Usain Bolt, rekordmeni botëror dhe njeriu më i shpejtë në histori, ka firmosur me klubin amator anglez Wythenshawe Vets. Marrëveshja nuk ka marrë vëmendjen e madhe që zakonisht shoqëron transferimet e Ligës Premier, pasi xhamajkani i është bashkuar një skuadre që garon në nivelin e nëntë të futbollit anglez.

Regjistrimi i 40-vjeçarit, i paralajmëruar prej tij në janar, tashmë është përfunduar. Federata Angleze e Futbollit (FA) e ka konfirmuar këtë lëvizje duke e përfshirë Boltin si futbollist të regjistruar të klubit në faqen e saj zyrtare.

Wythenshawe Vets është një skuadër veteranësh nga jugu i Mançesterit, ku luajnë futbollistë të moshës 35 vjeç e lart. Klubi është bërë i njohur për afrimin e ish-profesionistëve në përbërjen e tij.

Mes emrave të tjerë të regjistruar këtë sezon janë ish-sulmuesi i Anglisë dhe Liverpoolit, Emile Heskey, ish-futbollisti i Evertonit, Oumar Niasse, ish-kapiteni i Manchester United, Antonio Valencia, si dhe sulmuesi i Newcastle, Papiss Cisse.

Në listën e skuadrës ndodhen edhe ish-lojtarët e Manchester Cityt, Stephen Ireland dhe Nedum Onuoha. Pjesë e ekipit janë gjithashtu fituesit e Ligës Premier, Joleon Lescott dhe Danny Drinkwater.

Një përpjekje e re në futboll

Edhe pse njihet kryesisht për rekordet në atletikë, me 9.58 sekonda në 100 metra dhe 19.19 sekonda në 200 metra, Bolt është një admirues i madh i futbollit dhe mbështetës i Manchester United. Angazhimi me Wythenshawe Vets nuk përbën përvojën e tij të parë në këtë sport, pasi më herët ai tentoi të niste një karrierë profesionale.

Në vitin 2018, Bolt qëndroi për dy muaj në provë te klubi australian Central Coast Mariners. Bashkëpunimi nuk u konkretizua me kontratë profesionale, pasi klubi nuk arriti t’ia ofronte një të tillë. Megjithatë, ai realizoi dy gola në një ndeshje miqësore me Mariners.

Ai ka refuzuar gjithashtu një ofertë nga klubi maltez Valletta, thuhet për shkak të kushteve financiare. Përveç kësaj, sprinteri xhamajkan është stërvitur me klubin norvegjez Stromsgodset dhe me skuadrën gjermane Borussia Dortmund.

The post Usain Bolt zyrtarisht pjesë e Wythenshawe Vets, FA konfirmon regjistrimin e tij appeared first on Albeu.com.

Njeriu më i shpejtë i të gjitha kohërave mbeti i shtrirë në fushë pasi sulmuesi anglez Jermaine Defoe e kaloi atë dhe të tjerët, përpara se të shënonte për të bërë rezultatin 4-2.

Në atë kohë, Bolt dukej se kishte lënduar kyçin e këmbës ndërsa përpiqej të hynte në duel me Defoe.

Megjithatë, fakti që xhamajkani nuk u ngrit në këmbë, tregoi se diçka më serioze kishte ndodhur.

Ekipi mjekësor e largoi Bolt nga fusha e Stamford Bridge, duke e çuar në tunel për të shqyrtuar çështjen. Më vonë në mbrëmje, Bolt postoi një foto në rrjetet sociale të tij në dhomat e zhveshjes me një protezë në këmbën e djathtë dhe duke mbajtur paterica.

Ai tha në mbishkrimin: “Akili u këput, por e dimë që jemi luftëtar”.

Bolt ishte kapiteni i Botërorit XI dhe tashmë e kishte bërë veten të dobishëm duke dhënë një asistim për Alessandro Del Piero për barazimin 2-2.

Ndeshja mes ekipit legjenda të Anglisë dhe Botërorit XI përfundoi me fitoren e nikoqirëve me rezultat 6-3. /Telegrafi/

Raptured Achilles but done know we a warrior 💪🏿 pic.twitter.com/vKYtHqOFTj

— Usain St. Leo Bolt (@usainbolt) June 9, 2024

The post Usain Bolt pësoi lëndim të rëndë në ndeshjen bamirëse, u largua nga fusha me barelë appeared first on Albeu.com.

“Është e vështirë për mua të zgjedh njërin prej tyre. Personalisht mbështes Argjentinën, por jam një tifoz i madh i Cristiano Ronaldos. E admiroja portugezin kur luajti për Manchester United dhe siç dihet unë jam një tifoz i zjarrtë i “Djajve të Kuq”, deklaron xhamajkani.

“Mendoj se Ronaldo ka diçka më shumë se Leo, pasi e ka provuar veten e tij në kampionate të ndryshme. Kudo ku ka shkuar ai ka fituar. Kjo është arsyeja pse unë zgjedh pikërisht Cristianon”, përfundon Bolt.

The post Ronaldo apo Messi? Usain Bolt nuk ka dilema për zgjedhjen e tij appeared first on Albeu.com.