Krahasuar me të njëjtën periudhë të vjetshme, eksportet e vajit të ullirit janë ulur 75%. Për këtë periudhë në vlerë eksportet e vajit të ullirit arritën rreth 188,5 mijë lekë, kundrejt 1 miliardë lekë që ishin eksportet e muajve janar-mars 2024. Rënia e eksporteve në vlerë është 81%.

Përpunuesit dhe eksportuesit e vajit të ullirit, pohojnë se vijojnë të jenë thuajse të bllokuar në eksportin e vajit rifuxho, për shkak të çmimeve të ulëta që ofrojnë blerësit e huaj, sidomos nga Italia, ku konkurrenca me prodhuesit spanjollë dhe grekë është shumë e fortë.

Aldo Jolla, eksportues nga zona e Belshit, tregon se prej muajit nëntor nuk ka arritur të shesë asnjë litër vaj të paambalazhuar. Aktualisht, ai ka të magazinuara 30 ton vaj ulliri të pashitur.

“Çmimi që kërkojnë grosistët italianë është nën koston e prodhimit. Po na ofrojnë 4,7 euro për litër, ndërkohë që në Spanjë çmimi arrin 4,2 euro. Nën 500 lekë për litër, ne nuk dalim as me koston e punës”, thotë ai.

Kostot e larta të prodhimit janë jo vetëm për shkak të pagave të larta për punonjësit, por edhe nga mekanizimi i ulët që nuk nxit rritjen e rendimentit, mungesa e subvencioneve për çdo litër vaj të prodhuar nga fermeri, si në Greqi, ku shteti subvencionon fermerin 1 euro për litër dhe nga niveli i lartë i informalitetit të shitjeve në vend.

Gjatë sezonit të fundit 2024/2025, Spanja, Greqia, Turqia, Portugalia etj., kanë pasur një prodhim të mbarë, që ka sjellë edhe rënie të çmimit të vajit të ullirit që eksportohet në tregjet e mëdha ndërkombëtare, duke e bërë vajin shqiptar jo konkurrues.

Ndërkohë, Ministria e Bujqësisë më herët pohoi për Monitor se po punon për përmirësimin e kushteve të magazinimit dhe marketingut të vajit të ullirit, përmes një projekti të financuar nga Banka Botërore me vlerë rreth 1 mln USD.

Sipas këtij projekti, planifikohet ngritja e një qendre moderne në qarkun e Beratit, ku do të kryhet ruajtja, ambalazhimi dhe brandimi i produktit shqiptar të vajit të ullirit.

Por aktualisht shpresa e vetme për eksportuesit, duket të jetë sezoni turistik, ku pritet rritje e kërkesës nga restorantet për vaj ulliri, prej muajit mars.

Eksportues të tjerë pohojnë se për ta tregu i eksporteve zë më tepër peshë në shitje sesa tregu i brendshëm. Për këtë arsye po angazhohen për eksportin e vajit të ullirit të ambalazhuar me markë. Ndërsa në tregun e brendshëm, kërkesa për vaj ulliri të ambalazhuar është e ulët.

Tregu i vajit të ullirit shënon luhatje të shumta vit pas viti. Në vitin 2023, rritja e lartë e eksporteve, kryesisht për vajin e paambalazhuar (rifuxho) drejt Italisë, u nxit pas bumerangut të krijuar me mbiprodhimin e vitit 2022, kur fermerët nuk gjenin treg për ta shitur vajin e ullirit.

Në dy vitet e shkuara 2023 dhe 2024 u rrit sasia e eksportit të vajit nga Shqipëria, sepse vendet si Spanja dhe Italia, që dominojnë tregun botëror, patën një rënie të madhe të prodhimit për dy vite me radhë, për shkak të mungesës së reshjeve. Gjatë sezonit të fundit 2024/2025, Spanja, Greqia, Turqia, Portugalia etj., kanë pasur një prodhim të mbarë, që ka sjellë edhe rënie të çmimit të vajit të ullirit që eksportohet në tregjet e mëdha ndërkombëtare./MONITOR

The post Vaji i ullirit mbetet sërish stok, eksportet bien 75% për janar-mars appeared first on Albeu.com.

Emërtimet që u jepen vajit të ullirit mund të shkaktojnë konfuzion dhe shpesh marka e vajit të ullirit nuk ta mbush mendjen.

Besimi i konsumatorit në industrinë e prodhimit të vajit të ullirit është në rënie.

Ky biznes është përballur gjithë kohës me akuza për mashtrim sepse gjithnjë e më shpesh në shtyp dhe televizon zbulohen skema të frikshme mashtrimi me vajin e ullirit.

Vetëm pak kohë më parë, sipas të dhënave të AgroWeb.org, në Itali u zbulua një skemë mashtrimi me eksportin e një vaji ulliri jo cilësor që shitej si një vaj ekstra i virgjër.

Si Të Kuptoni Qartë Përshkrimet Në Shishet E Vajit Të Ullirit

Vaji ekstra i virgjër, vaj i virgjër dhe vaj i pastër janë terma krejt të ndryshëm nga njëri tjetri.

Sipas standardeve të Këshillit Ndërkombëtar Për Ullinjtë, numërohen katër lloje të vajit të ullirit ekstra të virgjër.

Ndryshimi mes tyre qëndron në nivelin e acideve të lira yndyrore ose më thjeshtë, në cilësinë e ullinjve kur shtypen.

Ullinjtë e dëmtuar, të vjetër e të tejngrohur në përpunim kanë përmbajtje të lartë të acidit oleik.

Kjo e bën vajin e ullirit të një cilësie të ulët.

Cilësia gjykohet edhe nëpërmjet testit të shijes dhe aromës.

Vaji ekstra i virgjër ka 0.8 përqind acide të lira yndyrore dhe shije të pastër.

Vaji duhet nxjerrë në mënyrë mekanike dhe jo kimike.

Vaji i virgjër ka një nivel të acideve të lira yndyrore mes 0.8 deri në 2 përqind dhe mund të ketë një lloj defekti në shije.

Vaji i zakonshëm i ullirit ka një nivel të acideve yndyrore nga 2 deri në 3.3 përqind.

Ai njihet si vaj i pastër, por ky emërtim i jepet vetëm për reklamë sepse nga ana shkencore nuk ka asnjë domethënie.

Si Të Testoni Vajin E Ullirit

Si në rastin e verës, testimi dhe shijimi i vajit të ullirit është art më vete.

Rekomandohet që të hidhni pak vaj në një gotë qelqi.

Njërën dorë vendoseni nën të dhe tjetrën sipër gotës.

Më pas rrotullojeni lehtë atë.

Nxehtësia e pëllëmbës së dorës do të ngrohë vajin dhe aroma do të ngelet në dorën tuaj ku edhe mund ta nuhasni.

Më pas pini pak vaj ulliri.

Ullinjtë e mbledhur përpara sezonit kanë një aromë dhe shije të athët dhe të ngjashme me specin.

Kjo është gjë shumë e mirë.

Mbledhja e ullinjve në një kohë të mëvonshme i jep vajit një aromë më të butë.

Vaji shpesh mund të ketë shijen dhe aromën e barit të freskët, por ai kurrë nuk duhet të ketë shijen dhe aromën e baltës apo plastikës.

Si Të Blini Vajin Më Të Mirë

Në etiketë duhet të kontrolloni datën e mbledhjes së ullinjve ose datën e prodhimit.

Cilësia primare e vajit të ullirit zgjat një vit nga koha e prodhimit.

Sipas të dhënave të AgroWeb.org, dy komponente thelbësore janë tek vaji i ullirit cilësor: të jetë ekstra i virgjër dhe të jetë prodhim i atij viti.

Nëse vaji është i huaj, tregohuni të kujdesshëm për origjinën e importit, e cila duhet të jetë e qartë.

Lexoni me kujdes etiketën.

Shishja e qelqit duhet të jetë me një ngjyrë të errët.

Vaji i ullirit extra i virgjër, i ruajtur mirë, ka një jetëgjatësi rreth një vjeçare. Me vjetërimin, atij i humbasin vlerat aq të vyera që mbart.

The post Si të bëhesh ekspert në blerjen e vajit ekstra të virgjër të ullirit appeared first on Albeu.com.

Kushtet atmosferike të verës së nxehtë dhe pa shira të këtij viti përgjysmuan prodhimin dhe ky përgjysmim i prodhimit ka ndikuar negativisht tek konsumatori.

Në tregjet e Beratit duket qartë sasia e pakët e ullirit, çmimi i të cilit këtë vit është dyfishuar. Në treg 1 kg ulli këtë vit ka shkuar në 250-300 lekë (të reja) nga 130-150 lekë që ka qenë kg vitin e kaluar.

Rritje të madhe ka pësuar këtë vit edhe çmimi i vajit të ullirit, i cili nga 300 lekë (të reja) për kg që ka qenë vitin e kaluar këtë vit ka shkuar në 600-700 lekë.

Ndërkohë që tregtarët e justifikojnë dyfishimin e çmimit të ullirit me përgjysmimin e sasisë së prodhimit qytetarët shprehen se e kanë të pamundur ta blejnë me këtë çmim ullirin dhe vajin e ullirit.

Banorëve shprehen se të ardhurat e tyre janë të pakta dhe e bëjnë të pamundur ti afrohen këtë vit tregjeve ku shitet ulliri dhe vaji i ullirit.

The post Dyfishohet çmimi i vajit të ullirit, fermerët: Nuk kishim prodhim appeared first on Albeu.com.

Në fakt ekziston një truk i thjeshtë i cili ju ndihmon të kuptoni nëse po konsumoni vaj ulliri të shëndetshëm apo një përzierje vajrash luledielli dhe kikiriku. Somelierja e vajit të ullirit Katerina Mountanos ndan metodën e saj për të provuar vërtetësinë e vajit të ullirit.

Hidhni një gllënjkë vaj ulliri në një enë të vogël, mundësisht me fund të rrumbullakët (një gotë vere psh). Me njërën dorë mbani gotën, kurse me tjetrën mbulojeni që të mos dalë aroma.

Mundohuni të fërkoni pak gotën për të ngrohur pak vajin, tundeni me lëvizje rrethore.

Më pas hiqeni dorën që keni mbi gotë, afrojeni pranë hundës dhe merrni thelle erën e vajit të ullirit. Nëse ndjen erë të freskët si bari, fruta apo perime, ka më shumë gjasa që vaji juaj të jetë vërtet ekstra i virgjër.

Hapi tjetër është të shijoni atë. Kthejeni një gllënjkë të vajit në gojën tuaj, por mos e gëlltitni.

Me dhëmbë të mbyllur dhe me buzë të hapura, thithni pak ajër në gojën tuaj dhe vërtiteni vajin rreth gojës tuaj.

Pastaj pijeni. Nëse është i virgjër do vazhdoni të ndjeni shije të frutave dhe perimeve dhe do të ndjeni një shije të hidhur në pjesën e pasme të fytit kur e gëlltitni atë.

Është normale të kolliteni, dhe në fakt, vajrat me cilësi të lartë ngacmojnë fytin për kollë. Sa më shumë kollitje aq më i mirë është vaji.

The post E thotë vetë ekspertja, si ta kuptoni se tregtarët po ta shesin vajin e ullirit me hile appeared first on Albeu.com.

Sipas mediave italiane e vaji ishte futur mes bagazheve të pasagjerëve dhe se produkti ishte paketuar në 110 bidona plastikë të pasterilizuara.

Vetëm sot, në Portin e Brindizit dhe kanë sekuestruar 3 tonë vaj ulliri nga Shqipëria, ndërsa 6 tonë të tjerë janë sekuestruar më herët këtë muaj.

Zyrtarët e Agjencisë së Akcizave, Doganave në bashkëpunim me Financierët e Brindisit, kanë konstatuar se produktet nuk kanë pasur me certifikatë shëndetësore, dokument tregtar apo doganor dhe ngjarja është konsideruar si një tentativë për kontrabandë të produkteve duke shmangur taksat.

“Në muajin e fundit, Agjencia e Akcizave, Doganave dhe Monopoleve dhe Guardia di Finanza kanë sekuestruar 9 tonë vaj ulliri nga Shqipëria, duke siguruar kështu rikuperimin e mbi 13 mijë eurove të taksave”, thuhet në deklaratën e autoriteteve italiane.

Kujtojmë që gjatë këtij viti shitja e vajit të ullirit të prodhuar nga fermerët vendas ka qenë e vështirë. Sipas qeverisë, ky problem vjen sepse fermerët kanë mbjellë shumë ullinj.

“Kemi pasur ndër vite një problematikë të mbimbjelljes së rrënjëve të ullinjve pasi janë rreth 10 mln rrënjë në të gjithë vendin që janë mbjellë pa një planifikim dhe sistemim që ka sjellë dhe një mbiprodhim në faza të caktuara”, ka thënë me herët ministrja e Bujqësisë, Frida Krifca.

The post Shqiptarët gjejnë “zgjidhje” për vajin e ullirit që nuk shitet, tentojnë të fusin 9 ton në Itali, policia u prish planet appeared first on Albeu.com.

Në fakt ekziston një truk i thjeshtë i cili ju ndihmon të kuptoni nëse po konsumoni vaj ulliri të shëndetshëm apo një përzierje vajrash luledielli dhe kikiriku. Somelierja e vajit të ullirit Katerina Mountanos ndan metodën e saj për të provuar vërtetësinë e vajit të ullirit.

Hidhni një gllënjkë vaj ulliri në një enë të vogël, mundësisht me fund të rrumbullakët (një gotë vere psh). Me njërën dorë mbani gotën, kurse me tjetrën mbulojeni që të mos dalë aroma.

Mundohuni të fërkoni pak gotën për të ngrohur pak vajin, tundeni me lëvizje rrethore.

Më pas hiqeni dorën që keni mbi gotë, afrojeni pranë hundës dhe merrni thelle erën e vajit të ullirit. Nëse ndjen erë të freskët si bari, fruta apo perime, ka më shumë gjasa që vaji juaj të jetë vërtet ekstra i virgjër.

Hapi tjetër është të shijoni atë. Kthejeni një gllënjkë të vajit në gojën tuaj, por mos e gëlltitni.

Me dhëmbë të mbyllur dhe me buzë të hapura, thithni pak ajër në gojën tuaj dhe vërtiteni vajin rreth gojës tuaj.

Pastaj pijeni. Nëse është i virgjër do vazhdoni të ndjeni shije të frutave dhe perimeve dhe do të ndjeni një shije të hidhur në pjesën e pasme të fytit kur e gëlltitni atë.

Është normale të kolliteni, dhe në fakt, vajrat me cilësi të lartë ngacmojnë fytin për kollë. Sa më shumë kollitje aq më i mirë është vaji.

The post E thotë vetë ekspertja, si ta kuptoni se tregtarët po ta shesin vajin e ullirit me hile appeared first on Albeu.com.

Niveli i lartë i yndyrnave të keqija në gjak rrit rrezikun e sëmundjeve të zemrës, ndaj doktorët rekomandojnë gjithmonë përdorimin e këtij vaji në gatim. Megjithatë ky eliksir shëndeti nuk është si mjalti apo vera që me kalimin e viteve shija përmirësohet, por nëse ruhet si duhet vaji i ullirit do të ketë po të njëjta vlera ushqyese.

Mendoni për vajin e ullirit si të ishte lëng i freskët i shtrydhur! Pas një kohe ai do e humbasë shijen e do të skadojë ! Nëse mbahet në shishe plastike jetëgjatësia e vajit shkon deri në 20 muaj.

Duhet ta ruani në një vend të freskët, të errët, brenda bufesë. Drita dhe nxehtësia përshpejtojnë prishjen e vajit.

Mbylleni shisheni në mënyrë që të parandaloni oksidimin e vajit nga oksigjeni i ajrit.
Vaji i ullirit nuk mbahet në frigorifer dhe i ruajtur në kushtet e duhurua (në shishe qelqi) mund të rezistojë deri në dy vite.

The post A skadon vaji i ullirit? Kjo është mënyra e ruajtjes që të mos humbasë asnjë vlerë ushqyese appeared first on Albeu.com.

Zbulojeni më posht:

1.Në qoftë se vuani nga fryrja e barkut pas ngrënies ose keni probleme me konstipacionin, duhet të provoni trukun e mëposhtëm: të pini një lugë gjelle me vaj ulliri me stomak bosh. Acidet yndyrore të vajit të ullirit dhe vitaminat e tij të shumta mbrojnë qelizat dhe përmirësojnë ndjeshëm funksionin e sistemit imunitar.

2.Ushqen fytyrën e thatë, trajton aknet dhe rënien e flokëve: Vaji i ullirit nuk duhet të mungojë kurrsesi në rutinën tuaj të përditshme të bukurisë, sidomos nëse e ndieni lëkurën të thatë dhe pa jetë. Mjafton një masazhim i thjeshtë me pak vaj ose i kombinuar me të kuqe veze, pure karotash ose vaj kokosi dhe fytyra do të ndiejë ndryshimet e para.

3.Mëlçia është një ndër organet më të rëndësishme të sistemit tretës. Ajo kryen disa funksione: metabolizon të gjitha elementët ushqimore (yndyrë, proteina, karbohidrate, vitamina, kripëra minerale etj; prodhon substanca për të përthithur vitaminë K, ndihmon në përthithjen e vitaminës A nga beta-karoten; prodhon enzima për të tretur ushqimin, funksionon si detoksikues për të larguar lëndë toksike që janë marrë nga ushqimi apo janë prodhuar në aparatin tretës. Living shkruan se  si çdo organ tjetër edhe mëlçia ka nevojë të detoksifikohet, përzieni një lugë gjelle me vaj ulliri dhe një lugë gjelle me lëng limoni dhe pijeni esëll çdo mëngjes.

4.Vaji i ullirit nuk duhet të mungojë kurrsesi as në regjimin ushqimor të të prekurve nga diabeti, madje sipas mjekëve ata duhet të konsumojnë vetëm ushqime të gatuara me vaj ulliri pasi ul nivelet e kolesterolit të keq dhe balancon nivelet e glukozës në gjak.

The post Nga fryrja e barkut deri tek problemet e mëlçisë: Vazhdoni të konsumoni 1 lugë vaj ulliri me stomak bosh appeared first on Albeu.com.