Në video shfaqet fatorino duke u dhunuar nga pasagjerët, ku këta të fundit e godasin me shkelma edhe në momentin që ai është i rrëzuar, ndërsa edhe punonjësi i linjës së transportit publik i kundërpërgjigjet me grushte.

Ende nuk dihen shkaqet që çuan në përdorimin e dhunës, në një nga linjat më të mbingarkuara dhe më problematike.

Kujtojmë që kjo nuk është hera e parë, që dhuna është e pranishme në urbanët e kësaj linje.

The post Plas sherri në urbanet e Tiranës, grushte e shkelma mes pasagjerëve dhe fatorinos (VIDEO) appeared first on Albeu.com.

Të tërhequr nga thasët e koshave dhe grumbujt e mbeturinave, kërcënuesit e rinj urbanë po ‘pushtojnë’ ngadalë qytetin. Gjitarët ndihen më të sigurt në vetvete e madje hipin edhe në transportin publik dhe shëtisin rrugëve në mes të ditës. Ndoshta më acaruesi është tingulli i lartë dhe pothuajse torturues i çiftëzimit që i mban zgjuar natën londinezët.

Në videot e mediave sociale, dhelprat shihen duke marrë autobusët e Londrës gjatë ditës, duke u shtrirë përgjatë sediljeve të pasme. Një kafshë vështron me kureshtje pasagjerin që e filmon, por mbetet plotësisht e patrazuar nga udhëtimi i saj i qetë nëpër kryeqytet. Sipas London Wildlife Trust ka rreth 10,000 dhelpra urbane në Londër, por ky numër nuk mund të llogaritet në mënyrë të besueshme.

Më shumë dhelpra janë parë gjatë ditës, duke përfshirë të pushojnë në mobilje kopshti dhe të bëjnë një shëtitje në rrugë. Madje duket se kanë mësuar se si të kalojnë rrugën në mënyrë të sigurt dhe të shmangin trafikun që vjen përballë.

Një video tregon një dhelpër gjatë ditës duke parë me kujdes nga e majta në të djathtë në një rrugë dhe duke ndaluar për të kaluar makinat. Pasi e ka konsideruar udhëtimin mjaft të sigurt, ajo kalon nëpër rrugë dhe zvarritet nën një stol përpara se të zhduket në një gardh.

The post VIDEO/ Londra pushtohet nga mijëra dhelpra, hipin të pa shqetësuara edhe nëpër urbanë appeared first on Albeu.com.

Sipas Policisës, nga këqyrja paraprake nuk janë konstatuar shenja dhune dhe dyshohet se vdekja mund të jetë shkaktuar nga shkaqe natyrore.

Grupi hetimor po punon për sqarimin e rrethanave të ngjarjes./albeu.com

The post Ndërron jetë në urban 46-vjeçarja në Tiranë appeared first on Albeu.com.

Në relacionin e Këshillit Bashkiak është vendosur që për muajt qershor, korrik e gusht të hiqet aboneja e përgjithshme.

Të gjithë qytetarët me një abone 1600-lekëshe mund të udhëtonin në të gjitha linjat urbane të kryeqytetit. Kurse tani për të marrë shërbim në dy linja të ndryshme nevojiten dy të tilla abone, në vlerat e 1200 lekëve, ose 40 lekë për çdo udhëtim me urbanë.

Ky  vendim që pritet të marrë “OK” të hënën në Këshillin Bashkiak, në datën 31 maj, për t’u implementuar në muajt në vijim.

ARSYET E VENDIMIT

Relatorët e projektvendimit të dorëzuar për miratim në Këshill Bashkiak thonë se pandemia ka vënë në vështirësi jo pak sektorin e transportit.

“Shërbimi publik eci me hapa të ngadaltë duke rritur pak nga pak kapacitetet transportuese dhe frekuencat e lëvizjes.

Kjo rritje e kapaciteteve lëvizëse në transportin publik arriti deri në 60 % të niveleve të parapandemisë dhe nuk arrin edhe sot të ngrihet më shumë, pasi volumi i udhëtarëve të transportit publik ra në vlera paralele me mjetet e transportit publik në operim gjatë kësaj periudhe”.

Me hapjen e madhe të Tiranës, do të ketë edhe një ristrukturim të shërbimit, i cili do të vijë vetëm pas monitorimit të linjave nga një kompani gjermane.

Për të dalë në konkluzione të sakta, sipas relacionit, do të duhet heqja e abonesë së përgjithshme.

“Me qëllim përshtatjen e strukturës së udhëtimit me volumet e reja të udhëtimit si dhe vendimet që do të lidhen me itineraret e linjave; frekuencat; kushtet e shërbimit; gjatë periudhës së kryerjes së plotë të shërbimit, lind nevoja e heqjes së biletës së përdorimit mujor të përgjithshme (abone e përgjithshme), për një periudhë tremujore, pasi kjo periudhë do të shërbejë që nëpërmjet vijimit të matjeve në terren, të studiohet dhe analizohet situata me të gjithë impaktet, me qëllim ristrukturimin e linjave në itinerare, frekuenca, kushte shërbimi si dhe rishpërndarjen e volumeve të udhëtarëve”, citohet në projektvendim, i cili iu propozon 61 anëtarëve të këshillit miratimin e tij, si një shtesë në vendimin nr. 66, datë 30.12.2015, “Për indeksimin e tarifave të transportit qytetas në Bashkinë e Tiranës”.

Pas ankesave të operatorëve të transportit publike, përgjatë dhjetor 2020-janar 2021, bashkia kreu sondazhe dhe matje, të cilat konfirmuan konstatimet e hershme sa i përket uljes së volumeve të pasagjerëve në transportin publik.

Ndryshe nga sektorë të tjerë që mezi prisnin hapjen në muajt pandemikë, transporti kërcënoi se do të fikte autobusët fill pasi rinisën punën, për shkak të volumit të ulët.

Madje, u tregua i gatshëm t’i vërë në dispozicion bashkisë flotën e saj dhe të pilotojë shërbimin që nuk mbulon as kostot minimale.

The post Hiqet aboneja e përgjithshme për 3 muaj, arsyet e vendimit appeared first on Albeu.com.