Sipas raportimit të tij, ambientet e urgjencës ndodhen në kushte të rënda higjieno-sanitare, me mure të plasaritura, lagështirë të dukshme dhe prani myku.

Gjithashtu, në disa pjesë suvaja është e rënë, duke krijuar një pamje të amortizuar dhe të papërshtatshme për një institucion shëndetësor.

“Vijmë për t’u shëruar dhe sëmuremi më shumë,” shprehet qytetari, duke ngritur shqetësimin për rrezikun që këto kushte mund të paraqesin për pacientët dhe stafin mjekësor.

Ai i bën thirrje institucioneve përgjegjëse që të marrin masa të menjëhershme për përmirësimin e kushteve në urgjencën e qytetit pasi shëndetësia është sektori që përfiton më shumë nga buxheti i shtetit dhe situata të tilla vënë në pikëpyetje menaxhumin e parave publike.

Ministria e Financave: Rreth 167 milionë euro u transferuan në Fondin e Veçantë të Pensioneve
“Kjo eshte gjendja aktuale e urgjences se Beratit. Katastrofe. Vijme per tu sheruar semuremi me shume Muri i plasaritur me lageshtire dhe myk Suvaja e rënë”.

The post Urgjenca e Beratit e mbuluar nga myku, denoncimi: Vijmë për t’u shëruar, sëmuremi më shumë! appeared first on Albeu.com.

Kreu i QKUM, Skënder Brataj theksoi se gjatë këtij viti “patëm 441 mijë thirrje, nga të cilat 144 mijë ishin vizita të kryera në shtëpitë tuaja dhe 50 mijë konsulta mjekësore nga njësia e koordinimit”.

Brataj gjithashtu theksoi se qytetarët duhet të tregohen të kujdeshëm në përdorimin e mjeteve piroteknike.

“Mjetet piroteknike përdoren gjatë festave, por keqpërdorimi i tyre përbën rrezik serioz, sidomos për fëmijët dhe të rinjtë. Rreziqet kryesore janë djegiet e rënda të duarve, fytyrës dhe trupit, dëmtime të syve deri në humbje shikimi, zjarre në ambiente të hapura dhe të mbyllura”, tha ai.

Brataj theksoi se duhet të përdoren vetëm mjetet e certifikuara dhe të lejuara me ligj.

Gjithashtu ai bëri thirrje që fëmijët të mbahen larg tyre.

“Mbani distancë sigurie, mbani fikëse zjarri afër. Mos i ndizni në dorë, mos i drejtoni nga njerëzit, mos i përdorni në ndikimin e alkoolit. Në rast aksidenti si djegie, ftoheni zonën me ujë të rrjedhshëm për 20-25 minuta. Syrin e dëmtuar mos e fërkoni, por mbulojeni lehtë”, tha Brataj.

Brataj gjithashtu bëri thirrje që mos të teprohet në konsumin e alkoolit.

“Festa mbaron, por pasojat zgjasin gjatë gjithë jetës”, e përmbylli Brataj mesazhin.

The post 441 mijë thirrje në Qendrën Kombëtare të Urgjencës Mjekësore gjatë 2025, Brataj: Festoni me përgjegjësi! appeared first on Albeu.com.

Drejtori i Urgjencës, Ergys Miçi, thekson se konsumimi i alkoolit gjatë mbrëmjeve festive shpesh e kthen festën familjare në traumë, veçanërisht kur drejtuesit e mjeteve drejtojnë automjetin nën efektin e tij. Sipas tij, çdo vit gjatë kësaj periudhe regjistrohen aksidente të shumta rrugore, përfshirë edhe raste me humbje jete.

“Gjatë festave ka gjithmonë teprim në konsumimin e alkoolit dhe këshillojmë të gjithë qytetarët të tregojnë kujdes, në mënyrë që festa të mos kthehet në traumë. Çdo person që konsumon alkool duhet të ketë kujdes të mos drejtojë automjetin, pasi shpesh ajo që nis si festë familjare përfundon në tragjedi. Çdo vit kemi pasur raste të shumta aksidentesh, madje edhe me humbje jete”, thotë Ergys Miçi.

Një tjetër kategori e rrezikuar janë moshat e treta dhe fëmijët, të cilët përballen me pasoja serioze shëndetësore gjatë festave. “Moshat e treta duhet të tregojnë kujdes të shtuar, pasi edhe sasi të vogla alkooli ose teprimi me ushqimin, në prani të problemeve kardiake, mund të sjellin pasoja serioze, si edemë pulmonare. Gjithashtu, personat me astmë kronike duhet të kenë kujdes në klimat e ftohta. Fëmijët duhet të mbrohen nga fishekzjarrët; vitet e kaluara kemi pasur raste me djegie dhe dëmtime të gishtave”, thotë ai.

Sipas drejtuesit të Urgjencës, fluksi i pacientëve rritet ndjeshëm gjatë kësaj periudhe, duke kaluar shifrën e zakonshme. “Fluksi i pacientëve mund të arrijë deri në 300 persona në 24 orë. Në fundvit ka një rritje të ndjeshme të fluksit, si në shërbimin paraspitalor ashtu edhe në atë spitalor. Përgatitemi për datat 31 dhjetor, 1 dhe 2 janar, duke siguruar furnizime shtesë dhe rritur gatishmërinë. Numri i rasteve mund të arrijë 250–300 në 24 orë, një fluks i konsiderueshëm për Urgjencën”. thotë Miçi.

Autoritetet shëndetësore apelojnë për kujdes maksimal gjatë festave, duke theksuar se shmangia e alkoolit në drejtimin e automjeteve dhe përdorimi i kujdesshëm i fishekzjarrëve janë thelbësore për të mos e kthyer festën në urgjencë spitalore.

The post Festat e fundvitit mbingarkojnë Urgjencën e Elbasanit, mjeku: Mbi 300 pacientë në 24 orë appeared first on Albeu.com.

Entuziazmi për përdorimin e algoritmeve për të parashikuar sjelljen e qytetarëve me qëllim parandalimin e ngjarjeve devijante, si edhe në procesin e shpërndarjes së përmbajtjes në rrjetet sociale tashmë ka përfunduar.

Koha tregoi se në shumë raste, gjatë përdorimit për këto qëllime, algoritmet dështuan duke treguar elementë të theksuar profilizimi shoqëror deri edhe racizmi, ndërkohë që sa i përket rrjeteve sociale, është vërtetuar tashmë që ato favorizojnë partizanizmin në vend të përplasjes së shëndetshme të ideve, duke polarizuar shoqërite përmes përforcimit të paragjykimeve.

Algoritmet dhe AI si nxitës të polarizimit në diskursin publik

Gjatë konsumit të përmbajtjes në rrjetet sociale, nuk jemi ne që përzgjedhim se çfarë do të shohim në ekranin e telefonit apo kompjuterit tonë, por janë algoritmet ato që vendosin se çfarë do të na shfaqin në varësi të sjelljes sonë online, si edhe mënyrës se si është programuar algoritmit i rrjetit social ku jemi, duke patur një rol të rendësishëm në formësimin e mënyrës se si përdoruesit e perceptojnë realitetin.

Të programuar për të rritur ndërveprimin e përdoruesve dhe për t’i mbajtur ata sa më gjatë në platformë, qasje nëpërmjet së cilës përcaktojnë edhe rrjedhën e informacionit në rrjetet sociale, algoritmet kanë krijuar një ekosistem të fragmentarizuar dhe të polarizuar të diskursit online.

Rrjetet sociale si META; X; Youtube, TikTok i kanë programuar algoritmet e tyre me qëllim personalizimin e përmbajtjes që i shfaqin përdoruesve, e cila bazohet në sjelljen e tyre të mëparshme online, si edhe rrethit të ndjekësve apo të të ndjekurve në platformë, me qëllim final mbajtjen e audiencës së më gjatë aty dhe rritjen e angazhimit.

Studime të ndryshme kanë konfirmuar se ky model ushqen një cikël, ku përdoruesit ekspozohen në mënyrë të vazhdueshme ndaj përmbajtjeve që përforcojnë bindjet e tyre, për shkak të ndërveprimit me të njëjtën permbajtje, duke i kufizuar ata ndaj perspektivave të tjera.

Si pasojë e kësaj, formohen ato që ekspertët e fushës i quajnë “dhoma jehone” si edhe “flluska informacioni”, ku përdoruesi “bombardohet” me të njëjtin informacion, fenomen që nxit radikalizimin e diskursit dhe ndarjet e thelluara të qendrimeve në shoqëri.

Në një kontekst global me tensione sociale, politike, si edhe konflikte të armatosura në rajone të ndryshme, mënyra se si funksionojnë algoritmet e rrjeteve sociale, në vend që të ndihmojë në ofrimin e mendimit alternativ, po përforcon edhe më tepër idetë fillestare të përdoruesve duke i çuar qendrimet e tyre edhe më tepër drejt ekstremeve.

Rrjedhimisht, sot, rrjetet sociale nuk po bashkojnë, por po ndajnë edhe më tepër shoqëritë nëpër ishuj bindjesh, ku çdokush aty e gjen veten të privuar nga ide të tjera.

Studimi i Koo, G. H., Johnson, T. J., Santillana, M., & Jeon, G[1]. mbi toksicitetin e pjesëmarrjes politike online evidenton sesi ndërveprimi i algoritmeve me sjelljet emocionale dhe politike të përdoruesve përforcon qendrimet e kundërta.

Në këtë kuadër, platforma e Inteligjencës Artificiale, e përdorur për personalizimin e përmbajtes dhe promovimin e saj ka treguar se nuk është neutrale.

Përkundrazi, AI mëson automatikisht dhe më pas promovon modelet e sjelljes, të konsideruara të suksseshme në drejtim të rritjes së ndërveprimit në rrjetet sociale.

Rrjetet sociale të përmbytura nga përmbajtjet AI

Shtimi i platformave të Inteligjencës Artificiale për prodhimin e videove; ulja e kostos së abonimit për shkak të konkurrencës së fortë në këtë sektor,  si edhe mësimi i “makinës” me gjuhën shqipe po i përball përdoruesit e rrjeteve sociale me rrezikun e madh të përceptimit të një realiteti të rrejshëm në rrjetet sociale.

Gjatë muajve të fundit, edhe përdoruesit shqiptarë të rrjeteve sociale janë duke ndërvepruar çdo ditë e më tepër me përmbatje video të prodhuara me AI.

Ato janë pa shënimet përkatëse nga publikuesit, të cilat për shkak të natyrës së tyre provokuese, pasi ofrohen si intervista Vox Pop, si përgjigje të natyrshme të qytetarëve, janë duke prodhuar numër të madh ndërveprimesh.

Një kombinim i fuqisë algoritmeve për të targetuar përdoruesit në mënyrë efektive në shërbim të rritjes së ndërveprimeve, si edhe përmbajtjes lehtësisht të ngatërrueshme me realitetin të prodhuar nga Inteligjenca Artificiale, është kthyer në një rrezik të madh për përdoruesit e rrjeteve sociale.

Sipas të dhënave të publikuara nga Smart Insights[2] në shkurt 2025, një video gjeneron 5 herë më shumë ndërveprime krahasuar me përmbajtjet e tjera të publikuara në rrjetet sociale për shkak të natyrës së saj dinamike.

Një tjetër studim[3] pasqyron se përdoruesit harxhojnë mesatarisht 100 minuta në ditë duke parë video në internet, gjë që konfirmon dominancën e formatit video kundrejt të tjerëve.

Të dhënat tregojnë se në platforma si Facebook dhe Youtube, mosha mesatare e përdoruesve në Shqipëri rritet nga viti në vit, ndërsa situata bëhet edhe më problematike në kushtet e një niveli të ulët të edukimit mediatik në një shoqëri si e jona.

Ndikimi i AI në personalizimin e përmbajtjes dhe nxitjen e radikalizmit online

Pavarësisht se qëllimin e kanë të njëjtë, pra rritjen e angazhimit, rrjetet sociale aplikojnë praktika të ndryshme targetimi, të cilat në thelb prodhojnë një informacion të personalizuar në “wallin” e çdo përdoruesi.

Personalizimi i informacionit është tani praktikë standarde e platformave të rrjeteve sociale, duke u krijuar përdoruesve një realitet informacioni të fragmentarizuar për shkak të mungesës së ideve alternative.

Një studim i Zyrës Kërkimore të Parlamentit Europian në vitin 202[4] 4  thekson se personalizimi algoritmik ndikon drejtpërdrejt në mënyrën sesi individët konsumojnë informacionin politik, duke rritur ndjeshëm rrezikun për keqinformimin e tyre dhe përhapjen e teorive konspirative.

Kapacitetet e larta të përpunimit të të dhënave nga Inteligjenca Artificiale fragmentarizojnë edhe më tepër informacionin për përdoruesit.

Kjo vërehet edhe në mënyrën se si algoritmet e META dhe TikTok për shembull shpërndajnë informacionin në platforma.

Algoritmet e META-s e shpërndajnë informacionin duke u bazuar në lidhjet dhe kontaktet e përdoruesit në Facebook apo Instagram, duke besuar se njerëzit ndërveprojnë më shumë me përmbajtje të shpërndarë nga ata që i njohin apo u besojnë, ndërkohë TikTok përdor një praktike krejt tjetër.

TikTok bazohet jo te lidhjet shoqërore, por te interesi i audiencës mbi tematikën e përmbajtjes. Kështu, algoritmet e TikTok mund të shfaqin përmbajtje edhe nga profile të konsideruara të “huaja”, por që përputhen me tematikën që përdoruesi ka shfaqur interes gjatë lundrimit të tij në internet.

Të dyja praktikat çojnë drejt një izolimi informativ të përdoruesit edhe pse në rastin e TikTok, për vetë mënyrën se si veprojnë algoritmet e tij, rreziku është më i madh.

Është koha për reformimin e algoritmeve

Mënyra se si po prodhohet në një pjesë të mirë të rasteve me Inteligjencën Artificiale dhe se si po shpërndahet përmbajtja online përmes algoritmeve gjithnjë e më të fuqishëm, bën të domosdoshëm rishikimin e modelit që po përdoret nga platformat e rrjeteve për të targetuar audiencën.

Studiues të ndryshëm të fushës sugjerojnë reformim thelbësor të qasjes në radhë të parë dhe më pas të mënyrës së si sillen algoritmet gjatë procesit të shpërndarjes së përmbajtjes në rrjetet sociale.

Një nga qasjet më të përfolura është ajo e dy profesorëve të Universitetit të Oksfordit Sandra Wachter and Dr Brent Mittelstadt[5], të cilët sugjerojnë zhvillimin e algoritmeve të “shpërndarjes së barabartë” që ofrojnë balancë ideologjike në përmbajtje, duke i ekspozuar përdoruesit edhe ndaj këndvështrimeve të kundërta. Ata e quajnë  këtë “drejtësi algoritmike në përputhje me të drejtat e njeriut”.

Propozohet që sistemet algoritmike që shërbejnë për shpërndarjen e përmbajtjes të mos konsiderojnë efikasitet të lartë vetëm ndërveprimin, por gjatë këtij procesi, të marrin në konsiderate lirinë e shprehjes, barazinë në qasje në informacion dhe mbi të gjitha: Të drejtë fjale për të gjithë.

Ata sugjerojnë një certifikim të algoritmeve dhe platformave AI nga institucione të pavarura para futjes së tyre në përdorim. Një sugjerim të ngjashëm bëri edhe Yuval Noah  Harari në 2023[6].

Po ashtu, sugjerohet implementimi i mekanizmave të transparencës mbi mënyrën se si funksionojnë algoritmet.

Roli i Inteligjencës Artificiale në këtë kontekst të ri mund të shndërrohet nga përforcues i polarizimit në shoqëri, në promovues të dialogut dhe përplasjes së mendimeve të ndryshme në një platformë, e cila tashmë sillet “ndershëm” me përdoruesit. Kjo mund të ndodhë nëse vetë algoritmet, por edhe AI trajnohet mbi parimet e diversitetit të mendimeve dhe të stabilitetit social.

Për shembull, në vend që të nxisin qendrimet ekstreme, të cilat sjellin më shumë ndërveprime, AI të mund të identifikojë dhe promovojë përmbajtje, të cilat nxisin kohezionin social dhe dialogun konstruktiv duke nxjerrë në pah zëra të margjinalizuar në diskursin publik. Narrativa do të ishte krejtësisht ndryshe.

Një model tjetër i sugjeruar është ai i “diversitetit të ekspozimit”[7], i cili bazohet në parimin që përdoruesve t’u shfaqen në mënyrë të qëllimshme përmbajtje me këndvështrime të ndryshme nga ato të tyret.

Studiues të tjerë[8] shkojnë edhe më tej duke sugjeruar një model të transparencës algoritmike, i rregulluar përmes institucioneve të pavarura bazuar mbi argumentin se platformat nuk mund të vetërregullohen dhe se nevojitet mbikëqyrje publike që të sigurojë që mekanizmat e shpërndarjes nuk promovojnë ekstremizmin.

Qendrimet e tyre vijnë në një kontekst problematik për mënyrën se si funksionojnë sot algoritmet të përforcuara nga kapacitetet e mëdha përpunuese të AI, megjithatë bien ndesh me një qasje të përgjithshme në sektorin e teknologjisë së informacionit, i cili bazohet më shumë, ose preferon,  vetërregullimin.

Në thelb, nevoja për të rikonceptuar mënyrën se si algoritmet orientojnë shpërndarjen e informacionit në platformat e rrjeteve sociale të udhëhequra nga Inteligjenca Artificiale nuk shihet më vetëm si një çështje etike apo teknike, por një domosdoshmëri shoqërore në mbrojtje të demokracisë dhe kohezionit social.

Megjithatë, domosdoshmëria për të rishikuar algoritmet që shprehin ekspertët e fushës bie ndesh me modelin e biznesit të platformave të rrjeteve sociale, i cili në vetvete ka prodhuar logjikën se si veprojnë algoritmet, të cilët efektivitetin e masin e numrin e lartë të ndërveprimeve në platformë.

Eksperienca e deritanishme ka treguar se ndërveprimet më të mëdha i shkaktojnë përmbajtjet polarizuese.

Ky është momenti ku ose shoqëritë do të ndryshojnë algorimet, ose këto të fundit do të marrin tërësisht nën kontroll diskursin publik duke i  ndryshuar përfundimisht shoqëritë.

The post Urgjenca e reformimit të algoritmeve në epokën e IA appeared first on Albeu.com.

Për të ofruar ndihmë sa më shpejt mjekë dhe infermierë të Urgjencës  Kombëtare  do të shkojnë tek pacienti me motor.

“Në një arrest kardiorespirator është e rëndësishme qe ato 4 -6 deri në 10 minuta dikush të vë  duart tek gjoksi i pacientit që nëse do të rikthehet në jetë,   të zgjohet, mos mbetët në koma”, ka thënë ai.

Motorët mjekësor do të nisin funksionimin këtë verë  në qendra të  qyteteve ku trafiku është më i rënduar.  Shërbimi do të nisë nga Tirana dhe fillimisht në punë do të jenë katër  mjete të tilla.

“Garantojmë se nuk zbret cilësia e shërbimit dhe motomedika ka pajisjet mjekësore të domosdoshme që nga, oksigjeni,  ilaçet e trajtimit për çdo  patologji  urgjente, e vetmja gjë që nuk bën motori është transporti i pacientit”, shtoi më tej.

Po nëse i sëmuri pas ndihmës së shpejtë  ka nevojë për trajtim në spital?

“Janë organizuar kur mbërrin  motori  do të mbërrijë  dhe autoambulanca nëse është i nevojshëm transporti. Është në mënyrë e efikasitetit të mjekut, sot çdo ambulancë është e detyruar të bëjë transport në spital, bën transport me personel ndërkohë që dikush tjetër ka nevojë për vizitë dhe mjeku mund të jetë i lehtë përveç faktit që mund të jetë kod i kuq dhe duhet shoqërimi me mjek”, tha ai.

Aktualisht në të gjithë vendin  vetëm për urgjencën paraspitalore shërbejnë 120 autoambulanca  të shpërndara në pika të ndryshme të qyteteve.  Mjekët dhe infermierët e të cilave kryejnë rreth  140 mijë vizita në vit.

The post “Motoambulancë” për urgjencat/ Shërbimi i Motorëve mjekësore, në funksion këtë verë appeared first on Albeu.com.

Drejtori i urgjencës kombëtare Skënder Brataj, thotë se rreth 10-11% e urgjencave janë të ndikuara nga temperaturat e larta.

“Nëse në Janar ishin 85 çrregullime që kanë të bëjnë me uljen e presionit , dehidradimi, mbërrijnë në 101 rastet në Korrik”, tha ai për Euronews. 

Më të prekur nga temperaturat e larta, mbeten moshat e treta dhe fëmijët.

“Janë më të rrezikuar fëmijët dhe të moshuarit për faktin  e mekanizmit mbrojtës që organizmi ka. Tek fëmijët janë të pazhvilluar mirë ndërsa te të moshuarit janë të ngadalësuar”, tha më tek Brataj.

Pas urgjencave nga vapa, problemet kardiake vijojnë të mbizotërojnë në të gjithë Shqipërinë.

“Po të vëmë një piramidë, të patologjisë, kardiologjia është në vend të parë me 35%”, shtoi ai.

4500 vizita regjistrohen në javë në 30 qendrat shëndetësore verore të shpërndara në gjithë vendin. Kur vala e të nxehtit afrikan ka nisur të sjell ndikimin e saj në Shqipëri, mjekët rekomandojnë të bëhet kujdes, me ekspozimin në diell, si dhe ushqyerjen e shëndetshme. Edhe pse në vendin tonë nuk ka asnjë jetë të humbur si pasojë e vapës, bluzat e bardha, thonë se çdo ditë ka fatalitet, që mund të ndikohen nga faktorët e motit.

The post 1100 urgjenca në ditë, Brataj: 10% prej vapës, mbizotërojnë problemet kardiake appeared first on Albeu.com.

Teksa bëri një parantezë se ndoshta njerëzit mund ta kenë më të thjeshtë t’i drejtohen specialistëve të shëndetit mendor, e njëjta gjë nuk ndodh me shërbimet spitalore, ku përgjigjja që merr është shpërfillëse.

“Në urgjenë nuk të mirpret dhe nuk ta bën të lehtë. Janë të parët që të thonë “hajt se ti s’ke gjë”, ndërkohë që ti po vdes në atë moment. Do e ndaj sepse nuk e kam problem ta ndaj historinë. Isha tmerrësisht keq dhe kur kam shkuar në urgjencë, më thonin nuk është për këtu.”, shprhert mes lotës Katerina.

Arjana Rreli: Po, kjo është e vërtetë në fakt, si ndjesia jote vijnë shumë dhe e thonë “unë nuk kam nevojë për një ngushëllim apo një fjalë, unë kam nevojë të ndjehem i kuptuar dhe i ndihmuar në atë moment. Nëse vij këtu, unë nuk po vij kot. Nëse vij këtu, unë dua të dëgjoj prej teje, personeli i mesëm ose mjek, që kjo gjendje ka të gjithë arsyet e mundshme që të jetë”. Nuk është një fjalë “hë se s’ke gjë, gjithë kjo gocë, gjithë kjo bukuroshe, çfarë të mungon ty?” Se është edhe nga familjarët kjo lloj ndërhyrjeje dhe ne e themi që është gjithmonë një ndërhyrje shumë e gabuar dhe që patjetër ne personelin e kemi shumë të mirëkuptuar, por në këtë pikë suportin psikologjik nuk e kanë gjetur ende.

Psikologia Eralba Zeneli thotë se minimalja që duhet të ndodhë në atë moment, është një psikoedukim sepse ul tensionin dhe eviton një atak paniku të dytë. Mjekja psikiatre Rreli shton se sigurisht mjekët përballen në urgjencë me probleme të tjera, por kjo nuk e zvogëlon rastin e një ataku paniku.

Katerina Trungu: Kjo ishte edhe përgjigjja që unë mora nga mjeku, “mua tjetri më ka ardhur me veshkat”, tha, “si mund të jesh ti problem për mua?” Ndërkohë unë po humbja veten.

 

View this post on Instagram

 

A post shared by TV KLAN (@rtvklan)

The post “Isha tmerrësisht keq”, moderatorja tregon mes lotësh si e përzunë nga urgjenca: Më thanë nuk je për këtu (VIDEO) appeared first on Albeu.com.

Ushtarët e patrullës së rojes bregdetare shpëtuan 22 burra, tre gra dhe një të mitur. Megjithatë, janë katër të zhdukur: tre burra dhe një grua dhe kërkimet janë në vazhdim. Një vajzë e vogël, me nënën e saj dhe një djalë që kishte dhimbje të forta gjoksi, menjëherë pas zbarkimit në skelën Favarolo, u dërguan në ambulancë.

Emigrantët e shpëtuar nga roja bregdetare vijnë nga Liberia, Kameruni, Bregu i Fildishtë, Guinea, Senegali, Mali dhe Gambia.

Ndërkohë një e mitur migrante, 7 muajshe shtatzënë, u transferua nga Lampedusa, me një helikopter 118, në spitalin San Giovanni di Dio në Agrigento. Vajza, filloi të kishte dhimbje të forta dhe pas transferimit të parë në Klinikën Ambulatore, mjekët vendosën ta transferonin në spital.

The post Mbytet anija me emigrantë në Mesdhe, 4 të zhdukur, një e mitur shtatzënë dërgohet me urgjencë në spital appeared first on Albeu.com.

Njoftimi i Ministrisë së Shëndetësisë:

553 testime, 45 qytetarë të infektuar, nuk ka humbje jete dhe 97 të shëruar në 24 orët e fundit

24 Shtator 2022 – Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, veçanërisht në këtë periudhë të vjeshtës, për të kufizuar rrezikun e përhapjes së infeksionit.

Vaksinimi anticovid kryhet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 553 testime, nga të cilat kanë rezultuar pozitivë me COVID19, 45 qytetarë, në këto bashki:

22 në Tiranë, nga 4 qytetarë në Shkodër, Fier, nga 2 qytetarë në Sarandë, Skrapar, Elbasan, nga 1 qytetarë në Lezhë, Durrës, Rrogozhinë, Bulqizë, Roskovec, Lushnje, Vlorë, Gjirokastër, Tepelenë.

Janë 626 qytetarë aktivë me Covid19 në të gjithë vendin.

Aktualisht në spitalin COVID3 po marrin trajtim 6 pacientë. Në 24 orët e fundit nuk ka asnjë humbje jete me Sars-Cov2.

Janë shëruar 97 qytetarë gjatë 24 orëve të fundit, duke e çuar numrin e të shëruarve në 326,592 që nga fillimi i epidemisë.

Statistika (24 Shtator 2022)
Raste të reja ditore 45
Të shëruar në 24 orë 97
Të shtruar në spitale 6
Humbje jete në 24 orë 0
Testime ditore 553

Testime totale 1,978,233
Raste pozitive 330,807
Raste të shëruara 326,592
Raste Aktive 626
Humbje jete 3,589

Shpërndarja gjeografike e rasteve aktive sipas qarqeve:

Tiranë 300
Elbasan 70
Shkodër 59
Fier 59
Vlorë 36
Durrës 31

Lezhë 20
Dibër 19
Korçë 13
Berat 10
Gjirokastër 9
Kukës 0

The post Covid-19 në Shqipëri: Sot, asnjë vdekje dhe 45 raste të reja appeared first on Albeu.com.

Njoftimi i Ministrisë së Shëndetësisë:

COVID19/ Ministria e Shëndetësisë: 3474 testime, 1666 qytetarë të infektuar, tre humbje jete dhe 1391 të shëruar në 24 orët e fundit

Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.
Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 3474 testime, nga të cilat kanë rezultuar pozitivë me COVID19, 1666 qytetarë, në këto bashki:
634 në Tiranë, 112 në Durrës, nga 60 qytetarë në Fier, Lushnje, 55 në Elbasan, 53 në Shkodër, nga 47 qytetarë në Vlorë, Sarandë, Kuçovë, 44 në Berat, 43 në Kamëz, 34 në Korçë, 29 në Gjirokastër, nga 27 qytetarë në Divjakë, Dimal, 25 në Himarë, 24 në Tepelenë, 23 në Krujë, 22 në Vorë, 21 në Kavajë, 20 në Lezhë, 16 në Kurbin, nga 14 qytetarë në Shijak, Maliq, 13 në Mallakastër, 12 në Patos, nga 10 qytetarë në Vau i Dejës, Tropojë, Dibër, nga 9 qytetarë në Bulqizë, Delvinë, nga 8 qytetarë në Malësi e Madhe, Roskovec, nga 7 qytetarë në Fushë Arrëz, Selenicë, Pogradec, nga 6 qytetarë në Mirditë, Poliçan, Gramsh, nga 5 qytetarë në Kukës, Has, Librazhd, nga 3 qytetarë në Pukë, Rrogozhinë, Mat, Përmet, nga 2 qytetarë në Devoll, Skrapar, Peqin, nga 1 qytetar në Klos, Finiq, Libohovë, Dropull, Këlcyrë, Kolonjë, Cerrik.
Janë 9,269 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 30 pacientë. Në 24 orët e fundit ka tre humbje jete me Sars-Cov2: dy qytetar nga Tirana të moshave 65-71 vjeç, një qytetar nga Shkodra 72 vjeç.

Janë shëruar 1391 qytetarë gjatë 24 orëve të fundit, duke e çuar numrin e të shëruarve në 293,988 që nga fillimi i epidemisë.

Statistika (26 Korrik 2022)
Raste të reja ditore 1666
Të shëruar në 24 orë 1391
Të shtruar në spitale 30
Humbje jete në 24 orë 3
Testime ditore 3474

Testime totale 1,906,509
Raste pozitive 306,789
Raste të shëruara 293,988
Raste Aktive 9,269
Humbje jete 3,532

Shpërndarja gjeografike e rasteve aktive sipas qarqeve:

Tiranë 5,405
Durrës 651
Fier 659
Vlorë 472
Elbasan 379
Shkodër 394
Berat 436
Korçë 265
Lezhë 237
Gjirokastër 171
Dibër 140
Kukës 60

The post Rritje e frikshme rastesh me Covid-19 në Shqipëri: Sot 1666 të infektuar dhe 3 humbje jete appeared first on Albeu.com.