Pas mjekëve, arsimtarëve dhe studentëve edhe punonjësit të administratës, policët, farmacistët e laburantët do të bëjnë vaksinë me detyrim. Këtë e ka konfirmuar zëvendës ministrja e Shëndetësisë, Eugena Tomini në një prononcim për Top-Channel. Tomini tha se me grupet e para vihet re një trend në rritje për tu vaksinuar nga grupi i parë, i cili duhet ta ketë kryer deri në fund të muajit shtator.

“Vetëm të paktën në 48 orët e fundit kemi shkuar deri në 14 mijë e 800. Parashikohet një fluks në rritje. Edhe shtatori do të jetë një muaj i hapur për vaksinimin. Sigurisht janë vlerësuar në këndvështrimin e të pasurit një sëmundje, në rastin që nuk u kejohet vaksinimi dhe është marrë parasysh rekomandimi i mjekut. Mund të prekemi edhe kur jemi të vaksinuar, po e kalojmë shumë më lehtë dhe koha e transmetimit është shumë më e gjatë”, tha ajo ndër të tjera.

Kujtojmë se deri tani, sipas Ramës, janë vaksinuar 1 milion e 500 mijë shqiptarë./albeu.com

The post Zgjerohet rrethi i vaksinimit me detyrim, Tomini: Është e nevojshme, kush janë kategoritë e reja që përfshihen (VIDEO) appeared first on Albeu.com.