Një version i përshtatur i Ford Ranger pritet të jetë ndër alternativat kryesore në programin britanik për automjete të lehta ushtarake.

Ky projekt është realizuar përmes bashkëpunimit të Ford, Ricardo dhe General Dynamics Land Systems–UK.

Ranger-i i modifikuar është projektuar për misione ushtarake dhe mund të pajiset me sisteme teknologjike të përshtatura sipas kërkesave të ushtrisë.

Në themel të projektit qëndron një konfigurim me gjashtë rrota dhe sistem hibrid, të cilin Ford dhe Ricardo e kanë prezantuar më herët.

Ministria britanike e Mbrojtjes planifikon të sigurojë rreth 2,500 automjete të reja, me synim zëvendësimin e flotës së vjetër të Land Rover Defender dhe Steyr-Puch Pinzgauer.

Automjetet që do të konkurrojnë në këtë program pritet t’i nënshtrohen testimeve nga tetori 2026 deri në janar 2027.

Përveç Ranger-it, në garë pritet të marrin pjesë edhe Land Rover Defender Wolf Series II, si dhe propozime të tjera të paraqitura nga kompani si General Motors dhe Ineos. /Telegrafi/

The post Ford Ranger hyn në garë për automjetet e lehta të ushtrisë britanike me variantin e militarizuar appeared first on Albeu.com.

Defender Wolf Series II është modeli i ri i prezantuar nga Land Rover për përdorim ushtarak, me synimin për të zëvendësuar automjetet e vjetra të flotës së ushtrisë britanike.

Automjeti pritet të marrë pjesë në garën për kontratën e Ministrisë së Mbrojtjes së Mbretërisë së Bashkuar, e cila lidhet me furnizimin me mjete të lehta ushtarake.

Marrëveshja e mundshme mund të përfshijë mbi 9,500 automjete, të ndara në nëntë versione të ndryshme, mes të cilave ambulanca, automjete taktike dhe mjete për transportin e trupave.

Sipas Land Rover, Defender Wolf Series II i është nënshtruar rreth 62,000 provave, të zhvilluara për të verifikuar qëndrueshmërinë dhe performancën e tij në terrene të vështira.

Pajisjet e automjetit përfshijnë një parakolp prej çeliku, mbrojtëse për fenerët, goma të projektuara për terrene të vështira, si edhe “një raft” të vendosur në çati.

Kompania i referohet gjithashtu historikut të Defender në gara dhe në testimet ushtarake, duke e paraqitur këtë përvojë si dëshmi të aftësive të modelit në rrugë të vështira.

Katër versione të Wolf Series II pritet të shfaqen në eventin ushtarak britanik DVD, ku Land Rover do të përpiqet të rrisë shanset për fitimin e kësaj kontrate të rëndësishme. /Telegrafi/

The post Land Rover sjell Defender Wolf Series II për misione ushtarake appeared first on Albeu.com.

Kështu e nis një artikull gazeta britanike “Metro” duke iu referuar Paul Carney që është dhe oficeri i urdhërit.

“Ka ardhur koha të përgatisni familjarët për mundësinë e dërgimit në Lindje”, mësohet t’u ketë thënë ai ushtarëve britanikë.

“Dua që të gjithë të kontrollojmë se jemi fizikisht të aftë për operacione. Dhe është gjithashtu e rëndësishme që të përgatisim të dashurit dhe familjet, të cilët shpesh kanë rolin më të vështirë në mungesën tonë”, u shpreh ai.

“Ne po mobilizojmë ushtrinë për të ndihmuar në parandalimin e luftës në Europë duke qenë gati për të luftuar dhe për të fituar përkrah aleatëve dhe partnerëve tanë të NATO-s. Ky është momenti për të mbrojtur vlerat demokratike që na përcaktojnë, për të ndihmuar aleatët tanë të guximshëm ukrainas në luftën e tyre të guximshme dhe të qëndrojmë me miqtë tanë dhe partnerët tanë për të ndihmuar në ruajtjen e paqes në të gjithë pjesën tjetër të Europës”, shprehet ai./albeu.com

The post Oficeri i lartë britanik thirrje ushtarëve: Bëhuni gati për luftë me Rusinë appeared first on Albeu.com.