vakte Archives - Albeu.com

Sa vakte në ditë duhet të konsumoni nëse vuani nga diabeti?

E B — Thu, 01 Jun 2023 11:08:36 +0000

Ushqimi i tepërt dhe me shumë sheqer njihet si armiku më i madh i kësaj sëmundje.

Niveli i lartë i sheqerit në gjak është një simptomë problematike e sëmundjes së diabetit.

Kjo gjendje mund t’ju shkaktojë dëmtime të arterieve të syrit, të veshkave, zemrës dhe madje trurit.

Nëse vuani nga diabeti sheqeri në gjak është zakonisht më i lartë se normalja.

Të menaxhosh sëmundjen e diabetit është një sfidë e vërtetë, pasi kujdesi duhet të jetë i përditshëm dhe në çdo vakt.

Ushqimi i tepërt dhe me shumë sheqer njihet si armiku më i madh i kësaj sëmundje.

A duhet të lini vaktet pa ngrënë

Mjekët rekomandojnë që vaktet të konsumohen gjithnjë strikte dhe të bazuara në një dietë të shëndetshme.

Gjithsesi edhe nëse në këto raste niveli i sheqerit në gjak është akoma i lartë kjo nuk do të thotë që ju duhet të lini vaktet pa ngrënë.

Në vend që të evitoni ushqimin përpiquni të kuptoni shkaqet që po ju shkaktojnë këtë simptomë.

Në shumë raste edhe kur ju evitoni të konsumoni ushqim për të ulur nivelin e sheqerit në gjak kjo mënyrë do t’ju japë efektin e kundërt.

Trupi do të ndihet i uritur dhe nën presion, pra nuk do të ketë një funksionim normal të tij.

Gjëja më e mirë që mund të bëni është të shihni me kujdes arsyet që po j’ua shkaktojnë këtë simptomë.

Shkaqet që ju rrisin sheqerin në gjak

Nëse niveli i sheqerit në gjak është më i lartë se normalja filloni gjithnjë të evitoni shkaqet që po j’ua shkaktojnë atë.

Nëse keni ngrënë ushqime me shumë karbohidrate si patatet apo edhe brumërat atëherë me shumë mundësi ato po ju dëmtojnë.

Nëse jeni të sëmurë apo nën efektin e ilaçeve të tjera kjo mund t’ju rrisë nivelin e sheqeir në gjak.

Edhe lënia pas dore e ilaçeve apo e ushtrimeve fizike mund të shkaktojë këto simptoma në trupin tuaj.

Çfarë të konsumoni

Në vend që të evitoni të ngrënën, mundohuni të konsumoni një dietë sa më të balancuar me fruta dhe perime.

Konsumoni një sasi të madhe proteine pasi do të stimulojë pankreasin të prodhojë më shumë insulinë.

Insulina është hormoni kryesor që ju duhet për të ulur nivelin e sheqerit në gjak.

Dietën tuaj bazojeni në perime dhe kryesisht ato jeshilet si brokoli apo spinaqi, për burime proteine konsumoni shumë mish pule, viçi apo peshk.

Balanconi gjithnjë vaktet tuaja dhe kujdesuni të keni një aktivitet sportiv të rregullt për një jetesë sa më të lehte me këtë sëmundje.

The post Sa vakte në ditë duhet të konsumoni nëse vuani nga diabeti? appeared first on Albeu.com.

Perimet që nuk duhet të mungojnë asnjëherë në vaktet tuaja

E B — Tue, 13 Sep 2022 06:10:36 +0000

Është një nga perimet më të përdorura dhe të rekomanduara nga mjekët. Ndoshta nuk është në listën e më të preferuarave për ju, por padyshim është më e shëndetshmja. E kemi fjalën për panxharin e kuq, i cili është një nga perimet më me shumë vlera mjekësore dhe jo vetëm.

Jo më kot e shohim të përdoret në vend të shumë kurave. “Anthocyanis”, pigmenti që i jep ngjyrën e kuqe ka veti anti-kancer. Jo vetëm kaq, por panxhari përmban betaine, një anti-inflamator natyral që është shumë i mirë për shëndetin e zemrës.

Panaxhari është shumë i pasur me një sërë vitaminash dhe mineralesh. Sëmundjet që kjo perime shëron janë të pafundme, andaj nuk duhet të mungojë në vaktet tuaja. Ndër të tjera, kjo perime detoksifikon trupin dhe lufton aneminë. Që të mund të merrni siç duhet vlerat që panxhari ka, duhet ta gatuani atë me shumë kujdes.

The post Perimet që nuk duhet të mungojnë asnjëherë në vaktet tuaja appeared first on Albeu.com.

Studimi: Nuk do shëndosheni asnjëherë, orari perfekt për të konsumuar mëgjesin, drekën dhe darkën

A M — Wed, 16 Feb 2022 09:55:32 +0000

Nëse keni provuar dieta dhe regjime të ndryshme por ende nuk jeni në peshën e duhur, ndoshta po bëni një gabim të madh! Oraret e të ngrënit nuk janë të duhurat.

Për këtë arsye ekspertët kanë zbuluar për të gjithë se cilat janë oraret e sakte në të cilat ju duhet të hani çdo ditë dhe ta bëni pjesë të jetës tuaj, pra jo vetëm në një periudhë të caktuar.

Studiuesit kanë arritur të përcaktojnë kohën më të mirë për të konsumuar vaktet, për të gjithë ata që duan të humbin peshë. Ata zbuluan se koha më e mirë për të ngrënë mëngjesin është vetëm pas orës 7 të mëngjesit, 7:11 e mëngjesit për të qenë të saktë.

Është më mirë hani drekë sa më shpejt, midis orës 12:30 dhe 13:00, perfektia do ishte ora 12:38.

Ndërsa kur bëhet fjalë për darkën, sa më vonë ta lini atë, aq më keq mund të jetë për dietën tuaj – koha optimale për darkën është ndërmjet orës 18:00 dhe 18:30 pasdite, perfektja 18:14.

Çfarë ndodh kur nuk i ndiqni këto orare? Një studim i kohëve të fundit ka treguar se konsumimi i darkës pas orës 20:00 mund të shtojë 5 cm në belin tuaj – kjo është ekuivalente me shtimin e dy masave në veshjet e një vajze/gruaje,

The post Studimi: Nuk do shëndosheni asnjëherë, orari perfekt për të konsumuar mëgjesin, drekën dhe darkën appeared first on Albeu.com.

Jo më tre! Zbuloni sa vakte duhet të hani në ditë

E B — Tue, 11 Jan 2022 21:01:20 +0000

Mëngjesi, dreka dhe darka janë konsideruar gjithmonë vakte të mjaftueshme për të plotësuar nevojat për ushqim të njeriut. Kohët e fundit, studimet janë të ndarë mbi sasinë optimale të vakteve ushqimore që një njeri duhet të konsumojë çdo ditë.

Sipas disa prej tyre, 5 deri në 6 vakte të vogla ushqimore në ditë mund ta ndihmojnë njeriun të parandalojë ngadalësimin e metabolizmit. Sidoqoftë, rekomandimet shkencore mbi këtë çështje janë të ndryshme, sidomos kur bëhet fjalë për rënien në peshë. Në këtë artikull do të mësoni më shumë për numrin e vakteve që ju duhen çdo ditë dhe për domethënien e çdo vakti në shëndet.

Ritmi i metabolizmit

Ritmi i metabolizmit ka të bëjë me numrin e kalorive që trupi djeg gjatë ditës. Teoria e disa ekspertëve thotë se ngrënia e vakteve të vogla por të shpeshta rrit ritmin e djegies së kalorive. Kjo teori nuk është gjithmonë e vërtetë. Tretja e një ushqimi mund të rrisë lehtë ritmin e metabolizmit por kjo njihet si efekti termik i ushqimit. Ngrënia e tre vakteve prej 800 kalorish secili shkakton të njëjtin efekt termik si ngrënia e 6 vakteve prej 400 kalorish. Shumë studime kanë konfirmuar se ngrënia e vakteve të vogla apo të mëdha nuk ka ndikim në ritmin e metabolizmit apo sasinë e yndyrnave të djegura. Konkluzioni është të hani sa më shëndetshëm dhe të mos e teproni me sasinë.

Ushqyerja e shpeshtë dhe sheqeri në gjak

Ngrënia e vakteve të mëdha supozohet të shkaktojë luhatje të ndjeshme të sheqernave në gjak. Disa studime kanë konfirmuar se ushqyerja në tre vakte e ngop njeriun më shumë se ngrënia e më shumë vakteve. Kur vjen puna tek mbajtja nën kontroll e sheqerit në gjak, mëngjesi luan një rol kryesor. Studimet kanë treguar se ngrënia e një mëngjesi të bollshëm dhe ulja e sasisë së ushqimit në pasdite apo mbrëmje, ul nivelin ditor të sheqerit në gjak.

Të hash apo të mos hash mëngjese është anashkalimi i vakteve një gjë e mirë?

Studimet mbi anashkalimin e shumicës së vakteve gjatë ditës për një kohë të shkurtër, thonë se një gjë e tillë rrit metabolizmin. Kësisoj, njeriu arrin të përmirësojë edhe nivelin e sheqerit në gjak.

Konkluzioni:

Deri më tani nuk janë konfirmuar vlera të mëdha shëndetësore si pasojë e ngrënies së shpeshtë. Një gjë e tillë as nuk rrit numrin e kalorive të djegura, as ju ndihmon të humbisni në peshë. Për sa përket sheqerit në gjak, ngrënia e më pak vakteve është më e shëndetshme. Këshilla që mund t’ju japim është, mbi të gjitha, bëni zgjedhje të mençura e të shëndetshme. Konsumoni sa më shumë perime, fruta dhe të gjelbra.

The post Jo më tre! Zbuloni sa vakte duhet të hani në ditë appeared first on Albeu.com.