Dinamika e ngjarjes:

Burime për albeu.com bëjnë me dije se 56-vjeçari Petrit Manaj ka vrarë gruan me thikë dhe më pas dalë nga shtëpia dhe ka shkuar në një lokal për të ngrënë bukë. Këtë e ka bërë që ta shikonin të tjerët që ka qenë jashtë në momentin që ka ndodhur ngjarja. Kur është kthyer në shtëpi, ai gjasme e ka gjetur të vrarë. Në këtë moment, Manaj ka njoftuar vëllain e tij që ka polic. Ky i fundit ka njoftuar sallën operative që kunata ka vrarë veten me thikë, ashtu siç i kishte thënë i vëllai.

Shkaku u ngjarjes:

Dyshohet se shkak i kësaj ngjarjeje ka qenë xhelozia. Burime bëjnë me dije se ata janë zënë me njëri-tjetrin fillimisht, pasi edhe burrit i janë gjetur shenja gërvishtjeje në trup.

Si e zbuluan hetimet që ishte vrasje dhe jo vetëvrasje:

Pas njoftimit të marë në sallën operative se në lagjen “Sheq i Madh”, Fier, në banesën e saj një shtetase është vetëvrarë, menjëherë është ngritur grupi hetimor dhe në bashkëpunim me Prokurorinë Fier kanë vijuar punën për zbardhjen e plotë të rrethanave të ngjarjes.

Nga provat e grumbulluara, deklarimet e marra, këqyrjes së trupit të viktimës nga eksperti mjeko-ligjor dhe veprimet e mëtejshme hetimore të kryera nga grupi hetimor në bashkëpunim me Prokurorisë Fier, rezulton se shtetasi Petrit Manaj, bashkëshorti i viktimës, për motive të dobëta ka goditur me thikë për vdekje gruan e tij, Valdete Manajn.

Në bazë të hetimeve të thelluara, i vendosur përballë provave të adminstruara, Manaj ka pranuar autorësinë dhe motivin e ngjarjes.

Tashmë, ai është arrestuar për veprën penale “Vrasja në rrethana të tjera cilësuese”. Materialet do i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale./albeu.com

The post Zbardhet dinamika e ngjarjes në Fier, si e inskenoi 56-vjeçari vrasjen e gruas appeared first on Albeu.com.

Pas hetimeve të kryera, rezultoi se autor i ngjarjes kishte qenë 56-vjeçari Petrit Manaj, i cili më pas ka pranuar dhe krimin e rëndë dhe shkak i vrasjes është bërë xhelozia.

Fotoja që shihni më poshtë është e viktimës. Burime për Albeu.com bëjnë me dije se para se të ndodhte ngjarja tragjike çifti është zënë, pasi në trupine  autorit janë konstatuar shenja gërvishtjeje.

Tashmë, autori është vënë në pranga ndërsa materialet i kanë kaluar Prokurorisë pranë Gjykatës së Shkallës së Parë Fier, për veprime të mëtejshme procedurale./albeu.com

The post Kjo është 50-vjeçarja që u masakrua me thikë nga bashkëshorti i saj në Fier (FOTO LAJM) appeared first on Albeu.com.