urbani Archives - Albeu.com

Protestë për çmimin e biletës së urbanit në Kamëz, polici kërcënon qytetarët: Do merrem privatisht me ju (VIDEO)

V K — Thu, 13 Nov 2025 14:01:05 +0000

Gjatë ditës së sotme, dhjetëra qytetarë të Kamzës, dolën në protestë kundër rritjes së çmimit të biletës së autobusit urban.

Prej datës 1 nëntor, bileta është rritur me 10 lekë, duke rënduar ndjeshëm buxhetin e familjeve me të ardhura të ulëta.

Protestuesit kërkojnë që çmimi të rikthehet në nivelin e mëparshëm dhe që pensionistët të përfitojnë transport falas.

Ndërkohë gjatë mbledhjes së firmave për peticionin, policia bashkiake e Kamzës ka tentuar të largojë protestuesit, duke penguar procesin.

Raportohet se ka pasur tensione dhe kërcënime, ndërsa aktivisti Klodi Leka, në një video të shpërndarë në rrjetet sociale deklaron se një polic shteti ka paralajmëruar qytetarët se do merrej “privatisht” me ta.

Protestuesit akuzojnë kryetarin e Bashkisë Kamëz, Rakip Suli, se po mbron interesat e kompanive private të transportit publik, duke vendosur barrën e monopoleve mbi qytetarët e thjeshtë.

Ata e cilësojnë këtë si një “krim të rëndë” ndaj punëtorëve dhe pensionistëve të zonës.

The post Protestë për çmimin e biletës së urbanit në Kamëz, polici kërcënon qytetarët: Do merrem privatisht me ju (VIDEO) appeared first on Albeu.com.

Nuk rritet çmimi i biletës! Transporti urban në Tiranë drejt subvencionit 12 lekë për biletë për shtimin e kostove

D Marku — Fri, 16 Aug 2024 06:53:09 +0000

Operatorët e transportit urban kryeqytetas, për shkak të shtimit të kostove nga karburanti dhe pagat e punonjësve, kanë përsëritur vazhdimisht kërkesën për dyfishimin e çmimit të biletës nga 40 lekë në 80 lekë. Por Bashkia e Tiranës ka zgjedhur ta subvencionojë rritjen e munguar të çmimit të biletës dhe të shtojë vlerën e kompensimit për abonenë e studentëve. Kryetari i Shoqatës së Transportit Urban Qytetas, Kostandin Foni, tha për Monitor se janë zhvilluar një sërë takimesh me nënkryetaren e Bashkisë së Tiranës, teksa pritet që formula për përllogaritjen e subvencionit të paraqitet nëpërmjet një draft projektvendimi.
Mbështetur në llogaritjen e shpenzimeve dhe sasinë e shitjes së biletave nga secili operator do të llogaritet edhe shuma e dhënies së subvencionimit që do të jetë e përmuajshme.
Sipas Shoqatës Kombëtare të Transportit Qytetas parashikohet që kompensimi të jetë 12 lekë për çdo biletë të shitur. Po ashtu për shpërndarjen e aboneve falas për studentët nga muaji tetor deri në qershor, Bashkia e Tiranës kompenson operatorët në vlerën e 600 lekë për abone. Nisma e Bashkisë së Tiranës “Abone falas për studentët” ka nisur zbatimin nga 1 nëntori 2022. Për studentët e pajisur me kartë studenti për të gjitha linjat, në transportin qytetas në bashkinë e Tiranës” është përcaktuar dhe mënyra e kompensimit, bazuar në vendimin e Bashkisë së Tiranës, pra kompensimi për 600 lekë/abone e shitur.
Me ndryshimet për dhënien e kompensimet operatorët pritet të përfitojnë 1,600 lekë kompensim, sa çmimi i abonosë së përgjithshme. Pra mund të ketë një rritje të subvencionimit për abonenë e studentëve prej 1,6 herë. Në muaj për të gjithë operatorët shpërndahen 22,000 -23,000 abone falas për studentët, për periudhën e vitit akademik që nis nga muaji tetori dhe përfundon në qershor.

Kompanitë kanë ngritur disa herë shqetësimin se për secilin operator në Tiranë shitjet e biletave ranë 37% nga shpërndarja e aboneve falas. Në tetor 2023, Shoqata Kombëtare e Transportit Qytetas në një letër drejtuar bashkisë së Tiranës dhe Ministrisë së Arsimit ku u kërkohej rimbursimi i plotë në vlerën e 1,600 lekë të aboneve të studentëve që shpërndahen falas, pasi dhënia e tyre falas rrezikonte falimentimin e 11 kompani të transportit urban për 16 linja.

Transporti publik i Tiranës vijon të jetë në gjendje të rënduar financiare për shkak të rënies së numrit të pasagjerëve dhe shtimit të kostove nga karburanti, mirëmbajtja dhe rritja e pagave e shoferëve dhe faturinove.

Kryetari i Shoqatës Kombëtare të Transportit Qytetas Kostandin Foni tha për “Monitor” se përgjatë vitit numri i pasagjerëve në linjat urbane vijon të jetë me rënie 35%, ndërsa në muajt e verës ka 50% më pak pasagjerë.

Sipas tij gjithashtu kostot e mirëmbajtjes për flotën e autobusëve janë dyfishuar për secilin operator nga nisja e luftës në Ukrainë dhe deri tani.

Gjithashtu janë dyfishuar edhe rritjet e kostove për pagat e personelit. Paga mesatare e një shoferi ka arritur 90 mijë në muaj, ndërsa e një faturino 75 mijë në muaj.
“Për shkak të vështirësive financiare operatorët e kanë të pamundur të mbijetojnë apo dhe më tej të përmirësojnë shërbimin. Ndërsa shtimi i flotës së mjeteve është kosto e shtuar, kur numri i pasagjerëve është me rënie”, pohon ai. Në Tiranë janë 12 operatorë të licencuar që operojnë në 16 linja. Shoqata paralajmëron se në rast se nuk arrin të miratohet formula për dhënien e kompensimit brenda muajit shtator, atëherë të gjithë operatorët e transportit publik qytetas rrezikojnë të ndërpresin shërbimin./Monitor

The post Nuk rritet çmimi i biletës! Transporti urban në Tiranë drejt subvencionit 12 lekë për biletë për shtimin e kostove appeared first on Albeu.com.

Aksidentohet autobusi në kryeqytet, urbani i Kamzës del nga rruga, pasagjerët zbresin të frikësuar

Erv Isa — Wed, 12 Apr 2023 12:22:16 +0000

Një aksident rrugor ka ndodhur këtë të mërkurë në Tiranë. Urbani i linjës së Kamzës ka dalë nga rruga e për pasojë ka hipur në trafik-ndarëse. Për fat të mirë nuk ka patur persona të lënduar. Burime për mediat bëjnë me dije se pasagjerët të cilët ndodheshin në urban zbritën të frikësuar, ndërkohë nuk dihet [...]

Aksident në Tiranë, makina përplaset me urbanin e linjës “Kombinat –Kinostudio”

E S — Sat, 26 Nov 2022 19:04:45 +0000

Një aksident ka ndodhur mbrëmjen e sotme në Tiranë ku një makinë është përplasur me urbanin e linjës “Kombinat –Kinostudio”. Aksidenti ka ndodhur rreth orës 19:45. Mësohet se shoferja e makinës është lënduar dhe është nisur drejt spitalit. Policia dhe ambulanca kanë shkuar në vendngjarje për të zbardhur rrethanat e aksidentit./albeu.com [...]

Nuk kanë fund aksidentet, përplaset një tjetër urban në Tiranë

E S — Wed, 04 May 2022 16:38:15 +0000

Një tjetër autobus është aksidentuar pasditen e sotme në Tiranë.

Shihet se autobusi i linjës Selitë-Kristal-Qendër, është ka bërë aksident tek Stacioni i Trenit.

Ende nuk dihet nëse ka të lënduar nga aksidenti në fjalë, por udhëtarët janë trembur.

Fotot e mëposhtme tregojnë karrotreci ka mbërritur në vendin e ngjarjes për të marrë autobusin që siç duket ka dalë jashtë funksionit pas përplasjes.

Si pasojë ka marrë gërvishtje të lehta, ndërkohë që nuk ka pasur të lënduar.

Aksidentet me urbanë po ndodhin masivisht në Tiranë. Dy ditë më parë, një autobus i linjave urbane ka shfaqur probleme dhe dy persona dolën ta shtynin. Pak ditë më parë një autobus i linjës së Unazës u përplas me një ‘Benz’ dhe të dy mjetet përfunduan në lumin e Lanës. Të lënduar pati, por ngjarja mund të ishte kthyer në tragjedi. Një tjetër urban u përplas me stacionin pranë Bulevardit të ri./albeu.com

The post Nuk kanë fund aksidentet, përplaset një tjetër urban në Tiranë appeared first on Albeu.com.

Momenti kur dy të plagosurit marrin ndihmën e parë mjekësore (VIDEO)

E S — Fri, 29 Apr 2022 19:28:28 +0000

Policia ka reaguar pas aksidentit të sotëm në kryeqytet ku një autobus u përplas me një makinë.

Personat që u përfshinë në aksident mbrëmjen e sotme në rrugën “Vasil Shanto” fatmirësisht janë jashtë rrezikut për jetën.

Sipas njoftimit zyrtar, makina ka përfunduar bashkë me autobusin në lumin e Lanës, ndërsa dy pasagjerë janë dërguar në spital.

Ata janë nxjerrë me ndihmën e ekipeve që kanë shkuar në vendin e ngjarjes ku i është dhënë edhe ndihma e parë shëndetësore.

Dy të lënduarit ndodheshin në makinën e cila i preu rrugën urbanit, dhe se janë jashtë rrezikut për jetën

urbanit.

Shkak për aksidentin dyshohet të jetë bërë mungesa e përqendrimit të shoferit i cili ka humbur kontrollin./albeu.com

The post Momenti kur dy të plagosurit marrin ndihmën e parë mjekësore (VIDEO) appeared first on Albeu.com.