Ushtruesja e detyrës së presidentes së Kosovës, Albulena Haxhiu, ka bërë të ditur se po zhvillohen përpjekje për gjetjen e presidentit të ardhshëm të vendit.

“Ta gjejmë një president të ri, jemi duke punuar për këtë”, ka thënë Haxhiu.

Ajo i bëri këto deklarata gjatë një konference për media, të mbajtur pas dekretimit të shtetësisë së Kosovës për Joe DioGuardin dhe bashkëshorten e tij, Shirley DioGuardi.

Çështja e zgjedhjes së presidentit të ri vazhdon të jetë ndër temat qendrore në skenën politike.

The post Haxhiu: Jemi në angazhim për zgjedhjen e presidentit të ri të Kosovës appeared first on Albeu.com.

Më 18.08.2026, ushtruesja e detyrës së presidentes së Kosovës, Albulena Haxhiu, zhvilloi një takim konsultativ me përfaqësues të subjekteve politike për situatën politike dhe ngërçin institucional.

Në takimin e caktuar për orën 09:00 morën pjesë kryetari i LVV-së, Albin Kurti, kryetarja e Alternativës, Mimoza Kusari Lila, kryetarja e Guxo, Donika Gërvalla, si dhe përfaqësues të partive të komuniteteve jo shumicë.

Partia Demokratike e Kosovës, Lidhja Demokratike e Kosovës dhe Aleanca nuk iu përgjigjën pozitivisht ftesës së Haxhiut. Takimi kishte për synim diskutimin e zhvillimeve politike e institucionale dhe mundësinë e arritjes së një marrëveshjeje për zgjedhjen e një presidenti konsensual.

Deputeti i PDK-së, Uran Ismaili, njoftoi se kjo parti nuk do të merrte pjesë në takim. Sipas tij, Haxhiu do të duhej t’i drejtohej kryesuesit të Kuvendit, Avni Dehari, për thirrjen e seancës.

Ismaili e cilësoi takimin si një tjetër tentativë manipulimi nga Albin Kurti dhe tha se afatet po shtyheshin përballë afatit të Gjykatës Kushtetuese. Ai deklaroi se PDK-ja nuk do të merrte pjesë në takim, por do të ishte në Kuvend.

Edhe kryetari i LDK-së, Lumir Abdixhiku, konfirmoi refuzimin e ftesës. Ai tha se LDK-ja zhvillon takime me kryetarët e partive dhe se, në këtë rast, mund të takohej vetëm me kryetarin e LVV-së, Albin Kurtin, pasi Haxhiu është deputete e Kuvendit.

Takimin e kundërshtoi gjithashtu kryetari i Aleancës, Ardian Gjini. Ai deklaroi se Haxhiu nuk është presidente e zgjedhur dhe nuk ka mandat për të luajtur rolin e unifikueses së spektrit politik.

Gjini akuzoi Haxhiun dhe Kurtin se nuk po kërkonin një zgjidhje, por një fajtor për vendimin që, sipas tij, e kishin marrë tashmë për ta çuar vendin në zgjedhje dhe këtë herë edhe në kaos institucional. Ai shtoi se Aleanca nuk do t’u jepte alibi dhe se, nëse kërkoheshin votat e kuorumi, ekzistonin gjashtë pikat e Aleancës.

Para takimit, Haxhiu kishte deklaruar se tri procese të njëpasnjëshme zgjedhore me rezultate të përafërta tregonin se pa dialog politik, veçanërisht për çështjen e presidentit, nuk mund të gjendej zgjidhje për ecjen përpara.

Ajo kishte theksuar se, edhe pse zgjedhja e presidentit paraqitet formalisht si një fazë e mëvonshme e procesit institucional, rrethanat aktuale e bëjnë atë pikën e parë nga ku duhet të nisë dialogu.

Haxhiu kishte paralajmëruar se pa marrëveshje për presidentin mund të hapej rruga drejt një procesi të ri zgjedhor, i cili praktikisht nuk do të sillte ndryshim dhe as zgjidhje.

Pas përfundimit të konsultimeve, Haxhiu tha se partitë politike duhet të gjejnë një rrugë të përbashkët për tejkalimin e situatës. Ajo bëri të ditur se gjatë ditëve në vijim kryeministri në detyrë, Albin Kurti, do të zhvillojë një tjetër takim me LDK-në.

Sipas Haxhiut, aktualisht janë të pranishme dy qëndrime të ndryshme politike për konstituimin e Kuvendit dhe zgjedhjen e presidentit. LVV-ja dhe partnerët e saj vlerësojnë se hyrja në procesin e konstituimit të Kuvendit pa një marrëveshje për presidentin mund të sjellë përsëritjen e krizës së vitit të kaluar.

Në anën tjetër, PDK-ja, LDK-ja dhe AAK-ja mbështesin konstituimin fillimisht të Kuvendit dhe zhvillimin e diskutimeve për presidentin në një fazë të mëvonshme.

Haxhiu deklaroi se i dëgjoi qëndrimet e të gjitha subjekteve politike dhe se të gjithë shprehën nevojën për të kontribuar në arritjen e një marrëveshjeje për presidentin, me synim shmangien e zgjedhjeve të reja.

Ajo nënvizoi se partitë nuk është e nevojshme të pajtohen për çdo çështje, ndërsa paralajmëroi se edhe zgjedhjet e reja nuk ofrojnë garanci se palët do të arrijnë marrëveshje.

Gjatë takimit, sipas Haxhiut, Albin Kurti ka deklaruar se i ka votat e nevojshme për kryetar të Kuvendit dhe se pengesa kryesore lidhet me marrëveshjen për presidentin.

Haxhiu propozoi që partitë të nisin diskutimin për emra konkretë për një kandidat konsensual, i cili nuk do të ishte pjesë e ndonjë partie politike.

Ajo tha se Kurti kishte sqaruar se nuk dëshiron që presidenti të jetë nga radhët e VV-së, duke mohuar kështu diskutimet se LVV-ja po insistonte për një kandidat të sajin. Sipas Haxhiut, edhe LVV-ja është shprehur në favor të një presidenti konsensual.

Ushtruesja e detyrës së presidentes u shpreh me shpresë se takimet me partitë do të vazhdojnë shpejt dhe se në to do të përfshihen edhe subjektet e tjera politike. Ajo përsëriti se LVV-ja është e gatshme për një president konsensual, në mënyrë që të shmangen zgjedhjet e reja dhe të zgjidhet kriza institucionale.

The post Haxhiu pas konsultimeve politike: Marrëveshja për presidentin është thelbësore për të shmangur një krizë të re appeared first on Albeu.com.

Ushtruesja e detyrës së presidentes së Kosovës, Albulena Haxhiu, organizoi sot në orën 09:00 një takim konsultativ me partitë parlamentare, për të diskutuar gjetjen e një zgjidhjeje lidhur me zgjedhjen e Presidentit të ri.

Në ftesën e saj, Haxhiu synonte që përmes dialogut politik të arrihej një marrëveshje për një president konsensual, ndërsa në agjendë ishin edhe zhvillimet aktuale politike dhe institucionale.

Megjithatë, PDK, LDK dhe Aleanca nuk iu përgjigjën pozitivisht ftesës dhe vendosën të mos marrin pjesë në takim.

Deputeti i PDK-së, Uran Ismaili, konfirmoi se partia e tij nuk do të ishte e pranishme. Në një konferencë për media, ai deklaroi se Haxhiu duhej t’i drejtohej kryesuesit të Kuvendit, Avni Dehari, për thirrjen e seancës.

“E para, kjo është edhe një tentativë manipulimi e zotit Kurti me shtyrjen e afateve kundrejt afatit të Gjykatës Kushtetuese, pra është një manipulim i radhës. Zonja Albulena Haxhiu më mirë do të ishte t’i kishte shkruar letër Deharit që ta thërrasë Kuvendin. Sepse çdo pushtet në Kosovë, çdo pushtet politik funksionon dhe bazohet në Kuvendin e Kosovës dhe Kuvendi është i suspenduar…Çfarë logjike ka kjo, qysh mund të ushtrosh mandate dhe të dërgosh letra… ajo ish dashtë që letrën e parë t’ia dërgoj Deharit. PDK-ja nuk do të jetë në atë takim, ne do të jemi në Kuvend”, deklaroi Ismaili.

Takimin e refuzoi edhe Lidhja Demokratike e Kosovës. Kryetari i saj, Lumir Abdixhiku, tha se komunikimi politik duhet të zhvillohet me kryetarët e partive.

“Ne takimet i zhvillojmë me kryetarët e partive, në këtë rast takimin e vetëm që mund ta bëjmë është me kryetarin e LVV-së, Albin Kurtin. Në pikëpamjet tona, zonja Haxhiu është deputete e Kuvendit dhe, në këtë rrjedhë, ne mund të flasim vetëm me ata që janë përgjegjës për këtë punë”, ka thënë Abdixhiku.

Edhe Aleanca e kundërshtoi pjesëmarrjen në takimin e thirrur nga Haxhiu. Kryetari i saj, Ardian Gjini, e akuzoi ushtruesen e detyrës së presidentes dhe Albin Kurtin se nuk po kërkojnë realisht një zgjidhje.

“Ju nuk jeni Presidente e zgjedhur e Kosovës dhe nuk keni mandat të luani rolin e unifikueses së spektrit politik. Ju e Kurti jeni tepër të tejdukshëm se nuk po kërkoni takim për të gjetur zgjidhje. Po kërkoni takim të gjeni fajtor për vendimin tuaj që veçse e keni marrë, për ta dërguar vendin në zgjedhje. Këtë herë edhe në kaos institucional.

Qëllimi juaj është më shumë se kaq. Ju doni ta zvarrisni këtë bllokadë deri te data që ju konvenon që të mbahen zgjedhjet.

Aleanca e ka kuptuar këtë lojë dhe nuk ju jep alibi. Po t’i donit vërtet votat dhe kuorumin, i keni gjashtë pikat e Aleancës”, kishte shkruar Gjini.

Ndërkohë, në takim mbërritën kryetari i LVV-së, Albin Kurti, kryetarja e Alternativës, Mimoza Kusari Lila, kryetarja e Guxo, Donika Gërvalla, si dhe përfaqësues të partive të komuniteteve jo shumicë. Takimi filloi pas orës 09:00.

Haxhiu kishte deklaruar se pjesëmarrja pritej të kufizohej te Kurti dhe krerët e komuniteteve joshumicë, pasi partitë kryesore opozitare nuk pranuan ftesën.

Përmes një postimi, ushtruesja e detyrës së presidentes u shpreh se tri procese të njëpasnjëshme zgjedhore, me rezultate të përafërta, tregojnë se dialogu politik është i domosdoshëm për tejkalimin e situatës.

“Tre procese të njëpasnjëshme zgjedhore me rezultat të përafërt janë dëshmi e bollshme që pa dialogim politik, veçanërisht për çështjen e Presidentit, nuk ka zgjidhje për ecje përpara”, ka shkruar Haxhiu.

Sipas saj, edhe pse zgjedhja e Presidentit paraqitet formalisht si një etapë e mëvonshme e procesit institucional, rrethanat aktuale e bëjnë atë pikën nga e cila duhet të nisë dialogu.

Haxhiu ka vlerësuar se pa një marrëveshje për Presidentin do të hapej rruga për një proces të ri zgjedhor, i cili, sipas saj, nuk do të sillte ndryshime apo zgjidhje.

“Është evidente që pa marrëveshje për të i çelet rrugë një procesi të ri zgjedhor, që praktikisht nuk do të sjellë asgjë të re. Aq më pak zgjidhje”, ka deklaruar ajo.

Ajo bëri të ditur se kishte ftuar drejtuesit e të gjitha subjekteve politike parlamentare, me synimin për të ndërtuar një konsensus politik rreth kësaj çështjeje.

Haxhiu shprehu keqardhje për mospjesëmarrjen e PDK-së dhe AAK-së, duke e cilësuar refuzimin e tyre si një qëndrim të gabuar dhe si mungesë vullneti për të kapërcyer pozicionet bllokuese.

“PDK dhe AAK refuzuan të njëjtën. Këtë refuzim e konsideroj veprim të gabuar, të pamatur dhe mbi të gjitha mungesë të vullnetit për të tejkaluar pozicionimet barrikaduese”, ka shkruar ajo.

The post Haxhiu mbledh partitë për çështjen e Presidentit, PDK, LDK dhe AAK bojkotojnë takimin appeared first on Albeu.com.

Ushtruesja e detyrës së Presidentes së Kosovës, Albulena Haxhiu, ka ftuar sot në orën 09:00 partitë parlamentare në një takim që synon gjetjen e një zgjidhjeje për çështjen e Presidentit.

Ftesa e saj nuk është pranuar nga të gjitha subjektet politike. Në takimin e thirrur nga Haxhiu pritet të marrë pjesë vetëm kryetari i Lëvizjes Vetëvendosje, Albin Kurti, si dhe kryetarët e komuniteteve joshumicë.

Partia Demokratike e Kosovës, Lidhja Demokratike e Kosovës dhe Aleanca kanë njoftuar se nuk do të jenë pjesë e këtij takimi.

Deputeti i PDK-së, Uran Ismaili, deklaroi se partia e tij nuk do t’i përgjigjet pozitivisht ftesës së Albulena Haxhiut.

Gjatë një konference për media, Ismaili tha se Haxhiu do të duhej t’i drejtohej kryesuesit të Kuvendit, Avni Dehari, me kërkesën për thirrjen e seancës.

“Kjo është edhe një përpjekje tjetër për manipulim nga zoti Kurti, përmes zvarritjes së afateve në raport me afatin e Gjykatës Kushtetuese. Në vend të kësaj, zonja Albulena Haxhiu do të duhej t’i dërgonte letër Avni Deharit që ta thërrasë Kuvendin. Çdo pushtet në Kosovë, përfshirë atë politik, funksionon dhe mbështetet në Kuvendin e Kosovës, ndërsa Kuvendi është i suspenduar. Çfarë logjike ka që të ushtrosh mandat dhe të dërgosh letra? Letra e parë duhej t’i dërgohej Deharit. PDK-ja nuk do të jetë në atë takim, ne do të jemi në Kuvend”, deklaroi ai.

Takimin e ka refuzuar edhe Lidhja Demokratike e Kosovës. Kryetari i saj, Lumir Abdixhiku, tha se LDK-ja zhvillon bisedime me kryetarët e partive politike.

“Ne takimet i zhvillojmë me kryetarët e partive. Në këtë rast, takimi i vetëm që mund ta bëjmë është me kryetarin e LVV-së, Albin Kurtin. Sipas qëndrimit tonë, zonja Haxhiu është deputete e Kuvendit dhe mund të flasim vetëm me personat që janë përgjegjës për këtë çështje”, u shpreh Abdixhiku.

Edhe Aleanca ka bërë të ditur se nuk do të marrë pjesë në takimin e thirrur nga Haxhiu.

“Ju nuk jeni Presidente e zgjedhur e Kosovës dhe nuk keni mandat të luani rolin e unifikueses së spektrit politik. Ju dhe Kurti jeni tepër të qartë se nuk po kërkoni takim për të gjetur zgjidhje. Po kërkoni një takim për të gjetur fajtorin për vendimin tuaj, të cilin tashmë e keni marrë, për ta çuar vendin në zgjedhje, këtë herë edhe në kaos institucional.

Qëllimi juaj është më i gjerë. Ju synoni ta zvarrisni këtë bllokadë deri në datën që ju përshtatet për mbajtjen e zgjedhjeve.

Aleanca e ka kuptuar këtë lojë dhe nuk do t’ju japë alibi. Nëse vërtet do t’i kishit dashur votat dhe kuorumin, i keni gjashtë pikat e Aleancës”, kishte shkruar kryetari i kësaj partie, Ardian Gjini.

Haxhiu ka reaguar përmes një postimi lidhur me takimin e sotëm dhe refuzimin e tij nga partitë. Ajo ka theksuar se tri procese zgjedhore të zhvilluara njëra pas tjetrës, me rezultate të përafërta, tregojnë se situata aktuale nuk mund të zgjidhet pa dialog politik.

“Tre procese të njëpasnjëshme zgjedhore me rezultat të përafërt janë dëshmi e bollshme që pa dialogim politik, veçanërisht për çështjen e Presidentit, nuk ka zgjidhje për ecje përpara”, ka shkruar Haxhiu.

Sipas ushtrueses së detyrës së Presidentes, edhe pse zgjedhja e Presidentit paraqitet formalisht si një fazë e mëvonshme e procesit institucional, rrethanat aktuale e bëjnë atë pikën e parë nga ku duhet të nisë dialogu.

“Është evidente se pa një marrëveshje për t’i hapur rrugë një procesi të ri zgjedhor, i cili praktikisht nuk do të sjellë asgjë të re, aq më pak zgjidhje”, ka deklaruar ajo.

Albulena Haxhiu ka njoftuar se në takim janë ftuar drejtuesit e të gjitha subjekteve politike parlamentare, me qëllim arritjen e një konsensusi politik.

Ajo ka shprehur keqardhje për vendimin e partive që nuk e pranuan ftesën.

“PDK dhe AAK refuzuan të njëjtën. Këtë refuzim e konsideroj veprim të gabuar, të pamatur dhe, mbi të gjitha, mungesë të vullnetit për t’i tejkaluar qëndrimet barrikaduese”, ka shkruar Haxhiu.

The post PDK, LDK dhe Aleanca nuk marrin pjesë në takimin e Haxhiut, aty priten Kurti dhe përfaqësuesit e komuniteteve joshumicë appeared first on Albeu.com.

Albulena Haxhiu, ushtruese e detyrës së presidentes së Kosovës, e ka kritikuar opozitën për përfshirjen e stafit profesional të Kuvendit në konfliktet politike.

Në një reagim të publikuar në Facebook, ajo kërkoi që zyrtarët e Kuvendit të mos shënjestrohen dhe as të përballen me presion për punën që kryejnë në kuadër të detyrave të tyre institucionale, përcjell “Bota sot”.

Haxhiu theksoi se përplasjet dhe dallimet politike duhet të zhvillohen vetëm ndërmjet personave që kanë përgjegjësi politike.

Sipas saj, opozita nuk duhet ta bëjë stafin profesional të Kuvendit pjesë të këtyre përplasjeve, duke ushtruar presion ndaj tij apo duke e vënë në shënjestër për shkak të përmbushjes së përgjegjësive institucionale.

Ajo deklaroi se çdo vërejtje e opozitës lidhur me punën e saj duhet t’i drejtohet asaj personalisht ose të paraqitet nëpërmjet mekanizmave institucionalë. Haxhiu e cilësoi të padrejtë atribuimin e motiveve politike ndaj zyrtarëve profesionalë apo krijimin e përshtypjes se ata punojnë në shërbim të një individi ose subjekti politik, vetëm sepse janë duke kryer detyrat e tyre.

Ushtruesja e detyrës së presidentes nënvizoi se stafi i Kuvendit nuk përfaqëson palë në betejat politike dhe, për këtë arsye, nuk duhet të trajtohet si i tillë.

Haxhiu tha se e dënon publikisht këtë sjellje dhe kërkoi që çdo pretendim konkret të mbështetet me fakte e të trajtohet përmes rrugëve institucionale, në vend të sulmeve dhe insinuatave kundër zyrtarëve të Kuvendit.

The post Haxhiu dënon përplasjet në Kuvend dhe i drejtohet opozitës me kërkesë të prerë appeared first on Albeu.com.

Albulena Haxhiu, ushtruese e detyrës së presidentes së Kosovës, ka bërë të ditur se ka firmosur dekretet për lirimin nga detyra të shtatë prokurorëve të komunitetit serb, në zbatim të vendimit të Këshillit Prokurorial të Kosovës.

Sipas Haxhiut, nënshkrimi i këtyre dekreteve i jep fund një procedure që ishte zvarritur prej vitesh, ndërsa vendimi është zbatuar në pajtim me Kushtetutën dhe legjislacionin e Republikës së Kosovës, përcjell “Bota sot”.

Në njoftimin e saj, ajo sqaroi se shtatë prokurorët serbë kishin paraqitur dorëheqjet në vitin 2022 dhe se dekretet u nënshkruan pasi Këshilli Prokurorial i Kosovës vendosi për lirimin e tyre nga detyra.

Haxhiu theksoi se ky veprim përmbyll një proces të mbetur i hapur për vite dhe vë në zbatim vendimin e institucionit përgjegjës, në përputhje me Kushtetutën dhe ligjet e Republikës së Kosovës.

Ajo deklaroi se funksionimi i shtetit mbështetet në rendin kushtetues dhe në sundimin e ligjit, duke nënvizuar se askush nuk mund t’i mbajë peng institucionet apo të shkaktojë paqartësi juridike nëpërmjet proceseve të papërfunduara.

Sipas saj, Republika e Kosovës do të vijojë të veprojë me vendosmëri, duke respektuar ligjin dhe duke mbrojtur integritetin e institucioneve të veta.

The post Haxhiu dekreton largimin e shtatë prokurorëve serbë, përfundon procesi trevjeçar appeared first on Albeu.com.

Në përgjigje të pyetjeve të gazetarëve për këtë çështje, ajo tha se institucionet kompetente dhe njohësit e fushës duhet të bëjnë një vlerësim të kujdesshëm të përfitimeve, kostove dhe efekteve që një projekt i tillë mund të sjellë për qytetarët dhe për Republikën e Kosovës.

“A duhet Kosova ta pranojë apo jo gazin amerikan, nuk është çështje e përgjigjeve ‘po’ ose ‘jo’. Është shumë e rëndësishme që të ketë diskutime në nivel të institucioneve përgjegjëse dhe të ekspertëve, në mënyrë që të analizohen përfitimet, kostot dhe aspektet e tjera që ndërlidhen me këtë projekt”, tha ajo.

Haxhiu nënvizoi se Kosova asnjëherë nuk ka hedhur poshtë projekte që janë në dobi të qytetarëve dhe të shtetit, por theksoi se për çështje të kësaj natyre strategjike duhen diskutime serioze dhe vendime të mbështetura në analiza profesionale.

Sipas saj, institucionet e Kosovës vazhdojnë të jenë të hapura për dialog dhe për shqyrtimin e të gjitha mundësive, ndërsa bëri të ditur se ministrja e Ekonomisë, Artane Rizvanolli, tashmë po merret me këtë temë.

“Ne nuk ia kemi mbyllur derën diskutimeve serioze. Jemi të hapur që të diskutojmë për këtë. Ministrja Rizvanolli ka diskutuar për këtë çështje dhe po punon në këtë drejtim. Duhet t’u japim mundësinë institucioneve përgjegjëse që të japin përgjigjen finale”, u shpreh Haxhiu.

Ajo reagoi edhe ndaj kritikave për mënyrën se si institucionet e Kosovës i janë qasur këtij projekti, duke kundërshtuar idenë se shqyrtimi i alternativave të tjera energjetike mund të paraqitet si një qëndrim kundër Shteteve të Bashkuara të Amerikës.

“Nëse Kosova sheh një zgjidhje tjetër si më të mirë, pse duhet të kritikohet dhe pse institucionet e Republikës së Kosovës të konsiderohen antiamerikane? Institucionet e Kosovës punojnë për interesat e qytetarëve dhe mbështesin projekte që janë në favor të Republikës së Kosovës dhe qytetarëve të saj. Kjo nuk duhet të shihet si antiamerikanizëm”, deklaroi Haxhiu.

Ajo shtoi se trajtimi i debatit për projektin e gazit në terma politikë nuk i shërben as Kosovës dhe as partneritetit me Shtetet e Bashkuara.

The post Haxhiu: Për projektin e gazit amerikan duhen diskutime në nivel ekspertësh appeared first on Albeu.com.