet duke regjistruar vlerën 39°C.në qarkun e Beratit dhe Gjirokastrës.

Era do të fryjë e lehtë dhe mesatare me shpejtësi mbi 35 km/h nga drejtimi kryesisht Juglindor duke krijuar në brigjet detare dallgëzim 2 ballë.

The post Temperatura deri në 40 gradë Celcius, parashikimi i motit për sot appeared first on Albeu.com.

Mjekët rekomandojnë konsum të bollshëm të ujit gjatë ditës, edhe në mungesë të ndjesisë së etjes, për të shmangur dehidratimin. Qytetarët këshillohen gjithashtu të qëndrojnë në ambiente të freskëta dhe të shmangin ekspozimin në diell gjatë orëve të nxehta të ditës, nga ora 11:00 deri në 16:00.

Ushqimi duhet të jetë i lehtë dhe i pasur me lëngje, si fruta dhe perime të freskëta. Rekomandohet gjithashtu përdorimi i kremrave mbrojtës për lëkurën dhe veshja me rroba të lehta, me ngjyra të çelura.

Ministria thekson rëndësinë e mbrojtjes së fëmijëve, të moshuarve dhe personave me sëmundje kronike, të cilët janë më të rrezikuar nga nxehtësia ekstreme.

Ministrja e Shëndetësisë deklaron se ekipet mjekësore janë në terren për të garantuar ndihmën e nevojshme dhe u bën thirrje qytetarëve që të kërkojnë asistencë në çdo rast nevoje.

The post Temperaturat e larta përfshijnë vendin, Ministria e Shëndetësisë apel qytetarëve: Ja këshillat për të përballuar vapën appeared first on Albeu.com.

Serat janë shkatërruar e së bashku me to, edhe të mbjellat.

Stuhia nuk zgjati më shumë se 20 minuta, por mjaftoi të shkatërronte çdo gjë, duke i lënë fermerët pa asgjë.

The post Gjysma e Shqipërisë po ‘digjet’ nga vapa, stuhia shkatërron serat në këtë zonë appeared first on Albeu.com.

Vapa ekstreme që ka prekur shumë vende jugore dhe lindore këtë muaj është shkaktuar pjesërisht nga një valë ajri i nxehtë nga Afrika e Veriut.

Raportohet se shumë njerëz kanë vdekur në Itali dhe paralajmërimet ekstreme të vdekjes nga nxehtësia vazhdojnë të lëshohen për vendet nga Portugalia në Rumani dhe Qipro.

Por nxehtësia vdekjeprurëse më në fund pritet të ulet në shumë vende gjatë fundjavës dhe javës së ardhshme.

Temperaturat kanë qenë rreth 6-12C mbi vlerat mesatare për kohën e vitit, duke nxitur zjarre dhe duke kërkuar konsum rekord të energjisë. Disa zona kanë miratuar plane speciale për energjinë, duke përfshirë hapjen e hapësirave me ajër të kondicionuar dhe ndalimin e punës në natyrë për të mbrojtur njerëzit.

Moti jashtëzakonisht i nxehtë do të vazhdojë edhe për disa ditë, sipas Weather & Radar, me temperatura që do të rriten sërish në 35-40C në vende si Serbia, Italia, Shqipëria, Greqia , Rumania dhe Bullgaria.

Lajmi i mirë është se më e keqja e kësaj vale të nxehti ka kaluar sipas meteorologëve, me tendencën për të dielën dhe javën e ardhshme që tregon një rënie graduale drejt kushteve më sezonale.

Pavarësisht rënies së valës së të nxehtit, temperaturat janë vendosur të mbeten të larta për pjesën tjetër të muajit. AccuWeather parashikon temperatura në mes të 30-ave për shumë vende në Evropën Jugore deri më 25 korrik.

The post Europa e Jugut nën pushtetin e temperaturave ekstreme, ja kur pritet të marrë fund vala e të nxehtit afrikan appeared first on Albeu.com.

Bëni dush para se të flini
Nëse keni kondicioner në dhomën tuaj të gjumit apo jo, është e rëndësishme që temperatura e trupit tuaj të bjerë para se të flini. Mënyra më e thjeshtë për ta arritur këtë është duke bërë një dush të freskët.

Ndiqni një program të butë ushtrimesh

“Nëse mund ta përballoni, pak ushtrime para gjumit do t’ju ndihmojë të flini më mirë,” thotë Dr. Ebben. “Zgjidhni një lloj ushtrimi që nuk është shumë intensiv, si pilates apo joga, në mënyrë që trupi juaj të mos nxehet shumë”, sugjeron ajo.

Blini një ventilator

Natyrisht, nëse nuk keni kondicioner, do të përdorni një ventilator. Megjithatë, kjo nuk është arsyeja pse ai rekomandon blerjen e tij. Ajo pretendon se zhurma e bardhë që prodhon do të mbyt të gjitha zhurmat e tjera dhe do t’ju ndihmojë të bini në gjumë.

Përdorni pako akulli
Vendosini ato në pikat e pulsit si kyçet e duarve, qafa dhe kyçet ose prapa gjunjëve për të ftohur gjithë trupin tuaj.

Ndryshoni çarçafët
Harrojini çarçafët prej sateni, mëndafshi dhe poliesteri dhe zgjidhni pambuk, madje edhe prej pambuku të lehtë, që do t’ju mbajë të freskët për më gjatë.

Flini në dhomën më të ftohtë
Nëse nuk e keni këtë mundësi, Dr. Ebben sugjeron mbajtjen e perdeve të mbyllura gjatë ditës në mënyrë që hapësira të mbahet më pak e ngrohtë.

Mos harroni të pini ujë
Siç e dini, për shkak të temperaturave të larta në verë, trupi dehidratohet. Prandaj është thelbësore që të përfshini më shumë lëngje në dietën tuaj ditore se zakonisht, ose duke pirë shumë ujë dhe lëngje natyrale, ose duke konsumuar fruta dhe perime të freskëta.

The post Disa “truke”, ja si të flini rehat kur është vapë dhe pa ajër të kondicionuar appeared first on Albeu.com.