vajra esenciale Archives - Albeu.com

Dëshironi flokë të gjatë? Këto metoda nuk ju lënë në baltë

E S — Thu, 04 Aug 2022 12:27:48 +0000

Shumica e femrave janë të pasionuara pas flokëve të gjata. Keni menduar ndonjëherë çfarë u bëjnë flokëve gratë indiane që i kanë kaq të gjatë dhe të shëndetshëm. Ky është sekreti, i cili ka lidhje me kujdesin që duhet të kemi ndaj flokëve, shkruan Gazeta Shëndeti.

Provoni maskën me vezë dhe konjak

Vezët janë plot me proteina, ndërsa konjaku përmban përbërësit taninë që ndihmojnë në rritjen e flokëve dhe i bëjnë më voluminoze. Merrni 2 vezë dhe një gotë konjak. I përzieni ingredientët me një lugë, pastaj e aplikoni maskën tek rrënjët e flokëve. Shtoni vaj ulliri nëse doni ta aplikoni maskën në të gjithë gjatësinë e flokëve.

I lani flokët me uthull molle

Mjafton që ta aplikoni këtë trajtim disa herë në një muaj. Uthulla e mollës aktivizon folikulat e flokëve.

Aloe vera

Lëngu i aloe verës stimulon rritjen e flokëve dhe është i dobishëm për kujdesin ndaj skalpit të kokës. Ndani gjethet në gjysmë dhe shtrydhni lëngun. Aplikojeni lëngun në rrënjët e flokëve dhe masazhoni me kujdes sklapin për të përmirësuar qarkullimin e gjakut dhe mundësuar absorbimin më të mirë të lëndëve ushqyese të aloe verës. Mbajeni maskën për të paktën 2 orë. Nëse doni mund ta mbani edhe gjatë gjithë natës.

Përdorni vajra esencialë

Vaji i bajames, livandës, rozmarinës dhe trumzës i sigurojnë skalpit të kokës një sërë vitaminash dhe përbërësish bimorë. I përzieni vajrat e përmendura me sipër të gjitha së bashku ose i shtoni tek maska me vaj kokosi. Aplikojeni maskën tek rrënjët e flokëve. Prisni për 2-3 orë. Në fund i lani flokët dy herë me shampon e zakonshme, në mënyrë që të hiqni mirë maskën me vajra./albeu.com

The post Dëshironi flokë të gjatë? Këto metoda nuk ju lënë në baltë appeared first on Albeu.com.

Vajrat esenciale që qetësojnë djegien nga dielli

E B — Sun, 11 Jul 2021 20:34:44 +0000

Djegia nga dielli mund të jenë shumë të pakëndshme. Lëkura thahet dhe ka nevojë për hidratim të vazhdueshëm dhe indet duhet të riparohen. Ka disa vajra esenciale që janë të përshtatshëm për djegie të lehta, pasi qetësojnë dhimbjen dhe përshpejtojnë procesin e rigjenerimit të lëkurës.

Më konkretisht, vaji i pemës së çajit, alo vera, livandoja, barbarozë, nenexhiku, kokosi dhe kamomili janë zgjedhjet ideale për djegien e lehtë nga dielli.

Në veçanti, aloe përmban substanca aktive që zvogëlojnë inflamacionin dhe dhimbjen, ndërsa hidratojnë dhe rigjenerojnë lëkurën.

Në çdo rast, mos aplikoni asnjë nga këto lloje në djegie të forta, veçanërisht flluska në lëkurë, të cilat mund të kenë nevojë për kujdes mjekësor./albeu.com

The post Vajrat esenciale që qetësojnë djegien nga dielli appeared first on Albeu.com.

A janë të shëndetshme vajrat esencialë në shtatzëni?

E B — Tue, 01 Jun 2021 08:19:46 +0000

Të gjitha gratë e duan aromaterapinë, pasi vajrat esencialë janë provuar se përmirësojnë shëndetin fizik dhe mendor, sigurojnë qetësi, zvogëlojnë stresin, rinojnë dhe ndihmojnë në përmirësimin e humorit tonë të përditshëm.

Sidoqoftë, fakti që vajrat esencialë vijnë nga natyra, nuk do të thotë se ato nuk fshehin rreziqe. Disa vajra thelbësorë janë toksikë dhe të tjerët mund të shkaktojnë acarim, dermatit dhe efekte të ndryshme anësore. Për këto arsye ato nuk duhet të përdoren gjatë shtatëzënësisë pa pëlqimin e një specialist. Në veçanti, ato duhet të shmangen plotësisht gjatë tremujorit të parë.

Vajrat thelbësorë që janë rreptësisht të ndaluar gjatë shtatëzënësisë janë: dëllinja, borziloku, vetiveri, karafili, rozmarina, trumza, kasia, kedri dhe rigoni.

Lejohet vetëm në doza të vogla, pas tremujorit të parë vajrat bimorë me: limon, kamomil, mandarinë, livando.

Para se të përdorni një vaj esencial, duhet të konsultoheni me gjinekologun tuaj dhe nëse keni pëlqimin e tij, këshillohet të preferoni produkte të gatshme të krijuara posaçërisht për gratë shtatzëna, të cilat i janë nënshtruar testeve përkatëse.

Dhe mos harroni: Përdorimi i vajrave thelbësorë duhet të shmanget gjatë ushqyerjes me gji./albeu.com

The post A janë të shëndetshme vajrat esencialë në shtatzëni? appeared first on Albeu.com.