Ngjarja ndodhi në orët e vona të ditës së djeshme dhe sipas raportimeve paraprake, viktima ishte pjesë e një grupi turistësh që po udhëtonin pa guidë të organizuar.

Miqtë e tij gjithashtu turistë të huaj, të tronditur nga ngjarja, njoftuan menjëherë shërbimet e emergjencës.

Sipas policisë, telefonata alarmuese mbërriti rreth orës 19:00, ku u raportua se turisti kishte rrëshqitur nga një shkëmb dhe kishte rënë në humnerë në një zonë të thepisur të shtegut malor.

Nisur nga serioziteti i situatës, menjëherë u mobilizuan forcat e Policisë së Shtetit, ekipet e kërkim-shpëtimit malor, infermierë si dhe një helikopter u nis nga Tirana për të lehtësuar aksesin në terren dhe për të mundësuar evakuimin e mundshëm të personave të tjerë në rrezik.

Në vendin e ngjarjes sipas Artur Gunit, President i Federates Shqiptare te Alpinizmit dhe Turizmit Malor, mbërritën edhe specialistët e njësive të shpëtimit malor nga Shqipëria dhe Kosova, si pjesë e një bashkëpunimi rajonal për ndërhyrje emergjente në zonat e thella malore.

Federata Shqiptare e Alpinizmit dhe Turizmit Malor, iu përgjigj menjëherë thirrjes për ndihmë duke dërguar një ekip profesionistësh nga zona e Valbonës, të cilëve iu bashkua edhe një përfaqësues i policisë lokale.

Po ashtu, në ndihmë u angazhua edhe një grup i specializuar nga Federata e Bjeshkatarisë dhe Ngjitjes Sportive të Kosovës.

Operacioni për lokalizimin dhe nxjerrjen e trupit të pajetë u përball me vështirësi ekstreme, për shkak të terrenit të vështirë dhe rrezikshmërisë së lartë.

Pavarësisht orëve të vona dhe kushteve të vështira, ekipet e shpëtimit punuan pa u ndalur gjatë gjithë natës.

Vetëm në orët e para të mëngjesit të sotëm, pas një përpjekjeje të gjatë dhe të rrezikshme u bë e mundur nxjerrja e trupit të pajetë nga humnera ku kishte rënë turisti.

Zonat malore të Thethit dhe Valbonës, janë ndër më të vizituarat në Shqipëri nga turistët vendas dhe të huaj, por shtegu që lidh këto dy destinacione, ndonëse mbresëlënës për bukurinë natyrore, mbetet sfidues dhe kërkon përgatitje të mirë fizike, orientim të qartë dhe në shumë raste shoqërim me guidë të licencuar.

Rasti i fundit rikthen edhe një herë në vëmendje nevojën për masë më të rrepta sigurie dhe ndjekjen e protokolleve të sigurisë në udhëtimet malore.

Gjatë muajve të fundit, ky është rasti i dytë i një ngjarje me pasoja tragjike për jetën e turistëve të huaj në Alpet e Shqipërisë.Autoritetet shqiptare kanë nisur hetimet për të zbuluar të gjitha rrethanat e ngjarjes, ndërsa trupi i pajetë i turistit do të transportohet për në morgun e spitalit të Shkodrës, për procedurat e mëtejshme ligjore dhe identifikimin zyrtar nga autoritetet konsullore holandeze.

The post Tragjike/ Nxirret nga humnera trupi i pajetë i turistit holandez appeared first on Albeu.com.

Sipas Çelajt, qytetarëve po humbin kursimet e një jete, teksa shtoi se nuk ka asnjë procedim pë rata zyrtarë që lejuan ndërtimin e këtyre objekteve.

“Fadromat e IKMT-së rilindase sot kanë shkatërruar disa ndërtesa në fshatin Valbonë duke ua shkatërruar ato që ata i kanë ndërtuar me shumë mundin e djersë!!!

Ajo që vërehet dhe për këtë qytetarët janë të indinjuar se pse nuk ka asnjë procedim administrativ apo penal për të gjithë ata zyrtar pjesë të strukturave ligjzbatuese që kanë lejuar t’i ndërtojnë ato ndërtesa!

Ato ndërtesa nuk janë ndërtuar për një natë e as pa një dakortësi korruptive të atyre që e kanë detyrë zbatimin ligjit dhe sqarimin e banorëve për procedurat e pajisjes me leje ndërtimi”, shkruan Çelaj.

The post Deputeti i PD reagon për aksionin e IKMT në Valbonë: U ndërtuan me mund e djersë appeared first on Albeu.com.

Dje u shembën disa struktura të paligjshme, ndërsa aksioni ka vijuar edhe sot, duke përfshirë prishjen e disa bujtinave që prej vitesh funksiononin në zonë, por që rezultonin të ndërtuara pa lejet përkatëse.
Ndërhyrja është pjesë e përpjekjeve për të ndaluar shfrytëzimin e paligjshëm të territorit dhe për të mbrojtur peizazhin natyror të Parkut Kombëtar të Valbonës, një nga perlat turistike të veriut të Shqipërisë.

Megjithëse bujtinat kanë qenë aktive prej kohësh, autoritetet kanë theksuar se ndërtimet pa dokumentacion ligjor nuk mund të tolerohen, veçanërisht në zona të mbrojtura.

The post IKMT vijon aksionin në Valbonë, prishen bujtina të ndërtuara prej vitesh pa leje appeared first on Albeu.com.

Të dy banorët kanë “ndezur” shtëpinë me debatet e tyre, teksa vetëm njëri do të vazhdojë rrugëtimin për të fituar çmimin e madh.

Një surprizë emocionuese dhe për herë të parë nominime të hapura.

Për të zbuluar këto dhe për të mos humbur disa surpriza emocionuese, ndiqni sot spektaklin e madh në Top Channel, DigitAlb me dy kanalet e dedikuara “Big Brother VIP 1” dhe “Big Brother VIP 2”, dhe në kanalin zyrtar të Top Channel në YouTube.

The post Kush do të eliminohet mes Valbonës dhe Laertit? Surprizë emocionuese dhe nominime të hapura appeared first on Albeu.com.

Kryeministri Edi Rama ndau në rrjetet sociale pamje nga kjo luginë, duke ftuar turistët edhe të pasionuarit pas alpinizmit ta vizitojnë atë.

“Dëbora e Valbonës, ogur i mirë i nisjes së një sezoni fantastik për të gjithë pasionantët e turizmit dimëror”, shkruan Rama.

Lugina e Valbonës e konsideruar një mrekulli më vete me peizazhe pyjore e ujore, male e lugina mbresëlënëse është një ndër më të frekuentuarat nga turistët vendas e të huaj.

Ajo është shpallur Park Kombëtar në janar të 1996 dhe ka një sipërfaqe prej 8000 hektarësh. E konsideruar si mrekullia e Alpeve ndodhet 25-30 km në veri – perëndim të qytetit Bajram Curri. Kufizohet me Parkun Kombëtar të Thethit dhe zonën natyrore të mbrojtur Lumi i Gashit. Territori i tij përshkohet nga rruga automobilistike Bajram Curri-Dragobi-Valbonë e Çerem.

Ka maja të larta e të thepisura dhe për çdo stinë ndërron koloritin e ngjyrave, duke paraqitur një dinamikë të jashtëzakonshme imazhesh në kushtet e një lugine plot të papritura e me shumë labirinthe.

The post Rama: Dëbora e Valbonës, ogur i mirë për të gjithë pasionantët e turizmit dimëror appeared first on Albeu.com.

Kanë kaluar 39 ditë që kur Cameron Twiss, u zhduk pa lënë gjurmë në një shteg shqiptar, dhe ndërsa koha kalon, edhe vendasit me përvojë kanë filluar të ngrenë pyetje mbi rrethanat e çuditshme të zhdukjes së tij.

28 vjeçari u pa për herë të fundit në orën 8 të mëngjesit të 13 tetorit, pasi u nis në shtegun midis Valbonës dhe Thethit, një nga shëtitjet më të njohura të rajonit.

Kur u ngrit alarmi mbi vendndodhjen e Twiss, autoritetet zbuluan rrobat dhe pasaportën e tij në hotelin e tij në Shkodër aty pranë.

Anëtarët e familjes së tij në mëshirë të fatit udhëtuan nga Australia e Jugut, për të varur postera për personin e zhdukur në qytetin e vogël të Valbonës dhe vëllai i tij mori pjesë në disa aksione kërkimi në këmbë.

Deri më tani, përpjekjet e mëdha për të gjetur Twiss kanë qenë të pasuksesshme.

E mbushur plot me bujtina dhe hotele, Shkodra është fillimi i një ecje mahnitëse drejt Alpeve Shqiptare, duke tërhequr më shumë se 500,000 vizitorë çdo vit.

Arlind Shkembi, i cili administron, një nga pikat turistike të mbushura me alpinistë të rinj në sezonin e pikut, dëgjoi për zhdukjen e Twiss kur një grup vajzash australiane erdhën në hotelin e tij rreth dy javë më parë, javë pasi 28-vjeçari u pa për herë të fundit.

“Ata po pinin dhe po flisnin për malet dhe thoshin: “Hej, a keni dëgjuar për këtë rast”? – tha ai. Kur u pyet se çfarë besonte se mund t’i kishte ndodhur australianit, ai tha se nuk kishte mundësi që ai të mund ta kishte gjetur veten në telashe në Valbonë, një ecje të cilën ai e përshkroi si “aq e lehtë sa e bëjnë 70-vjeçarët”.

“Zona është gjithmonë e mbushur me njerëz nga vende të tjera. Ka kabina që shërbejnë kafe ose, nëse ngeceni natën atje, të japin batanije ose diçka për t’u ngrohur”, tha ai.

Shkembi tha se kushtet e ecjes në tetor ishin “të ftohta, por të realizueshme”, por moti ishte i paparashikueshëm dhe besonte se ka mundësi që 28-vjeçari të kishte dalë nga shtegu në një terren të vështirë dhe të rrezikshëm.

Në maj 2023, dy turiste femra, një belge dhe një franceze, rrëshqitën për vdekje pasi u larguan nga rruga e duhur, në kushte dëbore dhe mjegull.

Një anëtare e stafit të një hoteli aty pranë, nga më të njohura të zonës për udhëtarët australianë, ra dakord me teorinë e z. Shkembi.

Ajo tha se ishte “jashtëzakonisht e rrallë” që alpinistët të vriteshin ose të plagoseshin në muajt e ngrohtë.

“Nëse dilni nga rruga e caktuar, disa zona janë shumë të rrezikshme për shëtitje atje”, tha ajo. “Por në verë, nuk ka borë dhe shumë njerëz përreth, kështu që është shumë e vështirë të humbasësh ose të mos marrësh ndihmë”.

Një zëdhënës i Shërbimit Shqiptar të Kërkimit dhe Shpëtimit Malor, i cili mori pjesë në kërkimet e shumta të pasuksesshme të organizatës vullnetare për z. Twiss, tha se një turist që u vra ose u plagos në rrugën e ngarkuar ishte “jashtëzakonisht e pazakontë”.

Organizata ka ndihmuar gjithashtu policinë për të folur me banorët, udhërrëfyesit vendas dhe të huaj dhe bujtinat në kërkim të dëshpëruar për përgjigje – pa dobi.

Ata thanë se ishin “gati për të rifilluar misionin e kërkimit” nëse do të dilnin informacione të reja për zhdukjen e Twiss. Në fillim të kësaj jave, një nga miqtë e Twiss i tha The Advertiser hodhi dyshime për zhdukjen e tij.

“Unë thjesht mendoj se – nëse ata kanë bërë punën e tyre – do të kishte disa shenja të tij”, thanë ata.

“Nuk mund të mos imagjinosh më të keqen dhe të kesh frikë se ai është trafikuar ose vrarë”.

Por z. Shkembi tha se ai besonte se zona ishte e sigurt, me turistët që shpesh bëhen miq me njëri-tjetrin në qytet përpara se të niseshin për ecjet e tyre.

Policia në Shkodër po ndihmonte në kërkimin për z. Twiss, por i tha The Advertiser se hetimi ishte tani në duart e Policisë së Shtetit Shqiptar dhe autoriteteve bashkiake Tropojë.

Policia e Shtetit Shqiptar, nuk iu përgjigj kërkesave për një përditësim të rastit brenda afatit. Një zëdhënës i Departamentit të Punëve të Jashtme dhe Tregtisë tha se DFAT po ofronte ndihmë konsullore për familjen e z. Twiss, por nuk mund të jepte komente të mëtejshme për arsye të privatësisë. Kushdo në zonë me informacion për zhdukjen e tij është nxitur të kontaktojë autoritetet.

The post Zhdukja e australianit në Valbonë/ Gazeta “The Advert­iser” ndërton kronologjinë e ngjarjes appeared first on Albeu.com.

Turisti dyshohet se është nisur në drejtim të Thethit dhe që prej 6 shtatori nuk ka asnjë informacion për të.

Ekipet e kërkim-shpëtimit të Kosovës dhe Shqipërisë sot në mëngjes kanë nisur një aksion të përbashkët për gjetjen e tij. Kërkimet po përqendrohen në shtegun Valbonë–Theth.

The post Turisti lituanez në Valbonë prej tre ditësh i zhdukur, nis operacioni i kërkimit appeared first on Albeu.com.

Në një video të shpërndarë në rrjetet sociale, ai shihet teksa këndon e kërcen me këngëtarin Bes Kallaku, “bëjmë jetë qejfi e luksi, e para Laçi, e para Kukësi”.

Teksa mban bluzën e tij të preferuar jeshile dhe qeleshe në kokë, Meta duket teksa kecën me vrull.

@ilirmetazyrtarKur Lugina e Valbonës ndizet flakë🔥 nga Bes Kallaku me këngën: “E para Laçi e para Kukësi!”♬ original sound – Ilir Meta

Një ditë pas “festës”, ish-presidenti ka ndarë një tjetër video ku lahet në ujërat e ftohta të Valbonës.

“Mirmëngjesi nga Valbona, nga zemra e maleve tona. Malet tona më të larta, ujërat tona më të kaltra”, thotë Meta pas zhytjes në lumë.

@ilirmetazyrtarMirëmëngjes nga Valbona, zemra e Alpeve tona! ❤️⛰️🇦🇱 Malet tona më të larta! Ujrat tona më të kaltra!♬ original sound – Ilir Meta

The post Ilir Meta vazhdon pushimet në Valbonë me Bes Kallakun: E bëjmë jetë qejfi, e bëjmë jetë luksi (VIDEO) appeared first on Albeu.com.

Në ndihmë të saj menjëherë janë nisur ekipet e Kërkim Shpëtimit të Federatës Shqiptare të Alpinizmit dhe forca të policisë.

Gjithashtu është vendosur kontakti me Qendrën e Urgjencës Kombëtare, nëse do nevojitet helikopteri.

Turistja e lënduar ka qenë së bashku me një grup, të cilët po eksploronin zonën e Qafë-Valbonës. Priten më tepër detaje në vijim.

The post Aksidentohet turistja në Qafë Valbonë, policia niset drejt vendngjarjes appeared first on Albeu.com.

Policia informon se policia gjatë kërkimeve në zonën e Valbonës ka gjetur trupat e pajet të dy turistëve belgë.

Policia së bashku me ekipin mjekësor kanë shkuar në vendin ku ranë dy turistet dhe gjetën trupat e pajetë të  shtetases  belge, B.M dhe shtetases franceze J.B.

Në ndihmë të shërbimeve policore është nisur menjëherë skuadra alpine e FNSh Shkodër, pasi për shkak të terrenit shumë të vështirë dhe motit të keq, punonjësit e Policisë që ndodhen në vendngjarje, e kanë të pamundur nxjerrjen e trupave nga humnera. Po për shkak të motit të keq, edhe helikopteri nuk ka mundur të ulet në vendin ku janë gjetur të pajeta turistet.

Për të mundësuar nxjerrjen e trupave të pajetë, shërbimet e Policisë vendore dhe të asaj kufitare, si dhe skuadra alpine, po bashkëpunojnë me Emergjencat Civile dhe me Ministrinë e Mbrojtjes.

Njotimi:

Pas njoftimit se dy turiste të huaja, duke eksploruar zonën e Valbonës, ishin rrëzuar për shkak të terrenit të thepisur dhe kishin rënë në greminë, shërbimet e Komisariatit të Policisë Tropojë, ato të Drejtorisë Vendore dhe të Policisë Kufitare, së bashku me ekipin mjekësor, janë nisur menjëherë në drejtim të vendit ku kishin rënë dy turistet.

Pavarësisht territorit shumë të vështirë dhe motit të keq me mjegull dhe me borë, shërbimet e Policisë, pas shumë kërkimesh, kanë bërë të mundur që në vendin e quajtur “Qafë Valbonë”, të gjenin trupat e pajetë të dy turisteve, shtetases belge B. M. dhe shtetases franceze J. B.

Në ndihmë të shërbimeve policore është nisur menjëherë skuadra alpine e FNSh Shkodër, pasi për shkak të terrenit shumë të vështirë dhe motit të keq, punonjësit e Policisë që ndodhen në vendngjarje, e kanë të pamundur nxjerrjen e trupave nga humnera. Po për shkak të motit të keq, edhe helikopteri nuk ka mundur të ulet në vendin ku janë gjetur të pajeta turistet.

Për të mundësuar nxjerrjen e trupave të pajetë, shërbimet e Policisë vendore dhe të asaj kufitare, si dhe skuadra alpine, po bashkëpunojnë me Emergjencat Civile dhe me Ministrinë e Mbrojtjes.

Grupi hetimor i Drejtorisë Vendore të Policisë Kukës ndodhet në vendngjarje dhe në drejtimin e Prokurorisë, po punon për zbardhjen e rrethanave të kësaj ngjarjeje dhe për përcaktimin e shkakut të humbjes së jetës së dy turisteve.

The post Tragjike, erdhën për të eksploruar bukuritë e vendit tonë, humbin jetën dy turistë në Valbonë appeared first on Albeu.com.