Kështu raportoi për gegonota.news avokati i familjes Crouchs, Thanasis Harmanis. Vajza e vogël ndryshoi mbiemrin e Anagnostopoulos, në atë të nënës së saj.

Siç dihet, fëmija tashmë jeton në Filipine me gjyshërit e saj.

“Një proces përfundoi dhe ishte e qartë që fëmija do të ndryshonte mbiemrin”, theksoi zoti Harmanis.

Synimi për të ndryshuar mbiemrin nga ai i babait të saj biologjik, nisi në qershor te vitit 2021 kur ai u arrestua në shërbimin përkujtimor të Caroline, pasi u mësua se ai kishte vrarë gruan e tij.

Prindërit e Carolinës jo vetëm që donin që mbesa e tyre të rritej larg Greqisë, por edhe të ndryshonin mbiemrin për të mos e lidhur atë sadopak me të atin, i dënuar për krimin që tronditi Glyka Nera-n.

Kujtojmë se Babis Anagnostopoulos mbyti gruan e tij, Caroline Crouchs, në sy të vajzës së tyre dhe për gjashtë javë mashtroi policinë dhe familjen e saj, duke pretenduar se hajdutët kishin hyrë në shtëpi dhe i kishin vrarë jo vetëm Caroline, por kishin mbytur edhe qenin.

The post Babai i vrau nënën, vajza e Caroline Crouchs merr mbiemrin e nënës së saj appeared first on Albeu.com.