Në të kundërt, ai paralajmëron sanksione të reja dhe të ashpra ekonomike, përfshirë tarifa të larta mbi eksportet ruse dhe ndëshkime për vendet që blejnë naftë nga Rusia.

Deklarata u bë gjatë një konference për shtyp nga resorti i golfit në Turnberry të Skocisë, ku Trump ndodhej në shoqërinë e kryeministrit britanik Keir Starmer.

Ai e quajti të panevojshme pritjen prej 50 ditësh që kishte vendosur më herët.

“Po, do të caktoj një afat të ri, rreth 10 ose 12 ditë nga sot. Nuk ka arsye për të pritur më gjatë. Dua të jem bujar, por nuk po shohim asnjë përparim”, deklaroi ai.

Megjithatë, siç vëren CNN, mbetet e paqartë pse presidenti amerikan vendosi të zgjasë edhe për pak ditë afatin, në vend që të zbatojë menjëherë masat e paralajmëruara.

Këto deklarata shënojnë një kthesë në retorikën e presidentit Trump. Tani, ai duket se ka një qëndrim më të qartë kritik ndaj Kremlinit dhe presidentit rus Vladimir Putin.

“Nuk ishte hera e parë që menduam se e kishim zgjidhur, por pastaj presidenti Putin fillon të lëshojë raketa mbi qytete si Kievi dhe vret njerëz të pafajshëm nëpër azile ose kudo tjetër”, tha Trump.

The post Donald Trump, ultimatum të ri Putinit për paqen në Ukrainë appeared first on Albeu.com.

Asnjë problem me karriget dhe shërbimin në një pjesë të trotuarit, si në Paris, Londër apo New York, por pa harruar që trotuari është i njerëzve dhe kurrësesi i barrikadave, si në Lungomare! Koha për të çliruar trotuaret nga barrikadat dhe për ta ngritur edhe shërbimin edhe… pic.twitter.com/CiPmZMAY5J

— Edi Rama (@ediramaal) July 6, 2025

“Asnjë problem me karriget dhe shërbimin në një pjesë të trotuarit, si në Paris, Londër apo New York, por pa harruar që trotuari është i njerëzve dhe kurrsesi i barrikadave, si në Lungomare!” – shkruan Rama.

Kreu i qeverisë theksoi se Lungomarja është një model modern i një qyteti bregdetar dhe duhet të shërbejë edhe si model për dizajnin e jashtëm të vijës së shërbimeve.

Ai u bëri thirrje të drejtpërdrejtë pronarëve dhe menaxherëve të bizneseve:

“Duhet të heqin vetë tërë barrikadat dhe të bashkëpunojnë me Bashkinë e Vlorës dhe Agjencinë e Zhvillimit të Territorit për dizajnin e ri, për të cilin do t’i mbështesim me kënaqësi.”

Rama ka theksuar se përveç ndërhyrjes në strukturat ekzistuese, synimi është të përmirësohet jo vetëm funksionaliteti, por edhe pamja estetike e vijës turistike, në përputhje me një standard të ri kombëtar për mikpritjen dhe shërbimin.

The post Rama ultimatum bizneseve: Trotuaret janë për qytetarët, jo për barrikada! Koha për ta çliruar Vlorën appeared first on Albeu.com.

Gjatë takimit me përfaqësuesit e pushtetit vendor në Bashkinë e Vlorës, kryeministri Edi Rama, ka shprehur kritika dhe pakënaqësi për punën e kryer nga ky institucion në pikun e sezonit turistik, duke i kërkuar kryebashkiakut Ermal Dredha, të shkarkojë të gjithë drejtorët e bashkisë.

Burime bëjnë me dije se, Rama i ka tërhequr vëmendjen kryebashkiakut Dredha.

Gjithashtu, ndryshimet kanë prekur edhe socialistët e Vlorës. Rama ka komanduar si drejtues të PS në qytetin bregdetar, Klevis Kason dhe Eriona Ismailin.

Gjatë kësaj vizite në Vlorë, Edi Rama, shoqërohej nga Ministri i Shtetit për Pushtetin Vendor, Arbjan Mazniku dhe që pas 34-vjetorit të PS-së, ka nisur një tur takimesh në të gjithë vendin.

Të mërkurën zhvilloi një mbledhje në Cerrik, ku u tërhoqi vëmendje kryebashkiakëve të Qarkut të Elbasanit, për mungesë vëmendjeje ndaj zhvillimit të zonave rurale.

The post Pas ultimatumit të Ramës, japin dorëheqjen të gjithë drejtorët e Bashkisë se Vlorës appeared first on Albeu.com.

“I ke dy javë kohë për t’i bërë pesë këngë të reja. Po ta them publikisht. Ti e di çka bën. Mos më thirr pa i kryer projektet”, shkroi ai në Instastory-n ku etiketoi edhe Bleron.

Ky postim ka ngjallur habi te ndjekësit, megjithatë fansat duhet të jenë të lumtur pasi duket se Blero do të sjellë shumë projekte të reja këto kohë.

The post Çfarë ka ndodhur? Menaxheri i jep urdhër të prerë Bleros: Ke dy javë kohë (FOTO) appeared first on Albeu.com.

Interi pësoi humbje së fundmi nga Monza duke shkuar në pesë ndeshje radhazi pa fitore në Serie A, me bilanc prej katër humbjeve edhe një barazimi.

“La Gazzetta dello Sport” ka raportuar e ardhmja e Inzaghit varet tani nga ndeshja e ardhshme e Interit, që është ndeshja e kthimit kundër Benficas në çerekfinale të Ligës së Kampionëve.

Sipas mediave italiane, nëse zikaltrit nuk kualifikohen, 47-vjeçari do të shkarkohet si trajner.

Në rast se kjo ndodh, atëherë Interi do të emërojë një trajner të përkohshëm për pjesën e mbetur të sezonit dhe më pas të bëjë ndryshime gjatë verës.

Thuhet gjithashtu se nëse Interi nuk do ta kishte mundur Benfican në ndeshjen e parë dhe do të kishte humbur ndaj Monzas pastaj, koha e Inzaghit në klub do të kishte përfunduar.

Por, rezultati i mirë (2:0) kundër skuadrës portugeze në ndeshjen e parë, ia siguroi atij qëndrimin.

Ndeshja e kthimit do të zhvillohet më 19 prill, në “Guiseppe Meazza”.

Simone Inzaghi është trajner i Interit që nga viti 2021. Nën drejtimin e tij, skuadra nga Milano e ka fituar Kupën e Italisë dhe dy herë Superkupën e Italisë.

The post Interi ultimatum Inzaghit: Nëse eleminohesh nga Champions League, shkarkohesh appeared first on Albeu.com.

“Zbritja ishte menduar të shkonte nga shtatë në dymbëdhjetë, ose trembëdhjetë për qind, në varësi të produktit. Disa produkte vendore tashmë kanë ulur çmimet e tyre, fatkeqësisht disa jo, dhe do të duhet deri në fund të këtij muaji, kur do të kemi raportin përfundimtar të Inspektoratit Shtetëror të Tregut, dhe sipas atij raporti do të merren vendime të caktuara”, deklaroi Kreshnik Bekteshi, ministër i ekonomisë.

Kompanitë nga sektori i ushqimit përdorin energji elektrike që kushton 80 euro për megavat orë, në vend të 200 eurove që është në tregun e lirë. Kjo do t’i kushtojë buxhetit rreth 3.5 milionë euro deri në prill. Por, pasi subvencioni ka filluar të aplikohet nga 1 dhjetori 2022, në tregje shiten vetëm disa produkte me çmim më të lirë dhe jo të gjitha siç ishte rënë dakord fillimisht mes Qeverisë dhe prodhuesve ushqimorë. Qytetarët ankohen çdo ditë se në vend të uljes së çmimeve, shumica e produkteve shiten në tregje me çmime të reja më të larta se para aplikimit të rrymës së subvencionuar.

“Plani fillestar i autoriteteve ishte që rreth 200 kompani që prodhojnë ushqime do ta përdornin masën për energji elektrike më të lirë, dhe kështu si kusht duhej të ulnin çmimet e produkteve të tyre me rreth 10 për qind. Por, pas hyrjes në fuqi të kësaj mase, as gjysma e kompanive nuk ishin të interesuara për të shfrytëzuar subvencionimin e qeverisë. Por, ky nuk ishte kusht që ata të mos ulin çmimet e produkteve të tyre”, raporton Ile Petrevski, gazetar.

Një pjesë e industrisë ushqimore ende ankohet se nuk ka arsye për uljen e çmimeve, për shkak të lëndëve të para të shtrenjta nga jashtë. Por, Agjencia Ndërkombëtare e Ushqimit dhe Bujqësisë FAO ka njoftuar tashmë se çmimet e ushqimeve në tregjet botërore kanë rënë për nëntë muaj me radhë. Por, në Maqedoni kostoja e jetesës është rritur për 20 për qind në një vit, dhe peshën më të madhe në këtë inflacion e ka pikërisht rritja e çmimeve të ushqimeve. /Alsat.mk

The post Kompanitë ushqimore në RMV marrin ultimatum, 20 ditë afat për uljen e çmimeve appeared first on Albeu.com.

Ata do të presin deri në orën 16:00 të ditës së sotme për një përgjigje pozitive nga qeveria, në të kundërt do të ngujohen në ambientet e brendshme të një prej sallave të Universitetit Politeknik, në shenjë proteste për shurdhërinë ndaj të drejtave të tyre.

Deklarata

Nga Politekniku, aty ku janë mbledhur prej javësh në një qëndresë simbolike me shpresën për t’u dëgjuar nga autoritetet, Sindikata e Punonjësve në Universitete deklaroi vendimin për të nisur grevën e urisë, një hap të padëshirueshëm dhe unik të këtij lloji në botë. “Nesër (sot) pasdite do të jetë diskutimi i fundit për këtë çështje. Enkas është lënë ora 16:00, sepse është mbyllja e orarit zyrtar qeveritar që t’i japë një rrugëzgjidhje situatës. Në këtë fazë, për dy-tri çështjet kryesore që i kemi kërkuar qeverisë, ata nuk janë përgjigjur pozitivisht. Ne do të mblidhemi këtu dhe do të vendosim përfundimisht nëse ka një përgjigje nga qeveria. Në bazë të saj, do të vendosim fiks si do të operojmë. Nëse nuk do të kemi diçka pozitive kemi gatishmërinë e një pjese të stafit që është i gatshëm të kalojë në grevën e ngujimit, si grevë simbolike, e padëshirueshme. Do jetë unike në botë që në grevë urie të futet personel akademik”, tha kreu i SPASHit, Sandër Kovaçi, në protestën e radhës të zhvilluar ditën e djeshme. Bëhet fjalë për afro dhjetë pedagogë të universiteteve të ndryshme të vendit, të cilët janë shprehur të gatshëm ta çojnë deri në fund rezistencën e tyre për një arsim të lartë dinjitoz. Ata do të ngujohen në ambientet e brendshme të një prej sallave të universitetit ku protestuan për gati tri javë. Me gjithë kërkesat e njëpasnjëshme dhe letrat e hapura, sindikata nuk ka marrë asnjë sinjal nga qeveria, përpos statuseve në rrjete sociale, më tepër intimiduese sesa shpresëdhënëse për një dorë bashkëpunimi.

“Njohim vetëm 7% rritje”

Pavarësisht se qeveria proklamon shpesh një rritje pagash për pedagogët me 15%, gjysmën e së cilës ia ka faturuar universiteteve si faturë, sindikata nuk e konsideron fare. Për më tepër, nuk ka kurrfarë garancie që kjo masë do të vijojë. Dhe këtë e mbështet me shifra konkrete. “Ne kemi njohur vetëm 7% si rritje. Universiteti i Tiranës ka rritur 8% vetëm për këtë periudhë dhe nuk ka asnjë garanci për vitin e ardhshëm. Kurse universitetet e tjera, si Politekniku, edhe ai gjatë kësaj periudhe, këtë tremujorësh, mund ta mbulojë me shumë vështirësi. Përveç mjekësisë, ndoshta ata kanë më shumë buxhet. Universitetet e tjera nuk kanë asnjë lloj mundësie për të arritur 8%-shin. Për shembull, rritja me 8% në Universitetin e Shkodrës do të kushtonte 200 milionë lekë, ndërsa të ardhurat vjetore ishin vetëm 100 milionë. Ne duhet të sigurohemi për 8% dhe për faktin që ai nuk merret nga buxheti i studentëve dhe nuk sjell ulje të investimeve në universitete. Dhe duhet të bëhet transparencë mbi shpenzimet”, nënvizon Kovaçi, duke shprehur rezerva mbi 8 për qindëshin ekstra që duhet të jepet nga IAL-të. Edhe në rast se rritja totale prej 15% do të jepej nga vetë qeveria, ajo masë nuk i kënaq pedagogët, të cilët kërkojnë një vlerësim më dinjitoz. Së paku, të përafërt me ato të kolegëve të tyre në vendet fqinje. Një tjetër detaj që lë gjithashtu të pakënaqur sindikatën e punonjësve të universiteteve është mospërfshirja e stafit ndihmës akademik dhe punonjësve mbështetës. “Në këtë 8% rritje nuk është përfshirë stafi ndihmës akademik dhe administrativ. Ata kanë paga aq të ulëta sa edhe 15% nuk i rrit asgjë. Ne kemi kërkuar që 30% i sivjetmë të jetë i plotë edhe për profesoratin dhe për stafin akademik dhe administrativ”. Ndonëse është etiketuar si një protestë për pagat, ajo çfarë kërkojnë pedagogët është shumë më tepër se aq. Një financim më i lartë për universitetet, që ndonëse është rritur me përqindje të vogla, është sërish shumë larg premtimit të qeverisë për ta çuar atë në 5 për qind kur erdhi në pushtet.

The post Sot përfundon ultimatumi i pedagogëve për qeverinë, gati për grevë urie: Presim deri në orën 16:00 appeared first on Albeu.com.

Sulmuesi ka oferta edhe nga Aglia e Turqia, ndaj së fundmi mësohet sa i ka dhënë edhe 72 orë ekipit të Romës.

Jose Mourinho e do medoemos te Roma, ndërsa klubi i ka ofruar një kontratë 3 vjecare me një pagë  3 milion euro në sezon.

Belotti dëshiron po ashtu bashkimin me skuadrën e Mourinhos sa më shpejt që të bashkohet në stërvitje me shokët e rinj të skuadrës, por nuk mund të presë edhe shumë gjatë./albeu.com

The post Roma po vonon me daljet, Belotti i jep ultimatum “verdhekuqve” appeared first on Albeu.com.

Qytetarët kërkojnë dorëheqjen e ministrit të Brendshëm Bledi Çuçit dhe ministres së Turizmit, Mirela Kumbaro.

Qytetarët i kanë dhënë ultimatum kryeministrit Edi Rama se nëse deri të hënën nuk shkarkon dy ministrat sipas tyre përgjegjës, protesta nuk do ndalen

“Nëse deri ditën e hënë kryeministri nuk shkarkon Çuçin, Nanon dhe Kumbaron ne do të vijojmë me protesta të pandalshme, vrasja e Jonadës nuk mbyllet këtu, do të kërkojmë drejtësi. Rama mund të thotë nuk dua por njerëzit erdhën me vrap, tek ajo derë kryeministrie nuk do të ketë më qirinj, por do t’i vëmë zjarrin. 72 orë kohë për drejtësi për shkarkimin e dy ministrave dhe kreun e policisë, 72 orë kohë për drejtësi”, thanë protestuesit. /albeu.com

The post Protestuesit ultimatum qeverisë: 72 orë kohë për të shkarkuar Çuçin, Nanon dhe Kumbaron appeared first on Albeu.com.

Kontrata e lojtarit përfundon për një vit dhe PSG ka vënë bast për të, po klubi francez nuk po arrin të bindë Interin për shumën e operacionit.

PSG ofron deri në 50 milion euro, ndërsa Interi kërkon 70 dhe cakton afatin e largimit të tij me 10 gusht.

Pasi të kalojë kjo darë, mbrojtësi nuk do të jetë më në merkato, sipas La Gazzeta dello Sport./albeu.com

The post Interi ultimatum për skuadrat që duan Skriniar, mbrojtësi në merkato deri në këtë datë appeared first on Albeu.com.