Vendimi i Serbisë për të vënë në funksion prona shtetërore dhe kishtare me qëllim zgjerimin e projekteve ushtarake po ndiqet me vëmendje nga njohësit e sigurisë, të cilët vlerësojnë se ky hap mund të ketë ndikim në arkitekturën e sigurisë në rajon.

Sipas tyre, ky veprim pasqyron vazhdimësinë e përpjekjeve të Beogradit për të fuqizuar kapacitetet ushtarake dhe industrinë e mbrojtjes.

Megjithatë, ekspertët nënvizojnë se vetëm ky vendim nuk përbën provë për një sulm të afërt ndaj Kosovës.

Siç theksojnë ata, çdo vlerësim për rrezikun duhet të mbështetet në një tablo më të gjerë, ku përfshihen lëvizjet ushtarake, gjuha politike dhe zhvillimet në terren. Për këtë arsye, nga institucionet e Kosovës kërkohet monitorim i pandërprerë dhe shtim i vigjilencës strategjike. Në të njëjtën kohë, prania e KFOR-it dhe përkushtimi i NATO-s konsiderohen elemente vendimtare që e zvogëlojnë mundësinë e një aventure ushtarake në rajon.

Sipas ekspertëve, Kosova duhet të vazhdojë të forcojë kapacitetet e saj të sigurisë dhe të thellojë bashkëpunimin me aleatët ndërkombëtarë. Ata vlerësojnë se zhvillimet e fundit nuk duhet të prodhojnë panik, por të shërbejnë si paralajmërim për më shumë kujdes dhe përgatitje.

Racaj: Rreziku për një agresion të drejtpërdrejtë ndaj Kosovës mbetet i ulët falë KFOR-it dhe NATO-s

Profesori i sigurisë, Muhamet Racaj, shprehet se vendimi i Serbisë për mobilizimin e pronave shtetërore dhe kishtare për zgjerimin e projekteve ushtarake duhet trajtuar me seriozitet, por pa nxitur panik.

“Ky vendim nuk mund të shihet vetëm si një çështje administrative apo infrastrukturore, por si pjesë e një strategjie afatgjatë për forcimin e kapaciteteve ushtarake dhe të industrisë së mbrojtjes së Serbisë”, deklaron Racaj në një prononcim për “Bota sot”.

Sipas tij, për Kosovën ky zhvillim merr peshë të veçantë për shkak të afërsisë gjeografike, historikut të konflikteve dhe retorikës së vazhdueshme që vjen nga Beogradi.

“Megjithatë, nuk duhet të krijohet alarm i panevojshëm. Zgjerimi i infrastrukturës ushtarake nuk nënkupton automatikisht se Serbia po përgatitet për një sulm ushtarak ndaj Kosovës”, thekson ai.

Racaj shton se ky zhvillim duhet të ndiqet me kujdes nga institucionet e sigurisë në Kosovë.

“Çdo rritje e kapaciteteve ushtarake në rajon ndryshon, në një masë të caktuar, ekuilibrin strategjik dhe kërkon vlerësime të vazhdueshme nga institucionet vendore dhe partnerët ndërkombëtarë”, shprehet profesori.

Ai vlerëson se, për momentin, mundësia e një agresioni të drejtpërdrejtë ushtarak ndaj Kosovës mbetet e ulët.

“Kjo kryesisht falë pranisë së KFOR-it dhe angazhimit të NATO-s për ruajtjen e stabilitetit në Kosovë dhe në Ballkanin Perëndimor. Ky mekanizëm përbën pengesën më të madhe ndaj çdo aventure ushtarake”, thotë Racaj.

Megjithatë, profesori tërheq vëmendjen se Serbia po vazhdon investimet në rritjen e kapaciteteve të saj ushtarake.

“Beogradi po investon vazhdimisht në modernizimin e forcave të armatosura, në zgjerimin e kapaciteteve industriale dhe në infrastrukturën mbështetëse. Kjo tregon se synon të rrisë fuqinë ushtarake dhe ndikimin strategjik në rajon”, deklaron ai.

Sipas Racajt, Kosova duhet të vazhdojë përforcimin e kapaciteteve të saj mbrojtëse.

“Kosova duhet të vazhdojë zhvillimin e kapaciteteve të veta mbrojtëse, të thellojë bashkëpunimin me aleatët dhe të përshpejtojë integrimin euroatlantik“, thekson ai.

Në përmbyllje, Racaj nënvizon se vendimi i Serbisë nuk duhet parë si një kërcënim i menjëhershëm, por as nuk duhet anashkaluar.

“Ai duhet të shërbejë si një sinjal për vigjilencë strategjike, monitorim të vazhdueshëm dhe forcim të mëtejmë të institucioneve të sigurisë, në koordinim të plotë me partnerët ndërkombëtarë”, përfundon profesori Muhamet Racaj.

Berisha thotë se zgjerimi i projekteve ushtarake të Serbisë ndikon në arkitekturën e sigurisë në rajon

Edhe eksperti i sigurisë, Fidair Berisha, vlerëson se vendimi i Serbisë për të mobilizuar prona shtetërore dhe kishtare për zgjerimin e projekteve ushtarake duhet parë me seriozitet, por jo të lexohet automatikisht si kërcënim i drejtpërdrejtë për Kosovën.

“Mendoj se vendimi i Serbisë për të mobilizuar prona shtetërore dhe kishtare për zgjerimin e projekteve ushtarake duhet të trajtohet me seriozitet dhe të monitorohet nga afër, por nuk duhet të interpretohet automatikisht si kërcënim i drejtpërdrejtë ndaj Kosovës”, deklaron Berisha.

Sipas tij, ky hap tregon se Serbia vijon t’i japë rëndësi forcimit të kapaciteteve të saj ushtarake.

“Ky vendim tregon se Serbia vazhdon t’i kushtojë rëndësi forcimit të kapaciteteve të saj ushtarake, gjë që ndikon në arkitekturën e sigurisë në rajon. Për Kosovën, ky është një zhvillim me rëndësi të veçantë për shkak të afërsisë gjeografike, historikut të tensioneve dhe sfidave të vazhdueshme në marrëdhëniet ndërmjet dy vendeve”, shprehet ai.

Në bashkëbisedimin e tij me “Bota sot”, Berisha thekson se vetëm ky vendim nuk mund të konsiderohet dëshmi e një rreziku të menjëhershëm ushtarak.

“Unë nuk do të thosha se vetëm ky vendim përbën dëshmi të një rreziku të menjëhershëm ushtarak për Kosovën. Çdo vlerësim i kërcënimit duhet të bazohet në një analizë më të gjerë, duke marrë parasysh edhe faktorë të tjerë, si lëvizjet e forcave ushtarake, retorikën politike, zhvillimet në terren dhe informacionet që disponojnë institucionet e sigurisë”, thotë ai.

Sipas Berishës, zhvillimet e fundit duhet të shihen si sinjal për më shumë vigjilencë, por jo për nxitje paniku.

“Në vlerësimin tim, ky zhvillim duhet të shërbejë si një sinjal për vigjilencë më të madhe dhe monitorim të vazhdueshëm, por jo për të krijuar panik apo për të nxjerrë përfundime të parakohshme”, thekson ai.

Në fund, eksperti shton se Kosova duhet të vazhdojë forcimin e kapaciteteve të saj të sigurisë dhe bashkëpunimin me partnerët ndërkombëtarë.

“Kosova duhet të vazhdojë të forcojë kapacitetet e saj të sigurisë dhe të ruajë koordinimin e ngushtë me aleatët ndërkombëtarë, të cilët mbeten faktor kyç për stabilitetin dhe sigurinë në rajon”, përfundon Fidair Berisha për “Bota sot”.

The post Zhvillimet ushtarake të Serbisë nxisin kujdes në Kosovë, ekspertët: nevojitet vigjilencë pa alarm appeared first on Albeu.com.

Gjatë këtij aktiviteti, sipas njoftimeve, do të paraqitet edhe armatimi më i ri i forcave të armatosura serbe.

Presidenti i Serbisë, Aleksandar Vuçiq, është shprehur se kjo do të jetë stërvitja më e rëndësishme që ushtria serbe ka organizuar deri tani.

Lidhur me këtë zhvillim, eksperti i sigurisë Arben Dashevci ka vlerësuar në një prononcim për “Bota sot” se stërvitja ushtarake që Serbia do ta mbajë më 28 qershor në poligonin “Pasuljanske Livade” nuk përbën rrezik për Kosovën, për shkak se ajo zhvillohet brenda territorit serb.

“Ushtria e Serbisë do të mbajë më 28 qershor një stërvitje ushtarake në poligonin “Pasuljanske Livade”, mu në atë poligon ku kanë ushtruar edhe ata që e sulmuan Republikën e Kosovës me sulmin në Banjskë.

Ky ushtrim në aspektin e sigurisë nuk ka asnjë rol të rëndësishëm mendoj unë sepse Serbia e ka marrë mesazhin e kjartë nga bashkësia ndërkombëtare për sulmin në Banjskë dhe dorëzimin e terroristëve.

Këtë Serbia e dinë mirë.

Pra, nuk shoh asnjë rrezik të vetëm sa i përket këtij ushtrimi atje në vendin e tyre, sepse janë në teritorin e tyre.

Dhe, si gjithmonë ose si çdo vitë në ditën e Betejës së Kosovës, të cilën në Serbi shënohet si Vidovdani. Presidenti Aleksandar Vuçiq përdorë luftën e egër hibride, pra, propagandon dhe dezinformon opinionin e tij atje kinse bëhet fjalë për stërvitjen më të rëndësishme të deritanishme, ku do të prezantohet edhe armatimi më i ri i ushtrisë serbe etj”, ka thënë ai.

Sipas Dashevcit, kjo stërvitje është pjesë e vazhdimësisë së luftës hibride që Serbia zhvillon për konsum të brendshëm, ndërsa nënvizon se përzgjedhja e datës 28 qershor bart një mesazh simbolik dhe politik për rajonin, sidomos për Kosovën dhe Bosnjë e Hercegovinën.

Ai njëkohësisht ka kërkuar që bashkësia ndërkombëtare të reagojë qartë dhe me vendosmëri ndaj asaj që e quan provokim të vazhdueshëm nga Beogradi.

“Pra, është vazhdë e luftës së tyre hibride për konsumin e tijë të brendshëm sepse ballafaqohet me probleme të brendshme tash e sa vite.

Zgjedhja e 28 qershorit për zhvillimin e kësaj stërvitjeje propaganduese është një mesazh simbolik afatëmesëm dhe afatëgjatë por edhe politik për rajonin e Ballkanit, veçanërisht për Kosovën ose Bosnjë dhe Hercegovinën.

Unë mendoj që bashkësia ndërkombëtare duhet të reagoj zëshëm dhe me vendosmëri ndaj këtyre provokimeve të njëpasnjëshme që i bënë ky establishment në Serbi” – përfundon ai.

The post Dashevci për stërvitjen e Serbisë më 28 qershor: Vuçiq po e përdor për propagandë appeared first on Albeu.com.

Presidenti serb Aleksandar Vuçiq ka bërë të ditur se kjo stërvitje do të jetë më e rëndësishmja që ushtria serbe ka zhvilluar deri tani.

Data 28 qershor, e njohur si Vidovdan, zë një vend të veçantë në kujtesën historike dhe kombëtare të Serbisë, pasi lidhet me Betejën e Kosovës të vitit 1389 dhe konsiderohet ndër datat më domethënëse në kalendarin politik dhe historik serb.

Lidhur me këtë zhvillim, eksperti i sigurisë Drizan Shala vlerëson se përzgjedhja e 28 qershorit për organizimin e stërvitjes më të madhe të Ushtrisë së Serbisë mbart një simbolikë të fuqishme politike, sidomos në raport me Kosovën.

Ai nënvizon, megjithatë, se një vlerësim profesional nuk mund të mbështetet vetëm te pesha simbolike e datës, por duhet të shqyrtojë edhe njësitë ushtarake të përfshira dhe skenarin operacional, në mënyrë që të kuptohet objektivi i vërtetë i kësaj stërvitjeje.

“Nuk ka dyshim se zgjedhja e 28 qershorit – Vidovdanit – për zhvillimin e stërvitjes më të madhe të Ushtrisë së Serbisë mbart një simbolikë të fortë politike dhe historike. Kjo datë është pjesë e identitetit kombëtar serb dhe përdorimi i saj për një demonstrim të fuqisë ushtarake përçon një mesazh politik, si për opinionin e brendshëm, ashtu edhe për rajonin, veçanërisht për Kosovën. Megjithatë, një analizë profesionale e sigurisë nuk mund të mbështetet vetëm te simbolika. Për të kuptuar qëllimin real të stërvitjes, duhet të analizohen elementet ushtarake që e përbëjnë atë.

Së pari, duhet identifikuar se cilat njësi marrin pjesë në ushtrim. A janë të angazhuara brigadat e këmbësorisë, njësitë e mekanizuara dhe të blinduara, artileria, forcat speciale, aviacioni ushtarak, mbrojtja kundërajrore apo komponentët e luftës elektronike? Struktura e forcës pjesëmarrëse është treguesi i parë i natyrës së stërvitjes.

Së dyti, duhet analizuar skenari operacional. A simulohet mbrojtja e territorit, kundërsulmi, operacionet ofensive, marrja dhe mbajtja e një objektivi, neutralizimi i një qendre komanduese, operacionet në thellësi apo integrimi i zjarrit ndërmjet forcave tokësore dhe ajrore? Vetëm analiza e misionit taktik mund të tregojë se cilat aftësi po testohen”, thotë ai.

Më tej, Shala thotë se për të zbërthyer qëllimin real të stërvitjes, duhet parë edhe funksionimi i sistemit të komandimit, inteligjenca, lufta elektronike, mbështetja logjistike dhe ritmi i mobilizimit.

Sipas tij, vetëm një analizë e plotë në planin taktik, operacional dhe strategjik mund të përcaktojë nëse kemi të bëjmë me një demonstrim force, një ngritje të gatishmërisë luftarake apo me dërgimin e një mesazhi strategjik më të gjerë.

“Një element tjetër kyç është sistemi i komandimit dhe kontrollit (C2), integrimi i inteligjencës, zbulimit dhe vëzhgimit (ISR), përdorimi i luftës elektronike (EW), mbështetja logjistike dhe ritmi i mobilizimit. Këto komponentë tregojnë nëse kemi të bëjmë me një ushtrim rutinë, një demonstrim force apo një testim të gatishmërisë operacionale për skenarë më kompleksë.

Vetëm pasi të analizohen këta indikatorë mund të nxirret një vlerësim në tre nivele:

• Taktik – çfarë misioni konkret po ushtrojnë njësitë dhe cilat objektiva simulojnë në terren.

• Operacional – nëse stërvitja demonstron aftësinë për të koordinuar formacione të mëdha dhe për të zhvilluar operacione të kombinuara.

• Strategjik – çfarë mesazhi synon të dërgojë Serbia përmes kësaj stërvitjeje dhe si lidhet ai me objektivat e saj të politikës së sigurisë.

Prandaj, ndërsa data e zhvillimit të ushtrimit mbetet një element me simbolikë të qartë politike, vlerësimi profesional duhet të mbështetet mbi analizën e përbërjes së forcave (Order of Battle – ORBAT), skenarit operacional, objektivave të misionit dhe kapaciteteve që testohen. Vetëm atëherë mund të përcaktohet me saktësi nëse stërvitja synon thjesht demonstrimin e fuqisë, rritjen e gatishmërisë luftarake apo dërgimin e një mesazhi strategjik më të gjerë”, – përfundon ai për “Bota sot”.

The post Eksperti i sigurisë shpjegon mesazhin pas manovrës më të madhe ushtarake të Serbisë appeared first on Albeu.com.

Më parë, zëdhënësi i ushtrisë izraelite lëshoi ​​një urdhër “urgjent” për zhvendosje të detyruar të banorëve të mbetur në lagjet Remal, Sabra, zonën e portit dhe pjesë të Rrugës Beirut në Qytetin e Gazës.

Në mesazhin e tij, ai tregoi një ndërtesë shumëkatëshe, por pa e emërtuar atë në asnjë mënyrë, dhe tha se ushtria “do ta sulmojë ndërtesën së shpejti”, duke pretenduar se brenda ose pranë saj kishte “infrastruktura terroriste të Hamasit”, megjithëse nuk u dhanë prova.

“Ju kërkohet të evakuoni menjëherë ndërtesën dhe të shkoni në jug, në zonën humanitare në al-Maëasi”, tha Andrai. Megjithatë, bombardimet janë duke vazhduar.

The post Ushtria izraelite rrafshon në Gaza një ndërtesë të lartë, vijojnë thirrjet për evakuuim të civilëve appeared first on Albeu.com.

“Ne nuk kemi bërë aleancë për të shkuar në luftë me asnjëri. Kemi bërë marrëveshje mes tre shtetesh demokratike për të bashkëpunuar në fushën e mbrojtjes. Nuk është aleancë ushtarake për të shkuar në sulm. Në këtë rast, siç e thatë ju, në rast se ka tërbim, është thjesht prapambetje, është produkt i prapambetjes. Halli nuk është kur shohim produkte të prapambetjes në qasjen e Serbisë, halli është kur shohim Kosovën të sillet në mënyrë të prapambetur”, deklaroi Edi Rama.

The post Marrëveshja ushtarake me Kosovën dhe Kracinë, Rama: Është për mbrojtje, jo për sulm appeared first on Albeu.com.

FSK po merr pjesë në këtë ushtrim ndërkombëtar me një Kompani të Këmbësorisë dhe një skuadër të specializuar për materie të rrezikshme (CBRN), me qëllim të demonstrimit të profesionalizmit dhe ndërveprueshmërisë me ushtritë partnere të ShBA-së dhe vendeve të tjera aleate.

“Saber Junction 25” është një stërvitje fushore e dizajnuar për të testuar gatishmërinë e njësive luftarake dhe për të vlerësuar kapacitetet e tyre për operacione të përbashkëta, veçanërisht në kontekstin e rotacionit për misionin e KFOR-it në Kosovë.

Pjesëmarrja e FSK-së në këtë ushtrim përfaqëson një hap të rëndësishëm drejt përforcimit të rolit të saj në sigurinë rajonale dhe bashkëpunimin ushtarak ndërkombëtar.

The post Ushtria e Kosovës pjesë e ushtrimit të NATO-s në Gjermani appeared first on Albeu.com.

Zoti Trump u zgjodh president të martën, duke realizuar një rikthim të jashtëzakonshëm katër vjet pasi humbi ndaj Presidentit Joe Biden dhe duke sjellë një udhëheqje të re amerikane që ka të ngjarë të vërë në provë qëndrueshmërinë e institucioneve demokratike brenda vendit dhe marrëdhëniet jashtë vendit.

Gjatë një interviste muajin e kaluar, zoti Trump u pyet nëse priste “kaos” në ditën e zgjedhjeve dhe ai u duk sikur la të kuptohej se ushtria mund të përdorej kundër qytetarëve që e kundërshtojnë atë.

Në një medazh për trupat amerikane që u dërgua të mërkurën mbrëma dhe u lëshua publikisht të enjten, Sekretari Austin tha se “ushtria amerikane gjithashtu do të vazhdojë të qëndrojë e shkëputur nga arena politike; të vazhdojë rolin e saj për të mbrojtur republikën tonë me parime dhe profesionalizëm; dhe të qëndrojë në krah të aleatëve dhe partnerëve të çmuar që përforcojnë sigurinë tonë”.

Duke folur me gazetarët më vonë të mërkurën në Miami, zoti Austin tha se besonte se udhëheqësit e lartë të Pentagonit do të vazhdojnë të bëjnë gjënë e duhur.

“Këta udhëheqës të lartë do të qëndrojnë të fokusuar në detyrën tonë që është mbrojtja e këtij vendi, kujdesi për trupat tona, suksesi përmes bashkëpunimit”, tha ai.

Si miqtë, edhe kundërshtarët e Amerikës po presin të shohin nëse mandati i dytë i zotit Trump do të jetë po aq i paparishikueshëm sa katër vitet e tij të para në detyrë.

Kritikët thonë se gjatë administratës së tij 2017-2021 zoti Trump shpërfilli haptazi normat duke kërkuar hapur mbështetjen politike të trupave amerikane, të cilët duhet të jenë besnikë ndaj Kushtetutës së SHBA-së, jo ndaj ndonjë partie apo lëvizjeje politike apo udhëheqësi.

Gjatë fushatës presidenciale, zoti Trump foli për një përballje me një “armik nga brenda”.

Zoti Austin shkroi në mesazhin e tij: “Siç ka bërë gjithmonë, ushtria amerikane do të jetë e gatshme të ndjekë politikat e Komandantit të saj të ardhshëm të Përgjithshëm dhe t’u bindet të gjitha urdhrave të ligjshme nga zinxhiri i civil i komandës.

“Ju jeni ushtria e Shteteve të Bashkuara – forca më e mirë luftarake në botë – dhe do të vazhdoni të mbroni vendin tonë, Kushtetutën tonë dhe të drejtat e të gjithë qytetarëve tanë,” shtoi ai./VOA

The post Austin: Ushtria amerikane e gatshme për një tranzicion të rregullt appeared first on Albeu.com.

Në fjalën e tij në Kuvend, Haradinaj tha se qeveria po i lë pa bukë Forcat e Sigurisë së Kosovës, ndërsa nuk kurseu as kritikat ndaj kryeministrit Albin Kurtit, të cilin e quajti ‘spiun i Serbisë’.
“Kur një ditë këtu i kam thënë që është spiun i Serbisë, po është spiun i Serbisë, po, është tradhtar ai që e lë ushtrinë e vet pa bukë. Çka tjetër me i thënë këtij njeri? E ka lënë ushtrinë e vet pa bukë ky njeri.

Pse e bën këtë, pse po i ndodh këtij e nuk i ndodhi dikujt tjetër gjatë gjithë ekzistencës tonë që 20 vjet?”

Haradinaj vijoi me akuza të tjera për qeverinë lidhur me trajtimin e ushtrisë, ku tha se i ka lënë edhe pa transport apo mjetet e nevojshme bazë.

“I ka lënë pa transport, i ka lënë pa veshmbathje, pa shumëçka tjetër, mbrrini me i lënë edhe pa bukë.

Kush e mbron këtë njeri, shihni se çka jeni tu bë, po e mbroni një njeri që edhe ushtrinë me lënë pa bukë.

Besomëni nuk i them këto me ndonjë dëshirë të madhe se na jemi  të gjithë të këtij vendi.

Nëse para 6 vjete ke mbrri me u krenu në këtë parlament se po e krijojmë ushtrinë tonë, që po e nisim rrugën tonë drejt NATO’s, me ardhë sot këtu me diskutu se na i ka lënë ushtarët pa bukë Albin Kurti.

Po po bre, spiun është, spiun i Serbisë është, agjent i tyre, njeri i tyre, përndryshe se kish lënë gjendjen kurrë kështu.”

“Ne duhet me ndërru këtë qeveri, Aleanca do ta ndihmojë ndryshimin sepse e dimë që është interes kombëtar”, tha ai në fund.

The post Seancë e jashtëzakonshme për ushtarët në Kosovë, Haradinaj: Kurti, spiun i Serbisë. Tradhtar që e lë ushtrinë pa bukë appeared first on Albeu.com.

Arrestimi i gjeneralit në pension Faiz Hameed, i cili shërbeu si kreu i zbulimit (ISI) nga viti 2019 deri më 2022, është diçka e pazakontë në Pakistan. Ushtria e fuqishme e vendit ka sunduar për më shumë se 30 vjet që kur vendi fitoi pavarësinë më 1947. Ushtria vazhdon të ketë ndikim të rëndësishëm.

Ushtria vuri në dukje në njoftimin e së hënës se arrestimi u bë pas një hetimi të urdhëruar nga Gjykata e Lartë kundër zotit Hameed. Ushtria deklaroi se gjatë hetimit u konfirmuan ‘raste të shumta të shkeljeve të Ligjit të Ushtrisë së Pakistanit’.

Emri i zotit Hameed u përmend gjerësisht në mediat lokale për përfshirjen e tij të dyshuar në politikën kombëtare dhe ushtrimin e ndikimit tek gazetarët gjatë mandatit të tij si shef i ISI-t.

Gjenerali tërhoqi vëmendje globale kur gazetarët e panë atë në një hotel në Kabul, menjëherë pasi talebanët rimorën kontrollin e Afganistanit në gusht të vitit 2021. Talibanët u rikthyen në pushtet ndërsa forcat perëndimore të udhëhequra nga Shtetet e Bashkuara u tërhoqën pas gati dy dekadash luftë në Afganistan.

Gjatë pranisë së tyre në Afganistan, Uashingtoni dhe vendet aleate kishin akuzuar ISI-në se ofronte strehë dhe u mundësonte në mënyrë të fshehtë udhëheqësve talebanë të orkestronin sulme kryengritëse nga Pakistani kundër forcave ndërkombëtare në anën afgane të kufirit.

Zoti Hameed besohej të ishte i afërt me ish-kryeministrin Imran Khan, i cili e emëroi atë në krye të ISI-t kur ishte kryeministër.

Zoti Khan u rrëzua nga pushteti në vitin 2022 me një mocion mosbesimi në parlament që ai pretendon se ishte orkestruar nga udhëheqja ushtarake në atë kohë, akuza që ushtria i mohon.

“Pakistani ka ndërmarrë një hap të madh dhe të paprecedentë për të gjykuar përmes gjyqit ushtarak një ish-shef të zbulimit”, tha Michael Kugelman, drejtor i Institutit të Azisë Jugore në Qendrën Wilson në Uashington.

“Duke pasur parasysh rrethanat aktuale politike, është e pamundur ta vlerësosh këtë zhvillim të shkëputur nga lidhjet e Faizit me Imran Khanin”, shkroi zoti Kugelman në rrjetin social X, i njohur më parë si ‘Twitter’.

Zoti Khan, i cili mbetet politikani më popullor në Pakistan, u dërgua në burg një vit më parë pasi u dënua në një rast korrupsioni.

Gjykatat e apelit që atëherë kanë rrëzuar ose pezulluar të gjitha dënimet e tij për shkak të mungesës së provave. Megjithatë, autoritetet ngritën menjëherë çështje të reja kundër zotit Khan duke e mbajtur atë në burg./VOA

The post Pakistani arreston ish-kreun e zbulimit të vendit appeared first on Albeu.com.

Suedia, e cila i ishte bashkuar stërvitjeve në të kaluarën, mori pjesë në stërvitjet Baltops për herë të parë në qershor si një anëtare e plotë e NATO-s, pasi iu bashkua aleancës ushtarake transatlantike në fillim të këtij viti.

Javët e trajnimit përfshijnë pastrimin e minave në det, zbulimin e nëndetëseve dhe uljet.

Stërvitjet nga marina, forcat ajrore dhe trupat tokësore po mbahen në Detin Baltik, si dhe në Suedi dhe ishullin e saj strategjik Gotland, e po ashtu në Lituani, Poloni dhe Gjermani. Ato do të zgjasin deri të enjten dhe përfshijnë rreth 50 anije të marinës dhe 45 avionë dhe helikopterë.

Stërvitjet organizohen nga Forcat Goditëse dhe Mbështetëse Detare të NATO-s dhe flota e 6-të e SHBA-së.

Shqetësimet e sigurisë janë rritur në rajon që kur Rusia pushtoi Ukrainën në vitin 2022 dhe rriti aktivitetin e saj armiqësor në zonën e Detit Baltik

The post Rreth 9000 trupa të NATO-s kryejnë stërvitje në Detin Baltik appeared first on Albeu.com.