vale e te nxehtit Archives - Albeu.com

Japonia “digjet” nga vapa, përjeton valën më të nxehtë që nga viti 1875

E B — Wed, 29 Jun 2022 14:26:57 +0000

Japonia po përjeton ditë të nxehta, duke përjetuar valën më të nxehtë që nga viti 1875, duke bërë termometrin të shënojë 41 gradë. Nxehtësia e madhe ka tërhequr paralajmërime zyrtare për një mungesë të mundshme të energjisë dhe ka çuar në thirrje për njerëzit që të kursejnë energjinë sa të kenë mundësi.

Por qeveria ende po i këshillon njerëzit që të përdorin kondicionerin për të shmangur goditjen e nxehtësisë pasi rastet e shtrimit në spital rriten me të nxehtin.

Zyrtarët e motit paralajmërojnë se vapa do të vazhdojë edhe në ditët në vijim.

Valët e të nxehtit janë bërë më të shpeshta, më intensive dhe zgjasin më shumë për shkak të ndryshimeve klimatike të shkaktuara nga njerëzit.

Bota tashmë është ngrohur me rreth 1.1C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve./albeu.com

The post Japonia “digjet” nga vapa, përjeton valën më të nxehtë që nga viti 1875 appeared first on Albeu.com.

“Çmendet” moti në Spanjë, temperaturat mbi 40 gradë që në maj

E B — Sat, 21 May 2022 17:17:28 +0000

Disa zona të Spanjës po përjetojnë majin me të nxehtë ndonjëherë me temperatura mbi 40 gradë Celsius në disa vende, sipas agjencisë shtetërore të motit, AEMET.

Agjencia lëshoi paralajmërime për të nxehtin në 10 rajone, duke thënë se mund të jetë “një nga valët më intensive” të të nxehtit në vite.

Ndryshimet klimatike po i bëjnë valët e të nxehtit më të shpeshta dhe më intensive.

Moti i ngrohtë pranveror i Spanjës është rezultat i ajrit të nxehtë që vjen nga Afrika e Veriut, duke bërë që temperaturat të rriten deri në 15 gradë Celsius mbi mesataren për këtë periudhë të vitit.

Temperaturat gjatë natës kanë qenë gjithashtu jashtëzakonisht të larta, duke mbetur mbi 25 gradë Celsius në disa zona të premten mbrëma.

Shkencëtarët thonë se valët e të nxehtit ka të ngjarë të bëhen më të shpeshta dhe më intensive në mbarë botën, me rritjen e temperaturave globale. Ndikimi i tyre gjithashtu ka të ngjarë të jetë më i përhapur./albeu.com

The post “Çmendet” moti në Spanjë, temperaturat mbi 40 gradë që në maj appeared first on Albeu.com.

Po shuanin flakët që shpërthyen nga i nxehti, vdesin dy zjarrfikës në SHBA

E B — Sun, 11 Jul 2021 13:18:41 +0000

Shtetet e Bashkuara të Amerikës për shkak të valës së të nxehtit janë përfshirë nga zjarri. Komuniteteteve të zonave ku ka rënë zjarr u është kërkuar të revakuuohen, ndërsa zjarrfikësit po luftojnë me flakët në kushte ekstreme.

Dy zjarrfikës në Arizona kanë humbur jetën, pasi avioni i tyre u rrëzua ndërsa po i përgjigjeshin zjarrit.

Ndërkohë, në Las Vegas të shtunën temperaturat kanë arritur në 47.2 gradë Celsius.

Zjarrfikësit që luftojnë me zjarret e shumta në rajon, thonë se ajri është aq i thatë sa një pjesë e mirë e ujit që hidhet nga avionët për të shuar flakët avullohet para se të arrijë në tokë./albeu.com

The post Po shuanin flakët që shpërthyen nga i nxehti, vdesin dy zjarrfikës në SHBA appeared first on Albeu.com.