Në emision ai tregoi se pikat e vaksinimit funksionojnë me dy turne, për të lehtësuar prindërve imunizimin e fëmijëve, duke garantuar se vaksinat nuk kanë asnjë lidhje me autizmin.

Sa i përket funksionimit të sistemit shëndetësor, Demiri tha se ka nevojë për rajonizim.

Ai tha se nëse i jepet mundësia që të vazhdojë si ministër i Shëndetësisë edhe pas zgjedhjeve, do të tentojë që të krijojë qendra rajonale në Manastir, Shtip, Kumanovë dhe Tetovë.

The post Epidemia e kollës së keqe në Shkup, janë vaksinuar mbi 22 mijë persona appeared first on Albeu.com.

Koçiu thekson se “vaksinimi kundër gripit, konsultimi me mjekun e familjes për të mos neglizhuar shenjat e gripit dhe zbatimi i masave për të mbrojtur veten dhe të tjerët, janë thelbësore për të parandaluar komplikacionet në shëndet”.

Ministrja e Shëndetësisë, u bën thirrje qytetarëve që të kontaktojnë me mjekun e familjes për vaksinën falas, si dhe qendrave shëndetësore për të marrë shërbim shëndetësor në kohë.

Gjithashtu, ministrja ka shpërndarë apelin e shefes së Spitalit Infektiv, Najada Çomos, e cila thekson se “nuk ka vend për panik, por ka vend për t’u sensibilizuar”.

“Duke qenë se jemi në stinën e dimrit, një nga sëmundjet që kemi është gripi ose infeksione të ndryshme të rrugëve të frymëmarrjes duke filluar nga sekrecionet nga hundët, nga kolla, nga dhimbja e fytit, apo nga pjesa e prekjes së mushkërive siç është pneumonia. Ajo çka unë dua të them është që numri i pacientëve që paraqiten pranë Shërbimit Infektiv është më i shtuar se sa muaji Dhjetor dhe natyrisht në Shërbimin Infektiv vijnë pacientë me sëmundje të ndryshme, ku tani peshën më të madhe e mbajnë ata persona që janë të sëmurë me infeksione të rrugëve respiratore, kryesisht në pjesën e gripit.

Nuk ka vend për panik, por ka vend për t’u sensibilizuar shumë më tepër ndaj kësaj sëmundje dhe sensibilizimi është në dy aspekte. Së pari, ata persona që nuk janë vaksinuar dhe kryesisht ata që kanë sëmundje kronike të nxitojnë për t’u vaksinuar dhe grupi i të sëmurëve kronikë janë diabetikët, janë ata që kanë sëmundje gjaku, ata që kanë sëmundje kronike të mushkërive, ata që kanë sëmundje të veshkave kronike dhe shumë sëmundje të tjera.

Dhe kategoria tjetër janë ata persona që janë të sëmurë, të ulin kontaktin me persona të tjerë, pra mos të takohen me njerëz që kanë këto lloj infeksionesh të rrugëve të sipërme të frymëmarrjes për arsye se gripi apo infeksionet aktuale që kemi, janë shumë të përhapshme nëpërmjet komunikimit të afërmit, nëpërmjet dhënies së dorës. Pra duhet ulur veç pjesës së vaksinimit, duhet ulur takimi ose minimizuar takimi me njerëz të sëmurë për arsye se je burim i madh infeksioni për persona të tjerë. Dhe sigurisht jo të gjithë personat që vijnë në spital kanë nevojë për ndihmën e spitalit. Një pjesë e tyre duhet të drejtohen pranë mjekut të familjes i cili është stacioni i parë ku personi merr ndihmën mjekësore”.

The post Situata e gripit/ Mjekja Najada Çomo bën thirrje për vaksinim appeared first on Albeu.com.

Në këtë raport theksohet se për dallim nga trendët botërorë, ku numri i fëmijëve të pavaksinuar është kryesisht në zonat rurale dhe të varfra, në Maqedoninë e Veriut ky numër është më i madh në mjediset urbane.

Maqedonia e Veriut për sa i përket përfshirjes së vaksinimit të fëmijëve ndodhet në nivelin e njëjtë me Bosnje Hercegovinën dhe Kirgistanin.

Nga Ministria e Shëndetësisë theksojnë se mbeten të fokusuar në promovimin dhe edukimin e vazhdueshëm sa i përket përfitimit nga vaksinat, siç janë fushatat e përbashkëta me UNICEF-in dhe OBSH-në.

Nga Instituti i Shëndetit Publik thonë se për nivelin e ulët të përfshirjes së fëmijëve të vaksinuar, kanë ndikuar fushatat kundër vaksinimit që po promovohen në rrjetet sociale duke vënë në dyshim cilësinë e vaksinave.

“Njerëzit më shumë u besojnë portaleve të ndryshme dhe OJQ-ve sesa shkencës dhe ligjit. Problemi këtu është dhe

te mossanksionimi i atyre që pamundësojnë vaksinimin e fëmijëve. Çdo familje duhet të përballet me sanksione nëse nuk e vaksinon fëmijën. Kemi të bëjmë me vetëdijen e prindërve si faktor shumë i rëndësishëm”, thekson për Radion Evropa e Lirë, Shaban Memeti, drejtor i Institutit të Shëndetit Publik në Maqedoni të Veriut.

Përfaqësues nga Organizata Botërore e Shëndetësisë thonë se duhet gjetur modalitete që në sistemin e imunizimit të përfshihen fëmijët që për shkaqe të ndryshme kanë anashkaluar terminët për marrjen e vaksinave.

“Me rëndësi thelbësore është që prindërit ta kuptojnë rëndësinë e marrjes së dozave të vonuara ose të humbura të vaksinave për fëmijët e tyre. Në të njëjtën kohë, ne duhet t’i vazhdojmë përpjekjet tona për t’i bërë vaksinat lehtësisht të disponueshme në Republikën e Maqedonisë së Veriut. Në vitet e kaluara, të gjithë partnerët në vend kanë punuar në identifikimin e personave të pavaksinuar dhe jo të vaksinuar plotësisht dhe në lehtësimin e qasjes në vaksina”, vlerëson Goran Koçinski, përfaqësues i Organizatës Botërore të Shëndetësisë në Maqedoninë e Veriut.

Prindërit që janë kundër vaksinave të rregullta, nuk dëshirojnë të flasin para mediave. Ata në rrjetet sociale kryesisht mbrojnë qëndrimin se vaksinat janë me cilësi të dyshimtë.

Por, prindërit që i vaksinojnë fëmijët me rregull, shfaqin shqetësim për shkak të numrit të madh të fëmijëve të pavaksinuar pasi në këtë mënyrë mund të shfaqen pandemi që, domosdo do t’i prekin dhe fëmijët e tyre.

Ivana Nikollovska, nënë e një djali 4 vjeç, thotë se djalin e ka vaksinuar me të gjitha vaksinat dhe në asnjë moment nuk ka pasur dilema për sa i përket cilësisë së vaksinave. Për të është e pakuptimtë qëndrimi i prindërve kundër vaksinimit duke e ditur që, siç thotë,”vaksinat çrrënjosën më shumë sëmundje që ishin fatale në të kaluarën”.

“Unë djalin tim e kamë vaksinuar me rregull me të gjitha vaksinat… pasi besoj se duke u vaksinuar parandalohen shumë sëmundje. Falë vaksinave djali nuk u prek as nga fruthi dhe sëmundjet që i kalonin së kaluarës. Por, ja tani ato shfaqen për fat të keq, siç është fruthi(moribili) në kopshte ku shkon dhe im bir. Disa sëmundje që ishin çrrënjosur, për fat të keq kthehen te ne sërish pikërisht për shkak të prindërve që janë kundër vaksinave”, thotë Ivana për REL-in.

The post Maqedonia e Veriut telashe nga mosvaksinimi i fëmijëve appeared first on Albeu.com.

Mjekët pohojnë se rreziku i infektimeve është ulur ndjeshëm, ndërsa pacientët duhet të fokusohen më tepër te kontrollet mjekësore post Covid-19.

Sipas të dhënave të raportit të monitorimit të Ministrisë së Shëndetësisë për janar -gusht 2022 janë vaksinuar në vend 462,393 persona dhe janë shpenzuar 584,843,000 lekë për vaksinat. Në raport me vjet vaksinimet janë ulur 68%.

Për të njëjtën periudhë të vitit të kaluar për vaksinimin e popullatës u shpenzuan rreth 27 mln USD, sipas të dhënave të Ministrisë të Shëndetësisë. Për periudhën janar-gusht 2021 u vaksinuan 1,443,375 persona dhe shpenzimet faktike për këtë periudhë llogariten në vlerën e lekëve 2,793,811,000 lekëve. Gjatë periudhës janar-gusht 2021 u vaksinuan me 2 doza 625,773 persona dhe me një dozë 817,602 persona.

Sakaq sipas Ministrisë së Shëndetësisë në total deri tani janë kryer 2,996,596 vaksina. Konkretisht janë kryer 1,323,724 doza të para, 1,269,566 doza të dyta dhe 372,387 doza të treta (numri i vaksinimeve të raportuara, përfshin edhe vaksinimet e qytetarëve shqiptarë të kryera jashtë vendit).

Mjekja e familjes në qendrën shëndetësore të Kamzës Elizabeta Musta tha për Monitor se parë nga efektet dytësore që po shfaqen te disa pacientë virusi ende qarkullon, por në forma të lehta. Musta thekson se më tepër pacientët po orientohen te kontrollet për efektet pas infektimeve.

“Virusi qarkullon, por nga simptomat e pacientëve shfaqja e tij është në forma të lehta. P.sh para pak ditësh patëm një rast të një pacienti që bllokimi i hundëve dhe kollës i kishte dhënë perikardit në zemër apo siç njihet ndryshe cipa e zemrës i kishte mbledhur ujë. Nga kontrolli i kardiologut u konstatua që pacienti kishte kaluar tani vonë covid-19.

Vaksina kundër Covid-19 është rekomanduar të bëhet bashkë me vaksinën kundër gripit. Të pakët janë ata që kërkojnë të vaksinohen, apo nga persona që udhëtojnë jashtë”, pohon ajo.

Edhe mjeku Ilir Allkja më herët pohoi për “Monitor” se post pandemisë komplikacionet në zemër nuk mungojnë as tek ata njerëz që e kanë kaluar Covid-19 me shenja të lehta ose pa shenja.

“Efektet afatgjata mund të përfshijnë një mori simptomash pulmonare, kardiovaskulare, të sistemit nervor, të shëndetit mendor etj. Hulumtimet sugjerojnë se rreth 10% deri në 20% të pacientëve të prekur nga Covid-19 përjetojnë probleme afatmesme ose afatgjata. Në rutinën time, kam vizituar plot pacientë me shqetësime zemre, të cilët para se të kalonin infeksionin e Covid-19 nuk kanë pasur kurrfarë shqetësimi”./monitor

The post Vaksinimet kundër Covid-19 për janar-gusht 68% më pak se vjet appeared first on Albeu.com.

Nëse ai vazhdon të jetë i pavaksinua, ai nuk do të mundet të futet në SHBA për shkak të rregullave që ata kanë.

Së fundmi, thuhet se dy anëtarë të Kongresit, Claudia Tenney dhe Louie Gohmert, i kanë kërkuar autoriteteve përkatëse të lejojnë yllin e tenisitit apo të gjithë atletëve të tjerë një leje të veçantë në mënyrë që të marrin pjesë në “Us Open”./ h.ll/albeu.com

The post Djokovic refuzon përsëri vaksinimin, “Us Open” në rrezik appeared first on Albeu.com.

Por pandemia Covid-19 me masat kufizuese në lëvizje e përkeqësoi me tej ketë tregues, i cili edhe pas pandemisë shfaqi një ecuri jo të mirë.

Të dhënat zyrtare nga INSTAT tregojnë se në vitin 2021, vërehet një ulje e mbulesës vaksinale ndaj Difterisë, Tetanozit, Kollës së mirë, Fruthit, Rubeolës dhe Parotitit.

Psh, vaksina për fruthin u realizua vetëm në 89% nga 95 % para pandemisë më 2019 dhe 91 për qind gjatë vitit pandemik 2020. Mbulesa vaksinale për poliometlitin ishte 98 % nga 99 % para pandemisë. Për Rubeolën mbulesa vaksinale ishte 89.2% nga 95 % para pandemisë dhe 91% gjatë vitit pandemik 2020. Sipas tabelës bashkëngjitur shihet se, mbulesa vaksinale është përkeqësuar për të gjitha sëmundjet që parandalohen me vaksinë.

Rekomandimet e OKB dhe OBSH janë për një mbulim 100 % të popullatës me vaksina.

Shqipëria filloi prodhimin e vaksinave kundër shumicës së sëmundjeve të fëmijërisë që parandalohen me vaksina nga fundi i viteve.

Deri në kohën e ndryshimeve social-ekonomike, në fillim të viteve ’90-të, vendi ishte i pavarur – në kuptimin që prodhonte vetë vaksinë, por ky prodhim u ndërpre në vitin 1992 dhe në atë kohë ishte UNICEF-i që mbuloi nevojat për vaksinë, deri ne vitin 2006 ku shteti shqiptar filloi të mbulonte plotësisht nevojat për vaksina.

Një mbështetje për vaksina ka dhënë dhe GAVI – Aleanca Globale e Vaksinave dhe imunizimit.

Vaksinat ofrohen në maternitet dhe në sistemin e kujdesit shëndetësor parësor sipas një skeme të caktuar. Mbulesa vaksinale para pandemisë ishte mbi 90% dhe varion nga 95-99% në shkallë vendi me një mesatare prej 98% duke treguar për një cilësi të vlefshme të këtij shërbimi, duke ofruar këtë shërbim për çdo fëmijë, panvarësisht vendit ku banon apo gjendjes social-ekonomike, duke e bërë atë një tregues model të barazisë në ofrimin e këtij shërbimi.

Instituti i Shëndetit Publik ka përcaktuar standardet që duhet të këtë çdo qender shëndetësore në lidhje me vaksinimin dhe rolet që kanë aktorët e ndryshëm për të plotësuar këto standarte. Vaksinimi bën pjesë në paketën e shërbimeve të veçanta për fëmijët e cila ndiqet nga personeli infermier vaksinator dhe mjekët e konsultorit si dhe mjeku pediatër duke përfshirë përherë e më shumë mjekun e familjes, sidomos në fshat./monitor

The post Mbulimi vaksinal u përkeqësua edhe më tej pas pandemisë, rënia u thellua me 2021 appeared first on Albeu.com.

Në një deklaratë të lëshuar të mërkurën, US Open tha se megjithëse nuk ka mandatin e vet të vaksinimit për lojtarët, do të respektojë pozicionin e qeverisë amerikane në lidhje me udhëtimin në vend për shtetasit jo-amerikan të pavaksinuar.

SHBA kërkon që joshtetasit të vaksinohen plotësisht kundër Covid-it për të hyrë në vend. Si rezultat, Djokovic, i cili është shprehur vazhdimisht se nuk do ta bëjë vaksinën, nuk do të lejojë të hyjë në vend.

Kjo do të përjashtonte efektivisht kampionin e Wimbledon për turenun, i cili fillon 29 gusht.

“Sipas Librit të Rregullave të Grand Slam-it, të gjithë lojtarët e kualifikuar futen automatikisht në fushat kryesore të shortit për meshkuj dhe femra, bazuar në renditjen 42 ditë përpara të hënës së parë të eventit”, thuhet në deklaratën e US Open.

“US Open nuk ka një mandate vaksinimi për lojtarët, por do të respektojë pozicionin e qeverisë amerikane në lidhje me udhëtimin në vend për qytetarët e pavaksinuar jo-amerikanë”.

Djokovic, i cili gjithashtu u ndalua të luante në Australian Open për shkak të statusit të tij të vaksinimit, kishte thënë pas fitores së tij në Loindër se ai shpresonte “për disa lajme të mira nga SHBA”, sipas gazetës britanike “The Guardian”.

Ylli 35-vjeçar i tenisit ishte emëruar në listën e hyrjes për Grand Slam-in e fundit të vitit të mërkurën, por siç vuri në dukje US Open, kjo është rutinë dhe nuk do të thotë se ai është i garantuar që të lejohet të luajë.

Djokovic ka thënë më parë se ishte i gatshëm të sarifikonte ndeshjet në turne në mënyrë që të qëndrone i pavaksinuar./ h.ll/albeu.com

The post US Open konfirmon se Novak Djokovic nuk mund të luajë nëse nuk është vaksinuar appeared first on Albeu.com.

“Pas sigurimit ditë më parë dozave pediatrike të vaksinës kundër COVID-19, donacion nga Shtetet e Bashkuara të Amerikës përmes mekanizmit COVAX dhe sigurimit të materialeve përcjellëse për vaksinim, fëmijët e moshës 5-11 vjeç, nën përkujdesjen e prindit ose kujdestarit ligjor, mund të vaksinohen që tani kundër COVID-19 në njësitë e vaksinimit në komunat e Kosovës”, shkruhet në njoftim.

Deri më tani në Kosovë lejohej vaksinimi vetëm për fëmijët e moshës mbi 12 vjeç.

Ndërkohë po vazhdon vaksinimi i të gjitha grupmoshave. Grupmoshat mbi 60 vjeç mund të marrin vaksinën e katërt me kushtin që të tretën ta kenë marrë katër muaj më parë.

Fëmijët mbi 12 vjeç mund të marrin dozën e parë, të dytë dhe të tretë.

Në 24-orët e fundit janë shënuar 871 raste të reja me COVID-19 në Kosovë, ku fatmirësisht nuk janë regjistruar viktima./rel

The post Miratohet vaksinimi kundër COVID-19 për fëmijët mbi 5 vjeç appeared first on Albeu.com.

Njoftimi i Ministrisë së Shëndetësisë së Kosovës:

Sipas të dhënave nga Instituti Kombëtar i Shëndetësisë Publike të Kosovës, gjatë dy javëve të fundit, është shënuar rritje e rasteve të COVID-19, që ka ndikuar rrjedhimisht  edhe në rritjen e rasteve aktive.

Me qëllim të parandalimit dhe mbrojtjes nga infeksioni, Ministria e Shëndetësisë u bën thirrje qytetarëve që nuk kanë marrë ende asnjë dozë të vaksinës kundër COVID-19, që të vaksinohen, ndërsa qytetarët që i kanë marrë një apo dy doza të vaksinës, ta marrin dozën e dytë, respektivisht dozën e tretë të vaksinës.

Imuniteti i fituar përmes vaksinimit, me kalimin e kohës vjen duke rënë, prandaj vaksinimi me dozën e radhës (doza e dytë apo e tretë) ndihmon në rindërtimin e imunitetit.

Gjatë 24 orëve të fundit, në Kosovë janë shënuar 43 raste të reja me Covid-19 dhe asnjë vdekje. Ministria e Shëndetësisë bën me dije se sot janë shëruar 8 qytetarë, derisa numri i përgjithshëm i të shëruarve është 225.312. Në total numri i rasteve aktive është 154./albeu.com

The post Rritja e rasteve me Covid-19 në Kosovë, Ministria e Shëndetësisë: Vaksinohuni! appeared first on Albeu.com.

Në një deklaratë të përbashkët të mërkurën, Agjencia Evropiane e Barnave dhe Qendra Evropiane për Parandalimin dhe Kontrollin e Sëmundjeve thanë se kishin shqyrtuar të dhënat për një dozë të katërt të vaksinave COVID-19 të bëra nga Pfizer-BioNTech dhe Moderna Inc.

Ato përfshinin të dhëna reale nga Izraeli, ku hulumtimi ka treguar se një përforcues i dytë ofron vetëm mbrojtje pak më të lartë.

“Aktualisht nuk ka asnjë provë të qartë në BE që mbrojtja e vaksinave kundër sëmundjeve të rënda po zvogëlohet ndjeshëm tek të rriturit me sistem imunitar normal të moshës 60 deri në 79 vjeç,” thanë agjencitë.

Por organizatat pranuan se nëse situata e pandemisë ndryshon, mund të jetë e nevojshme të merret në konsideratë një dozë e dytë përforcuese në atë grupmoshë.

Për të rriturit më të rinj se 60 vjeç pa probleme shëndetësore, “aktualisht nuk ka asnjë provë përfundimtare që mbrojtja e vaksinave kundër sëmundjeve të rënda po zbehet ose se ka një vlerë të shtuar të një doze të katërt,” thanë EMA dhe ECDC.

Këshilla qëndron në kontrast me udhëzimet e lëshuara nga Administrata e Ushqimit dhe Barnave të SHBA-së, e cila vendosi javën e kaluar që amerikanët 50 vjeç e lart mund të marrin një përforcues të dytë për COVID-19 nëse kanë kaluar të paktën katër muaj nga vaksinimi i tyre i fundit.

Qendra e SHBA-së për Kontrollin dhe Parandalimin e Sëmundjeve rekomandoi më vonë vaksinën shtesë si një opsion, por nuk u kërkoi atyre që kualifikoheshin të nxitonin dhe ta merrnin atë menjëherë. Ky vendim zgjeron përforcuesin shtesë për miliona të tjerë amerikanë.

Rekomandimet evropiane vijnë pasi vende të shumta në të gjithë kontinentin kanë hequr pothuajse të gjitha kufizimet e tyre për COVID-19 dhe po luftojnë me një rritje të sëmundjes të nxitur nga nënvarianti jashtëzakonisht infektiv i omicron BA.2.

Sëmundja më e lehtë e variantit nuk ka nxitur shtrimin në spital dhe vdekjet si në valët e mëparshme dhe autoritetet në shumë vende shpresojnë se nivelet e tyre të larta të imunizimit do të shmangin çdo kufizim të madh në shoqëri./REL

The post Zyrtarët e BE-së: Është herët për të konsideruar dozën e katërt të vaksinës appeared first on Albeu.com.