Ai është shprehur se nuk ka qenë kurrë në Rusi dhe për të Rusia është një vend armik.

Kjo pasi sipas tij, bombardimet ruse kanë dëmtuar duke lënë sakat vëllanë e tij.

Kujtojmë se dy shtetasit rusë dhe ukrainasi u arrestuan me dyshimet për spiunazh dhe besohet se janë agjentë të Rusisë, ndërkohë që sot kanë kërkuar lirinë në Apel./albeu.com/

The post U kap me 2 rusët në Gramsh, ukrainasi “shpërthen” në lot në sallën e gjyqit: Rusia është vend armik, më la sakat vëllanë appeared first on Albeu.com.

Svetlana Timofoeva, 33 vjeçe dhe Mikhail Zorin dhe 25-vjeçari ukrainas Fedir Alpatov u arrestuan pasi tentuan që të hynin me forcë në ambientet e uzinës, ndërsa një prej tyre sulmoi edhe dy ushtarët që ruanin godinën, Adrian Xhaka dhe Aldo Bici.

Gjithashtu janë siguruar edhe pamjet nga brenda sallës ku shihen 3 të rinjtë pas kafazit të xhamit, ndërsa për herë të parë shfaqen imazhet e tyre të plota pas rënies në pranga.

The post Spiunë apo turistë? Sot merr fund enigma e Gramshit (FOTO LAJM) appeared first on Albeu.com.

Bëhet fjalë për dy rusët Svetlana Timofoeva, Mikhail Zorin dhe 25-vjeçari ukrainas Fjodor Mihajlov, të cilët gjatë tentativës për të hyrë në uzinë gjatë mbrëmjes së të dielës, u përleshën dhe plagosën dy ushtarët shqiptarë.

Ditën e djeshme, prokurori i çështjes Kreshnik Ajazi dorëzoi në gjykatë kërkesën për caktimin e arrestit në burg për tre të huajt, duke i akuzuar ata për tre vepra penale, sigurimi i informacionit të klasifikuar, goditje për shkak të detyrës ndaj efektivëve, si dhe mbajtja pa leje e municioneve luftarake.

Kjo e fundit është ngritur nga prokuroria, pasi në automjetin e tyre u gjet edhe një plumb.

Kujtojmë që ditën e diel tre shtetasit e huaj kanë tentuar të hyjnë në Uzinën e Armëve në Gramsh, ndërsa janë pikasur nga dy ushtarakët shqiptarë që kanë qenë në krye të detyrës, Ardi Bici dhe Ardjan Xhaka.

Në momentin që ushtarakët shqiptarë janë afruar dhe ju kanë kërkuar që të largohen, ata janë sulmuar nga shtetasit e huaj, të cilët kanë përdorur sprije. Pas këtij momenti dy ushtarakët shqiptarë janë dërguar në Spitalin e Traumës ku kanë marrë ndihmën mjekësore, ndërsa tre shtetasit e huaj janë ndaluar nga Drejtoria e Policisë së Elbasanit.

The post Tentuan të hyjnë në Uzinën e Armëve në Gramsh, sot “vuloset” fati për 3 “spiunët” appeared first on Albeu.com.

Sipas burimeve nga grupi hetimor, 23 vjeçari ka qenë i gjakosur pasi në përpjekje për të humbur gjurmët ka rënë në një zonë me shkurre çka i ka shkaktuar dëmtime të lehta në pjesë të ndryshme të trupit.

Gjithashtu bëhet me dije se 23-vjeçari është shumë i prerë në bisedat e kryera me anëtarët e grupit hetimor.

Ai është i arsimuar dhe ka ka kryer studimet e larta për kimi.

Drejtoria e policisë Elbasan pohon se 23-vjeçari kishte ditë i pa ngrënë dhe u ka kërkuar ushqim punonjësve të policisë.

Kujtojmë se 2 shtetasit rusë dhe ukrainasi janë duke qëndruar në dhomat e paraburgimit të drejtorisë së policisë në Elbasan.

The post Tentoi të futet me dy të tjerë te uzina e Gramshit, grupi hetimor: 23-vjeçari rus është shumë inteligjent, këmbëngul se është turist appeared first on Albeu.com.

Përmes një postimi në rrjetet sociale, Osmani u shpreh se ka komunikuar me homologun e saj Bajram Begaj.

Osmani u uron shërim të shpejtë ushtarëve dhe thekson se autorët duhet të mbajnë përgjegjësi.

“Fola me Presidentin Bajram Begaj, për sulmin e fundit ndaj ushtarëve shqiptarë në fabrikën e Gramshit. Të lënduarve u urojmë shërim të shpejtë. Autorët e këtij sulmi duhet të mbajnë përgjegjësi. Institucionet tona janë të gatshme të ofrojnë çdo mbështetje të nevojshme”, ka shkruar Osmani./albeu.com/

The post Sulmi në Gramsh, reagon Vjosa Osmani: Autorët të mbajnë përgjegjësi, të gatshëm të japim mbështetje appeared first on Albeu.com.

Me anë të një statusi në Facebook, deputetja shprehet se e gjitha është rezultat i faktit që kryeministri nuk e mori seriozisht paralajmërimin dhe kërkesën e presidentit ukrainas Volodymir Zelensky, i cili në adresimin për Parlamentin shqiptar tha se në vend nuk duhej të pranoheshin turistët rusë.

Postimi i plotë:

Kapitullim!!

Dy ushtarë në repart ushtarak, sulmohen me kimikate nga “turistë” rusë, që i vijnë qark uzinës së armëve, repartit ushtarak, me ditë e ditë, e fotografojnë e vëzhgojnë, dhe kanë edhe guximin të sulmojnë me kimikate ushtarë me uniformë.

Kjo është mbrojtja e vendit!!!

Kapitullim!

Gjithçka ka rënë!

Mbrojtja, shërbimet informative, siguria në parandalim.

Muaj më parë, e thamë dhe theksuam, që kërkesës se Zelenskit drejtuar parlamentit shqiptar, që mos të pranoheshin turistë rusë, sepse rreziku që spiunazhi, apo kriminelë të luftës të hynin si turistë ishte i lartë, duhet ti përgjigjeshim menjeherë pozitivisht.

Ja rezultati, sot çdo përdredhje e Ramës “ishin nuk ishin”; nuk mbulon dështimin që e ka vënë sigurinë kombëtare në pikëpyetje.

E gjitha sepse Rama, nuk ndan dot çfarë shitet e çfarë nuk shitet, çfarë mbrohet e çfarë nuk tenderohet mbi Shqipërinë.

The post “Gjithçka ka rënë!”, Duma për ngjarjen në Gramsh: Rama të dëgjonte Zelenskyn, turistët rusë nuk duhej të lejoheshin në vend appeared first on Albeu.com.

Peleshi: Të huajt janë mbajtur në vëzhgim, i kemi pikasur para disa ditësh. Bloggere apo jo bloggerë është një ngjarje që ka dhunë brenda

Pyetja: Spray që i referoheni ju është përdorur dhe në protestë

Peleshi: Është futje në një institucion, është shkelur ligji, nuk bëhet fjalë për protestë./albeu.com

The post Incidenti në Uzinën e Gramshit, Peleshi: Të huajt janë pikasur prej disa ditësh, janë mbajtur nën vëzhgim appeared first on Albeu.com.

Gjatë kontrolleve u gjetën pajisje të cilat mendoheshin se rusët do të fotografonin ambientet e brendshme ndërkohë ditën e sotme po dërgohen në laboratorin shkencor për ekzaminim pasi dyshohet se ishte pajisje spiunazhi.

Ka dyshime të forta se këta 3 shtetas mund të jenë pjesë e një celule spiunazhi në Rusi. Burime nga grupi hetimor dhe dëshmitarë të ngjarjes, bënë me dije se 3 shtetasit e huaj ndodheshin prej 3 ditësh në Gramsh.

Ata prej dy ditësh fotografuan nga larg uzinën dhe lëviznin me një mjet “chevroletë”. Shërbimi ushtarak u informua rreth kësaj lëvizje. Bazuar në veprimet që kanë bërë dje tre shtetasit e huaj dhe para dy ditësh rreth uzinës, bazuar edhe ne sendet që i janë sekuestruar ka dyshime te forta për një rrjet spiunazhi rus. Kujtojmë që edhe para disa ditësh u arrestua në Kosovë një gazetare ruse si pjesë e një celule spiunazhi ruse./albeu.com

The post Incidenti në Uzinën e armëve në Gramsh, rusëve iu gjetën pajisje me vete, dërgohen për ekzaminim, dyshohet për mjete spiunazhi appeared first on Albeu.com.

REAGIMI
Ngjarjen në uzinën e Gramshit po e ndjek me shumë vëmendje. Jam në komunikim të vazhdueshëm me strukturat e sigurisë, Shtabin e Përgjithshëm të Forcave të Armatosura, strukturat e shërbimeve informative dhe ato ligjzbatuese, të cilat i inkurajoj dhe mbështes për të vazhduar punën për zbardhjen e plotë të ngjarjes dhe parandalimin e çdo situate që cënon sigurinë kombëtare ????????.
Mirënjohje për dy efektivët e Forcave të Armatosura, të cilëve u uroj shërim të shpejtë!/albeu.com

The post Sulmi në uzinën e armëve në Gramsh, Begaj: Parandalim të çdo situate që cënon sigurinë kombëtare appeared first on Albeu.com.

Sipas burimeve, Shërbimi Informativ Shtetëror dyshon se rusët që u ndaluan nga antiterrori janë agjentë të shërbimeve sekrete ruse.

Gjithashtu dyshohet se gjatë dy ditëve të mëparshme shtetasit rusë kanë bërë fotografime të uzinës nga larg.

Ditën e sotme ata i’u afruan uzinës dhe tentuan të hynin brenda, ku hasën edhe në rezistencën e ushtarëve shqiptarë, duke i plagosur me lëndë kimike këta të fundit./albeu.com/

The post Sulmi ndaj ushtarëve në Gramsh, Shërbimi Informativ Shtetëror ka dyshime se rusët janë agjentë të shërbimeve sekrete appeared first on Albeu.com.