Fjalën e hapjes e mbajti Rektori i Universitetit Western Balkans, Prof. Dr. Ferdinand Gjana, i cili në fjalimin e tij theksoi rëndësinë e këtij momenti për institucionin, si dhe përkushtimin e universitetit ndaj cilësisë akademike, inovacionit dhe përgatitjes së profesionistëve të së ardhmes.

Më tej, fjalën përshëndetëse e mbajti Dr. Klodian Allajbeu, themelues i Universitetit Western Balkans dhe Spitalit Amerikan, njëkohësisht President i Dhomës së Tregtisë Britaniko-Shqiptare, i cili ndau vizionin që qëndron pas krijimit të këtij institucioni dhe rolin e tij strategjik në zhvillimin e arsimit të lartë në Shqipëri dhe më gjerë.

Ceremonia u nderua gjithashtu nga Shkëlqesia e Tij, Ambasadori i Mbretërisë së Bashkuar në Shqipëri, Z. Nicholas Abbott, i cili tha se bashkëpunimi që Universiteti Western Balkans ka me universitetet britanike, është një dëshmi e orientimit ndërkombëtar dhe standardeve të larta akademike të institucionit.

Pas fjalimeve zyrtare, u zhvillua ceremonia e ndarjes së diplomave, një moment kulmor dhe simbolik që shënoi zyrtarisht diplomimin e studentëve të parë të universitetit. Ngjarja u përmbyll me hedhjen tradicionale të kapeleve, një akt i mbushur me emocion, gëzim dhe krenari për përpjekjet, sakrificat dhe sukseset e secilit prej të diplomuarve.

The post VIDEO/ WBU diplomon brezin e parë të studentëve appeared first on Albeu.com.

Në këtë takim të rëndësishëm, morën pjesë Prof. Dr. Evis Sala, Rektor i Universitetit Western Balkans, Prof. Dr. Ferdinand Gjana, President i Universiteti Western Balkans, Assoc, Prof. Dr. Albana Halili, Zëvendës Rektore, profesorë dhe akademikë të tjerë.

Gjatë fjalës së saj, Rektorja e Universiteti Western Balkans, Prof. Dr. Evis Sala, vlerësoi punën që po bëhet në këtë universitet dhe investimin për të ofruar një edukim serioz të njëjtë me universitetet më të mira perëndimore.

Prof. Dr. Ferdinand Gjana, President i Universiteti Western Balkans tha se WBU ofron programe të hartuara në Bashkëpunim me Universitetin e Cambridge dhe universitete të tjera perëndimore, duke i përgatitur studentët për tregun e punës…

Me studentë nga mbi 15 vende të ndryshme të botës, Universiteti Western Balkans ofron një infrastrukturë moderne, laboratorë të fjalës së fundit, një staf të kualifikuar ndërkombëtar, praktika të paguara që në vitin e parë të studimeve në Spitalin Amerikan, Hygeia dhe kompani të tjera, dhe duke shpërblyer ekselencën me bursa deri në 100%.

The post Universiteti Western Balkans mban Asamblenë e Përgjithshme Akademike; Gati për vitin akademik 2024-2025 appeared first on Albeu.com.

Një prej këtyre studentëve është edhe Vjosana Demiraj, e cila tashmë është pjesë e ekipit të Spitalit Amerikan. Ajo ndan me ne përvojën e saj dhe rëndësinë e kësaj mundësie të hershme për integrim në tregun e punës.

“Kurrikula e Inferimerisë në WBU ka një përpjekje të vazhdueshme për të aplikuar teorinë në situata reale, dhe kjo ishte shumë e rëndësishme për zhvillimin tim professional”, tregon Vjosana.

Ajo thotë se “puna në Spitalin Amerikan ka qenë një mundësi e jashtëzakonshme për mua. Kam mësuar të menaxhoj situata të ndryshme dhe të marr vendime të shpejta dhe të sakta, gjë që është esenciale në profesionin tonë”.

Universiteti Western Balkans është i vetmi Universitet në Shqipëri i cili ofron praktika të paguara që në vitin e pare të studimeve, kurrikula të përshtatura me tregun e punës dhe punësim të sigurtë pas studimeve.

View this post on Instagram

A post shared by Western Balkans University (@westernbalkansuniversity)

The post VIDEO / Ky është universiteti i vetëm në Shqipëri që punëson studentët që në vitet e para të studimeve appeared first on Albeu.com.

Universiteti Western Balkans ka sjellë një model të ri në arsimin e lartë në Shqipëri, duke integruar teorinë me praktikën dhe duke i integruar studentët me tregun e punës duke nisur nga vitet e studimit.

WBU është ngritur si një universitet i gjeneratës së katërt, me vizionin për të patur një ndikim pozitiv transformues në shoqëri dhe zhvillimin e qëndrueshëm të vendeve nëpërmjet ekselencës dhe inovacionit të vazhdueshëm në kërkim shkencor, arsim, kujdes shëndetësor, kreativitet dhe sipërmarrje.

Me profil ndërkombëtar dhe me programe studimi nga më të kërkuarat në tregun global të punës në fushat e mjekësisë ekonomisë, teknologjisë dhe inovacionit, Universiteti Western Balkans synon të promovojë zhvillimin e qëndrueshëm, duke nxitur progres, mirëqenie dhe inovacion në të gjitha fushat, në Ballkanin Perëndimor dhe më gjerë.

The post Universiteti Western Balkans akreditohet me vlerësimin maksimal 6-vjeçar nga ASCAL appeared first on Albeu.com.

Gjatë një interviste, Prof. Dr. Richard Tunstall, profesor i Anatomisë Klinike dhe Drejtues i Kolegjit Mbretëror të Kirurgëve në Angli, i cili vjen në Shqipëri për të ofruar eksperiencën e tij për studentët dhe stafin e Universitetit Western Balkans.

I pyetur për programin e Mjekësisë në Universitetin Western Balkans, Prof. Tunstall tha se është krijuar një program modern i integruar ku studentët që në javën e parë, krahas anës teorike, praktikohen edhe në laboratorët modernë të WBU dhe në rrjetin e spitaleve amerikane.

Ai e vendos theksin te mënyra se si kurrikula e programit të Mjekësisë është përshtatur me atë të universiteteve perëndimore, duke përgatitur mjekë të cilët do të punojnë edhe jashtë vendit.

Sipas Prof. Dr. Tunstall studentët çdo javë njihen me një rast specifik të një pacienti dhe gjatë asaj jave ato mësojnë duke diskutuar në grup rreth këtij pacienti, duke u praktikuar edhe në laboratorët e WBU të cilët janë të pajisur me një teknologji të avancuar që e bën mësimin më praktik dhe më të lehtë.
Programi i mjekësisë, i cili është 100% në gjuhën angleze, është dizajnuar për të patur të njëjtat standarde me universitetet më të mira perëndimore, me një kurrikul të avancuar dhe me një diplomë që njihet ndërkombëtarisht.

Me profilin e tij ndërkombëtar, Universiteti Western Balkans tashmë ka në përbërjen e vet studentë nga mbi 15 vende të botës: Kosova, Maqedonia e Veriut, Kanadaja, Turqia, India, Italia, Gjermania, Britania e Madhe, Kameruni, Arabia Saudite, Egjipti, Siria, Bangladeshi, Nigeria, Emiratet e Bashkuara Arabe, Libia, etj..

Synimi i WBU është që krahas cilësisë në mësimdhënie, të ketë një numër në rritje të studentëve vendas dhe të huaj nga sa më shumë shtete të ndryshme, duke ndërtuar një komunitet ku diskutohen dhe ndahen përvoja globale.

The post Ky universitet në Shqipëri ka një program unik Mjekësie, të aplikuar në bashkëpunim me Universitetin e Cambridge appeared first on Albeu.com.

Vetëm në Bernkastel Kues, gjenden katër klinika me mbi 800 shtretër, në të cilat u ofrohet pacientëve një gamë të gjerë shërbimesh rehabilitimi mjekësor.

Çdo klinikë ka diagnostikimin e saj funksional dhe një departament të madh terapie. Bashkëpunimi ndërdisiplinor midis departamenteve të ndryshme (kardiologji, neurologji, psikosomatikë-fizioterapi dhe ortopedi), mundëson trajtim të përshtatur individualisht për suksesin e shpejtë dhe të qëndrueshëm të shërimit të pacientëve.

Mundësitë e internshipeve, praktikave profesionale për studentët shqiptarë dhe të huaj të WBU, si dhe mundësitë e punësimit në të ardhmen janë kryefjala e këtij memorandumi bashkëpunimi, i cili do tu shërbejë studentëve të Departamentit të Infermierisë dhe Fizioterapisë, në programet bachelor dhe master.

Studentëve shqiptarë dhe të huaj të WBU, që studiojnë në programet “Infermieri” dhe “Fizioterapi”, por edhe stafit, u ofrohen mundësi programi shkëmbimi, mundësi internship dhe praktike klinike, pjesëmarrje në seminare dhe workshope të përbashkëta të fokusuara në zhvillimet më të fundit në fushën e Infermierisë dhe Fizioterapisë, dhe mundësi punësimi në të ardhmen.

Ky projekt bashkëpunues ka potencial të jashtëzakonshëm, për rritje dhe përsosmëri reciproke në edukimin e kujdesit shëndetësor dhe praktikën klinike.

Grupet e para të mobilitetit, pritet të organizohen në verën e këtij viti.

Në muajin Maj një grup me përfaqësues nga Median, pritet të vizitojnë Universitetin Western Balkans në Shqipëri, për të diskutuar nga afër me stafin dhe studentët, për të ndarë objektivat dhe planet e bashkëpunimit dhe për ta çuar një hap më përpara bashkëpunimin me WBU.

The post Universiteti Western Balkans, nis bashkëpunimin me operatorin më të madh të qendrave rehabilituese mjekësore në Gjermani appeared first on Albeu.com.