Sipas specialistes Rudina Çumashi, rreziku prek të gjithë popullatën. Ajo thekson se të moshuarit dhe personat me sëmundje kronike apo probleme të tjera shëndetësore duhet të kontrollojnë herë pas here tensionin dhe diabetin, të qëndrojnë në ambiente të freskëta, të tregojnë kujdes me marrjen e medikamenteve dhe të mbajnë gjithmonë kontakt me mjekun e familjes ose me mjekun specialist.

Specialistët këshillojnë gjithashtu konsumimin e ushqimeve të shëndetshme, por nënvizojnë se në këto temperatura duhet treguar vëmendje e shtuar për të shmangur helmimet ushqimore.

Siç shprehet ajo, ushqyerja gjatë ditëve të nxehta duhet të përbëhet nga vakte të lehta, ushqime të lëngshme, produkte të pasura me perime të freskëta të stinës, si edhe fruta.

Nga ana tjetër, kërkohet kujdes i veçantë në përgatitjen dhe ruajtjen e ushqimeve, pasi temperaturat e larta favorizojnë prishjen e tyre dhe mund të shtojnë rrezikun për diarre, të vjella apo helmim nga ushqimi, shtoi ajo.

Vëmendje duhet treguar edhe gjatë frekuentimit të plazheve dhe pishinave. Përveç djegieve nga dielli, ujërat mund të bëhen shkak për infeksione të ndryshme në lëkurë, ndaj specialistët kërkojnë ruajtjen e higjienës personale.

The post ISHP bën thirrje për kujdes nga helmimet ushqimore për shkak të temperaturave të larta appeared first on Albeu.com.

Duke marrë parasysh këtë situatë, Ministria e Shëndetësisë ka bërë thirrje për kujdes të shtuar dhe zbatim të masave mbrojtëse, duke përcjellë edhe rekomandimet e specialistëve të Institutit të Shëndetit Publik.

Sipas ekspertëve, është thelbësore që të konsumohen lëngje në mënyrë të rregullt, të shmanget ekspozimi në diell gjatë orëve kur temperaturat arrijnë kulmin dhe të zgjidhen ambiente të freskëta e të ajrosura.

Gjithashtu, autoritetet këshillojnë që qytetarët të veshin rroba të lehta dhe, në rast se shfaqin simptoma si marramendje, lodhje të fortë apo vështirësi në frymëmarrje, të kërkojnë menjëherë ndihmë mjekësore.

Autoritetet shëndetësore bëjnë të ditur se temperaturat e larta pritet të vazhdojnë edhe në ditët në vijim, ndaj respektimi i këtyre këshillave dhe tregimi i kujdesit mbetet i domosdoshëm për të shmangur problemet shëndetësore që lidhen me vapën.

The post Ministria e Shëndetësisë jep udhëzime për valën e të nxehtit në Shqipëri: Masat që duhet të ndjekin qytetarët appeared first on Albeu.com.