Sipas njoftimit, pjesëtarët e shërbimit aktualisht janë duke iu nënshtruar trajtimit mjekësor, ku 10 prej tyre janë transferuar në objektet e kujdesit shëndetësor jashtë rajonit që ofrojnë kujdes më të avancuar.

“Një aksident me helikopter në Sirinë verilindore rezultoi në plagosjen e 22 anëtarëve të shërbimit amerikan”, tha ai. “Asnjë zjarr armiku nuk u raportua.”

Në Siri janë mesatarisht 900 forca amerikane, së bashku me një numër të pazbuluar kontraktorësh.

Forcat e operacioneve speciale të SHBA-së gjithashtu lëvizin brenda dhe jashtë vendit, por zakonisht janë në ekipe të vogla dhe nuk përfshihen në numërimin zyrtar.

Forcat amerikane kanë qenë në Siri që nga viti 2015 për të këshilluar dhe ndihmuar Forcat Demokratike Siriane të udhëhequra nga kurdët në luftën kundër grupit militant Shteti Islamik (IS).

Që kur grupi ekstremist u mund në Siri në mars 2019, trupat amerikane janë përpjekur të parandalojnë çdo rikthim të tyre.

Megjithatë, fraksionet e mbetura të këtij grupi mbeten një kërcënim.

Janë gjithashtu rreth 10,000 luftëtarë të IS-it të mbajtur në objektet e paraburgimit në Siri dhe dhjetëra mijëra anëtarë të familjeve të tyre që jetojnë në dy kampe refugjatësh në verilindje të vendit.

Gjatë viteve të fundit, trupat amerikane i janë nënshtruar sulmeve të kryera nga anëtarët e IS dhe luftëtarët e mbështetur nga Irani atje.

Në fund të marsit, një sulm me dron në një bazë amerikane vrau një kontraktor dhe plagosi pesë trupa amerikane. Në shenjë hakmarrjeje, avionët luftarakë të SHBA-së goditën disa lokacione rreth provincës lindore të Deir el-Zour, e cila kufizohet me Irakun.

Sekretari amerikan i Mbrojtjes Lloyd Austin tha në atë kohë se sulmet ishin një përgjigje ndaj sulmit me dron, si dhe një seri sulmesh të fundit kundër forcave të koalicionit të udhëhequr nga SHBA në Siri nga grupe të lidhura me Gardën Revolucionare të Iranit.

Në një zhvillim të ngjashëm, autoritetet siriane të udhëhequra nga kurdët njoftuan të shtunën se qindra luftëtarë të IS-it të mbajtur në burgjet në të gjithë rajonin do të dalin në gjyq pasi vendet e tyre të origjinës refuzuan t’i riatdhesonin./rel

The post Aksidenti me helikopter lë 22 ushtarë amerikanë të plagosur në Siri appeared first on Albeu.com.

KFOR bën të ditur se ushtarët e kontingjentit italian dhe hungarez ishin subjekt i sulmueve të paprovokuara dhe kanë marrë disa plagë.

Njoftimi i plotë:

Kosovë: përleshje mes protestuesve dhe trupave të KFOR-it

Rreth 25 të plagosur nga kontingjenti shumëkombësh gjatë ndalimit të demonstruesve protestues që ndodhi në komunën e Zveçanit.

Prishtinë, 29 maj 2023. Sot pasdite njësitet e KFOR-it janë dislokuar në 4 komunat e veriut të Kosovës me qëllim të frenimit të demonstratave të dhunshme që ndodhën pasi kryetarët e sapozgjedhur ditëve të fundit tentuan të marrin detyrën.

Duke iu kundërvënë pjesëve më aktive të turmës, disa ushtarë të kontingjentit italian dhe hungarez të KFOR-it ishin objekt i sulmeve të paprovokuara dhe plagëve të marra trauma me thyerje dhe djegie nga shpërthimi i mjeteve ndezëse.

Të trajtuar me kohë nga njësitë mjekësore të KFOR-it, aktualisht janë nën vëzhgim nga personeli mjekësor i cili po vlerëson gjendjen e tyre.

Komandanti i misionit të KFOR-it, gjenerali i divizionit Angelo Michele Ristuccia, personalisht po e përcjell zhvillimin e situatës dhe shpreh ngushëllimin e tij për burrat dhe gratë e misionit të lënduar gjatë përleshjeve.

Ai theksoi se sulmet e paprovokuara ndaj njësive të NATO-s janë të papranueshme dhe KFOR-i do të vazhdojë të përmbushë mandatin e tij në mënyrë të paanshme.

The post KFOR: Ushtarët ishin pre e sulmeve të paprovokuara, 25 të lënduar në Zveçan appeared first on Albeu.com.