Harvey Elliott po kalon një periudhë të vështirë te Valencia, vetëm pak muaj pasi u largua nga Liverpooli në kërkim të më shumë hapësirës dhe një fillimi të ri në karrierë.

Mesfushori 23-vjeçar, i huazuar te Valencia, është kritikuar nga mediat spanjolle për gjendjen e tij fizike. “Marca” ka shkruar se Elliott është ende larg formës së tij më të mirë dhe se duhet të shfrytëzojë pauzën e kombëtareve për t’u rikthyer në nivelin e duhur.

Elliott ka luajtur vetëm tri ndeshje këtë sezon, të gjitha si zëvendësues, duke grumbulluar gjithsej 88 minuta. Ai luajti 36 minuta ndaj Barcelonës, 28 kundër Sevillas dhe 21 ndaj Real Sociedadit. Valencia i humbi të trija këto ndeshje.

Situata është e ngjashme me sezonin e kaluar te Aston Villa, ku Elliott pati vetëm nëntë paraqitje. Ai u largua nga Liverpooli pasi nuk arriti të kishte hapësirën e dëshiruar dhe tani përballet me një tjetër sfidë për të rikthyer formën.

Problemet shtohen edhe nga situata e vështirë e Valencias. Klubi ka pësuar pesë humbje në shtatë ndeshjet e para dhe ndodhet në pjesën e poshtme të tabelës, ndërsa trajneri Carlos Corberán është shkarkuar. Elliott tani do të punojë me trajnerin e ri Javier Aguirre.

Pavarësisht vështirësive, Elliott mbetet optimist. Ai ka thënë se dëshiron të luajë rregullisht dhe se është gati për të dhënë maksimumin, ndërsa vendimi për aktivizimin e tij i takon trajnerit.

Elliott ka zhvilluar 149 ndeshje për Liverpoolin, me 15 gola dhe 21 asistime. Ai është ende vetëm 23 vjeç dhe ka kontratë me klubin anglez deri në vitin 2028.

The post Mesfushori i Liverpool në telashe për shkak të formës fizike: Vetëm ̈8 minuta dhe kritika të forta në Spanjë appeared first on Albeu.com.

Pas derbit të fundjavës kundër Real Madridit, deklarata e Kang-in Lee për një televizion spanjoll tërhoqi vëmendjen e publikut. Futbollisti i Koresë së Jugut foli në spanjisht dhe mënyra e tij e rrjedhshme e komunikimit emocionoi shumë njerëz në Gadishullin Iberik.

Videoja e intervistës u shpërnda me shpejtësi në rrjetet sociale, ndërsa fansat u habitën nga spanjishtja e përsosur e anësorit. Së shpejti u bë e ditur edhe arsyeja pse Lee e zotëron kaq mirë këtë gjuhë.

Futbollisti kishte jetuar në Spanjë gjatë fëmijërisë, pasi ishte zhvendosur atje kur ishte vetëm 10 vjeç. Në vitin 2011, talenti i ri u bë pjesë e akademisë së Valencias.

Lee qëndroi për dhjetë vjet te Valencia dhe arriti të ngjitej deri në ekipin e parë të klubit nga Mestalla. Pas kësaj, ai luajti për Mallorcën, përpara se të transferohej te Paris Saint Germain në vitin 2023, për shumën 22 milionë euro.

Këtë verë, Atletico Madrid e afroi lojtarin nga klubi francez, duke paguar 35 milionë euro për transferimin e tij.

Lee iu bashkua Atletico Madridit nga Paris Saint Germain dhe deri tani ka bërë një nisje pozitive të sezonit. Në shtatë paraqitje në La Liga, ai ka shënuar dy gola dhe ka dhënë një asistim.

The post Fjalimi i Lee në spanjisht pas derbit bëhet viral, ja lidhja e tij me vendin appeared first on Albeu.com.

Qëndrimi i Federico Chiesas te Liverpooli është vënë gjithnjë e më shumë në pikëpyetje, ndërsa mundësia që italiani të transferohet në La Liga gjatë afatit kalimtar të janarit po bëhet reale.

Calciomercato.com raporton se Atletico Madridi dhe Valencia janë dy klubet që kanë shprehur interesim për Chiesan.

Valencia ndodhet aktualisht në vendin e fundit të La Ligës, me vetëm një pikë të grumbulluar pas katër ndeshjeve. Një kalim te klubi spanjoll do t’i jepte Chiesas mundësinë të bashkohej sërish me Harvey Elliott, i cili luan atje në formë huazimi.

Edhe Atletico Madridi po e ndjek nga afër situatën e italianit. Klubi madrilen e ka kthyer vëmendjen nga Chiesa pasi nuk arriti ta sillte përsëri Nico Gonzalezin nga Juventusi, pas huazimit të tij të suksesshëm.

Chiesa u transferua nga Juventusi te Liverpooli në vitin 2024, por nuk ka mundur të sigurojë hapësira të mjaftueshme në formacion që prej mbërritjes së tij.

Gjatë sezonit të parë në Ligën Premier, ai regjistroi vetëm 104 minuta aktivizim, kurse sezonin e kaluar e nisi si titullar vetëm një takim.

Pozita e tij në skuadër është rënduar edhe më shumë këtë sezon, pasi ende nuk është paraqitur në asnjë ndeshje zyrtare.

Për më tepër, Chiesa nuk është përfshirë në listën e Liverpoolit për Ligën e Kampionëve.

Në këto rrethana, largimi i tij në janar konsiderohet tashmë një skenar i mundshëm, ndërsa Atletico Madridi dhe Valencia vazhdojnë ta monitorojnë nga afër situatën.

The post Chiesa drejt largimit nga Liverpooli, dy klube të La Ligës interesohen për italianin appeared first on Albeu.com.

Mesfushori i Barcelonës, Rodri, ka komunikuar drejtpërdrejt me disa anëtarë të skuadrës së Valencias, me qëllim që të sqaronte situatën dhe t’u kërkonte ndjesë për deklaratat e papërshtatshme të bëra në fundjavë.

30-vjeçari u vu në qendër të vëmendjes pasi u publikuan pamje ku dëgjohet duke i thënë shokut të skuadrës, Pau Cubarsit, se futbollistët e Valencias janë shumë të dobët.

Komenti i mesfushorit spanjoll u bë gjatë fitores 5-0 të Barcelonës ndaj “Los Che” në fundjavën e kaluar.

“Ata janë vërtet të dobët—këta djem janë vërtet të dobët… Vërtet të dobët. Janë vërtet të këqij, vëlla. Janë të tmerrshëm. Si e përfunduan sezonin e kaluar? As nuk ia dolën të kalonin mesin e fushës në pjesën e dytë…”, i tha Rodri Cubarsit.

Sipas A Punt Radio, Rodri ka marrë më pas kontakt personal me lojtarët e Valencias për të dhënë shpjegime dhe për të kërkuar falje lidhur me fjalët e tij.

The post Rodri u kërkon falje lojtarëve të Valencias pas komenteve të bëra gjatë ndeshjes appeared first on Albeu.com.

Rodri u regjistrua duke dhënë një gjykim tepër kritik për paraqitjen e Valencias, pas triumfit të Barcelonës në stadiumin “Mestalla”.

Mesfushori i Manchester Cityt u zëvendësua në minutën e 62-të, kur Barcelona kishte krijuar tashmë një epërsi prej 3-0. Në pankinën e skuadrës mysafire, kamerat e filmuan duke biseduar privatisht me mbrojtësin e Barcelonës, Pau Cubarsin.

“Ata janë vërtet të dobët. Janë shumë të dobët, o burrë. Shumë keq”, dëgjohet t’i thotë Rodri futbollistit të Barcelonës në pamjet e transmetuara nga emisioni “El Día Despues”.

Reprezentuesi spanjoll vijoi të komentonte lojën e ekipit vendas, duke e përshkruar Valencian si “të tmerrshme”. Ai gjithashtu pyeti bashkëlojtarët se si kishte mundur skuadra të mbyllte sezonin e kaluar në atë mënyrë.

Rodri u shpreh i habitur kur mori vesh se Valencia kishte qenë pranë sigurimit të një vendi në garat evropiane gjatë sezonit të kaluar.

“Ata as nuk e kaluan vijën e mesit të fushës në pjesën e dytë”, shtoi mesfushori.

Këto komente erdhën pas një ndeshjeje të dominuar nga Barcelona në “Mestalla”, gjatë së cilës Valencia krijoi shumë pak raste për të vënë në vështirësi skuadrën katalanase.

Fitorja e Barcelonës e theksoi edhe më shumë startin e dobët të sezonit për Valencian.

Pas katër javëve të para të kampionatit, skuadra kishte pranuar tetë gola dhe kishte marrë vetëm një pikë.

The post Kamerat zbulojnë komentet e ashpra të Rodrit për Valencian pas fitores së Barcelonës appeared first on Albeu.com.

Barcelona ka shfrytëzuar hapin e gabuar të Real Madridit gjatë fundjavës, duke marrë tri pikët në transfertën ndaj Valencias.

Ekipi katalanas zhvilloi një ndeshje dominuese dhe triumfoi me rezultatin e thellë 0-5.

Avantazhi u vendos që në minutën e 6-të, kur Lamine Yamal realizoi pas një serie driblimesh dhe një goditjeje të fuqishme.

Barcelona e dyfishoi epërsinë në minutën e 22-të me Fermin, i cili shënoi pas asistimit të Anthony Gordon.

Raphinha shtoi golin e tretë në minutën e 50-të, pas një kombinimi të bukur me Ferminin.

Në minutën e 79-të, Pedri e çoi rezultatin në 0-4 me një goditje të bukur, duke përfituar nga asistimi i Dani Olmos, i cili sapo ishte inkuadruar.

Goli i pestë erdhi në fund të takimit, kur Yamal realizoi sërish në minutën e 84-t pas një tjetër pasimi vendimtar nga Olmo.

Me këtë fitore, Barcelona ngjitet në vendin e parë me 12 pikë, ndërsa Valencia mbetet në fund të tabelës pa pikë.

The post Barcelona përfiton nga humbja e Real Madridit, shkatërron Valencian dhe ngjitet në krye të La Liga-s appeared first on Albeu.com.

Barcelona ka marrë një sinjal shqetësues para përballjes së së dielës në La Liga me Valencian, pasi Lamine Yamal nuk ishte i pranishëm në seancën e fundit stërvitore të ekipit.

Anësori 19-vjeçar mungoi në stërvitjen e zhvilluar të shtunën, duke ngritur dyshime mbi gatishmërinë e tij për takimin që do të luhet në Mestalla.

Yamal ka pasur një rol të rëndësishëm në startin e përsosur të Barcelonës këtë sezon. Skuadra e drejtuar nga Hansi Flick ka grumbulluar nëntë pikë pas triumfeve ndaj Elche, Athletic Club dhe Rayo Vallecano.

Flick pritet të sqarojë më tepër situatën e Yamalit gjatë konferencës për shtyp para ndeshjes. Po të shtunën, anësori u zgjodh një nga pesë kapitenët e Barcelonës, pas votimit të zhvilluar mes lojtarëve.

Në anën tjetër, Gavi dhe talenti i ri Gabriel Jesus u rikthyen në stërvitje me grupin dhe mund të jenë pjesë e skuadrës. Frenkie de Jong dhe Roony Bardghji vazhdojnë të mungojnë për shkak të dëmtimeve afatgjata në gju.

Barcelona do të niset drejt Valencias gjatë pasdites së të shtunës.

The post Barcelona në alarm para sfidës me Valencian, Yamal mungon në stërvitjen e fundit appeared first on Albeu.com.

Përmes një video të publikuar në rrjetet sociale, Berisha ka përcjellë mesazhin e parë nga toka iberike.

Berisha shton se rikthehet në Spanjë, aty ku ishte për herë të fundit në vitin 2013 si kryetar i PD dhe njëkohësisht kryeministër i vendit.

“Spanja, Madridi do ishte vendi ku unë mora pjesë për të fundit herë në Kongreset e Partisë Popullore Europiane, pasi kisha dhënë dorëheqjen.

Sot rikthehem, po në Spanjë për të marrë pjesë për herë të parë pas rikthimit, në Kongresin e Partisë Popullore Europiane”, shprehet Berisha.

The post Kongresi i PPE/ Berisha mesazh nga Spanja: Rikthehem aty ku isha për herë të fundit (VIDEO) appeared first on Albeu.com.

Formacionet zyrtare:

Valencia:

⚽ XI INICIAL 🆚 @FCBarcelona_es#VCFBarça#ADNVCF pic.twitter.com/CVtRulPZA7

— Valencia CF (@valenciacf) February 6, 2025

Barcelona:

🚨 BARÇA XI 🚨#ValenciaBarça pic.twitter.com/GDcsfbCM9k

— FC Barcelona (@FCBarcelona) February 6, 2025

The post Barcelona kërkon gjysmëfinalen e Kupës së Mbretit kundër Valencias sonte, formacionet appeared first on Albeu.com.

Blugranat ishin në formë të mirë në këtë ndeshje, duke e zhbllokuar që në minutën e dytë me golin e Frenkie de Jong.

Në minutën e tetë, Ferran Torres shënoi pas asistimit te Alejandro Baldes për 2-0.

Raphinha shënoi për 3-0 në minutën e 14-të, duke i dhënë fund dilemave për fituesin në këtë ndeshje.

Fermin Lopez doli në skenë duke shënuar dy herë në minutat 24 dhe 45 për ta mbyllur pjesën e parë me rezultatin 5-0.

Më të filluar pjesa e dytë, Hugo Duro zbuti epërsinë e Barcelonës në 5-1.

Robert Lewandowski që u fut në lojë në minutën e 60-të, pas gjashtë minutash shënoi për 6-1.

Image

Cesar Tarrega e mbylli ndeshjen me një autogol për 7-1.

Barcelona me këtë fitore mbetet në vendin e tretë me 42 pikë, ndërsa Valencia është e 19-ta me 16 pikë. /Telegrafi/

The post Barcelona e shkatërron Valencian, 7:1 appeared first on Albeu.com.