Me qëllim organizimin dhe mbarëvajtjen e aktivitetit më të madh sportiv që zhvillohet në vendin tonë, Bashkia e Tiranës, në bashkëpunim me Policinë e Shtetit, ka hartuar një plan masash.

Plani i lëvizjes së automjeteve:

Kufizimin e qarkullimit të automjeteve në datën 22 Tetor 2023 nga ora 08:00 deri në orën 16:00 për mbarëvajtjen e aktivitetit sportiv “Maratona e Tiranës 2023” të organizuar nga Bashkia Tiranë, në akset e mëposhtme:

Në sheshin “Nënë Tereza” duke vazhduar në të gjithë bulevardin “Dëshmorët e Kombit”, rruga “Gjergj Filipi”, rruga “Papa Gjon Pali II”, rruga “Ismail Qemali”, bulevardin “Dëshmorët e Kombit”, bulevardi “Bajram Curri”, kryqëzimi me rrugën “e Elbasanit”, rruga “George W. Bush”, rruga “Abdi Toptani”, bulevardin “Zogu I”, “Bulevardi i Ri”, rruga “Ded Gjo Luli”, rruga “e Durrësit”, rruga “e Kavajës”, rruga “Myslym Shyri”, bulevardi “Zhan D’Ark” nga kryqëzimi me urën e Gjykatës së Rrethit Tiranë deri te ura Taiwan, bulevardi “Bajram Curri” nga kryqëzimi me urën e Gjykatës së Rrethit Tiranë deri te ura Taiwan, rruga “Ibrahim Rugova” dhe rruga “Lek Dukagjini”, më përjashtim të mjeteve të emergjencës dhe Policisë së Shtetit.
2.1 Qarkullimi i automjeteve, do të bëhet sipas planit të lëvizjes bashkëlidhur kësaj urdhërese si më poshtë:

Në Unazën e Mesme përveç segmentit ura e Gjykatës së Rrethit Tiranë deri tek rruga “e Elbasanit”, rruga “Luigj Gurakuqi”, rruga “e Dibrës, rruga “e Barrikadave”, rruga “Mine Peza”, rruga “e Kavajës” nga Ura teknologjike deri te rruga “21 Dhjetori”, rruga “Vaso Pasha”, rruga “Ismail Qemali”, nga kryqëzimi me rrugën “Vaso Pasha” deri te rruga “Sami Frashëri”, rruga “Abdyl Frashëri” nga kryqëzimi me sheshin “Willson” deri te rruga “Vaso Pasha”.
Në kryqëzimin e rrugës “së Elbasanit” dhe bulevardin “Zhan D’Ark” me drejtime të detyruara përkatësisht djathtas dhe majtas.

Në kryqëzimin e rrugës “së Barrikadave” me rrugën “e Dibrës”, drejtime të detyruara në funksion të pezullimit të qarkullimit në segmentin e “Unazës së Vogël” me dalje në bulevardin “Zogu I”.

Në kryqëzimin e bulevardit “Zogu I” me rrugën “Fortuzi”, drejtime të detyruara në funksion të pezullimit të qarkullimit.

Në rrugën “Mine Peza”, drejtime të detyruara në funksion të pezullimit të qarkullimit në segmentin e rrugës “së Durrësit”.

Në kryqëzimin “21 Dhjetori”, drejtime të detyruara në funksion të pezullimit të qarkullimit në segmentin e rrugës “së Kavajës”.

Në rrugën “Myslym Shyri” me rrugën “Sami Frashëri”, drejtim i detyruar në funksion të pezullimit të qarkullimit në segmentin e rrugës “Myslym Shyri” në dalje me unazën.

Në kryqëzimin “Vasil Shanto”, drejtime të detyruara në funksion të pezullimit të qarkullimit në segmentin e bulevardit “Bajram Curri”.

Në kryqëzimin e rrugës “Pjetër Bogdani” me rrugën “Vaso Pasha”, drejtime të detyruara në funksion të pezullimit të qarkullimit në segmentin e rrugës “Pjetër Bogdani” me dalje në rrugën “Ibrahim Rugova”.

Në kryqëzimin e rrugës “Abdyl Frashëri” me rrugën “Vaso Pasha”, drejtime të detyruara në funksion të pezullimit të qarkullimit në segmentin e rrugës “Vaso Pasha” me dalje në rrugën “Ibrahim Rugova”.

Në kryqëzimin e rrugës “Adem Jashari”, drejtim të detyruar në funksion të pezullimit të qarkullimit në segmentin e rrugës me dalje në rrugën “Ibrahim Rugova”.

2.2.Itinerari i lëvizjes së mjeteve linjave urbane do të devijohet si më poshtë:

-Linja Nr. 1/A “Selitë — Kristal — Qendër — Stacioni i Trenit — Allias” dhe 1/13 “Kodra e Diellit 2 — Kristal — Qendër — Stacioni i Trenit — Allias” pezullohet përkohësisht.

Linja Nr. 2 “Teg — Sauk i Vjetër — Kopshti Zoologjik — Ish Stacioni i Trenit” devijon te sheshi “Willson”.
Linja Nr. 3 “Kashar –Yzberisht – Qendër” devijon te “21 Dhjetori” dhe tek heshi “Karl Topia”.

Linja Nr. 4 “Qendër — QTU — Megatek — City Park” devijon tek sheshi “Karl Topia”.

Linja Nr. 5 /A “Ish-Kombinati i Autotraktorëve — Qendër” devijon te ura e rrugës “së Elbasanit”.

Linja Nr. 5 /B “Institut — Qendër” devijon nga sheshi “Karl Topia”.

Linja Nr. 6 “Laprakë” devijon nga “Zogu I” . – Linja Nr. 8 “Ish Stacioni i Trenit — Qendër — Sauk i Ri/ Sauk i Vjetër/ Sanatorium — TEG” devijon te rruga “e Elbasanit” rrethrotullimi “Qyteti Studenti”.

Linja Nr. 9 “Qyteti Studenti — Jordan Misja” pezullohet përkohësisht.

Linja Nr. 10/A “Marteniteti i Ri — Qendër — Ish-Fusha e Aviacionit” devijon te ura e rrugës “së Elbasanit”.

Linja Nr. 12/A “Uzina Dinamo e Re — Sharrë” devijon te “21 Dhjetori” me drejtim urën “Vasil Shanto” e me tej pallatet me shigjeta, pjesa tjetër pezullohet përkohësisht.

Linja 12/B “5 Maji — Sharrë” devijon nga “Zogu I” te “21 Dhjetori” me drejtim urën “Vasil Shanto” e me tej pallatet me shigjeta, pjesa tjetër pezullohet përkohësisht.

Linja Nr. 13 “Tirana e Re” devijon te sheshi “Willson” dhe pjesa tjetër te sheshi “Karl Topia”.

Linja Nr. 14 Unaza pezullohet përkohësisht.

Linja Nr. 15 “Kombinat — Kinostudio” të devijojë te rruga “e Kavajës” në kryqëzim me rrugën “Muhamet Gjollesha” (21 Dhjetori) dhe pjesa tjetër në kryqëzimin me Unazën e Vogël të vazhdojë drejt (prapa TOB).

2.3.Ndalohet qarkullimi i automjeteve për transport të përzier, Teknologjike dhe Transport pasagjerësh (përveç mjeteve të transportit urban qytetas) në brendësi të unazës së madhe në datë 22 Tetor 2023 nga ora 08.00 -16.00.

The post Maratona e Tiranës bllokon rrugët, si do të devijohet qarkullimi i mjeteve dhe urbanëve appeared first on Albeu.com.

Duke nisur nga dita e sotme, shërbimet e Transportit publik në qarkun e Tiranës për për të gjitha linjat urbane, do të funksionojnë me mjete të reduktuara.

Unioni thotë se ky vendim vjen si pasojë e sfidave të shumta financiare me të cilat po përballen operatorët e këtij shërbimi. Pavarësisht se shqetësimi është adresuar disa herë thotë Unioni, nuk është marrë asnjë masë parandaluese për të zbutur situatën.

Deklarata e Unionit

Unioni Transportit Publik njofton me keqardhje se duke nisur nga dita e hënë shërbimet e Transportit publik në qarkun e Tiranës për të gjitha linjat urbane qytetase do të funksionojë me mjete të reduktuara. Ky vendim vjen si pasojë e sfidave dhe e shqetësimeve të shumta financiare me të cilat operatorët e këtij shërbimi janë përballur këto kohët e fundit.

Pavarësisht përpjekjeve tona më të mira, operatorët e linjave urbane qytetase hasur në vështirësi të konsiderueshme në mbajtjen e funksionimit të shërbimeve të transportit publik me kapacitet të plotë. Ne jemi përpjekur me zell t’i adresojmë këto çështje duke kërkuar mundësi të shumta për dialog konstruktiv me organet përgjegjëse. Ne kemi ngritur shqetësimet tona, kemi diskutuar problemet me të cilat përballen shërbimet tona dhe kemi paraqitur zgjidhje të mundshme, por për fat të keq, asnjë masë parandaluese apo reagim nuk është marrë për të zbutur situatën.

Mungesa e mbështetjes adekuate dhe e bashkëpunimit të nevojshme e ka bërë të pamundur që në kushtet aktuale të vazhdojmë punën tonë të rregullt me resurse të plotë. Si rrjedhojë, ne jemi detyruar të marrim vendimin e vështirë për të reduktuar mjetet e transportit publik në dispozicion të në qarkun e Tiranës.

Mjetet e reduktuara të transportit publik padyshim do të ndikojnë në lëvizjen e përditshme të udhëtarëve. Ne kërkojmë ndjesë sinqerisht për shqetësimin që mund të shkaktojë kjo dhe u sigurojmë se jemi të përkushtuar për të gjetur një zgjidhje për këto sfida.

Unioni i Transportit Publik u kërkon organeve përgjegjëse që urgjentisht të nisin një dialog konstruktiv dhe kuptimplotë për të adresuar shqetësimet financiare dhe sfidat operacionale që po prekin shërbimet tona. Vetëm përmes përpjekjeve bashkëpunuese dhe një qasjeje të unifikuar mund të sigurojmë funksionimin e qetë të transportit publik në Tiranë.

Kërkojmë me mirësjellje mbështetjen e medias për ndërgjegjësim për situatën aktuale me te cilën përballen shërbimet tona te transportit publik. Duke theksuar urgjencën e çështjes, shpresojmë të tërheqim vëmendjen e autoriteteve përkatese per t’u përfshirë në diskutime produktive dhe për të ndërmarre hapat e nevojshëm për zgjidhjen e çështjeve në fjalë.

Ne mbetemi me shpresë se me veprime të shpejta dhe përpjekje kolektive, ne mund t’i kapërcejmë këto pengesa dhe të rivendosim funksionimin e plotë të transportit publik për të mirën e qytetarëve tanë./albeu.com

The post Qytetarët në mëshirë të vapës dhe fatit, nga sot reduktohen linjat e urbanëve në Tiranë appeared first on Albeu.com.

Vetëm pak javë më parë shoqatat e transporteve në Tiranë kërkuan sërish rritje të çmimit të biletës së urbanit, pasi sipas tyre çmimi aktual nuk mbulon shpenzimet e kompanive që operojnë në kryeqytet.

Ndërkohë nga ana tjetër qytetarët duke folur në media të ndryshme të vendit, por edhe në rrjete sociale, ankohen shpesh për mungesë të kushteve, e para është mbipopullimi në urbane, pastaj vijnë vonesat në stacion, dhe tashmë gjatë periudhës së verës është edhe mungesa e ajrit.

Shumica e urbanëve në Tiranë nuk kanë kondicionerë, por edhe në ato autobusë që janë nuk ndizen, pasi siç edhe u bë publikë pak ditë më parë në një emision investigativ, shoferët dhe faturinot shprehen se e kanë urdhër nga lart.

Por pavarësisht të gjitha këtyre, qytetarët e kanë gjetur vetë zgjidhjen për t’i bërë ballë këtij të nxehti të papërballueshëm, aq më tepër kur temperaturat rriten edhe më shumë nëpër urbanët e Tiranës për shkak të mungesës së ajrit aty brend apor edhe kondicionerëve.

Në redaksinë e AlbEu.com kanë mbërritur foto të bëra nga brenda urbanëve që kryejnë transportin e qytetarëve brenda Tiranës, ku siç shihet zgjidhja e qytetarëve është marrja me vete e freskueseve me bateri.

E vetmja pyetje që vjen ndërmend kur sheh këto pamje të qytetarëve që ju duhet të marrin freskuese me bateri me vete për të përballuar vapën në urbane është: Nëse vendoset që çmimi i biletës të rritet, po qytetarët a do të kompensohen për shpenzimet që kryejnë për tu freskuar gjatë udhëtimit?

/T.Halili/AlbEu.com/

The post Urbanët në Tiranë nuk kanë kondicioner, qytetarët marrin freskuese me vete për të përballuar vapën e tmerrshme (FOTO) appeared first on Albeu.com.

Menjëherë pas ngjarjes, komuniteti rom është ngritur në protesta të dhunshme për rastin e rëndë, ndërsa sot pas lajmit të vdekjes, situata ka agravuar edhe më tej.
Mediat greke bëjnë me dije se për shkak të sigurisë së qytetarëve, është marrë vendimi që të mbyllen tetë linja të transportit publik në Atikën perëndimore, përfshirë edhe një linjë metroje.

The post Vdekja e 16-vjeçarit në Greqi, mbyllen 8 linja të transportit publik, shkak protestat appeared first on Albeu.com.

Kriza e rënies së pasagjerëve nisi që në vitin 2020 me pandeminë e Covid-19, ndërsa vijon të thellohet për shkak të emigracionit të lartë të popullsisë.

Sipas të dhënave të Bashkisë së Tiranës për periudhën janar-qershor 2021 numri i pasagjerëve që përdorin transportin publik është 49% më pak se e njëjta periudhë e 2019-s. Për 6 mujorin e parë të 2021 rreth 50% e pasagjerëve përdorën abone, ndërsa pjesa tjetër udhëtuan me bileta dhe libreza. Në 2019 rreth 63% e pasagjerëve të linjave urbane përdorën abone, 37% përdorën bileta dhe libreza.

Operatorët kryesorë të linjave urbane në kryeqytet thanë për Monitor se aktualisht numri i pasagjerëve është 40% më pak se viti 2019, që konsiderohet periudha para krizës. Për shkak të rënies së pasagjerëve kompanitë e këtij sektori po funksionojnë me flotë të reduktuar autobusash.

“Me nisjen e fillimit të shkollës numri i pasagjerëve pati një rritje, krahasuar me muajt e verës ku frekuentimi ishte më i ulët. Por frekuentimi vijon të mos jetë në nivelet e parakrizës. Arsyeja e uljes së numrit të pasagjerëve është emigracioni i popullsisë, kryesisht të rinjve”, pohon drejtori i linjës së transportit urban Kombinat-Kinostudio-Tufinë, Kostandin Foni.

Për t’i ardhur në ndihmë sektorit për shkak të shtrenjtimit të çmimit të naftës qeveria miratoi vendimin për rimbursimin me 100 lekë për litër për naftën e shpenzuar për muajt gusht-shtator-tetor. Kjo është paketa e dytë antikrizë në ndihmë të sektorit. E njëjta paketë u përdor për rimbursimin e naftës për muajt mars-prill-maj. Ndërsa për muajt qershor dhe korrik transporti urban në tërësi vuajti shtrenjtimin e kostove nga rritja e çmimit të naftës. Operatorët në Tiranë paralajmëruar ndërprerjen e abonesë nëse nga qeveria nuk merreshin masa.

Tashmë sipas vendimit “Për përcaktimin e procedurave, të dokumentacionit dhe të masës së kompensimit për shoqëritë e transportit të linjave qytetase, rrethqytetase dhe ndërqytetase, pjesë e paketës antikrizë, faza II”, operatorët prej muajit shtator kanë të drejtë të aplikojnë për rimbursimin e naftës. Aplikimet do të pranohet deri në muajin dhjetor 2022.

Kompanitë kryesore të transportit urban në Tiranë pohojnë se vendimi u lehtëson kostot, pasi e çon çmimin e naftës në nivelin e 130 lekë për litër, aq sa e  blinin në 2021. Por për ta subvencionet disamujore, vlerësohen të pamjaftueshme, pasi ndihma reale ndaj sektorit do të ishte duke pasur subvencionim të vazhdueshëm, me qëllim që të mos përsëritet e njëjta situatës si në muajt e verës. /MONITOR

The post Transporti urban në Tiranë vijon me rënien e pasagjerëve; Operatorët: Deri 40% më pak se 2019 appeared first on Albeu.com.

Ministrja tha se mund të ketë dhe një vendimmarrje lidhur me kërkesat e Shoqatës së Transportit, duke qenë se sipas saj, ka qenë ndër sektorët më të goditur nga pandemia.

“Do t’i marrim në shqyrtim kërkesat e shoqatës së transportuesve. Ne mendojmë e besojmë se rritja e çmimeve do të jetë tranzitore, por jo e qëndrueshme. Nuk mund të ndërhyjmë në nisma për efekt të luhatjes së çmimeve, që kanë ndodhur dhe më parë e do të ndodhin dhe në të ardhmen. Për sektorë të veçantë mund të diskutojmë mbi efektet që këto sektorë kanë nga rritja e çmimeve. Patjetër që do të kemi tryeza konsultative me sektorin përkatës, për të diskutuar mbi ecurinë e tyre, mbase dhe për të marrë një vendimmarrje. Sektori i transportit ka qenë i goditur fort nga pandemia. Çmimet e transportit kanë reflektuar goditjen që sektori ka pasur. Ministria e Financave ka mbajtur një qëndrim mbështetës, e ka stimuluar sektorin, duke e nxitur në mënyrë që të mos vuajë pasojat e krizave. Ne presim që çmimet të jenë kalimtare dhe jo të qëndrueshme”, tha Ibrahimaj.

The post Mbyllje e transportit urban nëse nuk plotësohen kërkesat e shoqatës, Ibrahimaj: Do të ketë një vendimmarje appeared first on Albeu.com.