“Po bëjmë gjithçka të mundur për të përmirësuar mbrojtjen ajrore të Ukrainës. Prej muajsh po punojmë me Kievin për zbatimin e sistemeve të goditjes me rreze të gjatë. Kemi rënë dakord të mos flasim publikisht për detaje, pasi një nivel paqartësie ndaj Rusisë është i domosdoshëm,” tha Merz gjatë një konference të përbashkët me kryeministrin e Suedisë, Ulf Kristersson.

Kancelari gjerman shtoi se vitin e ardhshëm Gjermania do të vërë në dispozicion edhe 3 miliardë euro të tjera për mbështetje ushtarake, me kusht që Ukraina të mbetet “partner i besueshëm” dhe të vijojë luftën kundër korrupsionit. Ai komentoi edhe skandalin e fundit të korrupsionit në qeverinë ukrainase, duke theksuar se kërkohet “veprim i pamëshirshëm kundër korrupsionit”, çka është thelbësore edhe për rrugëtimin evropian të Ukrainës. Edhe kryeministri suedez theksoi se duhen thënë “fjalë shumë të sinqerta” për korrupsionin në Ukrainë dhe se mbështetja ushtarake, humanitare, ekonomike dhe politike duhet të rritet nëse synohet ndalimi i agresionit rus.

Merz përsëriti thirrjen për përdorimin e aseteve ruse të ngrira, duke kërkuar nga vendet e BE-së që të arrijnë marrëveshje brenda këtij viti.

“Ky është mjeti më i fortë presioni për të ulur Moskën në tryezën e bisedimeve,” tha ai.

Ai dënoi gjithashtu sulmet ruse ndaj objektivave jo-ushtarake, duke i quajtur “sulm të pastër terrori kundër popullsisë civile”, dhe u shpreh se Berlini është në kontakt të përditshëm me SHBA-në për çështjen e raporteve mbi bisedimet e fshehta mes Uashingtonit dhe Moskës.

Ndërkohë, qeveria gjermane vendosi sot që refugjatët ukrainas që mbërrijnë në Gjermani pas 1 prillit 2025 të mos marrin më përfitimin social Bürgergeld, por ndihma më të ulëta, të njëjta me ato të aplikuara për kërkuesit e azilit. Sipas Ministrisë së Punës, kjo masë synon “barazi trajtimi me refugjatë nga vende të tjera”.

The post Kancelari Merz: Ushtria ukrainase do të pajiset me sisteme zjarri me rreze të gjatë veprimi appeared first on Albeu.com.

Zelensky u takua me ish-komandantin e përgjithshëm, gjeneralin Valeriy Zaluzhniy, më herët gjatë 8 shkurtit dhe tha se i ka kërkuar që të qëndrojë “në ekipin e tij”, edhe pse nuk specifikoi se në çfarë kapaciteti.

Për javë të tëra ka pasur spekulime se Zelensky po e shqyrtonte mundësinë e largimit të Zaluzniyit, për shkak të dallimeve që kishin në strategji në kohën kur Ukraina po vazhdon luftën kundër forcave pushtuese ruse.

Tensionet mes presidentit Zelensky dhe gjeneralit Zalunzhniy u vunë re në nëntorin e vitit të kaluar, pasi gjenerali kishte publikuar një ediorial në The Economist, ku deklaroi se lufta kishte hyrë në një ngërç dhe se vetëm përparimi teknologjik do t’i mundësonte Ukrainës që të përmbushë qëllimin e saj për të çliruar territoret e pushtuara.

Pas publikimit të editorialit, Zyra e Zelenskyt menjëherë kishte hedhur poshtë vlerësimet e gjeneralit lidhur me situatën në fushëbetejë.

Ndërrimi i udhëheqësit të ushtrisë ukrainase u bë teksa pushtimi i paprovokuar rus i Ukrainës është afër dyvjetorit të nisjes së tij.

The post Zelensky emëron komandantin e ri të ushtrisë ukrainase appeared first on Albeu.com.

Në një konferencë për media në Kiev, ai ka thënë se komandantët e tij po kërkojnë “450.000 – 500.000 individë”, duke e pranuar se kjo çështje është “e ndejshme” dhe e kushtueshme.

Ai ka thënë se i duhen më shumë hollësi, para se të përkrahë këtë vendim, duke dhënë shenja se rreth 500.000 ushtarë veçse janë në front të luftës.

Komentet e tij kanë ardhur teksa rrezikohet ndihma e Shteteve të Bashkuara dhe Bashkimit Evropian për vendin e tij.

Republikanët në Kongresin amerikan e kanë bllokuar fillimisht një paketë ndihme në vlerë të 60 miliardë dollarëve për Ukrainën.

Këtë javë, përfaqësuesit e Shtëpisë së Bardhë dhe Departamentit amerikan të Shtetit, kanë thënë se planifikojnë të dërgojnë më shumë pako të ndihmës për Ukrainën – mirëpo kanë pak kapacitet për të çuar diçka përpara, në mungesë të gatishmërisë së Kongresit.

Bllokada në SHBA u përcoll me një bllokadë që Hungaria ia ka vënë BE-së për të dërguar ndihmë në vlerë të 50 miliardë eurove për Ukrainën.

Megjithatë, liderët e BE-së kanë thënë se Ukraina nuk do të mbesë pa mbështetje.

Kundërofensiva e Kievit nuk ka arritur rezultatet e kërkuara përgjatë verës.

Presidenti rus, Vladimir Putin, insiston se Moska do ta vazhdojë pushtimin dhe është zotuar se do të arrihen të gjitha synimet.

Megjithatë, ai e ka pranuar se forcat e tij ushtarake kanë probleme me sistemet ajrore për mbrojtje dhe komunikime, dhe se duhet rritur prodhimin e dronëve.

Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Zelensky: Ushtria ukrainase kërkon 500.000 ushtarë shtesë appeared first on Albeu.com.

Mediat sllovake raportuan më 5 gusht se Caputova i vlerësoi 35 kërkesa të qytetarëve për të luftuar përkrah ushtrisë ukrainase, dhe i pranoi nëntë prej tyre.

Arsyet e pranimit apo refuzimit të kërkesave nuk janë dhënë.

Sipas ligjit në fuqi në Sllovaki, qytetarët sllovakë kanë të drejtë t’i bashkohen ushtrisë së një vendi të huaj vetëm me lejen e presidentit të vendit. Pa një leje të tillë, sllovakët përballen me ndjekje penale.

Në fillim të këtij muaji, Republika e Çekisë njoftoi se u ka dhënë leje të ngjashme 146 qytetarëve të vet qëkur nisi pushtimi rus i Ukrainës në shkurt 2022.

The post Sllovakia lejon 9 qytetarë të saj t’i bashkohen ushtrisë ukrainase appeared first on Albeu.com.

Një krematorium lokal në fshatin Krazna Zorka është duke u përdorur, me një “linjë të vazhdueshme automjetesh ushtarake” deri në 10 kamionë jashtë që transportonin ushtarë dhe mercenarë të vdekur, tha Shtabi i Përgjithshëm.

Gjithashtu sipas asaj që tha Shtabi, Rusia po synon “të fshehë numrin e të vdekurve”.

Gjatë fundjavës, Ministria e Mbrojtjes e Mbretërisë së Bashkuar tha se Rusia ka të ngjarë të ketë pësuar shkallën e saj më të lartë të viktimave gjatë dy javëve të fundit që nga java e parë e pushtimit.

“Mesatarja për shtatë ditët e fundit ishte 824 viktima në ditë, mbi katërfishin e normës së raportuar në periudhën qershor-korrik 2022”, tha Ministria e Mbrojtjes.

Betejat më të ashpra janë aktualisht rreth qyteteve Bakhmut dhe Vuhledar në lindje të Ukrainës./albeu.com

The post Ushtria ukrainase bën deklaratë të fortë: Rusia po djeg trupat e ushtarëve të saj në Krime, për të fshehur humbjet appeared first on Albeu.com.

“Raketa që ra në Poloni me siguri është e lëshuar nga Ukraina”, kështu deklaroi ndër të tjera presidenti polak Andrzej Duda, duke shtuar se “nuk kemi prova të sakta që do të na lejonin të konkludojmë se ishte një sulm ndaj vendit tonë”.

Rënia e raketës, e cila i përket sistemit të mbrojtjes kundërajrore të Kievit, tha presidenti polak, ndoshta mund të jetë një ‘aksident fatkeq’.

Për shkak të rënies së raketave në territorin e saj, Polonia ngriti gatishmërinë luftarake dhe po mendohet edhe aktivizimi i nenit 4 të aleancës së NATO-s.

The post Shkaktoi vdekjen e dy personave dhe alarmimin e NATO-s, Varshava zyrtare: Raketat i përkasin ushtrisë ukrainase appeared first on Albeu.com.

“Armiku vazhdon të bombardojë pozicionet e njësive tona për të penguar kundërsulmin përgjatë gjithë linjës së kontaktit”, thuhet në njoftimin e presidencës ukrainase.

Ushtria e Ukrainës më 9 tetor tha se trupat e saj kishin rimarr rreth 1.200 kilometra katrorë territor në rajonin jugor të Hersonit nga forcat ruse, që nga fillimi i kundërofensivës në fund të gushtit. Ndërkohë, Rusia vazhdoi të godasë rajonin Zaporizhja të Ukrainës dhe qytetin me të njëjtin emër më 12 tetor, tha sekretari i Këshillit të qytetit, Anatoliy Kurtev.

Zaporizhja, që ndodhet mjaft afër vijës së frontit midis forcave ruse dhe ukrainase, është goditur vazhdimisht me sulme shpesh vdekjeprurëse gjatë javëve të fundit. Më 9 tetor, raketat e lëshuara nga forcat ushtarake ruse përgjatë natës, kanë lënë të vdekur 17 persona.

Zaporizhja është sulmuar me armë të rënda edhe më 6 tetor, si pasojë e të cilave kanë vdekur 11 njerëz. Zaporizhja është aneksuar javën e kaluar nga Rusia, hap që është konsideruar në kundërshtim me ligjin ndërkombëtar. Lufta në Ukrainë ka nisur më 24 shkurt.

Vetë Putin e quan luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

The post Ushtria ukrainase rimerr pesë “vendbanime” në Herson appeared first on Albeu.com.

Ai nuk ka dhënë hollësi shtesë në adresimin e tij ditor para popullit.

Mirëpo zyrtarët ukrainas dhe lideri i instaluar nga Rusia, kanë thënë se forcat e Kievit kanë avancuar në jug, duke rikthyer kontrollin e disa fshatrave përgjatë Lumit Dnjepër.

Komanda ushtarake ukrainase, e koncentruar në jug të shtetit, ka thënë se forcat e saj kanë shkatërruar 31 tanke ruse, një lansuese raketash, por nuk ka treguar se ku kanë ndodhur luftimet.

Një zyrtar i lartë i ushtrisë amerikane ka thënë më 3 tetor se sulmet e forcave ukrainase kanë shtyrë Rusinë “në pozicion mbrojtës” në Herson dhe se janë penguar përpjekjet ruse për rifurnizim të trupave në front të luftës.

Radio Evropa e Lirë nuk i ka verifikuar këto pretendime.

“Qendra të reja të populluara janë çliruar në disa rajone. Luftimet e ashpra kanë vazhduar në shumë zona”, ka thënë Zelensky.

Ai ka shtuar se “më shumë pushtues janë duke ikur, më shumë humbje janë duke përjetuar dhe po rritet besimi që Rusia ka bërë gabim kur ka nisur luftën kundër Ukrainës”.

Një ditë më parë, Zelensky ka thënë se ushtria ukrainase ka kontroll të plotë mbi qytetin strategjik të Limanit, që gjendet në rajonin Donjeck.

Rënia e Limanit kanë qenë një tjetër zmbrapsje për presidentin rus, Vladimir Putin pak ditë pasi ai ka aneksuar katër rajone ukrainase, të cilat i ka pushtuar ushtria ruse prej nisjes së luftës në fund të muajit shkurt.

Kievi dhe Perëndimi i kanë konsideruar deklaratat e aneksimit si ilegale dhe të rreme.

Lufta në Ukrainë ka nisur më 24 shkurt.

Vetë Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Ushtria ukrainase avancon në jug appeared first on Albeu.com.

“Ne nuk kemi humbur asgjë dhe nuk do të humbasim asgjë”, tha Vladimir Putin në një forum ekonomik në Vladivostok më 7 shtator.

Edhe ndërsa ai fliste, trupat e tij po tërhiqeshin. Më 6 shtator, Ukraina njoftoi një ofensivë të papritur në provincën verilindore të Kharkiv, duke shkaktuar trazira në ushtrinë e Putinit.

Të gjithë sytë ishin drejtuar nga një ofensivë e shumëpritur ukrainase në provincën jugore Kherson, e cila filloi më 29 gusht. Rusia kishte tërhequr disa nga  forcat e saj në lindje për të përforcuar jugun. Më 6 shtator ushtria ukrainase përfitoi, duke nisur një ofensivë në lindje të qytetit Kharkiv, raporton abcnews.al.

Ukraina rrethoi me shpejtësi Balakliya dhe u raportua se kishte avancuar 20 km në Volokhiv Yar. Deri më 7 shtator, forcat ukrainase po përparonin drejt Shevchenkove, një distancë e ngjashme.

Përparimi i forcave  ukrainase është një moment i rëndësishëm pas disa muajsh përparimesh të mëdha nga Rusia në rajonin lindor të Donbasit. Ushtria ruse tani po përballet me “kërcënime të shumëfishta deri në 500 km”, vuri në dukje inteligjenca britanike.

Është raportuar për luftime të ashpra jo vetëm në provincat Kherson dhe Kharkiv, por edhe në vetë Donbas, ku Rusia ka sulmuar drejt Bakhmutit, kryesisht pa sukses. Tani ajo përballet me trilemën nëse do të dërgojë rezerva të pakta në Kherson, Kharkiv apo Bakhmut, raporton abcnews.al.

Vendimi do të varet nga mënyra se si do të zhvillohen ofensivat ukrainase. Sulmet rreth Kharkiv duket se kanë mposhtur mbrojtësit rusë në disa vende. Ukraina tani mund të përbëjë një rrezik për Kupyansk, një pikë kyçe hekurudhore që furnizon forcat ruse në Izyum në jug. Artileria ukrainase është ndoshta brenda rrezes së qytetit.

Në Kherson, Ukraina duket se ka bërë përparime të vogla. Disa ekspertë thonë se ofensiva mund të ketë ngecur. Por ta gjykosh atë vetëm në aspektin territorial do të ishte një gabim. Strategjia e Ukrainës ndoshta nuk është të sulmojë qytetin, por të lodhë ushtarët rusë dhe t’i detyrojë ata të tërhiqen.

Kundërsulmet e Ukrainës po prishin qartë planet e Putinit.

Ai shpresonte të demonstronte rezultatet nga “operacioni i tij special ushtarak” deri në fund të verës dhe bëri plane për të aneksuar Kherson dhe provincat fqinje Zaporizhia këtë vjeshtë.

Sergei Kirienko, zëvendës shefi i shtabit të Putinit, u dërgua në Kherson për të bërë përgatitjet dhe Ria Novosti, agjencia shtetërore e lajmeve ruse, publikoi “referendumet” e ardhshme.

Këto spektakle të rreme duhej të përkonin me zgjedhjet lokale të Rusisë më 11 shtator.

Por më 5 shtator, një zyrtar i emëruar nga Rusia në Kherson tha se referendumi ishte shtyrë. Më 7 shtator, partia në pushtet e Rusisë, “Rusia e Bashkuar”, sugjeroi mbajtjen e referendumeve në territoret e pushtuara nga Rusia më 4 nëntor.

Putin nuk ka dhënë asnjë deklaratë për ofensivën dhe është ende i bindur se ai po fiton, thanë zyrtarët perëndimorë. Ai shpreson se liderët perëndimorë që po përballen me një krizë energjetike do të shtyjnë Volodymyr Zelenskyn, presidentin e Ukrainës, për të negociuar. Dhe ai po e kompenson dështimin në Ukrainë duke përhapur terror në vendin e tij, raporton abcnews.al.

Më 5 shtator, Ivan Safronov, një gazetar i respektuar ushtarak, i cili u arrestua në vitin 2020 dhe u akuzua për zbulimin e sekreteve shtetërore, u dënua me 22 vite burg.

Fakti që ai nuk kishte akses në informacione sekrete dhe përdorte vetëm burime të tjera nuk kishte asnjë ndryshim për gjykatën. Vëzhguesit thonë se ky rast është një hakmarrje nga ushtria ruse dhe shërbimet e sigurisë: në vitin 2019 Safronov shkroi për shitjen e fshehtë të avionëve luftarakë rusë Su-35 në Egjipt.

Ai refuzoi një ofertë për të ulur dënimin e tij në këmbim që të pranonte akuzat. Dënimi drakonian, sipas Kirill Rogov, një analist politik, ka për qëllim të shpërqendrojë popullin rus nga paaftësia e shërbimeve të sigurisë së Kremlinit, të cilët nuk arritën të fshehin planin e pushtimit për Ukrainën nga agjencitë e inteligjencës amerikane.

Dënimi i Safronov synon të pengojë të tjerët të flasin për dështimet ushtarake të Rusisë. Kommersant, një e përditshme ruse ku punonte  Safronov, iu përgjigj në mënyrë sfiduese me një letër të botuar në faqen e parë: “Ti je një gazetar i vërtetë.  Në raste dhe në rrethana të tjera, do të ishe liruar nga të gjitha akuzat”.

Në ditën kur Safronov u dënua, Kremlini pezulloi  Novaya Gazeta, gazetën e pavarur më kritike ruse, redaktor i të cilës ishte Dmitry Muratov, dhe fitoi Çmimin Nobel për Paqen në vitin 2021, ndërsa ishte sponsorizuar nga Mikhail Gorbachev, ish-udhëheqës sovjetik që vdiq më 30 gusht.

Kremlini i shkaktoi gjithashtu më shumë dhimbje Alexei Navalny, liderit të burgosur të opozitës, duke e vendosur atë për herë të tretë në muajin e kaluar, në një qeli pa ngrohje,  në një nga kolonitë e tij më të ashpra.

“Unë e urrej këtë luftë dhe kolegët e mi dhe unë po bëjmë gjithçka që mundemi për t’i dhënë fund”, tha Navalny më herët në një mesazh publik përmes avokatëve të tij. Ai  është përkushtuar më të gjitha burimet e tij politike dhe mediatike për të protestuar kundër luftës.

Ai aktualisht po u bën thirrje qytetarëve që në zgjedhjet lokale të votojnë për cilindo kandidat që nuk e mbështet Putinin./abcnews.al

The post Si po e zbërthen ushtria ukrainase atë ruse appeared first on Albeu.com.

Valeriy Zaluzhnyy shtoi se Kievi nuk mund të përjashtojë mundësinë e një sulmi të ri në kryeqytet, ose një sulmi nga Bjellorusia.

Lufta me Rusinë shpërtheu në fund të shkurtit dhe ende nuk ka pushuar.

Ukraina beson se mbi 50,000 trupa ruse janë vrarë, ndërsa miliona qytetarë ukrainas janë larguar nga shtëpitë e tyre për t’i shpëtuar luftës.

Zaluzhnyy tha se Ukraina kishte kryer një sërë sulmesh të suksesshme raketore në bazat ajrore në Krime gjatë gjithë luftës, duke përfshirë Saki në gusht./albeu.com

The post Ushtria ukrainase: Lufta nuk do të përfundojë këtë vit appeared first on Albeu.com.