Zemaj tha që nga fillimi i përhapjes së Covid-19 nuk ka pasur menaxhim të pandemisë.

“Kam frikë se mund të prekemi prapë”, paralajmërohet vala e re e COVID-19 në Kosovë

Profesionistët shëndetësor kanë thënë për Ekonomia Online se Kosova mund të përballet me një valë të re të Coronavirusit, për shkak të rritjeve të rasteve në shtetet tjera. E, në këtë situatë, ish-ministri i Shëndetësisë, Armend Zemaj, e sheh si të papranueshme që kjo ministri të udhëhiqet me ushtrues detyre.

Zemaj tha që nga fillimi i përhapjes së Covid-19 nuk ka pasur menaxhim të pandemisë.

Më tej, ai tha për Ekonomia Online se Qeveria nuk e ka vëmendjen te menaxhimi i pandemisë, e sipas tij kjo mund të shkaktoj përkeqësim të situatës.

“E kemi potencuar që nga fillimi se menaxhim pothuajse fare nuk ka. Ka veprime ad-hoc të pa analizuara me mos përkrahjen e rekomandimeve të profesionistëve të fushës dhe kjo gjithmonë rikthehet në pasoja. Pavarësisht situatës së qetë pandemike çdo herë kur ka veprime të masave shihet që janë masa të pa analizuara që janë në konflikt me njëra-tjetrën dhe më së paku i kontribuojnë ruajtjes së shëndetit publik. Kjo është shqetësuese për neve dhe sigurisht e kemi thënë që duhet një vëmendje tjetër dhe një përkushtim në raport me menaxhimin e pandemisë. Nuk kemi parë hapje të kontrolluar dhe për këtë arsye e quajmë keqmenaxhim. Me masat e reja shqetësimi im është që do të kemi një situatë të përkeqësuar në të ardhmen e afërt dhe pa një vëmendje të qeverisë dhe ministrisë së Shëndetësisë”, tha Zemaj.

Sipas tij, rritja e numrit të rasteve në rajon dhe vdekjeve tregon që detyrimisht Kosova do t’i nënshtrohet një vale të re.

“Çdo herë ajo që shihet në rajon dhe Evropë duhet të jetë shqetësim për ne. Sektori më i rëndësishëm në situatën në të cilën gjendet ministria e Shëndetësisë me ushtrues detyre. Kjo tregon që Qeveria nuk e ka vëmendjen dhe nuk e ka prioritet situatën me menaxhimin e pandemisë. Rritja e numrit të rasteve në rajon, vdekjeve tregon që detyrimisht edhe ne do t’i nënshtrohemi një vale të re, prandaj vaksinimin masiv nuk e kemi parë. Çdo grumbullim i cili bie në konflikt me analizat që janë në terren në situatën epidemiologjike sigurisht që mund të reflektojë edhe në rritjen e numrit të rasteve. Për këtë arsye kërkohet mbikëqyrje e përkushtim. Si duket nuk është prioritet për Qeverinë e Kosovës, përkrahja në aspektin legjislativ, ndryshimet që duhet të jenë përmbajtjesor enë shëndetësi. Mungesa e barnave në mënyrë ekstreme, mungesa e përkrahjes për pensionistët shëndetësor dhe mungesa me kapacitetet të infrastrukturës. Këto janë të metat më të mëdha që po i shohim në vazhdimësi”, tha ai.

Ndërsa infektologu, Ilir Tolaj tha se në qoftë se nuk vazhdon vaksinimi masiv, ekziston rreziku që Kosova të preket nga valë të reja.

“Ky variant i ri ende nuk ka marrë përmasat e një kërcënimi serioz në kuptim të zëvendësimit të variantit Delta dhe në kuptim të shfaqjes së një vale të re përderisa do të ketë popullatë e cila është e ndjeshme në infeksionin. Derisa do të ketë banorë në Kosovë të cilët ose nuk e kanë kaluar në mënyrë të natyrshme infeksionin ose nuk janë vaksinuar rreziku potencial që këta të infektohen ekziston. Prandaj në qoftë se llogarisim se rreth 700 mijë njerëz janë vaksinuar atëherë një gjysmë milion në Kosovë ende janë të pambrojtur e të cilët janë fëmijët e vegjël të cilët nuk ë kanë kaluar Covidin në mënyrë masive dhe nuk ka filluar vaksinimi i tyre”.

“Rreziku do të ekzistojë që me një variant delta plus edhe në Kosovë do të mund të ketë valë të reja në qoftë se vaksinimi nuk vazhdon me këtë trend. Infeksioni me Covid lenë pasoja afatshkurtra dhe afat gjate. Sfera mendore dhe sistemi nervor qendror me siguri që janë të atakuar nga Sars cov2. Fakti i pandemisë si problem gjithë botëror, i mbylljeve dhe prej të cilit infeksion mund të vdesësh është presion jashtëzakonisht i madh në sferën mendor e të secilit prej pacientëve dhe të kolektiviteti duke rezultuar me një stres pos-tramutaik që ka pasoja afatgjate”, tha Tolaj.

E pulmologu Flamur Marku ,thotë se aktualisht në Klinikën e Pulmologjisë më shumë se gjysma e pacientëve janë të pa vaksinuar.

Megjithatë, doktor Marku tha se varianti Delta Plus përhapet më shpejt dhe në gjendje më të rënduar.

“Aktualisht gjysmën e pacientëve i kemi të pa vaksinuar dhe sigurisht këta që janë post-covid, pacientët që kanë qenë të pa vaksinuar dëmet kanë qenë më të mëdha në mushkëri sesa te këta që kanë qenë të vaksinuar dhe ato janë probleme që tani kanë shkaktuar me fibroza të ndryshme”.

“Për variantin delta plus pas të dhënave që kemi marrë po lexojmë çdo ditë nga raste të ndryshme në botë. Është një variant me përhapje më të shpejtë dhe gjendje më të rënduar. Të gjitha format e Covidit qoftë variantet e mëhershme apo të reja në momentin kur kanë shkaktuar pneumoni ka qenë faza më e rrezikshme. Në momentin kur ulet funksionimi normal i mushkërive atëherë do të kemi probleme dhe nevojën për oksigjen ose hospitalizimit”, tha Marku.

Mes tjerash, Marku tha se në Kosovë mund të ketë edhe valë të tjera të Covidit, e siç thotë ai mund t’i prekë më shumë të rinjtë, pasi ka rënie të interesimit për vaksinim nga moshat e reja.

“Duke i përcjellë të dhënat nga Evropa kam frikë se mund të prekemi prapë nga një valë tjetër por meqenëse numri i të vaksinuarve është i lartë shpresojmë ta kalojmë më lehtë se valët tjera. Në momentin kur është relaksuar situata ne kemi pasur numër më të vogël të pacientëve dhe kështu ka rënë edhe interesimi për vaksinim sidomos nga moshat e reja. Dhe frika jonë është kjo sepse mund të kemi shumë të rinj që mund të infektohen me variantin e ri duke iu shkaktuar edhe pneumoni dhe iu dëmtohen mushkëritë dhe do të ketë nevojë të madhe për hospitalizim”, tha ai./Express

The post Paralajmërohet valë e re e COVID-19 në Kosovë appeared first on Albeu.com.

Javën e fundit është ulur numri i personave të infektuar me koronavirus në Kosovë dhe në të njëjtën periudhë ka rënë edhe interesimi i qytetarëve për vaksinim kundër COVID-19, sëmundjes që shkakton koronavirusi.

Profesionistët bëjnë thirrje për vaksinim, duke shtuar se ka mundësi që të ndryshojë situata pandemike.

“Po harrojnë se ekziston virusi”, paralajmërohet valë e re e COVID-19 në Kosovë

Javën e fundit është ulur numri i personave të infektuar me koronavirus në Kosovë dhe në të njëjtën periudhë ka rënë edhe interesimi i qytetarëve për vaksinim kundër COVID-19, sëmundjes që shkakton koronavirusi.

Profesionistët bëjnë thirrje për vaksinim, duke shtuar se ka mundësi që të ndryshojë situata pandemike.

Lexo Edhe:
Mgid
Mgid

“Lëndim i lehtë trupor”, kështu e cilësoi policia rrahjen brutale të gruas…

Rregullo problemet e tua në shtrat për 5 sekonda
Ditëve të fundit, numri i vaksinave të administruara gjatë një dite ka shkuar deri në 7,000, derisa para një muaji ky numër shkonte në mbi 20,000.

Zyrtarë të Ministrisë së Shëndetësisë thonë se interesimi për vaksinim ka rënë pas qetësimit të situatës me COVID-19 dhe rënies së numrit të viktimave.

“Te çdo kategori ka persona që hezitojnë të vaksinohen, por për fat të mirë, numri i atyre që kanë treguar interesim për vaksinim është më i madh dhe tashmë popullata është vaksinuar në shkallë relativisht të mirë,” thuhet në një përgjigje të Ministrisë së Shëndetësisë.

Për shkak të rënies së interesimit për vaksinim është ndërprerë edhe dhënia e tyre gjatë vikendeve.

Kosova, gjatë javës së kaluar (nga 18-24 tetor) ka regjistruar 95 raste dhe një viktimë me koronavirus, kurse vlerësohet se deri më tani në Kosovë është vaksinuar rreth 39 për qind e popullsisë së përgjithshme.

Fahredin Krasniqi, punonjës në një nga kompanitë publike, thotë se nuk është vaksinuar për shkak se e ka kaluar virusin.

“Tash të shoh, kur kam kohë të lirë do të shkoj të vaksinohem”, thekson ai.

Kurse Arlindi, student nga Prishtina, thotë se ende nuk është bindur se a duhet të vaksinohet.

“Kam lexuar në shumë media në Kosovë dhe atyre jashtë, që janë kundër vaksinimit dhe kjo po më frikëson, kam dyshime” thotë Arlindi.

Ramadani: Mund të ketë rritje të rasteve me COVID-19

Kryetari i Shoqatës së Infektologëve të Kosovës, Hamdi Ramadani, e konsideron shqetësues rritjen e hezitimit të qytetarëve për vaksinim, sidomos te të rinjtë. Ai thotë se qytetarët nuk duhet të kenë frikë nga efektet e vaksinimit, por nga ndikimi i sëmundjes.

Pas lehtësimit të masave nga Qeveria e Kosovës, dhe fillimit të procesit mësimor në institucionet universitare dhe para-universitare, Ramadani thotë se ekziston rreziku i përhapjes së infektimit dhe e vetmja rrugë e shkurtër për t’u mbrojtur është vaksinimi.

“Është e mundshme që në javët e ardhshme të ketë një rritje të numrit të të infektuarve, mund të jetë një valë tjetër, pasi nuk e kemi krijuar imunitetin e tufës, imunitet ky që do ishte mbrojtësi. Të rinjtë, nga 16 deri në 25 vjeç, në disa raste po harrojnë se ekziston virusi, është pandemia, mund të paraqitet infeksioni dhe mund të rrezikohet jeta e tyre”, tha ai.

“Kërkesa e dëshmisë rrit interesimin për vaksinim”

Për të rritur interesimin e qytetarëve të Kosovës për vaksinim, Ramadani thekson se autoritetet kompetente duhet të zbatojnë masat në fuqi, posaçërisht kërkesën për dëshmi të vaksinimit gjatë hyrjes në institucione publike dhe private.

Dëshmia e certifikatës së vaksinimit apo testeve negative për koronavirus, sipas masave në fuqi, duhet të kërkohet për hyrje në institucione shtetërore e private, në restorante apo bare, institucione arsimore dhe gjatë hyrjes në shtetin e Kosovës.

“Kjo është metodë shumë e mirë që mund të kufizojë qarkullimin e çdo personi dhe të dihet se jemi në pandemi dhe ekzistojnë masa parandaluese. Nëse institucionet publike dhe private nuk zbatojnë këto masa, është gabim shumë i madh”, thekson ai.

Në 24 orët e fundit Policia e Kosovës ka shqiptuar 368 gjoba për mosrespektim të masave që janë në fuqi për parandalimin e COVID-19.

Me qëllim të rritjes së nivelit të vaksinimit, Ministria e Shëndetësisë, përmes ekipeve mobile, më 22 tetor ka nisur vaksinimin e qytetarëve kundër COVID-19 në sheshin e Prishtinës.

Një praktikë e këtillë do të fillojë së shpejti edhe në komuna të tjera të Kosovës.

Rreth 39 për qind e popullsisë është vaksinuar në Kosovë

Në Kosovë nga muaji mars i vitit 2021, kur ka filluar procesi i imunizimit, deri më tani, janë administruar mbi 1.5 milion doza të vaksinës.

Prej tyre, rreth 700 mijë qytetarë janë vaksinuar me të dyja dozat kundër koronavirusit, kurse mbi 137 mijë qytetarë janë vaksinuar me dozën e parë.

Kosova ka rreth 1.8 milion banorë dhe nëse llogaritet numri i të vaksinuarave me të dyja dozat, atëherë rezulton se në Kosovë është imunizuar plotësisht rreth 39 për qind e popullsisë.

Kjo shifër, sipas infektologut Ramadani, është shumë e vogël.

Ai thekson se imuniteti i tufës ndaj koronavirusit do të arrihet pasi të vaksinohet 70 për qind e popullatës.

Në Planin Shtetëror të Imunizimit dhe në programin e Qeverisë së Kosovës, të udhëhequr nga kryeministri Albin Kurti, është paraparë se deri në fund të këtij viti të vaksionohet 60 për qind e popullatës.

Nga Ministria e Shëndetësisë kanë thënë se është duke u përgatitur një fushatë e re për nxitjen e vaksinimit.

Maqedoni e Veriut kërkon masa kufizuese pas rënies së interesimit për vaksinim

Interesimi për vaksinim për mbrojtje nga koronavirusi, ka shënuar rënie të theksuar edhe në Maqedoninë e Veriut.

Deri të hënën, sipas të dhënave zyrtare të Ministrisë së Shëndetësisë, me dy doza është vaksinuar rreth 35 për qind e popullsisë së përgjithshme, apo afër 800 mijë persona, ndërsa prej tyre 750 mijë apo 38 për qind me nga një dozë.

Që nga aplikimi i dozës të tretë janë vaksinuar rreth 10 mijë persona.

Ministria, në muajin shtator pati nisur edhe fushatën “Vaksinohu”, ndërsa prej atëherë janë miratuar edhe masa tjera si kufizimi i lëvizjes së personave të pavaksinuar në ambiente të mbyllura dhe në manifestime sportive, por këto masa nuk dhënë efektet e pritura.

Instituti i Shëndetit Publik, nga dita e hënë, 25 tetor, ua ndalon hyrjen në këtë institucion të gjithë personave të pavaksinuar ndërsa drejtori i këtij institucioni, Shaban Mehmeti, thotë se masa të tilla duhet të ndërmarrin të gjitha institucionet shtetërore.

“Neglizhenca e qytetarëve apo mosvaksinimi është një gabim shumë i madh si për shëndetin e tyre. Unë mendoj se Komisioni për Sëmundje Ngjitëse, së bashku me Ministrinë e Shëndetësisë, duhet të ndërmarrin veprime apo masa sa i përket vaksinimit dhe pranisë në punë, si masë për mbrojtje nga COVID-19 dhe transmetimin nga një person te tjetri. Të gjithë personat e punësuar në administratën shtetërore, shëndetësore, në Qeveri, Kuvend e organe tjera shtetërore, duhet të kenë dëshmi vaksinimi”, thotë Shaban Mehmeti, drejtor i Institutit të Shëndetit Publik.

Rajoni i Tetovës, në muajt gusht dhe shtator ishte më i goditur nga COVID-19, pas lehtësimit të masave për dasmat dhe manifestimet tjera familjare në muajt qershor dhe korrik.

Tetova deri tani ka regjistruar 512 të vdekur nga COVID-19, duke u bërë qyteti i dytë, pas Shkupit, me më shumë viktima.

Në gjithë vendin deri tani janë regjistruar 7,036 persona të vdekur.

Tetova, tani është në mesin e qyteteve me më pak të vaksinuar. Nga rreth 1,500 persona sa vaksinoheshin në muajin shtator, tani ky numër sillet mes 100 dhe 150 persona në ditë.

“Dua të bëj thirrje te të gjithë qytetarët që nuk janë vaksinuar, ta bëjnë këtë gjë sa më parë. Ne nuk duhet të harrojmë periudhën që kaluam kur kishim një intensitet të lartë të të infektuarve, rritje drastike edhe të viktimave. Prandaj apeloj që sa më parë të vaksinohen, që të mos kthehet periudha të cilën askush nuk e dëshiron”, thotë mjeku nga Tetova, Besnik Mustafa.

Epidemiologu Dragan Danillovski, thotë se vaksinimi mbetet mjeti i vetëm për luftimin e pandemisë andaj edhe qytetarët nuk duhet të hezitojnë për marrjen e vaksinës nëse duan që vendi dhe jeta e tyre të kthehen në normalitet.

“Vaksinimi kundër sëmundjes COVID-19 është kyç pasi të dhënat, jo vetëm nga shtetet e rajonit, por edhe më gjerë, tregojnë se atje ku vaksinimi është i lartë, apo ku ka arritur deri në 80 për qind të vaksinimit të popullatës, COVID-19 është një sëmundje e lehtë, pa viktima apo të sëmurë rëndë. Në shtetet e rajonit, imunizimi i popullatës sillet mes 35 dhe 40 për qind, andaj edhe kemi më shumë raste të të infektuarve dhe të vdekurve, me mundësi që të kemi edhe mutacione të reja”, thotë Dragan Danillovski.

Ai thotë në kohën kur më shumë se gjysma e popullatës nuk dëshiron të vaksinohet, institucionet duhet të marrin masa që situata të mos përkeqësohet.

Në rajon, shteti i Serbisë prin me përqindjen më të lartë të vaksinimit të qytetarëve kundër koronavirusit.

Deri më tash ky shtet ka vaksinuar mbi 42 për qind të popullsisë së përgjithshme, Maqedonia e Veriut mbi 36 për qind, Mali i Zi 38 për qind, Shqipëria mbi 30 për qind, ndërkaq Bosnje e Hercegovina ka arritur të vaksinojë vetëm mbi 15 për qind të popullsisë së përgjithshme./Express

The post “Po harrojnë se ekziston virusi”, paralajmërohet valë e re e COVID-19 në Kosovë appeared first on Albeu.com.