Përveçse për biznese e shkollim, një numër i konsiderueshëm janë edhe vajza “eskorta”. Gazeta zvicerane në gjuhën shqipe LeCanton27 ka bërë një investigim për Dubain, si është të jetosh atje dhe kontradiktat.

Me një popullsi prej 3 mln banorësh, mësohet se në Dubai ndodhen 50 mijë punonjëse të seksit. Në vitin 2006, Emiratet e Bashkuara Arabe dëbuan 4300 prostituta të huaja. Besohet se aty janë edhe 500 vajza nga Shqipëria të cilat punojnë si eskorta.

Numri i shqiptarëve në Dubai besohet se arrin deri 5 mijë gjatë sezonit të pushimeve të verës. Ambasadori shqiptar në Emiratet e Bashkuara Arabe deklaron se shqiptarët janë prezantuar me mjaft suksese atje.

“Kemi këtu shumë biznesmenë dhe afaristë që kanë 150 punëtorë, sikur biznesmeni i njohur nga Elbasani, Briken Ndoja. Në Dubai kemi biznesmenë dhe afaristë të njohur nga Kosova apo Maqedonia e Veriut sikur kompania e Ekolog e filantropit Lazim Destani, një biznesmen tashmë i njohur jo vetëm ndër shqiptarët, por edhe në Zvicër e mbarë botën. Po ashtu kemi edhe pronarë të firmave të ndërtimit.

Njëri ndër ta është edhe Albert Leka i cili ka kompani në Doha të Katarit, Filipine, Poloni dhe Amerikë. Sa i përket studentëve, interesimi i tyre është i madh për të studiuar këtu në Emirate, sidomos në Dubai të cilët janë të orientuar të studiojnë kryesisht teologjinë, financat, mjekësinë, biznesin, ekonominë, bankat, numri i të cilët sillet rreth 50.

Ato janë të reja, të bukura, të kualifikuara ose jo të arsimuara. Pika e tyre e përbashkët është e qartë: Disa prostituojnë për të siguruar jetesën, shumica janë për t’u pasuruar lehtë dhe më shpejt. Numri i prostitutave është më i lartë nga vende si Rusia, Ukraina dhe Serbia.

Por nuk mungojnë as shqiptaret. Mësohet se mbi 500 prostituta shqiptare janë sot në Dubai të cilat kamuflohen sikur punojnë në kompani të ndryshne, por në fakt puna e tyre është ajo e eskortës. Në qershor 2023, Reuters publikoi një investigim të titulluar “Si tortura, mashtrimi dhe mosveprimi mbështetësin industrinë e lulëzuar të trafikimit të seksit në Dubai”. Me dëshirë ose jo, ato janë të detyruara të prostituojnë në shtëpi publike, rrugica, bare, hotele e klube nate.

Disa prej tyre kërcënohen “se do t’i vrasin dhe do t’i hedhin në shkretëtirë” nëse nuk binden. Ato që nuk fitonin mjaftueshëm para dyshohet se u dërguan në një dhomë, ku vëllai i Christy Gold i ndëshkonte duke i lënë pa ngrënë dhe i dhunonte. Emiratet janë një destinacion kryesor për trafikimin e seksit, ku gratë prostituohen nga rrjete të paligjshme.

Sipas një raporti të Carnegie Endowment, rritja e prostitucionit në Dubai mund t’i atribuohet disa faktorëve: pabarazitë ekonomike, zbatimi i dobët i ligjit në disa vende, tërheqja që po i bëjnë Emiratet popullsive të ndryshme, duke u hapur dhe rritur çdo ditë e më shumë./ Burimi: LeCanton27 – Pergatitur nga Faktor.al

The post INVESTIGIMI/ 500 vajza shqiptare janë eskorta se*ksi në Dubai! appeared first on Albeu.com.

Përgjatë viteve të fundit kemi parë shpesh emigrantë shqiptarë që pasi marrin ekspuls nga vendet e BE ku punojnë, vijnë në Shqipëri dhe marrin mbiemrin e gruas në mënyrë që të lëvizin lirshëm në ato vende ku punojnë.

Por ajo që po bëhet më shqetësuese janë martesat fiktive, ku persona me precendentë penalë në vendet e Europës, kthehen në Shqipëri dhe me anë të personave të tretë gjejnë një grua sa për “letra” kundrejt një pagese që varion nga 50-100 mijë lekë të rinj.

Në pamje të parë duket sikur përfitojnë të dyja palët edhe nusja e cila shet mbiemrin, por edhe “dhëndri” i cili ka arritur t’ia hedhë sistemit pasi me një pasaportë të re ekspulsi nuk i prish më asnjë punë për të jetuar në çdo vend të BE-së.

Piranja jonë, Aida Topalli, ka shkuar në jug të Shqipërisë, duke na sjellë tablonë reale të kësaj që është duke ndodhur.

Zonja e cila ka bërë një martesë fiktive nga ku ka përfituar 1 mijë euro, tashmë gjithçka i është kthyer në bumerang, pasi po i dalin probleme me gjyqin e divorcit.

“Nusja” e re e cila ka një fëmijë me bashkëjetuesin e saj, nuk po arrin të regjistrojë djalin me mbiemrin e babit të tij biologjik, pasi gjykata e njeh atë si fëmijën e burrit me të cilën e reja u martua vetëm për t’i dhënë mbiemrin e saj, që ky i fundit t’i shpëtonte ekspulsit.

Siç rrëfen edhe vetë ajo shuma prej 1 mijë eurosh që mori për martesën fiktive është shumë e vogël krahasuar me atë që do duhet të paguajë për t’i njohur atësinë e fëmijës së saj babit biologjik, që është edhe bashkëjetuesi i saj.

Por rasti i kësaj zonje nuk është i vetmi, pasi në shumë zona të Shqipërisë martesat fiktive tashmë janë kthyer në biznes, dhe sigurisht që viktimat reale të gjithë kësaj që po ndodh janë gratë, të cilat shpesh ndërmarrin veprime të tilla ligjore që arrijnë deri në martesë për shkak se ju duhen para.

Avokatë dhe njohës të të drejtave civile shprehen për “Piranjat” se shpesh personat të cilët paguajnë për të marrë mbiemrin e një gruaje janë kontigjentë të krimit në vendet e BE./abcnews.al

The post Biznesi që po merr në “qafë” vajzat shqiptare, vuajtjet e grave që martohen në këmbim të parave (VIDEO) appeared first on Albeu.com.

Ditën e sotme, në studion e emisionit ‘Me Zemër të Hapur’ u trajtua pikërisht kjo temë, pra rekrutimi i vajzave për të punuar si eskorta nga agjencitë shqiptare.

Një nga vajzat që kishte aplikuar për këtë punë pa e ditur të vërtetën pas skemës së agjensive deklaroi se edhe pse kishte një diplomë të shkollës së lartë u josh nga paga që ofrohej për punë si kamariere apo hostess.

Vajza e cila ishte kurorëzuar edhe Miss në një kompeticion në Turqi tregoi se vajzave u kërkohej të kishin trupa të gjatë, pa tatuazhe e pa deformime apo shenja dalluese.

E reja tha se dyshimet e para lindën pasi ishte ajo që iu premtua ishte një shifër shumë e lartë

Ajo foli po ashtu për një vajzë të tretë e cila ndoqi të njëjtën rrugë rekrutimi dhe tani ka humbur çdo kontakt me familjarët pasi është nisur drejt Arabisë Saudite për të punuar si kameriere.

Vajza tha se pas komunikimit me vajzën që u nis drejt Arabisë tregonte se ishte tmerruar pasi kishte mbetur në një rreth vicioz nga i cili nuk e dinte nëse do të dilte.

Sipas saj vajza që ka “ngecur” ka probleme me dokumentacionin pasi që të largohet duhet të bashkëpunojë me agjensinë që e dërgoi.

The post “Është e tmerruar, ka përfunduar në një rreth…”, e reja tregon historinë e vajzës shqiptare që ka “ngecur” në Arabi appeared first on Albeu.com.