Chelsea ka zyrtarizuar afrimin e Valentín Barcos nga Strasbourg, si pjesë e përforcimeve të skuadrës së drejtuar nga Xabi Alonso përpara sezonit të ri.

Sipas njoftimit të klubit londinez, 21-vjeçari ka firmosur një marrëveshje afatgjatë. Kalimi është kryer brenda grupit të pronësisë BlueCo, i cili ka nën kontroll si Chelsean, ashtu edhe Strasbourgun.

Barco mbërrin në “Stamford Bridge” pas një edicioni të suksesshëm në Ligue 1. Gjatë këtij sezoni, ai dëshmoi se mund të aktivizohet në role të ndryshme, si në mesfushë, ashtu edhe në krahun e majtë të mbrojtjes.

Futbollisti argjentinas ishte transferuar fillimisht te Strasbourg në huazim nga Brighton, ndërsa më pas kalimi i tij u kthye në të përhershëm. Në sezonin e fundit, ai regjistroi 43 paraqitje, tre gola dhe nëntë asistime.

Forma e treguar në Francë tërhoqi edhe vëmendjen e Kombëtares së Argjentinës, nga e cila Barco ka marrë ftesë në nivelin senior.

Tashmë, ai i bashkohet projektit të ri të Chelseat nën udhëheqjen e Xabi Alonsos, i cili kërkon të ndërtojë një ekip konkurrues për sezonin e ardhshëm.

The post Zyrtare: Valentín Barco kalon nga Strasbourg te Chelsea appeared first on Albeu.com.

Në minutën e 86-të të gjysmëfinales mes Argjentinës dhe Anglisë, Enzo Fernandez shënoi golin e barazimit 1-1 dhe shumica e bashkëlojtarëve u mblodhën rreth tij për të festuar. Mirëpo, mbrojtësi i majtë Valentin Barco zgjodhi një rrugë tjetër — vrapoi drejt lojtarëve anglezë dhe filloi të kërcejë përpara tyre, duke i provokuar haptazi.

Jude Bellingham nuk e la pa ndëshkuar këtë sjellje. Pas vërshëllimës përfundimtare, ylli i Anglisë qëndroi i dëshpëruar në qendër të fushës, ndërsa kundërshtarët festonin me kurrizin e kthyer. Papritur, ai u afrua drejt grupit argjentinas dhe goditi me shuplakë pas kokës pikërisht Barcon, duke shkaktuar një kaos të menjëhershëm.

Incidenti fatmirësisht nuk u shndërrua në një përleshje të përgjithshme, por Bellingham tani rrezikon pasoja serioze. Nëse FIFA vendos të hapë një hetim, veprimi i tij mund të cilësohet si “sjellje e dhunshme”.

Një klasifikim i tillë do të sillte një pezullim minimal prej tri ndeshjesh për mesfushorin anglez, një goditje e rëndë për karrierën e tij në këtë fazë.

FIFA pritet të dalë së shpejti me një deklaratë zyrtare, ku do të bëjë të ditur nëse do të nisë procedimi disiplinor ndaj Bellingham.

The post Arsyeja e goditjes së Bellingham ndaj lojtarit argjentinas zbardhet, anglezi përballet me dënim të ashpër appeared first on Albeu.com.

Sezon pas sezoni, “Pulëbardhat” po vijojnë të fuqizohen me talentë të shumtë, ku më i fundit, të paktën sipas raportimeve më të fundit, të gazetarit të mirënjohur sportiv, Fabrizio Romano do të vijë këtë të mërkurë dhe pritet të forcojë jo pak krahun e majtë të fushës, sidomos pas largimit të “yllit” japonez, Kaoru Mitoma, drejt Kupës së Azisë.

Bëhet fjalë për talentin argjentinas, Valentin Barco, me “gjigantët” anglezë që i kanë paguar skuadrës së Boca Junior klazuolën prej 10 milionë dollarësh për ta bërë të tyrin, “yllin” 17-vjeçar, i cili deri më tani ka zhvilluar në total 35 përballje me “të mëdhenjtë” e Amerikës Latine, ku ka arritur të shënojë 1 gol, si dhe të asistojë 4 të tjerë. /abcnews.al

The post Vjen firma e talentin argjentinas, Brighton siguron shërbimet e Valentin Barco appeared first on Albeu.com.