“Vëllezërit janë shkolluar e motrat jo, të gjitha jemi pa shkollë, kështu që jeta ime ka qenë gjithmonë e mbyllur brenda shtëpisë, brenda mureve”, thotë Afërdita, emri i vërtetë i së cilës është i njohur për redaksinë por është ndryshuar për shkaqe sigurie. Ajo lindi në një fshat të Kosovës në një kohë kur shkollimi i vajzave thotë se konsiderohej turp.

Në të 20-at, Afërdita u martua me një burrë që nuk e njihte. E kishte takuar vetëm një herë, kur ishin marrë vesh familjet për martesën e tyre.

“Tri vite i kam pasur të mira, aq sa nuk kam pasur asnjë të keqe prej tij, as nuk më ka lënduar, as nuk më ka fyer, ka qenë shumë fukara, por këto nuk m’i ka bërë. Por, pas tri vitesh ka ndryshuar me të madhe”, thotë ajo.

Jeta e Afërditës mori kahje tjetër kur bashkëshorti i saj nisi të ushtronte fillimisht dhunë psikologjike e më pas edhe dhunë fizike ndaj saj.

“Kam qenë shtatzënë, rreth tre muaj e gjysmë më kanë rrahur prap, m’i kanë lidhur këmbë e duar dhe më kanë goditur aq sa kanë mundur, aty e kam abortuar fëmijën tim”, rrëfen Afërdita.

Thuajse çdo ditë, thotë ajo, ndodhej mes jetës e vdekjes…

“Kanë tentuar me armë të më vrasin. I ka vendosur dorezat që mos të ketë gjurmë të gishtërinjve, dhe ka dashur të ma lejë armën mua kinse kam bërë vetëvrasje”, thotë ajo.

Pas shumë vitesh, duke e ditur, siç rrëfen ajo, se nuk e ka as mbështetjen e familjes, Afërdita vendosi të njoftojë policinë një ditë kur ishte rrahur rëndë.

“Kur më ka rënë shati në kokë më ka humbur vetëdija një kohë, por më është kthyer pas një kohe dhe kam qenë e vetëdijshme aq sa të mundohem për jetën time, më ka ndihmuar Allahu fuqiplotë dhe ja kam marrë telefonin, e kam lajmëruar policinë dhe kanë vonuar 20 minuta. Unë gjakun e kam pasur duke rrjedhur pa ndërprerë, i kanë edhe fotografitë në polici që e kam tërë trupin e gjakosur”, thotë ajo.

Afërdita me dy fëmijë, është vendosur në një shtëpi të sigurt për gratë që përjetojnë dhunë në familje.

Drejtoresha e kësaj shtëpie, Fidane Hyseni, thotë se çdo vit aty strehohen 80 deri në 100 viktima të dhunës në familje.

“Pas akomodimit të viktimave, ne ofrojmë ushqim, higjienë, veshmbathje, aktivitete rekreative. Organizojmë edhe kurse për të kaluar kohën e viktimave, si kursi i kuzhinës, rrobaqepësisë, është edhe edukimi shëndetësor”, thotë ajo.

Sfidë për shtëpitë e tilla mbetet financimi i paqëndrueshëm, thotë zonja Hyseni, gjë që sipas saj pamundëson edhe ndërtimin e një objekti të ri, meqë objekti aktual nuk i plotëson të gjitha kushtet.

“Ende nuk ka linjë buxhetore të dedikuar për strehimore nga qeveria, jo vetëm Mitrovica por të gjitha strehimoret e kemi këtë problem fillimvitin. Nevojat e strehimores janë që objekti të ndërtohet nga komuna e Mitrovicës, ose nga tri komunat Mitrovicë, Vushtrri, Skenderaj meqë kemi shumë viktima edhe nga Skenderaj edhe nga Vushtrria”, thotë zonja Hyseni.

Qëndrimi fillestar i lejuar në shtëpi të tilla për viktimat e dhunës është 6 muaj, por kjo kohë shpesh zgjatet meqë riintegrimi i këtyre grave në shoqëri, është punë e vështirë.

Afërdita thotë se misioni i saj jetësor është të sigurojë jetën dhe shkollimin e fëmijëve të saj, por pa mbështetjen e askujt mundësitë e përmbushjes së këtij misioni janë të pakta.

“Kam dëshirë ta shoh veten të lumtur me fëmijët e mi, që fëmijët e mi të shkollohen e të jenë të aftë, të arrijnë fëmijët e mi, ani që unë nuk kam arritur me shkollë dhe gjëra të tjera – të arrijnë fëmijët e mi”, thotë ajo.

Sipas të dhënave nga Policia e Kosovës, viti 2021 ka shënuar rritje të rasteve të dhunës në familje. Derisa në vitin 2020 nga 2101 raste të dhunës në familje – 1636 viktima kanë qenë gra, në vitin 2021 nga 2486 raste të dhunës në familje 1968 viktima kanë qenë gra.

Por, organizatat për mbrojtjen e të drejtave të grave në vazhdimësi thonë se ky numër nuk pasqyron gjendjen reale meqë edhe më tutje dhuna në familje në Kosovë konsiderohet si problem që duhet të mbetet brenda mureve të shtëpisë./VOA

The post “Isha shtatzënë, më lidhi këmbë e duar dhe më rrahu sa abortova!” Dëshmia tronditëse e vajzës shqiptare appeared first on Albeu.com.

Ajo ende vijon të mos gjendet dhe nuk dihet asnjë informacion rreth saj.

Prindërit e saj të përlotur folën sërish rreth zhdukjes së vajzës së tyre dhe treguan detaje se çfarë mund të ketë ndodhur dhe se kur nisi të ndryshojë jeta e saj.

“Lutemi të marrim një telefonatë nga ajo sepse shpresa vdes e fundit. Ne besojmë se është gjallë. Shkuam edhe në Kaminia ku na u tha se Artemis është varrosur, policia ka filluar hetimet dhe ato vazhdojnë.

Nuk dyshonim për asgjë pasi Artemisa ishte paksa e mbyllur. Ajo nuk dilte. Unë ende insistoj se dikush e ka rrëmbyer. Shpresoj të paktën të jetë larguar me një djalë. Kemi kërkuar të hetojmë të riun që Artemis u përfshi në një lidhje. Që nga momenti kur ai hyri në jetës e saj gjërat ndryshuan.

Një grua që ka dëshmuar, ka treguar se në orët e para të së shtunës, disa orë pas zhdukjes së Artemidës ka parë një vajzë që dukej e shqetësuar duke ecur me nxitim në Marathonos Avenue, po nuk ka siguri 100% që ishte ajo”, thotë i ati i përlotur./albeu.com/

The post E zhdukur prej më shumë se një viti, babai i 19-vjeçares shqiptare përlotet: E kanë rrëmbyer, ja kur ndryshoi jeta e saj appeared first on Albeu.com.

Hygerta Sako, e ka shijuar verën në maksimum e na ka dhuruar plot foto seksi, por ajo vijon “të jetojë” në det, si durrsake që është. Hygerta ka postuar foto me bikini ku shkruan: “Vera mbaron kur dua unë”.

Ndërkohë Luana Vjollca vijon “të kërkojë shapka plazhi” brigjeve të Mykonos, ku na ka dhuruar poza siç di vetëm ajo në fakt, plot e pa kursim fare.

Prezantuesja e njohur Fjodora Fjora e ka shfrytëzuar fundjavën ende të ngrohtë për një arratisje nga Tirana e një furnizim energjish për të hënën, ku nis emisonin e saj të përditshëm të pasdites në RTSH1.

The post Vera s’ka mbaruar për ato, vajzat shqiptare pozojnë me bikini nga deti edhe në vjeshtë (FOTO LAJM) appeared first on Albeu.com.

Incidenti ndodhi në kryqëzimin e rrugëve Distomou dhe Tripoleos në Kolonos midis 6-7 vajzave të mitura nga Shqipëria”, shkruajne mediat helene.

Paraprakisht, sipas informacioneve shkak ka qenë dashuria për një djalë. Pas debateve, njëra nga vajzat ka nxjerrë një thikë duke plagosur dy të tjera.

Të plagosurat janë dërguar në spital dhe po marrin ndihmë mjekësore.

Ndërkohë vajza që kreu sulmin u dërgua në Departamentin e Mbrojtjes së të Miturve në Athinë, ndërsa vajzat e tjera u morën në pyetje për të zbardhur ngjarjen.

The post Sherri me thika për të dashurin në Greqi, vajzat janë me origjinë shqiptare appeared first on Albeu.com.