Në videon e publikuar, Geraldina i këndon me përkëdheli Aleksandrit, ndërsa dëgjohen vargjet: “Kam me ia tregu unë gjithë botës mbarë, se në këtë shtëpi lindi një vëlla. Ma përkëdhel këtë shpirt veç me një shikim, a e ndal ti kohën, biri im?”

Princ Leka e ka shoqëruar postimin me fjalët: “Një melodi dashurie nga Geraldina për vëllain e saj të vogël, Aleksandër. Kujtimi i parë i një lidhjeje që do t’i shoqërojë gjatë gjithë jetës.”

Kujtojmë se më 10 korrik, Princ Leka dhe Blerta Celibashi u bënë prindër të një djali, të cilin e pagëzuan me emrin Aleksandër.

VIDEO

The post Princ Leka ndan pamjet emocionuese, Princesha Geraldinë i këndon me përkëdheli Aleksandrit të porsalindur: Kam për t’ia treguar botës se më lindi një vëlla appeared first on Albeu.com.

Vajza e legjendës së muzikës ka kundërshtuar kërkesën e John Branca-s, pasi sipas saj administratorët e të atit kanë marrë mbi 120 milionë dollarë për punën e tyre lidhur me pasurinë e trashëguar, dhe për këtë arsye ajo i ka kërkuar gjykatës të rrëzojë kërkesat për të mbajtur të fshehta dokumentet ligjore.

Branca argumenton se publikimi i këtyre dokumenteve mund të dëmtojë plane për biznese të ardhshme ose t’u japë avantazh palëve kundërshtare dhe se ajo bashkë me dy vëllezërit e saj kanë përfituar miliona dollarë që prej vdekjes së babait të tyre.

Nga ana tjetër Paris theksoi se pasuria e Jackson pas kaq vitesh mbetet sekrete dhe ende nuk ka një imazh të qartë mbi financat që ka trashëguar.

The post Pasuria e Michael Jackson ende sekrete, pse kërkon transparencë vajza e tij? appeared first on Albeu.com.

Xhaka është baba i tre vajzave, Ayana, Laneya dhe Neyana, të cilat i ka me bashkëshorten Leonita Lekaj.

Pavarësisht karrierës së suksesshme në futboll dhe presionit të madh që sjell ajo, ai thotë se familja mbetet mbështetja e tij kryesore dhe një pikë orientimi në çdo vendim të rëndësishëm.

Futbollisti zviceran ka treguar se edhe sot, pavarësisht se është baba dhe afër moshës 34-vjeçare, kërkon këshilla nga prindërit dhe vëllai i tij Taulanti.

Sipas tij, me kalimin e viteve ka mësuar të jetë më i duruar dhe të mos kërkojë gjithçka menjëherë, siç bënte kur ishte më i ri.

Në shtëpi, Xhaka përshkruhet si një njeri familjar.

Ka treguar se një nga gjërat më të çmuara në ambientin e tij është një pikturë ku shfaqen gruaja dhe fëmija i parë, një dhuratë nga një artist në Dubai.

Kur flet për vajzat e tij, Xhaka thotë se dëshiron t’u trashëgojë mbi të gjitha ambicien dhe vullnetin për të arritur qëllimet, edhe kur ato duken të vështira.

Ndërsa një tipar që nuk do të donte t’ua kalonte është padurimi, një cilësi që ai pranon se e ka pasur gjatë gjithë jetës.

Historia e Xhakës është ndërtuar mbi këmbënguljen.

Nga fëmijëria e tij, kur familja u largua nga Kosova dhe u vendos në Zvicër, deri te vështirësitë në karrierë, ka mësuar të luftojë për çdo sukses.

Pikërisht këtë mentalitet dhe forcë karakteri dëshiron t’ua përcjellë edhe fëmijëve të tij.

Për Xhakën, futbolli është një pjesë e madhe e jetës, por familja mbetet arsyeja kryesore që i jep stabilitet dhe motivim për të vazhduar të shkruajë histori në fushë.

The post Granit Xhaka: Shpresoj që vajzat e mia të trashëgojnë ambicien dhe vullnetin tim appeared first on Albeu.com.

Gjatë intervistës, artisti ndau detaje rreth procesit të realizimit të albumit, këngëve që e përbëjnë dhe mesazheve që ka dashur të përcjellë përmes këtij projekti muzikor.

Përveç muzikës, moderatori Fis Juniku e ngacmoi reperin edhe me disa pyetje që lidhen me jetën e tij private.

Njëra prej tyre kishte të bënte me mundësinë që Majk të martohej me një vajzë të një nacionaliteti tjetër, pyetje së cilës artisti iu përgjigj pa hezitim.

“Nuk mendoj që do ishte problem. Kur e gjen personin e duhur edhe përshtatesh në jetë me të, edhe çka ka më së shumti rëndësi është me pas njerëzillëk brenda qatij personi, me qenë njeri tamam. Edhe dashuria s’njeh ngjyrë, s’njeh nacionalitet… kur e gjen personin e duhur nuk shoh asgjë të keqe”, u shpreh Majk.

Me këtë deklaratë, reperi dha një mesazh të qartë se për të, vlerat njerëzore dhe dashuria kanë më shumë rëndësi sesa kombësia apo prejardhja e partneres.

Kujtojmë se Majk ka publikuar së fundmi albumin “Qielli o kufi”, i cili përmban shtatë këngë dhe shënon projektin e tij të parë solo, duke u pritur mjaft mirë nga publiku.

The post Majk pyetet se a do të martohej me një vajzë të një kombësie tjetër: Dashuria s’njeh ngjyrë, s’njeh nacionalitet appeared first on Albeu.com.

Një foto bardhezi, tipike e atyre kohërave, shfaq imazhin e ëmbël teksa Mimoza mban në krahë të bijën.

Ndërkohë, në një tjetër Instastory, Luka ka ndarë me ndjekësit një nga poezitë më të veçanta të shkrimtares, e cila titullohet ‘Është çudi kur je femër’.

Kujtojmë se Mimoza Ahmeti që mbrëmjen e 27 marsit është pjesë e reality show ‘Ferma Vip 3’ nga ku shpesh herë ka tërhequr vëmendje pasi gjatë lojës së saj ajo është pikasur për sinqeritetin dhe komunikimin e drejtpërdrejtë me fermerët e tjerë.

Jo pak herë, Ahmeti është zgjedhur kryefermere pasi ka qenë më e votuara e publikut. Ndërkohë dhe rrjeti sot e kësaj dite, ku për pak pritet të jetë finalja e madhe e ‘Ferma Vip 3’, më 15 qershor, dedikimet për Mimoza Ahmetin ‘thyejnë’ rrjetin.

The post Vajza e Mimoza Ahmetit ndan foton e papublikuar më parë, poetja mban në krahë të bijën në ’90 appeared first on Albeu.com.

Pas dronit mbështetës që poetja mori nga jashtë, komentet dhe diskutimet në rrjet u shtuan edhe më shumë, ndërsa disa deklarata të saj me humor për vajzën “milionere” morën vëmendje të madhe.

Mes gjithë debatit, vajza e saj ka vendosur të reagojë publikisht, duke zbuluar një anë më personale dhe të panjohur të së ëmës, larg asaj që shfaqet në ekran.

Në mesazhin e saj, ajo e përshkruan Mimoza Ahmetin si një “mama ideale”, duke treguar se poetja ka kaluar vite të vështira dhe ka bërë sakrifica të mëdha për rritjen e saj dhe të motrës.

Sipas saj, pavarësisht sfidave ekonomike dhe vështirësive të jetës, Moza ka bërë çdo përpjekje që fëmijët të mos ndienin mungesa, duke i shkolluar në institucione private dhe duke i siguruar gjithçka të nevojshme, shpesh duke hequr dorë edhe nga rehatia apo dëshirat e saj personale.

Vajza e poetes zbuloi gjithashtu se e ëma ka zgjedhur të qëndrojë për rreth 20 vite e vetme, pa krijuar një martesë tjetër, vetëm për t’iu përkushtuar vajzave të saj dhe familjes.

Ajo hodhi poshtë paragjykimet dhe kritikat e ndjekësve, duke theksuar se një nënë si Mimoza Ahmeti “meriton qiellin plot me drona e parashuta”, ndërsa shpjegoi se droni mbështetës erdhi si një shenjë dashurie dhe malli, pasi prej kohësh nuk janë takuar për shkak të angazhimeve të saj në universitet.

Në fund të reagimit, vajza e saj iu përgjigj edhe kritikëve që kanë komentuar sjelljen e poetes brenda fermës, duke sqaruar se karakteri i saj në format është pjesë e spektaklit dhe argëtimit.

The post “Nuk dilte, kishte probleme”/ Vajza e Mozës rrëfen sakrificat dhe vuajtjet e poetes appeared first on Albeu.com.

Në një postim të ndarë së fundmi në Instagramin e tij, artisti publikoi një foto teksa mban në duar vogëlushen Emma.

Në foton e publikuar ku duket qartazi portreti i vajzës, lehtësisht dallohet ngjashmëria e Emmës me babanë e saj, Agon Amiga.

Vitet e fundit Agon Amiga ka qenë pasiv në rrjet si dhe në muzikë, ndërsa së fundi ka zgjedhur të publikojë momente të ngrohtra krah njerëzve të tij të zemrës.

Agon Amiga, prej vitesh ka qenë pjesë e grupit muzikor “Babastars”, por së fundmi artisti ka qenë tërhequr nga daljet publike, postimet si dhe krijmi i projekteve muzikore.

The post Agon Amiga surprizon me lëvizjen, artisti na prezanton me vogëlushen e tij, Emma appeared first on Albeu.com.

Në postimin e saj, Goulding zbuloi se vajza erdhi në jetë të premten dhe se familja është tashmë e mbushur me gëzim për ardhjen e anëtares më të re.

“Të premten linda një vajzë të bukur dhe të shëndetshme. Jemi plotësisht të fiksuar pas saj”, shkroi këngëtarja, duke treguar se ky është një moment shumë i veçantë për të dhe të dashurin e saj, Beau Minniear.

Ellie theksoi gjithashtu se lindja e vajzës së saj përkoi me një ditë shumë simbolike, pasi ajo e kaloi Ditën Ndërkombëtare të Gruas në maternitet, e rrethuar nga një ekip i përkushtuar profesionistesh.

“Është e përshtatshme që e kalova Ditën Ndërkombëtare të Gruas me të dhe me ekipin e jashtëzakonshëm femëror në St. Mary’s, të cilët më ofruan mua dhe foshnjës sime kujdes dhe mirësi të jashtëzakonshme. Gjithmonë do të kem admirim për mamitë”, u shpreh ajo në mesazhin e saj.

Vajza është fëmija i parë i Goulding me partnerin e saj aktual, Beau Minniear. Këngëtarja është gjithashtu nënë e një djali katërvjeçar, Arthur, të cilin e ka nga martesa e saj e mëparshme me Caspar Jopling.

Sipas Goulding, ardhja e foshnjës ka sjellë shumë emocione të bukura në familje, veçanërisht për Arthur-in, i cili tashmë është shumë i entuziazmuar për rolin e tij të ri si vëllai i madh.

“Ky shtim në familjen time më mbush me shumë gëzim, veçanërisht pasi Arthur është shumë i lumtur që bëhet vëllai i madh i këtij engjëlli të vogël”, shtoi ajo.

Këngëtarja ndau gjithashtu disa momente të ëmbla nga festimi i ardhjes së foshnjës. Në një tjetër postim, ajo publikoi një tortë me çokollatë ku ishte shkruar me krem mesazhi “Mirë se erdhe motër e vogël”, ndërsa një dekorim i madh me lule dhe një banderolë me mbishkrimin “Oh, zemër e vogël” zbukuronte ambientin e shtëpisë.

The post Ellie Goulding ndan lajmin e ëmbël, mirëpret në jetë vajzën e saj appeared first on Albeu.com.

Lojtari nga Kosta Rika, Fredi Alvarez, ka humbur nga jeta vajzën e tij në mënyrë tragjike.

Nuk bëhen me dije detaje se çfarë ka ndodhur, ndërsa rikujtojmë se Alvarez i sapoardhur në janar ka marrë direkt rolin e titullarit te kryeqytetasit.

Njoftimi i Tiranës:

Me dhimbje të thellë ndajmë lajmin se vajza e lojtarit tonë, Freddy Alvarez, ka ndërruar jetë tragjikisht në orët e para të mëngjesit të sotëm në Tiranë.

I gjithë klubi ynë është i tronditur dhe në zi, duke qëndruar pranë Freddyt dhe familjes së tij në këtë moment të rëndë. Ngushëllimet tona më të sinqerta janë me familjen Alvarez. U prehtë në paqe.

The post E rëndë/ Tirana tronditet para Flamurtarit, ndërron jetë vajza e njërit prej titullarëve appeared first on Albeu.com.

Ajo thotë se ka ngelur pa fjalë nga akuzat e rënda të banores, së cilës nuk ia përmendi emrin.

Kjo pasi Alba e akuzoi Fjollën se jashtë formatit përdor substanca narkotike.

“Thjesht nuk kam fjalë më. Jam shokuar prej fjalëve të një banores brenda që nuk dua t’ia përmend emrin për akuza ndaj nënës time (Fjollës) që nuk mendon se çka flet”, u shpreh ajo.

Tutje tha: “Thjesht situata e sotit ka dal jashtë kontrollit, edhe marrë prej asaj x personit për ato fjalë që sot janë thënë në Big Brother janë menaxhuar mirë nga nëna ime”.

Mes tjerash theksoi: “Por dikush është jashtë fëmijët e saj që lëndohen në këto situata se me çka akuzohet nëna. Respekt juve por kurrë personave të ligë”.

Fjolla në mesnatë ka lënë shtëpinë e famshme pasi nuk ndihej mirë.

The post Vajza e Fjolla Morinës thotë se është shokuar nga akuzat e Albës: Jashtë janë fëmijët e saj që lëndohen appeared first on Albeu.com.