“Rritja ekonomike është e qëndrueshme”, tha ajo. Ajo foli dhe për uljen e inflacionit në Bashkimin Evropian dhe ndikimin e tij në ekonominë shqiptare. Sipas Nunajt, Shqipëria shumë produkte i importon nga vendet e eurozonës, ndërsa një ulje çmimi në vendin e origjinës ku sigurohen këto produktet do të ndikojë automatikisht në uljen e çmimeve në vendin tonë. “Objektivat e Bankës Qendrore Evropian dhe të Shqipërisë janë të ndryshme, janë të ndryshme, sepse nivelet e zhvillimit janë të ndryshme. Ky stabilitet i eurozonës është importuar dhe në stabilitetin e inflacionit në Shqipëri. Kemi një sasi të madhe importi nga zonat e BE, dhe në këtë formë importojmë dhe stabilitetit dhe në këtë pjesë themi se nuk është risk ulja e inflacionit nën 3%. Është brenda normave të kontrolluara nga Banka e Shqipërisë”, tha ajo.

E pyetur nëse Shqipëria ka kaluar fazën e “krizës në çmime” dhe lëvizjen e shpeshtë të tyre, për këtë shqetësim të konsumatorëve, ekspertja bëri këtë shpjegim: “Unë gjykoj se po, sepse kjo rënie ka ardhur nga fundit i 2023. Ka ardhur gradualisht në zbritje. Ka pësuar një rënie të vazhdueshme dhe graduale, nuk ka rënie galoponte. Përgjatë 2024 do realizohet objektivi i Bankës për të mbajtur inflacionin nën kontroll”. Gjatë muajit qershor, niveli i inflacionit në Shqipëri zbriti në nivelin 2.1 për qind, duke krijuar një lehtësi për konsumatorët.

The post Frenohet rritja e çmimeve në Shqipëri, ekspertja analizon faktorët appeared first on Albeu.com.

Siç njoftoi ministri i Ekonomisë Kreshnik Bekteshi, sot do të ketë vendim për uljen e çmimeve të pijeve alkoolike dhe joalkoolike.

“Për produktet higjienike me siguri gjatë kësaj jave do të përfundojnë të gjitha konsultimet dhe do të shohim nëse ka hapësirë për marrjen e masave të caktuara”, tha dje Bekteshi i cili me kryeministrin Dimitar Kovaçevski vizituan kompaninë “Alma-M” në Vizbeg.

Sipas Kovaçevskit, me masën e re të Qeverisë të mbi 50 produkteve në 24 kategori nga industria e furrave, qumështit dhe mishit, është ulur çmimi për 10 për qind në krahasim me çmimin që e kishin më 1 gusht.

“Te disa kategori dhe prodhime tashmë ka ulje të produkteve mbi 10 për qind, ndërsa te disa ulja është prej 30 deri në 40 për qind. Në markete këto produkte tashmë morën shenjën “çmim i garantuar” , me këtë masë kontribuojmë edhe krahas presioneve të inflacionit, së bashku dhe me solidaritet japim mbështetje për qytetarët tanë”, tha Kovaçevski.

The post Qeveria e Maqedonisë së Veriut do të vendosë për uljen e çmimit të pijeve appeared first on Albeu.com.

“Tregtarët me shumicë për produktet që i theksova duhet t’u miratojnë një ulje të çmimit dhe të tjera kompensime ndaj shitësve me pakicë deri më 5% dhe jo më tepër. Kurse tregtarët me pakicë, në produktet e këtij vendimi, të cilat do të vendosen në polica duhet ti etiketojnë të gjithë këto produkte me etiketën ‘çmim i garantuar’. Nëse qytetarët vërejnë mos respektim të këtyre masave sepse bëhet fjalë për mijëra subjekte që shesin, të njoftojnë Inspektoratin e Tregut. Nëse edhe këta nuk marrin masa ne si Ministri dhe Qeveria do të marrim masat përkatëse edhe kundër Inspektoratit të tregut”, deklaroi Kreshnik Bekteshi, Ministër i Ekonomisë.

Bëhet fjalë për produkte ushqimore bazë, 90% e të cilave tatohen me 5% TVSH. Ideja është që çmimi me të cilin janë shitur më 1 gusht të këtij viti duhet të bjerë me të paktën 10%. Po vazhdojnë negociatat me prodhuesit dhe distributorët e pijeve joalkoolike, për uljen e çmimeve edhe të këtyre produkteve. Nga e premtja që shkoi po zbatohet edhe vendimi për ndalesë të shitjeve promocionale, por sot ai vendim është korrigjuar, duke lejuar shitje në aksion për produktet në afat të skadencës me çmim të ulët.

“Në mënyrë plotësuese të këtij vendimi sot u bë korrigjim ku do tu lejohet të bëjnë aksione me çmime më të ulëta nga këto që ne i kemi ngrirë me vendim të Qeverisë. Ata do të kenë detyrim të gjithë tregtarët me pakicë, rrjetet e super marketeve nëse në rast se bëjnë zbritje të çmimeve të caktuara për shkak të afatit të skadencës, atë ta etiketojnë për të qenë e qartë për qytetarët të cilët blejnë”, tha Kreshnik Bekteshi, Ministër i Ekonomisë.

Ministri Bekteshi fton të gjithë ata prodhues dhe tregtarë që nuk do të mbulohen nga masa e qeverisë, t’i bashkohen vullnetarisht aksionit të uljes së çmimit dhe të kenë mundësinë të përdorin markën “çmimi i garantuar”. Për ata që do të manipulojnë këtë shenjë paralajmërohen kontrolle dhe penalitete të rrepta./alsat

The post Maqedonia e Veriut ul çmimet e produkteve bazë appeared first on Albeu.com.

“Zbritja ishte menduar të shkonte nga shtatë në dymbëdhjetë, ose trembëdhjetë për qind, në varësi të produktit. Disa produkte vendore tashmë kanë ulur çmimet e tyre, fatkeqësisht disa jo, dhe do të duhet deri në fund të këtij muaji, kur do të kemi raportin përfundimtar të Inspektoratit Shtetëror të Tregut, dhe sipas atij raporti do të merren vendime të caktuara”, deklaroi Kreshnik Bekteshi, ministër i ekonomisë.

Kompanitë nga sektori i ushqimit përdorin energji elektrike që kushton 80 euro për megavat orë, në vend të 200 eurove që është në tregun e lirë. Kjo do t’i kushtojë buxhetit rreth 3.5 milionë euro deri në prill. Por, pasi subvencioni ka filluar të aplikohet nga 1 dhjetori 2022, në tregje shiten vetëm disa produkte me çmim më të lirë dhe jo të gjitha siç ishte rënë dakord fillimisht mes Qeverisë dhe prodhuesve ushqimorë. Qytetarët ankohen çdo ditë se në vend të uljes së çmimeve, shumica e produkteve shiten në tregje me çmime të reja më të larta se para aplikimit të rrymës së subvencionuar.

“Plani fillestar i autoriteteve ishte që rreth 200 kompani që prodhojnë ushqime do ta përdornin masën për energji elektrike më të lirë, dhe kështu si kusht duhej të ulnin çmimet e produkteve të tyre me rreth 10 për qind. Por, pas hyrjes në fuqi të kësaj mase, as gjysma e kompanive nuk ishin të interesuara për të shfrytëzuar subvencionimin e qeverisë. Por, ky nuk ishte kusht që ata të mos ulin çmimet e produkteve të tyre”, raporton Ile Petrevski, gazetar.

Një pjesë e industrisë ushqimore ende ankohet se nuk ka arsye për uljen e çmimeve, për shkak të lëndëve të para të shtrenjta nga jashtë. Por, Agjencia Ndërkombëtare e Ushqimit dhe Bujqësisë FAO ka njoftuar tashmë se çmimet e ushqimeve në tregjet botërore kanë rënë për nëntë muaj me radhë. Por, në Maqedoni kostoja e jetesës është rritur për 20 për qind në një vit, dhe peshën më të madhe në këtë inflacion e ka pikërisht rritja e çmimeve të ushqimeve. /Alsat.mk

The post Kompanitë ushqimore në RMV marrin ultimatum, 20 ditë afat për uljen e çmimeve appeared first on Albeu.com.

Në periudhën e ardhshme ai pret që të ketë ulje të mëtejshme të çmimeve edhe për produktet e tjera nga industria e furrës, qumështit dhe mishit, për të cilat, siç tha ai, presim të jetë sipas marrëveshjes së paku dhjetë për qind.

Duke folur në konferencën “Sfidat ekonomike në vitin 2023: Si të ruhet rritja ekonomike dhe transformimi i ekonomisë” organizuar nga Oda Ekonomike e Maqedonisë, Kovaçevski iu referua masave dhe vendimeve të Qeverisë për zbutjen e krizës dhe inflacionit të lartë dhe theksoi se shqetësimet e Qeverisë dhe politikat në ndihmë të qytetarëve dhe ekonomisë do të vazhdojnë edhe vitin e ardhshëm./ina

The post Kryeministri i Maqedonisë së Veriut: Presim ulje të çmimeve prej të paktën 10% appeared first on Albeu.com.

“Ky është një hap serioz përpara në aspekt se do të marrim çmim më të lirë të energjisë elektrike që do të mundësojë që çmimi i produkteve bazë që prodhohen me këtë shifër të veprimtarisë, të shiten me çmime më të volitshme për konsumatorët përkatësisht për qytetarët”, theksoi Goran Gjorgjievski, kryetar i odës së agro biznesit pranë LOE.

Por sot në bisedë për TV21, Gjorgjievski tha se uljen e çmimit së pari duhet ta ndjejnë kompanitë. Kompanitë deri më 1 dhjetor duhet të lidhin marrëveshje me EMV, e pastaj vjen stabilizimi i tregut.

“Çmimin më të ulët të energjisë elektrike, duhet ta ndjejë biznesi, pastaj nga 1 janari pritet që të ketë hapësirë që të ulet çmimi i produkteve bazë për rreth 10%”, pohoi Goran Gjorgjievski, kryetar i odës së agro biznesit pranë LOE.

Çmimi i rrymës për kompanitë ishte arsyeja kryesore për shtrenjtimin e produkteve bazë. Sot, Gjorgjievski thotë se çmimi i këtyre produkteve nuk varet vetëm nga çmimi i energjisë elektrike, por edhe nga faktorë të tjerë, siç është çmimi i grurit.

“Por, në këtë situatë, ju jeni duke ndjekur se çka po ndodh, eksporti i grurit ukrainas përmes Detit të Zi, i cili udhëton deri te dy vende tani është kufizuar, gjegjësisht Rusia del nga marrëveshja dhe kjo shkakton presion në treg”, tha Goran Gjorgjievski, kryetar i odës së agro biznesit pranë LOE.

Gjorgjievski, shpjegon se oferta dhe kërkesa e lëndëve të para që marrin pjesë në produktin final, janë ato që e diktojnë çmim. Kështu, në periudhën që vijon do të ketë ulje të çmimit të rrymës, por ndoshta çmimi i lëndëve të para që marrin pjesë në produktin final do të rritet. Por, Bekteshi, para disa ditëve u dërgoi mesazh të qartë kompanive:

“Në qoftë se inputi i energjisë elektrike i cili merr pjesë në formimin e çmimit final, nuk ulet edhe në çmimin përfundimtar të produkteve, atëherë kemi mekanizma të tjerë. I kemi diskutuar me odat ekonomike që të mos ketë keqpërdorime të tilla, sepse mund të sjellim vendim për ngrirjen e plotë të çmimeve të produkteve të caktuara atje ku do të përcaktohet se inputi për uljen e energjisë elektrike nuk llogaritet në çmimin përfundimtar të produkteve”, tha Kreshnik Bekteshi, ministër i Ekonomisë.

Afaristët thonë se do të ndjekin se si do të zhvillohet situata, pas çka do të përcaktohet çmimi përfundimtar i produkteve nga 1 janari.

The post Pas 1 janarit, pritet ulje e çmimeve të ushqimeve në Maqedoninë e Veriut appeared first on Albeu.com.

Çmimet rekord te ditëve te fundit kane shkaktuar shqetësim tek qytetarët. Fakt është që çmimi i naftës ne bursën ndërkombëtare është rritur gjatë ditëve te fundit. Dhe kjo gjë siç ndodh zakonisht është reflektuar dhe në Shqipëri.

Megjithatë stabilizimi i tregjeve ndërkombëtare ka nisur të sjellë ndryshime dhe ne çmimin e karburanteve ne vendin tone. Nga sot dhe ne vazhdim vlera e një litri karburant ne treg do te jete si me poshtë:

Diezel 223 leke

Benzine 95 223 leke

Benz.100 ok 245 leke

Gazi nuk ndryshon.

Qeveria nga ana e saj ka njoftuar ngritjen e një bordi te posaçëm qe do te kryeje monitorime dhe do te marre masa për moslejimin e abuzimeve me çmimin e karburanteve.

Pasojat e luftës ne Ukrainë kane ndikuar ndjeshëm dhe ne çmimet e produkteve te tjera, kryesisht ato ushqimore për te cilat Shqipëria është e varur nga eksportet ndërkombëtare. Këto pasoja kane nisur te ndihem qartas ne Evropë dhe ne vendet e Ballkanit ndërsa çmimet kane pësuar rritje te ndjeshme ne disa shtete.

The post Vazhdon ulja e çmimit të naftës në vend, sa ka shkuar sot? appeared first on Albeu.com.