ushtaret Archives - Albeu.com

Sulmi në Moskë, videoja tronditëse! Terroristit i presin veshin dhe e detyrojnë që ta hajë

D Marku — Sun, 24 Mar 2024 11:51:09 +0000

Një video prej disa sekondash e publikuar në rrjetet sociale dhe e ndarë edhe në kanalet Telegram të medias së pavarur ruse Meduza dhe faqja bjelloruse Nexta tregon momentin e arrestimit të një prej të dyshuarve për sulmin terrorist në Bashkinë Crocus në Moskë.

Në pamjet tronditëse, njëri prej ushtarëve i pret veshin e djathtë të arrestuarit dhe e detyron ta hajë. Vërtetësia e videos, si dhe lidhja e saj me arrestimet për masakrën në Moskë, nuk mund të verifikohet në mënyrë të pavarur për momentin.

Meduza shkruan se videoja e shkurtër u përhap nga kanalet ruse Telegram: “Regjistrimi 24 sekonda tregon një burrë me rroba kamuflazhi duke mbajtur të arrestuarin në tokë, më pas duke i drejtuar një thikë në veshin e tij të djathtë dhe duke i prerë një copë. Më pas oficeri tenton në mënyrë të përsëritur që të vendosë pjesën e prerë të veshit në gojën e terroristit të dyshuar, pas së cilës ai e godet atë në fytyrë.”

The post Sulmi në Moskë, videoja tronditëse! Terroristit i presin veshin dhe e detyrojnë që ta hajë appeared first on Albeu.com.

Dyfishohen pagesat për ushtarët e FA në misionin e KFOR në Kosovë

V K — Wed, 20 Mar 2024 14:30:19 +0000

Qeveria zgjat deri më 31 dhjetor 2027, angazhimin e forcave të armatosura shqiptare në KFOR në Kosovë.

Janë dyfishuar pagesat për ushtarët e FA në misionin e KFOR. Me anë të një një VKM-je, pagesa do të bëhet 12 mijë lekë, nga 6 mijë lekë që ishte më parë.

Njoftimi:

DISA NDRYSHIME NË VENDIMIN NR.910, DATË 22.12.2014, TË KËSHILLIT TË MINISTRAVE, “PËR PJESËMARRJEN E FORCAVE TË ARMATOSURA TË REPUBLIKËS SË SHQIPËRISË NË OPERACIONIN USHTARAK NDËRKOMBËTAR KFOR, KOSOVË”, TË NDRYSHUAR

Në mbështetje të nenit 100 të Kushtetutës, të nenit 7, të ligjit nr.9363, datë 24.3.2005, “Për dërgimin e Forcave të Armatosura të Republikës së Shqipërisë jashtë vendit, si dhe për mënyrën e procedurat e vendosjes dhe kalimit të forcave ushtarake të huaja në territorin e Republikës së Shqipërisë”, të ndryshuar, dhe të shkronjës “ç”, të nenit 11, të ligjit nr.64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozimin e ministrit të Mbrojtjes, Këshilli i Ministrave

V E N D O S I:

Në vendimin nr.910, datë 22.12.2014, të Këshillit të Ministrave, “Për pjesëmarrjen e Forcave të Armatosura të Republikës së Shqipërisë në operacionin ushtarak ndërkombëtar KFOR, Kosovë”, të ndryshuar, bëhen ndryshimet, si më poshtë vijon:

1.a) Në pikën 4, togfjalëshi “… 31 dhjetor 2024 …” zëvendësohet me “… 31 dhjetor 2027 …”;

2.b) Në shkronjën “a”, të pikës 5, togfjalëshi “… në masën 6 000 (gjashtë mijë) lekë …” zëvendësohet me “… në masën 12 000 (dymbëdhjetë mijë) …”.

Efektet financiare, që rrjedhin nga zbatimi i këtij vendimi, përballohen nga buxheti i Ministrisë së Mbrojtjes.

Ngarkohet ministri i Mbrojtjes për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI

BELINDA BALLUKU

The post Dyfishohen pagesat për ushtarët e FA në misionin e KFOR në Kosovë appeared first on Albeu.com.

Pas dronëve Bayraktar, ushtarakët shqiptarë përfundojnë trajnimin në Turqi për Mjetet Fluturuese pa pilot

D Marku — Sat, 16 Mar 2024 14:14:52 +0000

Forcat e Armatosura të Shqipërisë do të kenë tashmë në kontingjentin e tyre edhe detashmentin e certifikuar të Mjeteve Fluturuese pa pilotë.

Ministri i Mbrojtjes Niko Peleshi bëri të ditur se oficerët, nënoficerët dhe ushtarët përfunduan trajnimin 4 mujor në Keshan të Turqisë.

Pas pajisjes me dronët Bayraktar, Shqipëria do të ketë edhe ushtarak për Mjetet Fluturuese pa pilotë duke rritur ndjeshëm aftësitë dhe kapacitetet operacional të Forcës Ajrore dhe Forcave të Armatosura.

Pas dronëve Bayraktar, Forcat e Armatosura kanë tashmë edhe detashmentin e tyre të certifikuar të Mjeteve Fluturuese pa pilotë.

Oficerë, nënoficerë dhe ushtarë shqiptarë u trajnuan për plot 4 muaj në Keshan të Turqisë për pilot, elektronik, mekanik dhe operator ngarkesash, duke rritur ndjeshëm aftësitë dhe kapacitetet operacionale të Forcës Ajrore dhe Forcave të Armatosura.’, shkruan ministri Peleshi në Facebook.

The post Pas dronëve Bayraktar, ushtarakët shqiptarë përfundojnë trajnimin në Turqi për Mjetet Fluturuese pa pilot appeared first on Albeu.com.

Dita Ndërkombëtare e Gruas, me ushtaret e FSK Osmani uron 8 Marsin

D Marku — Fri, 08 Mar 2024 13:08:19 +0000

Presidentja e vendit, Vjosa Osmani ka uruar gratë dhe vajzat për 8 Mars – Ditën Ndërkombëtare të Gruas, e cila shënohet edhe në Kosovë me aktivitete të ndryshme.

Osmani përmes një postimi në rrjetin social në Facebook ka shkruar se në Ditën Ndërkombëtare të Gruas shënojnë arritjet e grave dhe vajzave dhe përpjekjet e jashtëzakonshme të tyre në Kosovë dhe kudo në botë për të drejta të barabarta.

“Sot kujtojmë dhe të gjitha ato gra e vajza që nuk janë më në mesin tonë, e të cilat u shndërruan në simbol rezistence, lufte dhe angazhimi për liri e barazi.

Forca, qëndrueshmëria dhe zelli juaj i pashoq për emancipim të vazhdueshëm, zhvillim e barazi qëndron fort në themelet e Republikës sonë.

Sot, nesër dhe çdo ditë, me ju dhe për ju”, ka shkruar Osmani në Facebook.

The post Dita Ndërkombëtare e Gruas, me ushtaret e FSK Osmani uron 8 Marsin appeared first on Albeu.com.

SKANDAL/ Ushtarët e KFOR shkëmbejnë uniformat me drogë

Tau Lanti — Fri, 17 Nov 2023 21:16:47 +0000

Forca e Kosovës, apo KFOR-i siç njihet gjerësisht, është një forcë paqeruajtëse ndërkombëtare e udhëhequr nga NATO në Kosovë. KFOR-i hyri në Kosovë më 11 qershor 1999.

Në atë kohë, Kosova po përballej me një krizë të rëndë humanitare, me forcat ushtarake nga Jugosllavia në veprim kundër Ushtrisë Çlirimtare të Kosovës. Gati 1 milion njerëz ishin larguar nga Kosova si refugjatë deri në atë kohë, ndërsa 10.812 shqiptarë janë vrarë apo zhdukur nga forcat serbet, shkaktarë të një prej gjenocideve më të mëdha në Europë që pas luftës së dytë botërore.

Aktualisht, 27 shtete kontribuojnë në KFOR, me një forcë të kombinuar prej përafërsisht 4,811 personel ushtarak dhe civil.

KFOR-i ka pasur disa dritëhije gjatë misionit të tyre në Kosovë, ku rasti më flagrant është ndarja e Mitrovicës nga francezët.

Rasti më i fundit ishte me 16 qershor në përplasjet e ashpra ndërmjet protestuesve serbë dhe policisë së Kosovës. 9 gazetarët u dhunuan nga serbët, ndërkohë që disa prej tyre kërkuan ndihmën e KFOR-it që i la në mëshirë të fatit.

Piranjat do të futen në një tjetër botë, atë të panjohurën, ku disa ushtarët të KFOR-it duket se kanë krijuar lidhje të jashtëligjshme me shpërndarës droge dhe bëjnë gjithçka për të siguruar dozat e tyre të përditshme, kokainë dhe marijuana.

Gazetari Eraldo Harlicaj ka vendosur kontakt me një shpërndarës droge që punon me ushtarët e KFOR-it dhe ka arritur të dokumentojë gjithçka me video, biseda dhe pamje.

Shpërndarësi e takon disa here ushtarin armen te baza e KFOR-it pranë aeroportit të Prishtinës. Ai madje e ka çuar në një tjetër nivel biznesin, pasi jep naftë, xhaketa ushtarake, ushqime dhe ujë në këmbim të kokainës.

Ushtari dhe shpërndarësi kishin lënë vendin e takimit dhe orarin për shkëmbimin, por dritat e makinës e tremben ushtarakun e KFOR-it duke u tërhequr. Gjithsesi, varësia nga droga e rikthen sërish në bisedë me shpërndarësin tone dhe më në fund xhaketa është marrë në këmbim të drogës.

The post SKANDAL/ Ushtarët e KFOR shkëmbejnë uniformat me drogë appeared first on Albeu.com.

“Ushtarët e tyre do të kthehen në thasë të zinj”, paralajmërimi i Hamasit: Gaza do të jetë mallkimi i Izraelit

Tau Lanti — Fri, 03 Nov 2023 17:38:23 +0000

Një operacion i vazhdueshëm tokësor izraelit në Gaza do të ketë pasoja katastrofike për Jerusalemin, tha të enjten krahu ushtarak i Hamasit, Brigadat Al-Qassam, sipas AFP.

“Gaza do të jetë mallkimi i historisë për Izraelin”, tha një zëdhënës i grupit militant, Abu Obeida, raportoi agjencia e lajmeve. Ai gjithashtu i tha Izraelit të priste viktima të rënda në mesin e forcave të tyre, duke shtuar se më shumë nga ushtarët izraelitë do të “ktheheshin me thasë të zinj”.

Deri më tani, Forcat e Mbrojtjes të Izraelit (IDF) kanë konfirmuar vdekjen e 17 ushtarëve të saj në operacionin në Gaza. Më herët të enjten, zëdhënësi i IDF-së Daniel Hagari tha se forcat izraelite kishin rrethuar plotësisht qytetin e Gazës në pjesën veriore.

Ushtria izraelite gjithashtu përjashtoi idenë e një armëpushimi në të ardhmen e afërt. “Koncepti i një armëpushimi aktualisht nuk është fare në tryezë”, tha Hagari kur u pyet për këtë çështje.

The post “Ushtarët e tyre do të kthehen në thasë të zinj”, paralajmërimi i Hamasit: Gaza do të jetë mallkimi i Izraelit appeared first on Albeu.com.

Rusia po rrit numrin e ushtarëve në lindje të Ukrainës

Tau Lanti — Mon, 27 Feb 2023 18:28:21 +0000

Rusia po rrit numrin e ushtarëve në lindje të Ukrainës përderisa po përqendron përpjekjet e saj për të kryer ofensivë në këtë rajon, tha Shtabi i Përgjithshëm i ushtrisë ukrainase më 27 shkurt, teksa forcat ukrainase dhe ruse po vazhdojnë luftimet e ashpra në lindje dhe verilindje të shtetit.

“Sipas informacioneve të qasshme, deri në 200 rekrutë nga rajoni Rostov janë transferuar përkohësisht në territorin e pushtuar në rajonin e Luhanskut”, u tha në deklaratën e ushtrisë ukrainase.

Shtabi i Përgjithshëm shtoi se gjatë ditës, Rusia ka kryer 12 sulme me dronët iranianë dhe mbi 55 sulme me raketa.

“Kërcënimi nga sulmet raketore është i lartë në mbarë territorin e Ukrainës”, tha ushtria.

Shefi i CIA-s, William Burns. Fotografi nga arkivi.

Më herët gjatë së hënës, dy punëtorë të shpëtimit u vranë nga sulmet ruse në perëndim të Ukrainës, njoftuan autoritetet lokale, teksa në gjithë Ukrainën u lëshuan alarme paralajmëruese për sulme ajrore në kohën kur Rusia po kryente sulme me dronë të prodhimit iranian.

Shtabi i Përgjithshëm i ushtrisë ukrainase tha po ashtu se gjatë natës ka arritur të rrëzojë 11 nga 14 dronët e lëshuar nga Rusia.

Sipas autoriteteve ushtarake, në 24 orët e fundit trupat ruse kanë kryer 81 operacione ofensive kundër mbrojtësve ukrainas në Bahmut, Avdijvka dhe Shahtarsk në rajonin e Donjeckut dhe në Kupjansk në rajonin e Harkivit.

The post Rusia po rrit numrin e ushtarëve në lindje të Ukrainës appeared first on Albeu.com.

Lideri rus takon nënat e ushtarëve: Mos besoni çdo gjë që shihni në internet dhe televizion

E S — Fri, 25 Nov 2022 15:41:53 +0000

Presidenti i Rusisë, Vladimir Putin ka marrë pjesë në një takim me nënat e ushtarëve rusë të dislokuar në Ukrainë, ndërsa u tha atyre që të mos besojnë gjithçka që shohin në televizion apo lexojnë në internet, duke pretenduar se kishte shumë lajme të rreme që qarkullonin për konfliktin.

Gjatë takimit me nënat e trupave të tij, shefi i Kremlinit tha se edhe udhëheqja ruse ndante dhimbjen e familjeve që kishin humbur të dashurit e tyre në luftë dhe se asgjë nuk mund të zëvendësojë agoninë e humbjes së një pjesëtari të familjes.
Raportohet se nga fillimi i konfliktit qindra mijëra rusë janë dërguar për të luftuar në Ukrainë, duke përfshirë 300,000 rezervistë, ndërsa Rusia zbuloi publikisht humbjet e saj ushtarake më 21 shtator, kur ministri i mbrojtjes Sergei Shoigu tha se 5,937 trupa ishin vrarë.

The post Lideri rus takon nënat e ushtarëve: Mos besoni çdo gjë që shihni në internet dhe televizion appeared first on Albeu.com.

Millanoviç kundër trajnimit të ushtarëve ukrainas në Kroaci

E S — Wed, 19 Oct 2022 17:18:35 +0000

Kryeministri i Kroacisë, Andrej Pllenkoviq, dënoi kundërshtimin nga ana e presidentit Zoran Millanoviq, ndaj ofertës së Ministrisë së Mbrojtjes që ushtarët ukrainas të trajnohen në Kroaci.

“Shteti kroat, me vendimet e Qeverisë, ka muaj që e mbështet ushtarakisht Ukrainën. Bëhet fjalë për politikën e Kroacisë në kuadër të aktiviteteve më të gjera të Bashkimit Evropian”, tha Pllenkoviq, më 19 tetor, në mbledhjen e Qeverisë kroate.

“Ministri i Punëve të Jashtme dhe Evropiane, Gordan Gërlliq Radman, në takimin e Këshillit të BE-së më 17 tetor, bashkë me 20 ministra të tjerë të punëve të Jashtme të vendeve anëtare, ka shprehur në parim gatishmërinë e Kroacisë për të marrë pjesë në trajnimin e ushtarëve ukrainas”, tha Pllenkoviq.

Ai gjithashtu shtoi se bashkë me Kroacinë, 12 vende të tjera kanë shprehur gatishmërinë që këtë trajnim ta kenë në territorin e vendeve të tyre.

“Shpreh shqetësimin tim për reagimet e presidentit Millanoviq dhe aq më tepër për mbështetësit e tij në Parlament, të cilët në esencë po ekspozojnë pikëpamjet e tyre pro-ruse”, tha kryeministri kroat.

Disa parti opozitare të qendrës së majtë dhe parti opozitare të krahut të djathtë mbështetën kundërshtimin e Millanoviqit për trajnimin e ushtarëve ukrainas në Kroaci.

Ministria e Mbrojtjes e Republikës së Kroacisë ka konfirmuar më herët se janë gati që oficerët e atij vendi të fillojnë trajnimin e ushtarëve ukrainas.

“Në kuadër të trajnimeve ekzistuese, jemi të gatshëm të presim kursantë të huaj, në përputhje me planet dhe procedurat ligjore”, thuhet në përgjigjen me shkrim të Ministrisë së Mbrojtjes për mediat kroate.

Por, presidenti i Republikës së Kroacisë, Zoran Millanoviq, u shpreh kundër përfshirjes së ekspertëve në trajnimin e ushtarëve dhe tha se nuk i pëlqen kjo ide.

“Nuk e mbështes këtë ide, sepse unë nuk e mbështes përfshirjen e Kroacisë në këtë luftë më shumë sesa duhet. Ne jemi specifik, solidar dhe kaq. Unë si komandant i përgjithshëm nuk do ta miratoj këtë”, u ka thënë Milanoviq gazetarëve, më 18 tetor.
Presidenti i Kroacisë është edhe komandanti suprem i forcave ushtarake.

Këshilli i Bashkimit Evropian, në takimin e mbajtur një ditë më parë, krijoi një mision për ndihmë ushtarake në Ukrainë (EUMAM Ukraine).

Bëhet fjalë për misionin e parë të këtij lloji, të cilin BE-ja e ndërmerr kolektivisht. Sipas marrëveshjes, deri në 15 mijë ukrainas do të trajnohen në territorin evropian, por lihet mundësia që, në përputhje me nevojat, kjo shifër të rritet.

Ndër vendet që kanë ofruar territorin e tyre për stërvitjen e ushtarëve ukrainas janë, përveç Kroacisë, Gjermania dhe Polonia.

Sipas mediave kroate, instruktorët mund të trajnojnë inxhinierë ukrainas dhe shpëtimtarë luftarakë (ushtarë me trajnim shtesë mjekësor për të ofruar ndihmën e parë në terren).

Trajnimi ushtarak profesionale nuk është i panjohur për ekspertët kroatë pasi ata ta tashmë kanë qenë të përfshirë në stërvitjen e ushtrive afgane dhe malazeze.

Sipas Ligjit për mbrojtjen, hyrja e ushtarëve të vendeve aleate në Kroaci për stërvitje dhe trajnim përcaktohet me vendim të Qeverisë kroate, me pëlqimin paraprak të presidentit të Republikës. Aprovimi i presidentit kërkohet për numrin e ushtarëve nga lloji i kompanisë, pra deri në 200 persona.

Në rast se Millanoviqi vë veton ndaj vendimit të Qeverisë së Kroacisë, ekziston mundësia që Parlamenti me shumicë prej dy të tretash ta rrëzojë veton e Komandantit të Përgjithshëm, përkatësisht të presidentit.

“Jutarnji list” i Zagrebit, menjëherë ka pyetur partitë parlamentare nëse e mbështesin qëndrimin e Millanoviqit, duke pasur parasysh opsionin e mundshëm të anashkalimit të vetos së tij me një shumicë prej dy të tretash në Parlament, gjegjësisht refuzimin e dhënies së pëlqimit të tij për ardhjen e ushtarëve ukrainas në Kroaci për trajnim.

Tani për tani, kundër shfuqizimit të vetos dhe mbështetës i qëndrimit të Millanoviqit do të ishte shumica e opozitës së majtë dhe të djathtë – Partia Socialdemokrate e Kroacisë, Social Demokratët, Most (Ura) kleriko-popullist, opozita e djathtë Lëvizja e Atdheu dhe Partia opozitare Fshatare Kroate. Janë 49 përfaqësues nga gjithsej 151, aq sa ka në Parlamentin kroat. Shumicën e nevojshme prej dy të tretash e përbëjnë 101 përfaqësues. REL

The post Millanoviç kundër trajnimit të ushtarëve ukrainas në Kroaci appeared first on Albeu.com.

Patriarku Kirill u bën thirrje besimtarëve që të angazhohen në luftë: Nëse vdisni për atdhe, do të jeni përjetësisht me Zotin

E S — Fri, 23 Sep 2022 12:51:00 +0000

“Shkoni me guxim për të kryer detyrën tuaj ushtarake dhe mbani mend se nëse vdisni për atdheun tuaj, do të jeni me Zotin në mbretërinë e tij, lavdinë dhe jetën e përjetshme”, me këto fjalë iu drejtua besimtarëve Patriarku i Moskës dhe i gjithe ortodoksisë teksa ftoi besimtarët që të mos kenë frikë nga zoti nëse zgjedhin të luftojnë për atdheun.

Deklaratat be Patriarkut vijnë në një kohë kur ka kërcënime të reja nga ish-presidenti rus Medvedev, që nuk përjashtojnë përdorimin e armëve bërthamore, ndërsa lideri rus Putin kërcënon të gjithë ata që protestojnë kundër mobilizimit të pjesshëm.

Krahas kësaj, ka filluar edhe trajnimi i rezervistëve, që sipas mediave mund të jetë një milion dhe jo 300 mijë. Marrëdhëniet midis gjeneralëve rusë në terren raportohet se janë të tensionuara, aq sa Putin, sipas burimeve të CNN, po jep drejtpërdrejt urdhra për ofensivë.

The post Patriarku Kirill u bën thirrje besimtarëve që të angazhohen në luftë: Nëse vdisni për atdhe, do të jeni përjetësisht me Zotin appeared first on Albeu.com.