Kajmin ai e bëri të ditur përmes një postimi në rrjetet sociale, ku thotë se mundësia për t’i marrë të dyja vaksinat në të njëjtin vend, ofron mundësi për t’u mbrojtur nga të dyja sëmundjet.

“Sot e kam marrë dozën përforcuese të vaksinës kundër COVID-19 dhe vaksinën kundër gripit sezonal në të njëjtën kohë dhe të njëjtën qendër të vaksinimit. Mundësia për të marrë të dyja vaksinat njëkohësisht, na jep mundësinë të mbrohemi nga të dyja sëmundjet, për të mbrojtur veten dhe të tjerët”, ka shkruar ai në një status në Instagram.

Më tej ai shton se është urgjente që personat mbi 18 vjet të marrin këtë vaksinë.

“Sidomos kur e gjithë bota po përballet me variantin e ri të virusit Corona, i cili pritet shumë shpejt të vijë edhe në Kosovë, është urgjente që të gjithë qytetarët mbi 18 vjeç të marrin dozën përforcuese të vaksinës sa të kalojnë gjashtë muaj pas marrjes së dozës së dytë”, përfundoi ai./albeu.com/

The post Albin Kurti merr dozen e tretë të vaksinës anti-Covid appeared first on Albeu.com.

Lajmin e bëri të ditur ministrja e Shëndetësisë Ogerta Manastirliu e cila njofton se deri tani në vend kanë mbërritur 2,496,960 vaksina anti COVID-19.

‘Mbërritën në Shqipëri 117,000 doza të vaksinës Pfizer, pjesë e kontratës së dytë të qeverisë shqiptare me kompaninë. Deri tani kanë mbërritur në vendin tonë 2,496,960 vaksina anti COVID-19, për të vijuar pa u ndalur me vaksinimin “derë më derë”, për mbrojtjen e shëndetit dhe jetës së qytetarëve”, njofton ministria./albeu.com/

The post Mbërrijnë në vend 117 mijë doza të vaksinës “Pfizer” appeared first on Albeu.com.

Bardhi theksoi se Shqipëria është vendi i parafundit në rajon për sa i përket ecurisë së vaksinimeve dhe sipas tij gjithçka thuhet në media është propagandë e qeverisë Rama.

Ai shtoi se Ministritë e Shëndetësisë në Shqipëri dhe Zimbabve të vetmet në botë nën hetim për abuzim me fondet gjatë pandemisë.

Fjala e Bardhit:

“Unë nuk mora përgjigje për pyetjet që drejtova, përse jemi të parafundit, kemi lënë mbrapa vetëm Bosnje-Hercegovinën, dëgjova zonjën ministre që na tha, ndoshta situata ndryshon në 30 tetor. Jam i sigurt që në 30 tetor do ju thërrasim prapë dhe t’ju pyesim në varësi të situatës dhe të shifrave, por fakti është që në këtë moment që ne flasim, ndryshe nga situata që na paraqitet si ishim 4 apo 5 muajsh kur ju e përdorët procesin e vaksinimit për fushatë elektorale.  Pra edhe jetën dhe shëndetin e qytetarëve e keni në funksion të fushatës tuaj elektorale, pra nuk ju intereson as jeta dhe as shëndeti i qytetarëve, por një proces jetik të rëndësishëm për qytetarët e përdorët për arsye elektorale, dhe sapo mbaroi fushata elektorale, nga vendi i dytë pas Serbisë, siç ju përmendët që ishim gjatë fushatës elektorale, sot jemi vendi i parafundit në rajon.  Jemi pas Kosovës, Kroacisë, Serbisë, Malit të Zi dhe Maqedonisë së Veriut. Dhe këtu nuk bëhet fjalë për shifra që i themi ne, dhe i thoni ju, janë shifra zyrtare”, tha Bardhi.

Sekretari i Përgjithshëm i PD kërkoi që qeveria të lërë mënjanë propagandën, pasi prioritet duhet të jetë shëndeti i qytetarëve.

“Zonja Ministre e pranoi që situata në 3 tetor për vendet e rajonit, është kjo tabelë, që nuk ishte tabelë e opozitës, është tabelë e organizatave ndërkombëtare ku zonja ministre dhe ministria e shëndetësisë raportojnë dhe ne e shprehën edhe me votë, jemi absolutisht pro procesit të vaksinimit, jemi pro enzimatmit të çdo qindarke nga qeveria për procesin e vaksinimit, por do të duhet që qeveria të lërë mënjanë propagandën, jeta dhe shëndeti i qytetarëve nuk mund të jenë kurrë propagandë, do të duhej të jenë prioritet Nuk i bashkohem dot thirrjes së madhe me flamuj që bëri kolegu dhe ju zonja kryetare për të falënderuar ministren për punën heroike që ka bërë. Zonja ministre ka bërë detyrën e saj. Stafi i ministrisë ka bërë detyrën e vetë. Dhe në vend që ta falenderojmë në fakt do të duhej që ky komision t’i kërkonte llogari ministres për çështje shumë serioze gjatë trajtimit të pandemisë”, tha ai.

Gazment Bardhi vuri në dukje se Shqipëria është vendi i vetëm bashkë me Zimbabve-në ku Ministria e Shëndetësisë është nën hetim nga prokuroria për përdorim të tenderave sekretë dhe vjedhje të fondeve publike gjatë pandemisë.

“Ju e dini që ne jemi vendi i vetëm bashkë me Zimbabve-në ku Ministria e Shëndetësisë është nën hetim nga prokuroria për përdorim të tenderave sekretë dhe vjedhje të fondeve publike gjatë pandemisë. Janë nën hetim sot ata.  Ndoshta edhe zonjat që janë të ulura aty si përfaqësuese të qeverisë janë sot nën hetim nga Prokuroria sepse kanë keqpërdorur fondet publike gjatë pandemisë. Është Shqipëria dhe Zimbabve ku është arrestuar Ministri i Shëndetësisë.  Ka një hetim të përfunduar nga SPAK që i ka kaluar për kompetencë, pra ka konstatuar shkeljen e Ministrisë suaj me fondet publike, abuzime me tendera sekretë, dhe ia ka kaluar për kompetencë Prokurorisë së Tiranës dhe zyrtarët e Ministrisë së Shëndetësisë janë në hetim për keqpërdorim të fondeve publike. Ju jeni bashkë me Ministrinë e Shëndetësisë në Zimbave, dy ministritë në botë që jeni nën hetim për keqpërdorim të fondeve të qytetarëve shqiptarë gjatë pandemisë. Prandaj t’i lëmë falënderimet e rreme, secili të bëjë detyrën”, tha ai.

“Sikundër e ritheksoj dhe tërheq vëmendjen që herë tjetër kur qeveria të vijë për çështje serioze siç me të drejtë zonja Felaj e konsideroi aktin normativ, do të duhej që deputetëve t’I paraqesë minimanilisht një informacion të përmbledhur mbi aktin. Akti normativ i ardhur nga qeveria është vetëm një faqe relacion, besoj biem dakord zonja felaj se jeni relatore, ku nuk ka asnjë të dhënë. Pra ka përsëritur fjalë për fjalë çfarë thotë akti normativ. Nuk ka asnjë të dhënë shtesë”, tha Bardhi.

Gazment Bardhi tha se çmimi i blerjes së vaksinave është 12 dollarë për dozë dhe ka një efekt financiar 6 milionë dollarë, duke shtuar se ka besim te kompania Pfizer, jo te Ministria e Shëndetësisë.

“Nuk ka as akuza, dhe nuk është sekret çmimi se ju thatë, do blini 500 mijë doza me marrëveshjen e re.  E pranuat ju. 6 milionë dollarë është efekti financiar dhe se sa i bie një dozë vaksine, çdo qytetar arrin ta bëjë llogarinë. Nuk ka ndonjë sekret tek çmimi. Është 12 dollarë për dozë dhe del nga të dhënat. Nuk e keni mbajtur sekret marrëveshjen për efekt të çmimit dhe çmimi është publik. Keni shkruar në relacion 6 milionë dollarë efekti financiar, pohuat që do blioni 500 mijë doza dhe del çmimi se sa është. Nuk e keni mbajtur sekret për këtë. Ne as nuk kundërshtuam, kemi besim jo tek Ministria e Shëndetësisë së Shqipërisë por tek Kompania Pfizer e cila nuk futet në afera korruptive me qeverinë shqiptare. Se të ishte për këta të jeni të sigurt se do e shfrytëzonin edhe këtë marrëveshje në aferë korruptive siç e kanë dëshmuar me çdo kontratë të lidhur për produkte mjekësore gjatë pandemisë. Por kompania Pfizer është serioze dhe ne nuk kemi nevojë fare ta lexojmë atë marrëveshje sepse i besojmë kompanisë. Vota jonë është pro marrëveshjes dhe i ribashkohem apelit drejtuar qytetarëve për t’u vaksinuar”, u shpreh Bardhi./albeu.com

The post Gazment Bardhi: Shqipëria si Zimbabve, të parafundit në rajon për vaksinimet appeared first on Albeu.com.

Në Japoni, gjendja e jashtëzakonshme Covid do të hiqet për të gjitha rajonet në fund të Shtatorit.

Kryeministri Yoshihide Suga tha se ai diskutoi masat me ministrat përkatës dhe se do të kërkojë pikëpamjet e një paneli qeveritar këshilltarësh.

Sipas agjencisë së lajmeve Reuters varianti infektiv Delta ndezi një valë të pestë të Covid në Japoni që i çoi infeksionet në nivele rekord muajin e kaluar.

Për të parandaluar mbingarkesën e spitaleve, qeveria japoneze zgjati kufizimet në përpjekje për të frenuar rastet e infektuara.

Edhe kur të përfundojë gjendja e jashtëzakonshme, autoritetet po konsiderojnë mbajtjen e disa masave në vend, nga frika e rritjes së infeksioneve nëse vendi hapet plotësisht.

Disa nga masat e marra kanë të bëjnë me oraret e kufizuara për restorantet, kafenetë dhe klubet e natës. Autoritet japoneze i kanë nxitur qytetarët të punojnë nga shtëpia sa më shumë që të jetë e mundur dhe të shmangin udhëtimet./albeu.com

The post Japonia i jep fund “luftës” me Covid, hapet në fund të shtatorit appeared first on Albeu.com.

Votimi përfaqëson një goditje të rëndë për përpjekjen masive të administratës së Presidentit Biden për të forcuar mbrojtjen e pothuajse të gjithë amerikanëve përballë përhapjes së variantit shumë ngjitës delta.

Vendimi u mor nga një komitet i ekspertëve të jashtëm që këshillojnë Administratën e Ushqimit dhe Barnave.

Në një zhvillim befasues, paneli së pari hodhi poshtë, me një votim 16-2, vaksinat përforcuese për pothuajse të gjithë popullsinë. Anëtarët cituan një mungesë të të dhënave të sigurisë për dozat shtesë dhe gjithashtu ngritën dyshime në lidhje me vlerën e përdorimit masiv të vaksinës së tretë, përkundër fokusimit tek grupe të veçanta.

Në vazhdim, në një votim 18-0, paneli miratoi vaksinën shtesë për pjesë të caktuara të popullsisë amerikane – më konkretisht, ata që rrezikohen më shumë nga virusi.

Kjo do të ndihmonte në shpëtimin e një pjese të fushatës së Shtëpisë së Bardhë, por prapëseprapë do të ishte një hap i madh prapa nga plani i madh i propozuar nga administrata një muaj më parë për të ofruar doza përforcuese të vaksinave Pfizer dhe Moderna për pothuajse të gjithë amerikanët, tetë muaj pasi ata kanë marrë dozën e dytë.

Votimi i së premtes ishte vetëm hapi i parë. Vetë FDA-ja pritet të marrë një vendim për dozën përforcuese në ditët e ardhshme, megjithëse zakonisht ajo ndjek rekomandimet e komitetit.

Ofrimi i dozave përforcuese është gjithashtu subjekt i miratimit nga Qendrat për Kontrollin dhe Parandalimin e Sëmundjeve (CDC). Një panel këshillimor i CDC-së pritet të shqyrtojë këtë çështje të mërkurën. CDC-ja ka thënë se po shqyrton mundësinë e dozave përforcuese për njerëzit e moshuar, banorët e shtëpive të pleqve dhe punonjësit e kujdesit shëndetësor të vijës së parë, dhe jo për të gjithë popullsinë në moshë madhore.

Vendimet e veçanta të FDA-së dhe CDC-së do të nevojiten në mënyrë që njerëzit që kanë marrë vaksinat Moderna ose Johnson & Johnson të marrin dozën përforcuese.

Gjatë disa orëve debati të fortë të premten, anëtarët e panelit vunë në dyshim vlerën e ofrimit të dozave përforcuese për pothuajse të gjithë popullsinë.

“Unë nuk mendoj se një dozë përforcuese do të kontribuojë ndjeshëm në kontrollin e pandemisë”, tha Dr Cody Meissner nga Universiteti Tufts. “Dhe unë mendoj se është e rëndësishme që mesazhi kryesor që ne transmetojmë është se duhet t’ua mundësojmë të gjithëve dy dozat”.

Dr Amanda Cohn nga Qendrat për Kontrollin dhe Parandalimin e Sëmundjeve tha: “Në këtë moment është e qartë se të pavaksinuarit po e nxisin transmetimin (e virusit) në Shtetet e Bashkuara”.

Shkencëtarët brenda dhe jashtë qeverisë janë ndarë gjatë ditëve të fundit lidhur me nevojën për dozat përforcuese dhe se kush duhet t’i marrë ato, dhe Organizata Botërore e Shëndetësisë ka kundërshtuar me forcë që kombet e pasura të bëjnë një raund të tretë të injeksioneve, kur vendet e varfra nuk kanë vaksina të mjaftueshme as për raundin e parë.

Ndërsa hulumtimet sugjerojnë se nivelet e imunitetit tek ata që janë vaksinuar zvogëlohen me kalimin e kohës dhe dozat përforcuese mund ta rikthejnë atë, vaksina Pfizer është ende shumë mbrojtëse kundër sëmundjeve të rënda dhe vdekjeve, madje edhe në përhapjen e variantit shumë ngjitës delta.

Kthesa e papritur e ngjarjeve mund të përforcojë kritikat e fundit se administrata e Presidentit Biden doli përpara shkencës në përpjekjen e saj. Presidenti Joe Biden premtoi herët se administrata e tij do të “ndiqte shkencën”, pas zbulimit të ndërhyrjeve politike në përgjigjen e koronavirusit të administratës së ish-Presidentit Trump.

Refuzimi dërrmues i panelit të FDA-së erdhi pavarësisht argumenteve të zgjatura në lidhje me nevojën për doza përforcuese nga kompania Pfizer dhe zyrtarë të shëndetësisë nga Izraeli, i cili filloi të ofrojë doza përforcuese për qytetarët e tij në korrik.

Sharon Alroy-Preis nga Ministria e Shëndetësisë e Izraelit tha se doza përforcuese përmirëson mbrojtjen dhjetëfish kundër infeksionit te njerëzit 60 vjeç e lart.

“Është si një vaksinë e freskët”, duke risjellë mbrojtjen në nivelet origjinale dhe duke ndihmuar Izraelin “të zbusë rastet e rënda në valën e katërt”, tha ajo.

Dhe përfaqësuesit e kompanisë Pfizer argumentuan se është e rëndësishme të forcohet imuniteti përpara se mbrojtja kundër sëmundjeve të rënda të fillojë të dobësohet. Një studim i kompanisë me 44,000 njerëz tregoi se efektiviteti kundër simptomave COVID-19 ishte 96% dy muaj pas dozës së dytë, por kishte rënë në 84% pas rreth gjashtë muajsh.

Si Pfizer ashtu edhe përfaqësuesit izraelitë u përballën me kundërshtimin e anëtarëve të panelit. Disa shprehën skepticizëm në lidhje me rëndësinë e përvojës së Izraelit në SHBA. Një shqetësim tjetër ishte nëse dozat e treta do të përkeqësonin efektet anësore serioze.

Meissner tha se është i shqetësuar për dozat shtesë për grupmoshat më të reja duke pasur parasysh rrezikun e inflamacionit të zemrës që është parë tek meshkujt më të rinj pas një doze të dytë. Ndërsa gjendja është shumë e rrallë, tha ai, nuk është e qartë nëse ai rrezik do të rritet me një dozë tjetër.

Kompania Pfizer vuri në dukje të dhënat izraelite nga gati 3 milionë doza përforcuese për të sugjeruar se normat e efekteve anësore do të ishin të ngjashme me ato që shiheshin pas dozave të dyta.

Dr Paul Offit, një ekspert i vaksinave në Spitalin e Fëmijëve në Filadelfia, tha se ai kishte më shumë gjasa të mbështeste miratimin e një doze të tretë për të rriturit mbi 60 ose 65 vjeç, por se “e ka vërtet problem” ta mbështesë atë për këdo deri në moshën 16 vjeç.

Ndërsa një vaksinë shtesë ka të ngjarë të paktën të zvogëlojë përkohësisht rastet me simptoma të lehta ose pa simptoma, “pyetja bëhet se cili do të jetë ndikimi i saj në harkun e pandemisë, pasi ndoshta mund të mos jetë aq shumë”, tha dr. Offit.

Këshilltarët kryesorë të shëndetësisë të Presidentit Biden, përfshirë krerët e FDA-së dhe CDC-së, fillimisht njoftuan planet për vaksinim përforcues në shkallë të gjerë një muaj më parë, duke synuar javën e 20 shtatorit si një datë fillimi të sigurt. Por kjo ishte përpara se shkencëtarët e stafit të FDA-së të kishin përfunduar vlerësimet e tyre të të dhënave.

Në fillim të kësaj jave, dy studiues kryesorë të vaksinave të FDA-së iu bashkuan një grupi shkencëtarësh ndërkombëtarë në botimin e një editoriali që refuzonte nevojën për vaksina shtesë për njerëzit e shëndetshëm. Shkencëtarët thanë se studimet e vazhdueshme tregojnë se vaksinat kanë funksionuar mirë pavarësisht variantit delta.

Të premten, këshilltari kryesor amerikan për shëndetësinë Dr. Vivek Murthy tha se në shpalljen e planit të saj për dozat përforcuese, administrata e Presidentit Biden nuk po përpiqej të bënte presion ndaj agjensive rregullatore për të vepruar, por përkundrazi po përpiqej të ishte transparente me publikun dhe të ishte e përgatitur në rast se dozat shtesë fitonin miratimin.

“Ne kemi thënë gjithmonë se ky plan fillestar do të ishte i kushtëzuar nga FDA-ja dhe vlerësimi i pavarur i CDC-së”, tha zoti Murthy.

Plani i Presidentit Biden ka ngritur gjithashtu shqetësime të mëdha etike në lidhje me pjesët e varfra të botës që ende po kërkojnë vaksina. Por administrata ka argumentuar se plani nuk është një zgjedhje ‘ose ne ose ata’, duke vënë në dukje se SHBA po furnizon sasi të mëdha vaksine në mbarë globin.

Shtetet e Bashkuara kanë miratuar tashmë dozat përforcuese të kompanive Pfizer dhe Moderna për njerëz të caktuar me sistem imunitar të dobësuar, siç janë pacientët me kancer dhe personat që kanë bërë transplant.

Disa amerikanë, të shëndetshëm apo jo, kanë arritur të marrin dozën shtesë, në disa raste thjesht duke u paraqitur dhe duke kërkuar një vaksinë. Dhe disa sisteme shëndetësore tashmë po ofrojnë doza shtesë për njerëzit me rrezik të lartë./VOA

The post Ekspertët sugjerojnë dozën përforcuese të vaksinës Pfizer vetëm për këto kategori appeared first on Albeu.com.

Lajmin e ka bërë të ditur vetë kryeministri Edi Rama, përmes një statusi në profiling e tij në Facebook.

Rama ka bërë edhe një apel për gjithë qytetarët që të vaksinohen sepse vetëm kështu mund të mbrohen nga virusi vdekjeprurës./albeu.com

The post Rama ndan lajmin e mirë: Shqipëria regjistron 1 milion e 500 mijë të vaksinuar appeared first on Albeu.com.

Shtëpia e Bardhë tha për Radion Evropa e Lirë se 503,100 doza do t’i dorëzohen Kosovës duke filluar nga 3 shtatori.

Ky donacion do të vijë në Kosovë përmes programit COVAX gjatë kësaj fundjave.

“Shtetet e Bashkuara janë të përkushtuar që të sjellin të njëjtën urgjencë në përpjekjet ndërkombëtare për vaksinim siç ne e kemi demonstruar në SHBA dhe ne po punojmë që të sjellim sa më shpejt që të jetë e mundur në Kosovë vaksina të sigurta dhe efektive”, tha Shtëpia e Bardhë.

Më 20 gusht, në Kosovë arritën 35,000 doza të Pfizerit, donacion nga SHBA-ja.

“Ky është një moment unik në histori dhe kërkon lidership amerikan. Ne do të vazhdojmë të bëjmë gjithçka që mundemi për të krijuar një botë më të sigur kundër kërcënimit ndaj kësaj sëmundjeje ngjitëse”, tha Shtëpia e Bardhë në përgjigjen dërguar Radios Evropa e Lirë.

Javëve të fundit, Kosova ka regjistruar rritje të numrit të rasteve të reja dhe vdekjeve. Vetëm gjatë 3 shtatorit, në Kosovë u regjistruan edhe 26 vdekje të reja dhe mbi 1,400 viktima.

Gjatë kësaj jave, autoritetet shtetërore në Kosovë njoftuan se kanë hequr nga përdorimi mbi 133.000 doza të vaksinës së AstraZenecas, pasi të njëjtave u kishte dalë afati. Në Kosovë, qytetarët kanë shprehur hezitim për ta marrë këtë vaksinë.

Sipas të dhënave të Ministrisë së Shëndetësisë, deri më 3 shtator, në Kosovë janë adminsitruar 882,718 doza të vaksinës, ku 298,445 persona janë vaksinuar me dy dozat.

Qytetarët në Kosovë kanë të drejtë të zgjedhin nëse duan të vaksinohen me vaksinën e Pfizerit apo të AstraZenecas./REL

The post SHBA-ja nis të dërgojë mbi gjysmë milion doza të Pfizerit në Kosovë (VIDEO) appeared first on Albeu.com.

“Prisja që seanca virtuale të fokusohej te detyrimet e ish-bashkëshortit për fëmijën, kur papritur gjykatësi më pyeti nëse isha vaksinuar.

I thashë jo sepse kam pasur gjithmonë reagim jo të mira ndaj vaksinave. Edhe doktorët nuk ma kanë rekomanduar”, tregon 39-vjeçarja Rebecca Firlit.

Pas kësaj, gjykatësi James Shapiro vendosi që nëna të mos e takonte djalin e saj 11-vjeçar derisa të vaksinohej.

Menjëherë, avokatët e nënës apeluan vendimin, duke e quajtur të padrejtë atë./albeu.com

The post Nuk ishte e vaksinuar, gjykatësi i heq kujdestarinë e djalit appeared first on Albeu.com.

Më poshtë, ju tregojmë se cilat janë pikat në çdo qytet ku qytetarët duhet të paraqiten:

Njësia vendore e Kujdesit Shëndetësor Tiranë

– Sheshi Skënderbej

– Stadiumi “Air Albania”

Njësia Vendore e Kujdesit Shëndetësor Kavajë

– Qendra Shëndetësore Kavajë

Njësia Vendore e Kujdesit Shëndetësor Durrës

– Shkolla “Jani Kukuzeli”

– Qendra Shëndetësore Shijak

Njësia Vendore e Kujdesit Shëndetësor Krujë

– Qendra Shëndetësore Krujë

– Qendra Shëndetësore Fushë-Krujë

Njësia Vendore e Kujdesit Shëndetësor Dibër

– Pallati i Kulturës Peshkopi

Njësia Vendore e Kujdesit Shëndetësor Mat

– Qendra Shëndetësore Burrel

– Qendra Shëndetësore Klos

Njësia Vendore e Kujdesit Shëndetësor Bulqizë

– Qendra Kulturore Bulqizë

Njësia Vendore e Kujdesit Shëndetësor Elbasan

– Qendra Shëndetësore nr. 4

Njësia Vendore e Kujdesit Shëndetësor Librazhd

– Njësia Vendore e Kujdesit Shëndetësor Librazhd

Njësia Vendore e Kujdesit Shëndetësor Gramsh

– Pallati i Kulturës Gramsh

– Njësia Vendore e Kujdesit Shëndetësor Gramsh

Njësia Vendore e Kujdesit Shëndetësor Peqin

– Njësia Vendore e Kujdesit Shëndetësor Peqin

Njësia Vendore e Kujdesit Shëndetësor Korçë

– Qendra Rinore Korçë

Njësia Vendore e Kujdesit Shëndetësor Pogradec

– Pallati i Kulturës Pogradec

Njësia Vendore e Kujdesit Shëndetësor Kolonjë

– Qendra Sociale Kolonjë

Njësia Vendore e Kujdesit Shëndetësor Berat

– Pallati i Kulturës Berat

Njësia Vendore e Kujdesit Shëndetësor Kuçovë

– NJVKSH Kuçovë

Njësia Vendore e Kujdesit Shëndetësor Skrapar

– Qendra Shëndetësore Çorovodë

– Qendra Shëndetësore Poliçan

Njësia Vendore e Kujdesit Shëndetësor Shkodër

– NJVKSH Shkodër

Njësia Vendore e Kujdesit Shëndetësor Malësi e Madhe

– NJVKSH Malësi e Madhe

Njësia Vendore e Kujdesit Shëndetësor Pukë

– Qendra Shëndetësore Pukë

– Qendra Shëndetësore Fushë-Arrëz

Njësia Vendore e Kujdesit Shëndetësor Kukës

– Pallati i Kulturës Kukës

– Qendra Shëndetësore Kukës

Njësia Vendore e Kujdesit Shëndetësor Has

– Qendra Shëndetësore Krumë

Njësia Vendore e Kujdesit Shëndetësor Tropojë

– NJVKSH Tropojë

– Qendra Shëndetësore Bajram Curri

Njësia Vendore e Kujdesit Shëndetësor Lezhë

– Gjimnazi “Hydajet Lezha”

Njësia Vendore e Kujdesit Shëndetësor Kurbin

– NJVKSH Kurbin

Njësia Vendore e Kujdesit Shëndetësor Mirditë

– Pallati i Sportit Mirditë

Njësia Vendore e Kujdesit Shëndetësor Vlorë

– Pallati i Sportit

Njësia Vendore e Kujdesit Shëndetësor Sarandë

– Shkolla “9 Tetori”

Njësia Vendore e Kujdesit Shëndetësor Delvinë

– Qendra Shëndetësore Delvinë

Njësia Vendore e Kujdesit Shëndetësor Fier

– Qendra Shëndetësore nr.1 Fier

– Qendra Shëndetësore nr.2 Fier

– Qendra Shendetesore nr.3 Fier

– Qendra Shëndetësore Patos

– Qendra Shëndetësore Roskovec

– Qendra Shëndetësore Cakran

Njësia Vendore e Kujdesit Shëndetësor Lushnjë

– Kinoteatri “Vaçe Zela”

Njësia Vendore e Kujdesit Shëndetësor Mallakastër

– Kinemaja e qytetit

Njësia Vendore e Kujdesit Shëndetësor Gjirokastër

– Konvikti i djemve, Lagjia “18 Shtatori”

Njësia Vendore e Kujdesit Shëndetësor Përmet

– Bashkia Përmet

Njësia Vendore e Kujdesit Shëndetësor Tepelenë

– Palestra e qytetit

The post Mjafton të jeni mbi 18-vjeç! Pikat ku duhet të drejtohen qytetarët për t’u vaksinuar kundër Covid-19 appeared first on Albeu.com.

Spas mediave, kjo skemë do të shërbejë si mënyrë për të rritur më tej imunizimin e popullatës. Ndërsa të vaksinuarit do të jenë të privilegjuarit, qytetarët që i kundërshtojnë ato do të vuajnë pasojat, edhe nëse janë nëpunës në shtet.

“Jam konsultuar edhe me kryeministren. Kemi menduar t’i shpërblejmë ata që tregohen të përgjegjshëm, që të arrijmë imunitetin kolektiv.

Nëse dikush është infektuar për faj të dikujt tjetër, ka marrë dy dozat e vaksinës, dhe është pjesë e një institucioni shtetëror, ushtrisë apo diku tjetër, do të marrë kompensim për lejen për shkak të sëmundjes.

Të tjerët, jo. Nuk duam të diskriminojmë, por mendoj se mosvaksinimi është papërgjegjshmëri, është egoizëm.”– tha ai.

The post Serbia nuk ndalet para COVID-19, paguan me 30 dollarë qytetarët që të vaksinohen appeared first on Albeu.com.