Partnerja e futbollistit portugez foli për revistën ELLE Spain rreth propozimit që ndodhi gjatë verës, lidhjes së tyre nëntëvjeçare dhe mundësisë për të pasur më shumë fëmijë.

Ronaldo i propozoi Rodriguez në gusht, pas nëntë vitesh lidhje, duke i ofruar asaj një unazë prej 30 karatësh me vlerë rreth 3 milionë dollarë. Modelja dhe biznesmenja, e cila do të martohet me futbollistin portugez, komentoi për bizhuteritë që mori: “Është e bukur. Është më e pakta që mund të më jepte pas dhjetë vitesh pritjeje”, tha ajo, duke shtuar me humor se në kohën e propozimit, unaza nuk ishte ajo që kishte në mendje.

“Më duhej pak kohë për të kuptuar madhësinë e gurit. U shokova aq shumë sa e lashë në dhomën time dhe nuk e pashë në dritën e diellit deri të nesërmen“, tha ajo.

Çifti është bashkë që nga viti 2016 dhe kanë dy vajza, Alanën shtatëvjeçare dhe Bellën dyvjeçare. Vëllai binjak i Bellës, Angel, vdiq gjatë lindjes. Georgina Rodriguez po rrit gjithashtu tre fëmijët më të mëdhenj të Cristiano Ronaldos, Cristiano Ronaldo Jr. 15 vjeç dhe binjakët tetëvjeçarë Eva dhe Mateo, të cilët kanë lindur nëpërmjet një nëne zëvendësuese.

Duke iu referuar mundësisë së rritjes së familjes së tyre, Rodriguez nuk e përjashtoi mundësinë e të pasurit më shumë fëmijë. Duke folur për marrëdhënien e tyre, ajo theksoi se që nga momenti i parë ndjeu një lidhje që shkoi përtej tërheqjes fizike. Siç tha ajo: “Nuk mund të them se e parashikova të ardhmen ose se e dija që dhjetë vjet më vonë do të kishim pesë fëmijë, por ndjeva diçka të pashpjegueshme. Ishte sikur shpirtrat tanë folën para se sytë tanë të takoheshin .”

Cristiano Ronaldo dhe Georgina Rodriguez janë në proces përgatitjesh për dasmën e tyre të ardhshme, me ceremoninë e planifikuar për verën e vitit 2026 dhe që pritet të zhvillohet në qytetin e lindjes së futbollistit portugez.

Sipas mediave portugeze, çifti planifikon të martohet në Katedralen historike të Funchal, një vend me vlerë të veçantë sentimentale për Ronaldon, i cili ka lindur dhe është rritur në Madeira. Pritja thuhet se është planifikuar në një hotel luksoz në ishull dhe do të vijë pas përfundimit të Kupës së Botës 2026.

The post Unaza prej 3 milionë dollarësh e propozimit për martesë, Georgina Rodriguez: Ishte më e pakta appeared first on Albeu.com.

Sipas “Hello Magazine”, unaza me gur diamanti e Blertës mund të ketë kushtuar rreth 140 mijë euro. Gazeta ka kontaktuar ekspertë të bizhuterive të çmuara për të vlerësuar gurin dhe punimin e saj.

Eksperti Nilesh Rakholia, shpjegoi se unaza është “e punuar bukur” dhe shumë e vlefshme, si nga aspekti financiar, ashtu edhe sentimental.

Ai theksoi se për një diamant qendror me 2-3 karat, me qartësi dhe ngjyrë të shkëlqyer, vlera mund të arrijë midis 80,000 dhe 120,000 paund (rreth 100,000-150,000 dollarë).

Pamjet e ceremonisë dhe unazës u ndanë edhe në rrjetet sociale nga çifti, duke bërë që lajmi të bëhet kryefjalë e mediave dhe fansave të familjes mbretërore.

The post U fejua me Princ Lekën, zbulohet çmimi marramendës i unazës së Blertës appeared first on Albeu.com.

Policia ka nisur kontrolle për identifikimin dhe ndëshkimin e të gjithë të përfshirëve në këtë ngjarje.

Katër automjete të tjera janë në verifikim, ndërsa dyshohet se të gjitha janë marrë me qira. Ngjarja është publikuar në pamje filmike më 24 gusht dhe materialet i janë referuar Prokurorisë së Tiranës.

Njoftimi i policisë

Penguan qarkullimin në Unazë të Madhe, pasi ndaluan automjetet e destinuara për ceremoni martesore, procedohen penalisht 2 shtetas dhe punohet për shoqërimin e personit të tretë.

Vijojnë kontrolle për kapjen dhe identifikimin e drejtuesve të 4 automjeteve të tjera, të përfshirë në këtë rast

Gjithashtu, punohet për sekuestrimin e automjeteve, të cilat nga verifikimet e deritanishme rezultojnë të marra me qira.

Shërbimet e Komisariatit të Policisë Rrugore, si rezultat i administrimit të disa pamjeve filmike të publikuara më datë 24.08.2025, në të cilat shfaqeshin disa automjete të dekoruara për ceremoni martesore, të ndaluara në Unazë të Madhe, të cilat kishin penguar qarkullimin në këtë aks, kanë mundësuar identifikimin e disa prej shtetasve të implikuar në këtë paligjshmëri.

Konkretisht, u identifikuan 3 shtetas, E. D., 36 vjeç dhe D. M., 22 vjeçe, për të cilët nisi procedimi penal në gjendje të lirë, dhe Xh. A., 28 vjeç, i cili u shpall në kërkim. Punohet për kapjen e tij.

Më tej, vijojnë verifikimet dhe kontrollet, për identifikimin dhe nxjerrjen përpara përgjegjësisë penale të 4 shtetasve të tjerë të implikuar në këtë rast, si dhe për gjetjen dhe sekuestrimin e automjeteve të përdorura.

Materialet procedurale iu referuan Prokurorisë së Tiranës, për veprime të mëtejshme, për veprën penale “Pengimi i qarkullimit të mjeteve të transportit”.

Policia e Shtetit apelon sërisht, për të gjithë qytetarët, që të respektojnë rregullat e qarkullimit në rrugë dhe të mos pengojnë lëvizjen normale të përdoruesve të rrugës, pasi do të përballen me ndëshkimet që parashikon Kodi Penal.

The post Dasmorët penguan qarkullimin në Unazën e Madhe, procedohen penalisht dy persona – një tjetër shpallet në kërkim! Policia njofton se do sekuestrojë automjetet me qira appeared first on Albeu.com.

Modelja pozonte pranë detit të Kuq, me një set të bardhë, duke kapur në një moment diellin që perëndonte.
Partnerja e Cristiano Ronaldos, 40 vjeç, konfirmoi fejesën e tyre pas gati një dekade lidhjeje në një postim në Instagram.

Fansat kishin spekuluar më parë për fejesën, pasi Georgina kishte ndarë foto nga një darkë, ku nuk mungonin dekorimet e veçanta dhe një unazë e madhe diamanti, që sinjalizonte fshehtësinë e propozimit.

Megjithëse në plazh nuk mbante unazën 30 karatëshe që Ronaldo i dhuroi së fundmi dhe që vlerësohet rreth 3 milion dollarë, Georgina po mbante një diamant tjetër të madh që kishte përdorur më parë.

Lajmi i fejesës u mirëprit me entuziazëm nga miqtë e njohur të çiftit, përfshirë Lauren Sanchez Bezos, Taylor Ward dhe Charlotte Tilbury.

Çifti tani po përgatitet për një kapitull të ri në jetën e tyre, duke festuar dashurinë dhe suksesin e marrëdhënies së gjatë, në sy të fansave dhe mediave ndërkombëtare.

The post Georgina Rodriguez mahnit me paraqitjen nga plazhi, merr vëmendje me bizhuteritë luksoze appeared first on Albeu.com.

Ronaldo dhe Georgina janë bashkë që nga viti 2016 dhe kanë dy vajza së bashku, Alana dhe Bella.

Ronaldo më parë i është referuar Georgina-s si ‘gruaja’ e tij, por çifti nuk është i martuar.

Ajo shkroi siper fotos: “Na mbaj larg të keqen, Amen”, në arabisht.

Në reality show-n e saj televiziv, I Am Georgina, 31-vjeçarja zbuloi se si miqtë e saj shpesh e ngacmojnë për statusin e marrëdhënies së saj dhe Ronaldos.

Ajo tha: “Ata gjithmonë bëjnë shaka për dasmën. “Kur është dasma?”

The post FOTO/ Georgina tregon unazën mahnitëse, ndez thashethemet e fejesës me Cristiano Ronaldon appeared first on Albeu.com.

Edhe pse asnjëri nga ata nuk e ka konfirmuar ende, thuhet se Callum, 34 vjeç, i kërkoi Duas, 29 vjeçe, dorën gjatë festimeve të fundvitit, duke u ulur në një gjunjë për një propozim të paharrueshëm.

Dua, e cila shkoi për një seancë joge në Londër të hënën, u pa duke mbajtur unazën e fejesës, e cila tërhoqi vëmendjen e kalimtarëve, shkruan DailyMail.

Ajo po kalonte kohë me miqtë e saj dhe duke udhëtuar në një Porsche Cayenne Turbo, ndërsa ishte e veshur në një pallto të bardhë, pantallona të zeza dhe çizme UGG të kuqe.

Këngëtarja e pop-it kishte lënë flokët e saj brune të lirshme dhe mbante syze dielli për një pamje të freskët dhe natyrale, pa grim.

Në një postim në Instagram, Dua ndau më shumë nga ngjarja e saj, duke treguar unazën e madhe diamanti, duke përfshirë një fotografi ku ajo kishte veshur një rrip koke festive dhe çizme me gëzof.

Një burim pranë çiftit ka thënë për The Sun: “Dua dhe Callum janë shumë të dashuruar dhe e dinë se kjo është përgjithmonë. Ata janë fejuar dhe janë tejet të lumtur. Ky është një vit i mrekullueshëm për Duan, dhe Callum është një mbështetje e fortë për të. Ata po planifikojnë një festë fejesë të paharrueshme për fundvit”.

Dua dhe Callum, të cilët janë në një lidhje prej më shumë se një viti, janë parë për herë të parë si çift në janar, dhe që atëherë janë bërë një nga çiftet më të komentuar të vitit. Në një intervistë të mëparshme, Dua kishte shpërndarë se kishte mësuar shumë për veten dhe marrëdhëniet, duke theksuar se gjetja e “besimit” ishte një hap i rëndësishëm për të përpara se të angazhohej në një lidhje të re

The post Dua Lipa tregon unazën e fejesës pas propozimit romantik nga Callum Turner appeared first on Albeu.com.

Moderatorja sqaroi se arsyeja nuk lidhet me mungesën e dëshirës, por thjesht me faktin se ato nuk i përshtaten më.

“Nuk është se nuk dua, por realisht nuk më futen më. Kemi bërë porosi për unaza të reja,” shkroi Kiara.

Mesa duket, çifti po përgatitet për unaza të reja, duke treguar edhe një herë përkushtimin dhe dashurinë e tyre për njëri-tjetrin. Sikurse shihet, fansat janë kuriozë mbi çdo detaj në jetën e çiftit

The post Luizi e mban unazën, ndërsa ajo jo! Kiara Tito e ka një përgjigje appeared first on Albeu.com.

Dasma u zhvillua  larg syrit mediatik dhe asnjë foto apo video nuk qarkulloi në media, pasi të gjithë të ftuarit ishin pa telefona ku mundën ta shijonin festën në mënyrën më të mirë të mundshme.

Së fundmi në rrjetin e saj social Instagram, Lori Hoxha ka hedhur një video ku kemi mundur të shohin unazën luksoze të dasmës.

Një unazë me një gur të madh që të rrëmben menjëherë vëmendjen dhe sigurisht ka kushtuar mijëra euro.

Edhe pse dasma ishte diskrete, asokohe burime për revistën “Bordo” mundën të zbulonin disa nga detajet e kësaj dasmë, e cila duhet thënë se ishte një dasmë e vërtetë shqiptare. Pjesa jashtë ishte padyshim për koktejin e mirëseardhjes dhe më pas dasma u realizua në sallën e eventeve, dekoruar plot finesë dhe elegancë, me temë nga e kaluara, ku në qendër të sallës ndryshe nga zakonisht ishte orkestra dhe rreth saj vinin tavolinat.

Këngëtarët që kënduan ishin Sidrit Bejleri, Elita 5 dhe Arbërie Hatërgjonaj. Lori Hoxha kishte zgjedhur dy fustane, shumë të bukur, elegantë, të gjatë dhe të ngushtë pas trupit, ndërkohë flokët i kishte kapur topuz. Një nga momentet kulminante dhe më të bukura të dasmës ishte ai i tortës. Torta i ishte besuar “Belle Epoque Patisserie”, ishte shumë e bukur, jo më e lartë se 30 cm, e madhe dhe në formë të rrumbullakët, sipër me pufka me maja.

Një dasmë e vërtetë shqiptare me valle, këngë, dhe me çiftin dhe të ftuarit që e shijuan pafund të gjithë këtë mbrëmje të veçantë.

Të shumtë ishin personazhet e njohur në dasmë, nga Grida Duma, blogerja Sara Hoxha, Ed Manushi, Megi Pojani, Eno Popi, Arbër Hajdari, Erion Veliaj, Elvana Gjata, etj.., ndërkohë mungonte Bora Zemani, Linda Rama, Arbana Osmani.

Dasma zgjati deri në orën 04:00 të mëngjesit.

The post FOTO/ Dasmën e mbajti larg syrit mediatik, Lori Hoxha zbulon unazën luksoze appeared first on Albeu.com.

Bizhuteritë e Kate Middleton janë gjithmonë në qendër të vëmendjes, veçanërisht ato që ka fituar pas fejesës dhe martesës me princin dhe trashëgimtarin e fronit britanik.

Princesha e Uellsit ka zgjedhur së fundmi të mos mbajë unazën e saj ikonë të martesës me safir dhe diamant, një pjesë që dikur i përkiste princeshës së ndjerë Diana. Por për sa i përket bashkëshortit të saj, ai nuk ka mbajtur kurrë unazë martese, një vendim që e mori para se të martohej dhe vazhdon edhe sot e kësaj dite.

Përpara ditës së dasmës së çiftit më 29 prill 2011, në fakt, një përfaqësues i pallatit i tha: “Do të ketë vetëm një unazë martese, në përputhje me dëshirat e çiftit”.

Pra, Princi William nuk ka unazë martese – dhe nuk e ka mbajtur kurrë një të tillë. Një veprim që nuk është krejtësisht në kundërshtim me traditën mbretërore, pasi gjyshi i tij Princi Philip, i cili ishte i martuar me Mbretëreshën Elizabeth për 73 vjet, nuk mbante as unazë martese.

“Gjithçka varet nga preferencat e tij personale”, tha një burim.

The post FOTO/ Pse Princi William nuk e mban unazën e martesës? appeared first on Albeu.com.

Çifti është një nga shumë personazhe të famshëm që kalon kohë në Evropë, dhe ndërsa gjithçka dukej se ishte perfekte, ylli portorikan ka treguar se ata ishin viktima të një grabitjeje.

Duke postuar në Instagram të hënën, këngëtari i “Chica Ideal” ndau lajmin tronditës: “Me keqardhje ju njoftojmë se ishim viktima të një grabitjeje në Paris dhe unazës së martesës së gruas sime, e cila përfaqësonte shumë gjëra të bukura për ne”, ka shkruar ai.

“Nuk ka asnjë pjesë tjetër që mund të zëvendësojë atë që ajo unazë simbolizon për ne dhe momentet e bukura dhe magjike që na solli. Ju lutemi, kujdesuni mirë për gjërat tuaja kur shkoni atje dhe mos i besoni askujt. Kjo është bërë praktikë e zakonshme”, vijoi 31-vjeçari.

Guaynaa dhe Pons u martuan më 4 mars 2023, në Miami, Florida, pasi ai propozoi në ‘Tomorroëland’ më 31 korrik 2022.

Ndërkohë kjo unazë kap vlerën e 90 mijë eurove.

Vetëm një ditë para se të ndanin lajmin e hidhur, Pons ndau një galeri të lumtur imazhesh me bashkëshortin e saj në qytetin romantik.

Nuk dihet se si dhe kur ka ndodhur grabitja.

View this post on Instagram

A post shared by Lele Pons (@lelepons)

The post Aktores Lele Pons i vjedhin unazën e martesës në vlerë 90 mijë euro në Paris appeared first on Albeu.com.