Komentet Rama i bëri në Austri, ku po merr pjesë në “European Forum Alpbach”.

“Nuk e shoh Europën të ndryshojë. Çështja është sesi vetë Europa po ndryshon dhe nuk duket sikur po ndryshon ne asnjë farë mënyre. Është një lloj inercie midis një lufte ku nga një anë janë rusët dhe nga ana tjetër Ukrainas, dhe amerikanët që po japin një mbështetje të madhe, ndërsa Europa po bashkohet. Në fund të fundit nuk janë të gjtha premisat për të qenë optimist.

Nëse do ta shohim në një pamje të përgjithshme do të ndjeheshim mirë. Por po të hynim në detaje do të kuptojmë se ajo çfarë shohim në panoramë të përgjithshme është reagues, që është një mënyrë e mirë për të reaguar. Por nuk është një veprim proaktiv për të ndryshuar disa gjëra që ekzistojnë dhe thërrasin për drejtësi”, tha Rama.

Kryeministri u ndal më tej edhe tek Kosova. Rama tha se kur ishte nën regjim barbar të serbëve qytetarët e Kosovës lëviznin të lirë dhe sot jo, pasi vizat nuk janë liberalizuar.

“Kosova u çlirua nga fuqitë e mëdha. Nën regjimin barbar ata mund të lëvizin lirisht në Evropë dhe me çlirimtarët ata janë peng. Gjyshërit e fëmijëve që kanë lindur në Kosovën e lirë, mund të shkonin në Austri, fëmijët nuk mund të lëviznin sepse nuk ka liberalizim të vizave”, tha Rama.

Kryeministri kujtoi edhe çështjen e vaksinave të koronavirusit. Rama akuzoi BE-në që nuk u interesua për vendet e Ballkanit.

“Nuk e  vramë mendje për vaksinat. Na u desh të vrapojmë pas Kinës. Pa presidentin e Turqisë nuk do të kishim pasur vaksinat”, tha Rama./albeu.com/

The post “Vaksinat na i dha Erdogan”, Rama në “European Forum Alpbach”: Europa nuk po ndryshon appeared first on Albeu.com.

Instituti shtetëror, Statens Serum, i cili analizon shtrirjen e COVID-19 në Danimarkë, ka thënë se epidemia në shtetin skandinav aktualisht “është nën kontroll, dhe mbulueshmëria me vaksina në mesin e popullsisë daneze është e lartë”.

Rreth 81 për qind e popullsisë së Danimarkës prej 5.8 milionë banorësh kanë marrë dy doza të vaksinës kundër koronavirusit, ndërsa 62 për qind e tyre kanë marrë dozë përforcuese.

Agjencia ka thënë se Danimarka, sikurse shumë shtete në botë ka tepricë të vaksinave.

“Ekzistojnë sfida globale sa u përket donacioneve të vaksinave kundër COVID-19, sepse për herë të parë gjatë pandemisë, furnizimi me vaksina tejkalon kërkesën”, ka thënë agjencia përmes një deklarate.

Sipas autoriteteve, Danimarka ka bërë donacion 9 milionë doza të vaksinës dhe është duke bashkëpunuar me shtete tjera të Bashkimit Evropian për të gjetur kandidate që do të pranojnë vaksina që janë tepricë.

“Megjithatë, për shkak të rënies së kërkesës dhe mungesës së gatishmërisë për t’u vaksinuar në shtetet në zhvillim, ka qenë e vështirë për Danimarkën dhe vende tjera të BE-së të gjejnë shtete pranuese të këtyre dozave”, është thënë në deklaratë./REL/

The post Pse Danimarka do të asgjësojë mbi 1 milion vaksina kundër COVID-19 appeared first on Albeu.com.

Rreth 53% e tyre nuk janë dakord që të vendoset me detyrim certifikata e vaksinimit në vendin tonë.

Ky ishte rezultati i pyetësorit të zhvilluar nga qeveria në kuadër të këshillimit kombëtar.

Nga ana tjetër, 41% e njerëzve kanë votuar që Shqipëria të përdorë certifikatat me detyrim.

Vaksinimi i detyruar kundër koronavirusit për momentin është vendosur në Shqipëri për kategori të caktuara, si arsimtarët, studentët dhe punonjësit e qendrave tregtareve apo bizneseve.

The post Vaksinimi i detyruar, çfarë vendosën votat e shqiptarëve në Këshillimin Kombëtar appeared first on Albeu.com.

Një studim I fundit ka treguar se nëse do të kryejmë të tre dozat e vaksinës anti-Covid, atëherë pjesa më e madhe e personave nuk do të kenë nëvojë për një dozë të katërt.

Mediat e huaja në kuadër të të dhënave bëjnë me dije se mutacioni Omicron ka aftësinë t’i shpëtojë antitrupave neutralizues të ofruar nga dy dozat e vaksinës. Por doza përforcuese e vaksinës mRNA e shtyn sistemin imunitar të prodhojë një gamë më të gjerë antitrupash, nga të cilat do të ishte e vështirë të shpëtonte çdo variant i ri, sipas studimit të fundit, i cili ende nuk është testuar në mënyrë të pavarur.

“Me gjithë mbrojtjen e reduktuar kundër infeksionit, pacientët  që morën 3 doza të vaksinës mRNA ishin kryesisht të mbrojtur nga pasojat më të rënda të infeksionit”, kanë thënë studiuesit.

Drejtor i Institutit të Imunologjisë në Universitetin e Pensilvanisë, John Warrey  ka theksuar se me rritjen e dozave të vaksinimit kishim dhe një infeksion më të ulët tek qytetarët.

Një dozë e katërt mund të jetë e nevojshme për njerëzit mbi 65 vjeç ose në grupe të tjera, si për shembull personat me imunitet të dobët, por për popullatën e përgjithshme duket e panevojshme.

Çfarë roli luajnë qelizat T dhe B?

Njëra anë e imunitetit janë antitrupat. Megjithatë, qelizat T dhe B të të ashtuquajturit imunitet qelizor luajnë një rol të rëndësishëm , pasi ato njohin më shumë pika të proteinës virale të virusit sesa antitrupat. Por ato janë të vështira për t’u matur.

Në rastin e koronavirusit  SARS, si rezultat i së cilës rreth 800 njerëz vdiqën në epideminë që shpërtheu në Azi në vitin 2003, qelizat T që njohin virusin mbijetojnë për të paktën 17 vjet, tregoi një studim i publikuar në vitin 2020 në Nature.

Bazuar në të dhënat shkencore, qelizat T të prodhuara pas vaksinimit (me vaksinat Pfizer, Moderna, Johnson & Jonhnson ose Novavax) ruajnë 80% të efikasitetit të tyre kundër mutacionit Omicron .  Duke pasur parasysh mutacionet e shumta që mbart Omicron, ka të ngjarë që qelizat T të mbeten efektive në variantet e ardhshme.

 Roli i qelizave B

Studime të tjera fokusohen në rolin e qelizave B, të cilat “kujtojnë” virusin dhe mund të prodhojnë antitrupa të rinj brenda pesë ditëve nga riekspozimi.

Efekti i kombinuar mbrojtës i qelizave T dhe B mund të shpjegojë pse njerëzit e infektuar me Covid-19 pavarësisht se marrin një dozë përforcuese kanë më pak gjasa të sëmuren rëndë. Sipas këtyre të dhënave shkencëtarët kanë arritur në përfundimin se për shumicën e personave të vaksinuar imuniteti ruhet për një kohë të gjatë  dhe është në gjendje të përballojë variantet e reja.

The post Studimi: Nëse aplikohet doza e tretë e Covid, e katërta nuk është e domosdoshme appeared first on Albeu.com.

Kush është i vaksinuar, ka një rrezik më të vogël të zhvillojë simptoma “Long-Covid” – kështu quhen simptomat si lodhja kronike apo sëmundje të tjera që të shëruarit shpesh informojnë pas infektimit me Corona. Këtë e tregon një studim paraprak i mjekëve të klinikës universitare “Bar-Ilan” në Safed, Izrael, i cili u publikua më 25.01. në revistën shkencore “Nature”. Rastet që kanë marrë në shqyrtim mjekët, lidhen të gjitha me fazën e parë të fushatës së vaksinimit, pra nga marsi 2021.

Studiuesit kanë pyetur për projektin e tyre më shumë se 3000 vetë të testuar me PCR për simptoma të mundshme Long-Covid. 951 prej tyre ishin provuar si të infektuar. Rezultati të jep të dhënat e para, se imunizimi bazë të ndihmon të mposhtësh më mirë infeksionin. “Kjo është një arsye tjetër për vaksinimin”, thotë Michael Edelstein, epidemiolog në këtë universitet.

Simptomat aq të rralla si tek ata që nuk kanë qenë asnjëherë të infektuar

Vaksina të mbron me mënjanimin e infektimit, por edhe nëse je infektuar, ecuria e sëmundjes është më e butë. Kjo reflektohet edhe tek pasojat afatgjata të atyre që janë sëmurur me COVID-19. Sipas studimit, të vaksinuarit kanë një gjasë 54% më të ulët të kenë dhimbje koke. Kurse tek simptomat e lodhjes kronike gjasat e të vaksinuarve për të zhvilluar lodhjen kronike janë 64% më pak, dhimbjet muskulare 68%. Këto vlera iu përgjigjeshin vlerave të dhënave nga personat që nuk kanë qenë të infektuar asnjëherë me SARS-CoV-2.

Simptomat Long-COVID- janë të vështira për t’u përcaktuar

Për mjekët familjarë është shpesh shumë e vështirë ta diagnostikojnë qartë Long-COVID. Shpesh pacientët nuk ndjehen të marrë seriozisht, kur paraqesin ankesa të tilla. Simptomat tipike, si lodhja, dobësia e përgjithshme, marrje mendsh, dobësimi i përqëndrimit, dhimbjet e muskujve rrallë lidhen qartësisht me një infektim që ka kaluar. Long-COVID përfshin një numër të madh simptomash, që mund të shfaqen edhe nga sëmundje të tjera. Prandaj mjekët e kanë të vështirë të përcaktojnë qartë atë, sipas një studimi në Plosmedicine, të shtatorit 2021, për të cilën studiuesit morën të dhënat e 273.618 të shëruarve nga Corona.

Sipas studimit gati 60% e të infektuarve me COVID-19 edhe gjashtë muaj pas sëmundjes shfaqin simptona. Po ashtu ndodh edhe gripin. 40% e të shëruarve nga gripi ankohen se kanë simptoma të afërta me Long-COVID edhe pas gjashtë muajsh. Ka dallime të mëdha mes vlerësimeve për shpeshtësinë e shfaqjes së Long-COVID në bazë të asaj se cilat simptoma tipike merren për bazë. Kështu Shoqata Helmholtz e shikon këtë shpeshtësi rreth 10%. Me gjasë merren këtu për bazë diagnozat e qarta, vetëm rastet e rënda të Long-COVID.

Vaksina ndihmon kundër viruseve të ftohjes

Studiues të Universiteteve të Ulmit dhe Amsterdamit kanë gjetur edhe një arsye tjetër, pse duhet të vaksinohesh. Vaksinat aktuale në treg kundër virusit të Coronës, SARS-CoV-2 ofrojnë një mbrojtje të caktuar kundër viruseve të mëparshme të Coronës, (hCoV) që shkaktojnë gripin normal. Ato veprojnë edhe kundër virusve të para të sars, si SARS-CoV-1.

Ekipi rreth Frank Kirchhoff nga Instituti për Virologjinë Molekulare në Universitetin e Ulmit shkruan në një studim të publikuar më 25 janar në “Clinical Infectious Diseases”, se “vaksinat të çojnë në një neutralizim eficient të kryqëzuar të SARS-CoV-1, por jo të MERS-CoV. Mesatarisht një vaksinë rrit ndjeshëm aktivitetin neutralizues kundër (viruseve të ftohjes), hCoV-OC43, -NL63 und -229E.”

Gjithnjë e më shumë të shëruar preken nga Omikron

Ndër të tjera studiuesit në një studim të zgjeruar britanik kanë arritur në përfundimin, se gati një e treta e të njerëzve që janë infektuar me virusin Corona në periudhën 5-20 janar 2022 kanë kaluar më parë një infeksion të Coronës. Studimi, pjesë e programit shkencor REACT (Real-time Assessment of Community Transmission) përfshiu 100.500 vetë, që kishin zhvilluar në këtë hapësirë kohore një test antigjen. Për shkak se të dhënat bazohen në informacionin e dhënë nga vetë personat, shifrat duhen parë me rezervë, thonë autorët e studimit./DW

The post Studimi: Vaksina të mbron nga Covidi i zgjatur dhe ftohja appeared first on Albeu.com.

Vendimi vjen pas një rrënie të ndjeshme në numrat e infektimeve të reja.

Autoritetet në Skoci kanë vendosur të lejojnë hapjen e klubeve të natës, pub-eve, mbledhjet në çdo ambient të brendshëm si dhe të heqin rregullin e distancimit fizik.

Megjithatë, qytetarëve u këshillohet që të vijojnë të punojnë nga shtëpia si dhe të kryejnë teste sa herë bëhen pjesë e aktiviteteve me shumë persona.

Edhe udhëzimet për të moshuarit që u ndalohej të mos të mblidheshin me më tepër se tre persona do të hiqen, së bashku me sportet që luhen në ambiente të mbyllura./albeu.com/

The post Të lirë! Ky shtet europian do heqë të gjitha masat kufizuese kundër Covid appeared first on Albeu.com.

Kështu kanë thënë burimet nga Bashkimi Evropian për Radion Evropa e Lirë.

Këto burime thonë se përgatitjet janë në vazhdim e sipër dhe se kur të përmbushen kushtet, edhe Kosova e Bosnja e Hercegovina mund të përfshihen në këtë sistem.

Para dy ditësh, Mali i Zi iu bashkua këtij sistemi ndërsa më herët këtë e kishin bërë Shqipëria, Maqedonia e Veriut dhe Serbia.

Përfshirja e shteteve të treta në listën e Certifikatës Digjitale të Vaksinimit të BE-së mundësojnë që certifikatat e vaksinimit të lëshuara në ato vende me automatizëm njihen edhe në vendet e Bashkimit Evropian.

Kjo do të thotë se në secilin institucion, lokal apo vend në BE, QR kodet nga to do të mund të lexohen sikurse edhe të gjitha vërtetimet e ngjajshme të lëshuara nga autoritetet e vendeve anëtare.

Mospërfshirja e Kosovës dhe Bosnje e Hercegovinës në këtë sistem tashmë po krijon pengesa praktike për ata që udhëtojnë në vendet e Bashkimit Evropian.

“Që nga fillimi i pandemisë BE-ja ka dëshmuar përkushtimin për ta trajtuar rajonin e Ballkanit Perëndimor si partner të privilegjuar, duke i përfshirë ata në mekanizmat dhe instrumentet e BE-së në kontekstin e pandemisë COVID- 19”, ka thënë Christian Wigand, zëdhënës i Komisionit Evropian për çështje ligjore.

Ky zëdhënës i Komisionit Evropian ka nënvizuar se ekspertët e BE-së kanë pasur takime shqyrtuese me të gjithë partnerët nga rajoni dhe procesi është në vazhdim e sipër.

Ai ka thënë se BE-ja shpreson se “më shumë partnerë nga rajoni së shpejti t’i bashkohen këtij sistemi të BE-së”.

Më 16 dhjetor, Radio Evropa e Lirë ka raportuar se qytetarët e Kosovës, nga janari i vitit të ardhshëm, mund të mos lejohen të udhëtojnë në vendet e Bashkimit Evropian, pasi blloku nuk i njeh ende certifikatat e vaksinimit kundër koronavirusit, të lëshuara në Kosovë.

Ministria e Shëndetësisë e Kosovës kishte thënë se problemi me certifikatat është i natyrës teknike.

“Jemi në fazën kur duhet të bëhet i lexueshëm kodi QR offline [pa qenë të lidhur në internet]. Aktualisht është i lexueshëm vetëm online. Çështja ka të bëjë me aspektin teknik”, thotë për Radion Evropa e Lirë Dafina Gexha, zëvendësministre e Shëndetësisë.

I ashtuquajturi kod QR, kur skanohet, ofron informacione për llojin e vaksinës së marrë, numrin e dozave dhe vendin e vaksinimit.

Rikujtojmë se BE-ja, nga 10 janari, synon t’i ndalojë të gjithë ata që nuk janë të vaksinuar me dozën e tretë të vaksinës. Aktualisht, për të hyrë në njërin nga vendet e bllokut mjafton testi negativ PCR i koronavirusit.

Vendimin përfundimtar për udhëtime nga jashtë, BE-ja pritet ta marrë në fund të dhjetorit./REL

The post BE: Certifikatat e vaksinimit nga Kosova nuk pranohen për shkaqe teknike appeared first on Albeu.com.

Njoftimin Rama e bëri përmes një postimi në Facebook, ku ka publikuar thirrjet e të infektuarve me Covid nga spitali të cilët kërkojnë që shqiptarët të vaksinohen dhe të shpëtojnë njëri-tjetrin.

“Kur përballesh me vendimin e gabuar për të refuzuar vaksinën”, shkruan Rama.

Një pacient i infektuar me Covid i shtruar në spital, ka bërë thirrje të rinjve që të vaksinohen.

“Në familjen time të gjithë janë të vaksinuar përveç meje që ishte zgjedhja ime e gabuar që më solli këtu ku jam. Në varësi të kësaj bëj thirrje që të gjithë të rinjtë të vaksinohen”, ka thënë ai.

Gjithashtu një tjetër pacient bën thirrje qytetarëve që të vaksinohen e mos të përfundojnë në spital.

“U bëj thirrje të gjithëve që të vaksinohen se do të përfundojnë si unë këtu”, shprehet ai./albeu.com/

The post “Kur përballesh me vendimin e gabuar”, Rama publikon thirrjet e të infektuarve me Covid (VIDEO) appeared first on Albeu.com.

Të shumta kanë qenë komentet në këtë video të Ramës, dhe përgjigjet e vetë kryeministrit.

Komentuesi: Po po! Te dora e majte uje me kripe. Te e djathta uje me limon

 Rama: Ujë me sheqer tek e majta dhe me limontoz tek e djathta

Komentuesja: Nje pyetje kam , kushtet per mbajtjen dhe transportin e vaksinave jane respektuar? E kam fjalen per temperaturat ku mbahen vaksinat? Kam lexuar qe ndryshimi ne temperaturen nga temperatura e rekumanduar ben qe vaksina te skadoje.

E kuptoj qe eshte psikologjike gjith kjo po ti vet i ke kontrolluar? Se mos te kane bere dhe ty uji me kripe dhe nuk ke marre vesh gje.Ministrja eshte vajze e mire e njof po shkolle per keto pune nuk ka bere nuk do te thot gje po jane ca gjera qe mire do ishte te na i kishe sqaru. Vetem aman : don’t patronize me .

Rama: E pra sapo kam marre sot nje vaksine te skaduar une vete, sepse me ka bere magji IIluminati./albeu.com/

The post “Jam si kokrra e qepës”, Rama kthen në komedi marrjen e dozës së tretë të vaksinës: Më ka bërë magji Iluminati (VIDEO) appeared first on Albeu.com.

“Infeksionet ndërhyrëse janë 10 herë më të larta te personat e pavaksinuar se tek ata të vaksinuarit.

Kjo lidhet edhe me spitalin, edhe me numrin e vdekjeve.

Nga ana tjetër ka nidur përdorimi i dozes së tretë, ose i dozës shtesë, e cila po ecën me ritme të mira.

Gjithashtu nuk duhet të harromë vaksinimin me dozën e parë e të dytë”, është shprehur Bino./albeu.com/

The post Silva Bino flet me shifra: Kemi 10 herë më shumë infeksione Covid te të pavaksinuarit (VIDEO) appeared first on Albeu.com.