Tivari, rezulton të jetë shoku i viktimës Valbon Beqiraj dhe herë pas herë furnizohej pa lek me lëndë narkotike kokainë, tek Beqiraj.

Edhe në momentin kur ka ndodhur vrasja, Tejlor Tivari, ka shkuar në banesën ku qëndronte Beqiraj, për të marë lëndën narkotike.

Por për shkak të një konflikti që ka ardhur si pasojë e ndjenjave sentimentale mes dy protagonistëve, ka lindur një konflikt që ka shkuar në përplasje fizike dhe përdorim të thikës, duke çuar në vrasjen e Valbon Beqiraj.

Sipas tabelës fotografike, Beqiraj, është gjetur në ambientet e shtëpisë me disa plagë në trup, ndërkohë kishte të veshura vetëm mbathjet.

në foto: Viktima, Valbon Beqiraj

Në dëshminë e siguruar nga gazetari Elton Qyno, Tivari, ka treguar në polici detaje të sakta mbi dinamikën e krimit të rëndë, duke pohuar se ai punon si kamarier në një hotel në Durrës.

Me Valbon Beqirajn, njihej prej disa kohësh dhe herë pas here furnizohej tek ai me lëndë narkotike, duke ja marë pa lek.

Edhe ditën kur ka ndodhur ngjarja e rëndë, ai ka shkuar në shtëpinë e motrës së viktimës, por që aty banonte Beqiraj dhe i ka kërkuar të marë lëndën narkotike.

Por për shkak të një debati të lindur aty lidhur me ndjenjat sentimentale, të dy personat janë përfshirë në përplasje fizike.

Tivari, i ka treguar policisë se rrugës kur ka shkuar në shtëpinë e Beqiraj, kishte gjetur një thikë dhe me këtë thikë e ka goditur disa herë në trup 51-vjeçarin kur janë përleshur.

Ndërkohë autori i krimit ka rrëfyer në polici se Valbon Beqiraj, në përleshje e sipër e ka goditur disa herë në trup dhe kafshuar në duar.

Mbi bazën e kësaj dëshmie dhe provave të tjera, policia i ka komunikuar arrestimin Tivarit, ndërsa verifikime të tjera janë duke u kryer në vijim, pasi dyshohet se autori edhe më parë ka qënë i arrestuar për plagosje të rëndë me dashje.

Tivari, ka pranuar autorësinë e krimit. Ndërkohë pritet që në ditët në vijim të dalë para gjykatës së Durrësit për t`u njohur me masën e sigurisë “arrest në burg”.

The post Vrasja e 51-vjeçarit Valbon Beqiraj në Durrës/ Arrestohet autori, zbardhet shkaku i krimit të rëndë (EMRI) appeared first on Albeu.com.

Ky është përfundimi i policisë së Durrësit: Nga ekspertiza paraprake mjeko-ligjore, rezulton se në trupin e Valbon Beqirajt, u konstatuan shenja dhune dhe plagë të shkaktuara nga mjet prerës.

Policia po punon për identifikimin dhe arrestimin e autorit/ve.

“Vijojnë veprimet e thelluara hetimore për zbardhjen e vrasjes së ndodhur mbrëmjen e djeshme, në lagjen nr. 12, Durrës. Më datë 24.09.2025, rreth orës 19:30, shërbimet e Policisë kanë marrë njoftim se në lagjen nr. 12, Durrës, në banesë, është gjetur pa shenja jete shtetasi Valbon Beqiraj, alias M. B., rreth 51-vjeç.

Nga ekspertiza paraprake mjekoligjore e kryer nga grupi hetimor, nën drejtimin e Prokurorisë, ka rezultuar se në trupin e 51-vjeçarit kishte shenja dhune dhe plagë të shkaktuara me mjet prerës (thikë), si pasojë e të cilave dyshohet se ky shtetas ka humbur jetën. Përgjatë natës dhe aktualisht, grupi i posaçëm hetimor ka kryer dhe është duke kryer një sërë veprimesh të thelluara hetimore, me qëllim zbardhjen dhe dokumentimin e ngjarjes, identifikimin dhe kapjen e autorit/ve.

Në përfundim të veprimeve, do të ketë një njoftim të plotë dhe të detajuar në lidhje me këtë ngjarje”, sqaron policia.

The post Ky është 51-vjeçari i cili u gjet i vrarë në banesën e tij në Durrës/ Zbardhen detaje të reja, çfarë tregoi ekspertiza appeared first on Albeu.com.