Ian, një nga uraganet më të fuqishëm që ka goditur ndonjëherë SHBA-në, ka shkatërruar fshatra, linjat e energjisë elektrike dhe urat.

Erërat e forta dhe shirat e rrëmbyeshëm që shkaktuan përmbytje goditën zona në brendësi të shtetit.

Ndërkohë ekipet e shpëtimit vazhdojnë kërkimet për viktimat.

Pas Floridës, Ian goditi Karolinën e Jugut, duke u bërë sërish një stuhi e kategorisë 1, ndërsa gjithashtu shkaktoi reshje të mëdha në Karolinën e Veriut.

The post Rritet numri i viktimave në SHBA si pasojë e uraganit “Ian” appeared first on Albeu.com.

Ian u kthye si uragan i kategorisë së parë pranë Georgetoën në orën 14:05 me orën lokale, të premten përpara se të humbiste pak fuqi ndërsa marshonte në brendësi.

Por rreziku nuk ka mbaruar. Përmbytjet parashikohet të vazhdojnë në të gjithë rajonin, përfshirë Florida, për ditë të tëra.

Zyrtarët e urgjencës në Florida njoftuan 21 vdekje që nga mëngjesi i së premtes.

Por një ekspert mjekësor shtetëror duhet të përcaktojë nëse të gjitha viktimat lidhen drejtpërdrejt me stuhinë.

Ian ishte një nga stuhitë më të forta që ka goditur ndonjëherë SHBA-në kur goditi Florida si uragan i kategorisë katër të mërkurën.

Gati 200,000 shtëpi dhe biznese në Karolinën e Jugut ishin pa energji deri të premten në mbrëmje.

Në qytetin Charleston, rreth 80 milje në jug të vendit ku uragani ra në tokë, makinat u panë duke lëvizur nëpër rrugë të përmbytura.

Stuhia po lëviz në veri me erëra maksimale të qëndrueshme prej rreth 50 mph (85 km/h), sipas Qendrës Kombëtare të Uraganeve. Edhe pse Ian u dobësua të premten, është ende i rrezikshëm, thotë NHC./albeu.com

The post Rreziku nuk ka mbaruar! Pas tmerrit që shkaktoi në Florida, uragani “Ian” godet Karolinën e Jugut appeared first on Albeu.com.

Qendra Kombëtare e Uraganëve tha se epiqendra e Ianit mbërriti në breg të premten pasdite pranë qytetit Georgetown, me një shpejtësi maksimale erërash prej 140 kilometrash në orë.

Uragani pritet të sjellë në vazhdim përmbytje me rrezik për jetën dhe erëra të fuqishme në tre shtete: Karolinë e Jugut, Xhorxhia dhe Karolinë e Veriut. Zyrtarët e të treja këtyre shteteve u kanë bërë thirrje banorëve të përgatiten për kushte të rrezikshme.

Deri të premten, makinat nuk u lejuan të qarkullonin në Qarkun Charleston, të Karolinës së Jugut dhe Aeroporti Ndërkombëtar në Charleston u mbyll për shkak të erërave të fuqishme. Qarku ka rreth 400 mijë banorë dhe ka çelur pesë vendstrehime.

Ekspertët parashikojnë stuhi e përmbytje pas dëmeve katastrofike që shkaktoi stuhia e fuqishme në Florida, duke bllokuar me mijëra njerëz brenda shtëpive të përmbytura.

Autoritetet kanë dhënë alarmin për të gjithë bregun e Karolinës së Jugut dhe atë të Veriut. Rradhë të gjata makinash u panë të enjten tek largoheshin nga Çarlestoni dhe të premten ai u gdhi kryesisht bosh, i goditur nga erëra të fuqishme e reshje shiu.

Shpejtësia mesatare e erërave sot llogaritet në rreth 140 kilometra në orë. Qendra Kombëtare e Uraganëve njoftoi për një “stuhi kërcënuese për jetën” përgjatë zonës bregdetare të Karolinës së Jugut dhe të Veriut.

Në Florida, grupet e shpëtimit po vijojnë me përpjekjet për të shpëtuar banorët e bllokuar nga përmbytjet.

Guvernatori i Floridës Ron DeSantis tha se të enjten ishin shpëtuar të paktën 700 vetë, kryesisht nga ajri. Në operacione u përfshi Roja Bregdetare, Garda Kombëtare dhe ekipet e kërkim-shpëtimit.

Uragani Ian goditi bregun e Gjirit të Floridës të mërkurën, si një stuhi e fuqishme e kategorisë 4, një nga stuhitë më të forta që ka goditur ndonjëherë SHBA-në me një shpejtësi mesatare të erës prej 241 kilometrash në orë. Ai përmbyti shtëpi në të dy brigjet e shtetit dhe la pa energji elektrike 2.6 milionë shtëpi e biznese, që përbëjnë një të katërtën e klientëve në këtë shtet.

Të paktën gjashtë persona janë konfirmuar të vdekur në Florida.

Sipas një studimi të përgatitur menjëherë pasi stuhia goditi tokën, ndryshimet klimatike kanë bërë që uragani të sjellë me vete të paktën 10% më shumë shi.

The post Uragani Ian prek tokën sërish, këtë radhë në Karolinën e Jugut appeared first on Albeu.com.

Joe Biden ka paralajmëruar se stuhia e kategorisë 1 mund të jetë uragani më vdekjeprurës në historinë e Floridës, me një “humbje të konsiderueshme jetësh”.

Ian tani është duke lëvizur në brendësi të vendit dhe “duke vënë në shënjestër” Karolinën e Veriut dhe të Jugut, thotë Qendra Kombëtare e Uraganeve.

Një ndërprerje e energjisë elektrike po prek rreth 2.2 milionë shtëpi dhe biznese në Florida.

Ujërat e përmbytjeve kanë qenë aq të rënda sa kanë bllokuar disa njerëz në shtëpitë e tyre, thanë zyrtarët, me Gardën Kombëtare që shkon derë më derë në qytetin e Orlandos për të shpëtuar të bllokuarit.

10 vdekjet që janë konfirmuar ishin të gjitha në qarkun jugperëndimor Charlotte, i cili përjetoi erëra të forta.

The post Uragani “Ian”  vazhdon të bëhet më i fuqishëm, u merr jetën 10 personave në Florida appeared first on Albeu.com.

Zyrtari më i lartë i Bidenit për fatkeqësitë do të mbërrijë në Florida të premten. Ndërsa zyrtarët në Volusia County, në verilindje të Orlandos, Florida, kanë konfirmuar se një burrë ka vdekur si pasojë e uraganit Ian. Në një konferencë për shtyp, ata thanë se një burrë 74-vjeçar doli gjatë stuhisë në përpjekje për të mbuluar me tendë pishinën e tij dhe vdiq. Vdekja e tij është e para që konfirmohet zyrtarisht. Presidenti amerikan Joe Biden ka mbajtur fjalime në selinë e Agjencisë Federale të Menaxhimit të Emergjencave (Fema), e cila ka për detyrë të ndihmojë shtetet dhe individët në kohë krize. Ai tha: “Ky mund të jetë uragani më vdekjeprurës në historinë e Floridës”.

Gjithashtu Presidenti Joe Biden e përfundoi fjalimin e tij duke iu drejtuar popullit të Porto Rikos, duke thënë se qeveria federale nuk i ka harruar ata. “Për popullin e Porto Rikos, ne nuk jemi larguar. Unë jam i përkushtuar ndaj jush dhe rimëkëmbjes së ishullit, ne do të qëndrojmë pranë jush pa marrë parasysh sa kohë duhet për ta realizuar atë”, tha Biden. Porto Riko u godit nga uragani Fiona javën e kaluar, pasi ende përpiqet të rindërtohet nga ndikimi i uraganit vdekjeprurës Maria në 2017.

The post Uragani IAN, raportohet viktima e parë, Biden: Ky mund të jetë uragani më vdekjeprurës në historinë e Floridës appeared first on Albeu.com.

Pasi të zbresë në tokë, ato që do të pasojnë janë erëra të forta dhe përmbytje kështu që Qendra Amerikane e Uraganeve ka urdhëruar evakuimin e miliona njerëzve.

Sipas mediave amerikane, është ende e paqartë se ku do të godasë Ian, por guvernatori Ron DeSantis tha herët të mërkurën se tashmë parashikohet të godasë Charlotte County, duke paralajmëruar banorët se ishte tepër vonë për të evakuuar zonën, pasi urat ishin mbyllur dhe në shumë zona ka pasur ndërprerje të energjisë elektrike.

Shumë biznese në Florida janë mbyllur dhe zyrtarët urdhëruan 2.5 milionë njerëz të evakuohen ndërsa autoritetet lokale morën të gjitha masat mbrojtëse të mundshme për të frenuar katastrofën. /GazetaExpress

The post Uragani “Ian” merr para gjithçka, pamje apokalipsi nga Florida (VIDEO) appeared first on Albeu.com.

Uragani i dobësuar, por megjithatë i rrezikshëm, Ian, ka zbarkuar të mërkurën në mbrëmje në Florida, me erëra të fuqishme dhe shi që ka vërshuar komunitetet afër Oqeanit Atlanik.

Ian është shtrirë me forcë të madhe, teksa ka qenë në nivelin e katërt të uraganeve, me erëra deri në 241 kilometra në orë.

Për pasojë, më shumëse dy milionë njerëz kanë mbetur pa energji elektrike.

Aktualisht, Ian është dobësuar në kategorinë e parë, sipas Qendrës Kombëtare për Uragane në SHBA.

Ian është vlerësuar si një prej uraganeve më të fuqishme që janë shtrirë në tokën amerikane në vitet e fundit.

Autoritetet nuk kanë raportuar për viktima apo të lënduar seriozisht si pasojë e uraganit.

Një numër i madh i njerëzve është thënë se kanë mbetur të bllokuar në zonat me rrezik të lartë, meqë kanë injoruar thirrjet e autoriteteve për evakuim.

Stuhitë e fuqishme janë zakonisht fenomenet më shkatërruese që shoqërojnë uraganet.

Çfarë është vala e stuhive?

Kur uragani i afrohet një gjiri bregdetar, erërat e forta e shtyjnë ujin e oqeanit drejt tokës.

Edhe presioni atmosferik që krijon stuhinë, ndihmon në shtrirjen e saj në tokë.

Sa më i ulët të jetë bregu, aq më i madh është rreziku për vërshime.

Ujit i duhen disa ditë për t’u kthyer në nivelet e mëparshme.

Qendra Kombëtare për Uragane në SHBA, ka thënë se këto valë stuhish “janë zakonisht kërcënimet më të mëdha për jetë”.

Pse janë stuhitë kaq shkatërruese dhe të rrezikshme?

Uji është i rëndë dhe në sasi të madhe: rreth 770 litra për metër kub.

Kjo sasi i shtyn njerëzit drejt vdekjes, i përplas anijet, makinat dhe strukturat tjera të mëdha.

Luhatjet bëhen edhe më të rrezikshme për shkak të baticës.

Stuhitë e fuqishme mund të shkaktojnë dëme afatgjata sikurse shkatërrimi i tërësishëm i rrugëve, i plazheve dhe kontaminimi i tokës me ujin e detit, çka rrezikon kafshët dhe bujqësinë.

Në vitin 2005, Uragani Katrina pati shkaktuar stuhi në lartësi mbi shtatë metra në Nju Orlins.

Autoritetet patën regjistruar më shumë se 1.500 persona të vdekur, drejtpërdrejt apo jodrejtpërdrejt nga stuhitë.

Çfarë tjetër shkatërroi Ian?

Përveç shtëpive, Ian ka detyruar edhe stafin e një spitali që t’i evakuojë pacientët – disa prej të cilëve kanë qenë shumë të sëmurë dhe nëpër ventilatorë.

“Për aq kohë sa pacientët tanë janë mirë dhe askush nuk vdes, apo nuk e pëson nga kjo situatë, asgjë tjetër nuk ka rëndësi”, ka thënë mjekja, Birgit Bodine nga Spitalit Fawcett në Florida.

Brittany Hailer, një gazetare në Pitsburg, ka kontaktuar ekipet e shpëtimit për nënën e saj, e cila ka mbetur në rajonet e vërshuara.

Nëna e saj i ka treguar se sasia e ujit në shtëpi ka arritur në 1.5 metra.

“Ne nuk e dimë kur do të ulet niveli i ujit. Nuk e dimë si do të dalin ata nga shtëpitë, makinat e tyre janë shkatërruar”, ka thënë Hailer.

“Mënyra e vetme për t’u larguar është përmes anijes”.

Guvernatori i Floridas, Ron DeSantis, i ka paralajmëruar njerëzit që të përgatiten për disa ditë të rënda.

Patrulla kufitare e Shteteve të Bashkuara është në kërkim të 23 migrantëve që janë zhdukur pasi barka e tyre është fundosur gjatë stuhisë.

Ian ka zbarkuar fillimisht në Kubë, ditën e martë, duke lënë të vdekur dy persona dhe duke dëmtuar rrjetin e furnizimit me rrymë./REL

The post Si krijojnë uraganet stuhi shkatërruese? appeared first on Albeu.com.

Imazhet e zymta para dhe pas tregojnë përmbytjet katastrofike ndërsa stuhia historike po zhvendoset në veri, duke bërë që Virxhinia, Xhorxhia dhe Karolina Veriore dhe Jugore të shpallin gjendjen e jashtëzakonshme.

Fort Myers ishte një nga zonat që u godit më shumë nga uragani, me foto apokaliptike që tregonin shtëpitë e shkatërruara nga zemërimi i tij ndërsa rrugët u kthyen në lumenj.

Në Sanibel, një ishull në perëndim të Fort Myers dhe në veriperëndim të Napolit, ka pasur përmbytje masive, ku nivelet e ujit arritën më shumë se 3 metra. Erërat arritën një shpejtësi deri në 155 milje në orë, ndërkohë, shkatërruan pemë dhe thyen dritaret e shtëpive në ishull, raporton abcnews.al.

Nivelet e ujit në Fort Myers janë ende jashtëzakonisht të larta më shumë se pesë orë pasi uragani, i cili u reduktua në një stuhi të kategorisë 1 të mërkurën në mbrëmje preku tokën.

Që nga ora 21:00, niveli i ujit ka rënë vetëm rreth 20 cm, që do të thotë se zonat në foto janë ende nën ujë. Ndërkohë, qendra e Fort Myers dhe ishulli Sanibel janë të gjitha të përmbytura, me zyrtarët që tani po përgatiten për të shpëtuar qytetarët  që kanë mbetur të bllokuar.

Ndërkohë, rreth 2 milionë qytetarë kanë mbetur pa energji elektrike.

The post Uragani “Ian”, pasojat katostrofike që ai la pas në Florida përmes fotove appeared first on Albeu.com.

Në kushtet e gjendjes së jashtëzakonshme, shtetet mund të vendosin burimet emergjente për t’u përgatitur për motin e mundshëm të rëndë në ditët në vijim.

“Uragani Ian është një stuhi e madhe dhe e fuqishme dhe parashikimet aktuale tregojnë se mund të ndikojë në pjesë të Virxhinias nga fundi i kësaj jave deri në fillim të javës së ardhshme,” tha guvernatori i Virxhinias Glenn Youngkin në njoftimin e tij .

“Ne duam të sigurojmë që komunitetet tona të kenë burimet e nevojshme për t’iu përgjigjur dhe rikuperuar nga çdo efekt i mundshëm nga stuhia.

Në Karolinën e Veriut dhe Xhorxhia, në kushtet e jashtëzakonshme është ndaluar edhe rritja e çmimeve,

“Ne ende nuk e dimë saktësisht se si kjo stuhi do të ndikojë në shtetin tonë, por është e qartë se kjo do të jetë një ngjarje e rëndësishme shiu për pjesën më të madhe të Karolinës së Veriut dhe tani është koha që njerëzit të përgatiten”, tha guvernatori i Karolinës së Veriut, Roy Cooper.

Guvernatori i Karolinës së Jugut, Henry McMaster , u bëri thirrje banorëve që të jenë të përgatitur për çdo rast të paparashikuar.

The post Uragani “Ian”, 4 vende në SHBA shpallin gjendjen e jashtëzakonshme appeared first on Albeu.com.

Lara, nusja e Donald Trump jeton në Florida me burrin e saj Eric Trump dhe djalin e tyre të vogël, Luke.

Në video, Luke mund të shihet duke mbrojtur sytë dhe duke shtrënguar gjunjët teksa drejton automjetin e tij përmes shiut të dendur.

“Mendova se gjërat do të ishin më të relaksuara, por duket se këtu po ndërtojmë karakter. Qëndroni të sigurt të gjithë”, ka shkruar Lara në mbishkrimin e videos.

Në video dëgjohet Lara duke e inkurajuar djalin e saj duke i thënë: “O Zot, Luka, hajde, mund ta bësh, shkojmë”.

“Kam vënë re se ajo me siguri po filmon nën një ombrellë”, thotë një koment. “Ndoshta ai tashmë ka mjaft karakter.”

“Mirë, unë do të luaj këtu avokatin e djallit. Kjo është diçka që do të kisha dashur ta kisha bërë si fëmijë. Më pëlqeu moti. Kur erdhën uraganet unë isha ai që doja të isha jashtë”, ka shkruar një përdorues tjetër, duke vënë në dukje se Luka i vogël nuk dukej se ishte “argëtues”.

The post Nusja e Donald Trump nxjerr djalin të lozë mes uraganit “Ian”, kryqëzohet me kritika (VIDEO) appeared first on Albeu.com.