universiteti i tiranes Archives - Albeu.com

Universiteti i Tiranës mbetet më i preferuari për maturantët, 60% studentëve kanë zgjedhur të aplikojnë në shtet

M C — Thu, 28 Aug 2025 21:10:01 +0000

Universiteti i Tiranës është zgjedhur nga mbi 60% e maturantëve për vitin e ri akademik 2024–2025.

Vetëm një ditë para shpalljes së kandidatëve fitues nga shkollat e larta, rektor i Universitetit të Tiranës, Artan Hoxha, bëri të ditur se ka një rritje të ndjeshme të numrit të studentëve që kanë aplikuar në këtë universitet.

Megjithatë, problem mbeten degët e mësuesisë, veçanërisht ato të Fakultetit të Shkencave të Natyrës, ku këtë vit ka rreth 600 aplikime më pak. Rënie e interesit pritet të ketë edhe në Fakultetin e Gjuhëve të Huaja, si dhe në Fakultetin e Histori-Filologjisë në profilet e mësuesisë.

Nesër nisin regjistrimet e studentëve të rinj sipas degëve ku kanë fituar në raundin e parë. Ky raund është i ndarë në 7 faza 48-orëshe dhe do të zgjasë dy javë, për t’i hapur më pas rrugë raundit të dytë, me synim plotësimin e kuotave të mbetura bosh.

The post Universiteti i Tiranës mbetet më i preferuari për maturantët, 60% studentëve kanë zgjedhur të aplikojnë në shtet appeared first on Albeu.com.

Universitetet publikojnë listat e fituesve, ku mund t’i shikoni përgjigjet

Xh — Sat, 26 Aug 2023 16:09:16 +0000

Institucionet e arsimit të lartë kanë shpallur listat paraprake të fituesve në universitete. Maturantët, pranë faqeve të universiteteve, gjejnë renditjen e në bazë të pikëve që ata kanë fituar në të gjitha programet e studimit.

Universiteti Politeknik, Universiteti i Tiranës dhe ai i Bujqësorit tashmë e kanë shpallur të plota renditjen e kandidatëve që garojnë në programet e studimit që ata ofrojnë.

Fituesit janë ata deri te vija e kuqe. Në deklaratat e universiteteve, njoftohen maturantët që të mos demoralizohen pasi shumë kandidatë janë shpallur fitues në disa programe studimi, dhe vija e kuqe do të spostohet, në ditët në vijim të regjistrimit. Ende të pa shpallura publikisht janë listat tek Universiteti i Mjekësisë.

Këtë vit Mjekësia futi për herë të parë testimin dhe kjo mund të ketë sjellë një vonesë në përllogaritjen e e pikëve për kandidatët që ishin në garë. Por afati për publikimin e listave nga unviersitetet është deri në mesnatën e 26 Gushtit.

Ditën e dielë më 27 Gusht, fituesit do të publikohen zyrtarisht dhe në faqen u-Albania, ku kandidatët mund të shohin renditjen e tyre në 10 preferenca që ata kanë garuar.

Regjistrimi i fituesve bëhet pranë sekretarive mësimore të fakulteteve nga data 29 Gusht deri më 11 Shtator.

The post Universitetet publikojnë listat e fituesve, ku mund t’i shikoni përgjigjet appeared first on Albeu.com.

Bie numri i studentëve që do të pranohet këtë vit, zhduken disa degë

E S — Wed, 27 Apr 2022 12:42:52 +0000

Senati akademik ka miratuar kuotat e reja për vitin akademik 2022- 2023. Kuotat kanë rënë me 5 mijë, duke shkurtuar me dhjetëra kuota në degë që kërkohen pak ose aspak nga të rinjtë. Po ashtu, ka rënë edhe numri i gjimnazistëve të interesuar të studiojnë në Universitetin e Tiranës.

Më i prekuri nga kjo valë shkutimesh të kuotave është ai i Gjuhëve të Huaja, i cili do të presë 135 studentë më pak këtë vit të ri akademik.

Ulje të kërkesës ka pasur edhe për gjuhën frëng, italiane, spanjolle, ruse dhe greke, ku dy dy të fundit janë drejt zhdukjes.

janë në kufijtë e ekzistencës. Ulje drastike me 70 pranime më pak, ka pësuar Gazetaria, Arkeologjia dhe Gjeografia. Drejtësia, me të vetmin program 5-vjeçar që e ofron të integruar, do të ketë të njëjtin numër pranimesh. Shkencat e Natyrës i kanë qëndruar besnik numri të kuotave.

Histori-Filologjia ka formulën më të thjeshtë të pranimeve. Peshën më të madhe (80%) e ka mesatarja aritmetike e tri viteve të shkollës së mesme dhe 20% provimet e fundit. Fakulteti i Drejtësisë i jep 40% mesatares së gjimnazit, 10% provimeve të maturës dhe 50% lëndëve specifike të zhvilluara gjatë shkollës së mesme. Ekonomiku e ndan 50:50 peshën e vlerësimit, midis mesatares së gjimnazit dhe mesatares së gruplëndëve formuese./albeu.com

The post Bie numri i studentëve që do të pranohet këtë vit, zhduken disa degë appeared first on Albeu.com.