A mund të përdoret uthulla si dezinfektues?

Së pari, është e rëndësishme të kuptoni ndryshimin midis pastruesve dhe dezinfektuesve. Agjentët pastrues heqin fizikisht papastërtitë dhe disa mikrobe nga sipërfaqet, por ato nuk i vrasin mikrobet. Dezinfektuesit, ndryshe nga ata, shkatërrojnë mikrobet.

Si një agjent pastrimi, uthulla e bardhë është një zgjedhje e shkëlqyer. Ai përmban 5 për qind acid acetik, i cili është i mjaftueshëm për të hequr fizikisht (tretur) papastërtitë, por si dezinfektues, uthulla ka përdorim të kufizuar.

Tregon aktivitet dezinfektues kundër disa patogjenëve:

Escherichia coli (E. coli)

Salmonela

Listeria monocitogenes

Këto baktere dihet se shkaktojnë infeksione gastrointestinale dhe transmetohen përmes ushqimit. Një studim i vitit 2010 tregoi se një tretësirë me 10 për qind uthull mund të vrasë virusin e gripit të tipit A. Megjithatë, uthulla nuk ka aftësinë të shkatërrojë të gjithë mikroorganizmat, përfshirë SARS-CoV2, virusin që shkakton COVID-19.

Cilat produkte funksionojnë më mirë si dezinfektues?

Për t’u kualifikuar si dezinfektues, një produkt duhet të plotësojë disa standarde. Dezinfektuesi duhet të jetë në gjendje të vrasë 99.9 për qind të patogjenëve të dëmshëm brenda 5 deri në 10 minuta. Produktet që përmbajnë përbërësit e mëposhtëm plotësojnë këto kritere:

etanol (alkool etilik)

alkool izopropil

peroksid hidrogjeni

joni i amonit kuaternar

komponimet fenolike

hipoklorit natriumi

Këto substanca mund të vrasin shumë lloje të patogjenëve, duke përfshirë bakteret, viruset dhe kërpudhat.

Gjatë dezinfektimit, mbani parasysh sa vijon:

Pastroni zonat e ndotura me sapun dhe ujë të nxehtë përpara se t’i dezinfektoni. Kjo do të largojë papastërtitë dhe mbeturinat.

Siguroni gjithmonë ajrim të mirë të dhomës përpara se të përdorni dezinfektuesin.

Sigurohuni që të dezinfektoni sipërfaqet e prekura shpesh si dorezat e dyerve, tavolinat dhe çelësat e dritave

Vishni doreza të disponueshme për të mbrojtur lëkurën tuaj gjatë pastrimit dhe dezinfektimit. Hidhni dorezat dhe shmangni ripërdorimin e tyre.

Ndiqni udhëzimet e prodhuesit për aplikimin, kohën e kontaktit, përqendrimin ose sasinë e dezinfektuesit për t’u përdorur.

A mund të përdoret uthulla si pastrues?

Edhe pse uthulla është një dezinfektues i dobët, ajo është një agjent i shkëlqyer pastrimi. Aciditeti i saj i lartë mund të shkatërrojë depozitat e forta të papastërtive. Uthulla, megjithatë, nuk është e sigurt për t’u përdorur në disa sipërfaqe. Aciditeti i saj mund të dëmtojë sipërfaqe të tilla si mermeri apo alumini.

Së fundi, një këshillë e rëndësishme për të gjithë ata që fillojnë pastrimin pasi të lexojnë këtë artikull – mos e përzieni kurrë uthullën me Varicin.

The post A mund të përdoret uthulla si dezinfektues? appeared first on Albeu.com.

Ja disa kura në kushte shtëpie për erën e keqe të këmbëve:

1- Soda e bukës

Përdorimi:

-Hidhni sodë buke në një enë me ujë të ngrohtë (1 lugë gjelle/në gjysmë litër ujë) dhe vendosini këmbët tuaja në të për 15-20 minuta çdo natë për rreth një javë.
-Gjithashtu mund të spërkasni pak sodë buke te këpucët apo çorapet përpara se t’i vishni ato.

2- Vaj lavande

Përdorimi:

-Hidhni disa pika vaj lavandre në një enë me ujë të ngrohtë
-Vendosini këmbët në enë për 15-20 minuta.
-Përsërite këtë trajtim dy herë në ditë për disa ditë.

3- Kripë e trashë (kokërr madhe)

Përdorimi:

-Miksoni 2 lugë gjelle kripë të trashë me një gjysmë kove ujë të ngrohtë.
-Vendosini këmbët për 10-15 minuta.
-Për rezultate më të mira, bëjeni këtë përpara gjumit në mënyrë që të evitoni veshjen e çorapeve ose këpucëve për disa orë.

4- Çaji i Zi

Përdorimi:

-Zieni 2 qese çaj të zi në 3 gota ujë të nxehtë. Shtojini gjysmë kove ujë normal për të ulur temperaturën e përzjerjes.
-Vendosini këmbët në të për 15-20 minuta
-Bëjeni iëtë përditë për rreth një jave.

5- Uthulla

Përdorimi:

-Përzjeni gjysmë gote uthull në 6-8 gota ujë të ngrohtë.
-Vendosini këmbët në të për 10-15 minuta.
-Në fund, lajini këmbët tërësisht me sapun për të hequr edhe erën e uthullës./albeu.com

The post Si të largoni erën e keqe të këmbëve appeared first on Albeu.com.

Uthulla duhet tretur në ujë: Uthulla e mollës nuk duhet pirë kurrë pa u tretur në ujë, për shkak të aciditetit të lartë që shkakton dëme në ezofag dhe në stomak. Mënyra e duhur për ta pirë uthullën është ta tresni në ujë, që të mbroni fytin dhe stomakun. Edhe kur ta tresni në ujë, uthulla duhet pirë nëpërmjet një pipëz dhe më pas të prisni 30 minuta që të lani dhëmbët me furçë.

Mos e pini pas buke: Nëse e keni zakon që të pini uthull molle pas buke, atëherë është koha që të ndryshoni rutinën tuaj. Me kalimin e moshës, njerëzit pësojnë një pakësim të lëngjeve gastrike të cilat shpërbëjnë ushqimin në stomak. Për rrjedhojë, uthulla duhet tretur në ujë dhe duhet pirë përpara vaktit në mënyrë që të përmirësojë tretjen dhe të shmangë fryrjet dhe problemet e tjera.

Nëse nuk e pini dot ashtu, hidhni uthull në sallatë dhe do të jetë më e lehtë.

Kujdes me sasitë: “Gjella me kripë e kripa me karar”, thotë populli dhe kjo shprehje vlen edhe në rastin e uthullës së mollës. Nëse do të filloni një regjim ku përfshihet konsumi i uthullës, është mirë që ta nisni ngadalë që t’i jepni trupit kohë dhe mundësi të përshtatet me aciditetin. Rregulli i artë është që nuk duhet të pini më shumë se dy lugë uthulle për çdo herë, në mënyrë që të mbroheni nga efektet anësore.

Mos pini uthull para gjumit: Këshillohet që të mos pini uthull molle para gjumit. Edhe nëse e tresni në ujë, ajo vazhdon të jetë e dëmshme për ezofagun, veçanërisht nëse qëndroni shtrirë. Njerëzit duhet të qëndrojnë në këmbë për 30 minuta pas konsumit të uthullës së mollës që të mbrojnë ezofagun.

Mos pini uthull nëse keni ulçerë në stomak: Uthulla e mollës ka aciditet të lartë dhe si e tillë është e dëmshme për njerëzit që kanë probleme me stomakun dhe veçanërisht ata që vuajnë nga ulçera. Uthulla është irrituese për stomakun dhe mund ta përkeqësojë situatën.

The post Si të përdorni uthullën e mollës pa dëmtuar shëndetin appeared first on Albeu.com.