Shoshi zëvendëson në këtë detyrë ish-drejtorin Skerdi Drenova, i cili u shkarkua në ditët e fundit të vitit 2025.

Kreu i Ujësjellës-Kanalizimeve Tiranë, Skerdi Drenova, u shkarkua pas problemeve të shumta dhe të përsëritura me furnizimin me ujë të pijshëm në kryeqytet.

Vendimi është marrë pas ankesave të vazhdueshme të qytetarëve, të cilët prej muajsh raportojnë mungesë serioze të ujit në banesat e tyre.

Sipas banorëve të disa zonave të Tiranës, furnizimi me ujë është kufizuar në vetëm një orë në ditë, një sasi e pamjaftueshme për të përmbushur nevojat më bazike të përditshmërisë, si higjiena personale, gatimi apo pastrimi.

Kjo situatë ka shkaktuar shqetësim të madh dhe pakënaqësi në masë, veçanërisht për familjet me fëmijë, të moshuar apo persona me nevoja të veçanta.

Problematika është thelluar me kalimin e kohës, ku sipas qytetarëve, nuk ka pësuar përmirësim as gjatë periudhës së dimrit, ndonëse në vend ka pasur reshje të shumta shiu.

Kjo ka ngritur pikëpyetje të forta, sidomos duke marrë parasysh faktin se liqeni i Bovillës, burimi kryesor i furnizimit me ujë për Tiranën, ka qenë i mbushur dhe pa probleme të dukshme në kapacitetin e tij.

The post Largimi i Skerdi Drenovës, emërohet drejtori i ri i UKT (EMRI) appeared first on Albeu.com.

Ndërsa zonat e prekura nga defekti në linjën kryesore në depot qendrore të ujësjellësit mbi Qytetin Studenti: Rruga e Elbasanit, “3 Vëllezërit Kondi”, Zona e Sanatoriumit, Kodra e Diellit, Liqeni i Thatë, Sauku i Ri dhe Sauku i Vjetër.

UKT njofton gjithashtu se punonjësit janë në terren dhe po punojnë intensivisht për riparimin e defekteve dhe rikthimin sa më shpejt të furnizimit normal me ujë.

The post Defekte në rrjet, UKT jep njoftimin për qytetarët: Do të ketë ndërprerje të ujit appeared first on Albeu.com.

Ata thonë se sa herë ka shkarkime, uji i ndotur del në sipërfaqe duke sjellë erë të rëndë dhe rrezik për shëndetin publik.

Sipas banorëve, pavarësisht ankesave të bëra pranë Ujësjellës Kanalizime Tiranë (UKT), institucioni është shprehur se pusetë nuk është në juridiksionin e tij, por konsiderohet pronë private e pallatit.

Kjo ka lënë komunitetin në një situatë të vështirë, pasi nuk kanë mundësi financiare apo teknike për të menaxhuar vetë problemin.

“Përshëndetje JOQ! Dëshirojmë të ndajmë një shqetësim të madh që kemi si banorë të pallatit MI&GI në Yzberisht. Përpara pallatit ndodhet një pusete e ujërave të zeza e cila është bërë problem i vazhdueshëm për lagjen dhe banorët sa here ka shkarkime te ujrave te zeza. Ne jemi drejtuar te UKT, por ata na kanë thënë se kjo pusetë nuk është pjesë e përgjegjësive të tyre dhe se është pronë e pallatit. Nga ana tjetër, si banorë të një pallati të madh, nuk kemi as kapacitetin dhe as mundësinë që të menaxhojmë diçka të tillë, sidomos kur bëhet fjalë për kanalizime të ujërave të zeza që përbëjnë rrezik higjienik dhe shëndetësor për komunitetin. Ky problem kërkon zgjidhje urgjente, sepse situata jo vetëm që krijon era të padurueshme, por edhe përbën rrezik të madh për shëndetin publik, sidomos për fëmijët dhe të moshuarit që banojnë në këtë zonë. Kërkojmë që institucionet përkatëse të marrin përgjegjësinë dhe të japin një zgjidhje konkrete, në vend që të na kalojnë përgjegjësinë njëri-tjetrit“, shkruhet në mesazhin e banorëve të pallatit MI&GI, Yzberisht për JOQ Albania.

The post Banorët e Yzberishtit mes ujërave të zeza, kërkojnë ndërhyrje urgjente: UKT nuk mban përgjegjësi appeared first on Albeu.com.

Së fundmi, BKH, me kërkesë të SPAK, ka ushtruar kontrolle në zyrat e Bashkisë së Tiranës dhe Ujësjellës Kanalizimeve, ku janë sekuestruar disa dokumente.

Tashmë që është faktuar se drejtorët vetë hartonin projekte, shpallnin hapje procedurash, përcaktonin fituesit dhe ishin përfituesit e kontratave, është duke u hetuar edhe mbi zbatimin e këtyre projekteve.

SPAK ka kërkuar nga Bashkia dhe drejtoritë përkatëse të dhënat mbi zbatimin e projekteve, shumat përkatëse, kush kanë qenë kostot në raport me zbatimin.

Të dhëna janë kërkuar edhe nga VAS konstruksion, paraardhëse e “5D konstruksion”.

Burime të besueshme ,thonë se janë duke u grumbulluar nga organi i akuzës të gjitha dosjet e prokurimeve publike, ku në disa prej tyre autoritet kontraktor është Bashkia Tiranë.

The post Dosja “5D”/ BKH zbarkon në Bashkinë e Tiranës dhe UKT, sekuestron dokumentet e prokurimeve appeared first on Albeu.com.

Kjo kontratë parashikon një kredi 80 milionë euro për shfrytëzimin e një burimi të ri dhe një unazë presioni për ujësjellësin që furnizon qytetin e Tiranës.

Në prezantim e projektligjit, zv/ministrja e Infrastrukturës dhe Energjisë, Enkelejda Muçaj u shpreh se kostoja totale e projektit, siç është vlerësuar nga BEI, është 144.500.000 euro, ku për të përmbushur planin e financimit të parashikuar, huamarrësi ka kërkuar nga BEI një kredi prej 80 milionë euro. Pjesa tjetër e investimit sipas saj do të përballohet nga UKT-ja.

Ndërsa nënkryetarja e Bashkisë, Anisa Ruseti, duke iu përgjigjur pyetjeve të deputetëve të opozitës, tha se kostoja reale është akoma një parashikim, pasi nuk dihet se sa do të shkojë projekti final.

“Po hartohet studimi i fizibilitetit që do të shkojë deri në detaje për procesin e zbatimit të këtij projekti,” tha ajo.

Sipas Rusetit, huaja është parashikuar që ndahet në tre zëra, “20 milionë euro për zhvillimin e burimit të ri të Gurit të Bardhë, 60 milionë euro për ringun (unazën e presionit) dhe pjesa tjetër për ndërtimin e 54 minizonave në Tiranë”.

Bashkia pretendon që të realizojë më në fund premtimin 24 orë ujë në ditë dhe dërgimin me presion në çdo kat të pallateve ndryshe nga ç’ndodh aktualisht që uji shkon deri në depozitat e kateve të para.

“Ajo që ne nuk kemi garantuar dot është që uji i pijshëm, jo vetëm të garantohet në burim por të shkojë deri tek familjet, abonentët individualë,” tha Ruseti.

Deputetët e opozitës e vlerësuan si projekt, por ngritën shqetësimin për rrezikun e rritjes së borxhit publik nëpërmjet një kredie të re.

“Ju keni rritur çmimin e ujit disa herë me premtimet për investime që do të garantojnë ujë 24 orë në ditë deri në fund të vitit 2021, ndërsa tani merrni një kredi për ta bërë këtë,” tha deputeti Helidon Bushati.

Ndërsa deputeti Xhelal Mziu e cilësoi “absurde” marrjen e një kredie të re për një ndërmarrje e cila, sipas tij, është e mbytur në borxhe.

Kontrata e firmosur dhjetor 2021 mes zv/kryeministrit Arben Ahmetaj dhe zv.presidentes së BEI-së, Liliyana Pavlova, parashikon marrjen e një huaje 80 milionë euro për “ndërtimin e linjës së transmetimit nga Guri i Bardhë dhe rrjetin e furnizimit me ujë me presion të lartë”.

Sipas Rusetit huaja do të paguhet me 20 këste dhe parashikohet të shlyhet njëkohësisht me përfundimin e projektit./BIRN/

The post Projektligji, qeveria merr 80 milionë euro kredi për ujësjellësin e ri të Tiranës appeared first on Albeu.com.

Uniformat blu kanë bërë të mundur kapjen dhe arrestimin e shtetasit E.J, për veprat penale, “Shkatërrimi i pronës me zjarr”, “Prodhimi, mbajtja, blerja apo shitja pa leje e armëve të ftohta” dhe “Prodhimi dhe mbajtja pa leje e armëve të gjuetisë dhe sportive”.

Njoftimi i policisë:

Tiranë

Finalizohet operacioni policor i koduar “Oktan”.

Vihet në pranga një 28-vjeçar.

Shërbimet e Komisariatit të Policisë Nr. 1, në vijim të punës për goditjen e paligjshmërisë, pas një pune të mirëfilltë hetimore disaditore, organizuan dhe finalizuan me sukses operacionin policor të koduar “Oktan”.

Në kuadër të këtij operacioni u bë kapja dhe ndalimi i shtetasit E. J., 28 vjeç, për veprat penale “Shkatërrimi i pronës me zjarr”, “Prodhimi, mbajtja, blerja apo shitja pa leje e armëve të ftohta” dhe “Prodhimi dhe mbajtja pa leje e armëve të gjuetisë dhe sportive”.

Bazuar në provat e grumbulluara nga specialistët për Hetimin e Krimeve në Komisariatin e Policisë Nr. 1 ka rezultuar se ky shtetas, më datë 25.03.2022, ka hedhur një shishe, të dyshuar me lëndë djegëse, poshtë një automjeti në pronësi të UKT-së në Bashkinë Tiranë.

Gjatë kontrollit fizik dhe të banesës së shtetasit E. J., shërbimet e Policisë gjetën dhe sekuestruan në cilësinë e provës materiale një mjet prerës (thikë), veshje që dyshohet se janë përdorur gjatë kryerjes së veprës penale, një shishe plastike e mbushur me benzinë, një pushkë sportive (detare), një biçikletë dhe dy aparate celulare.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

The post PAMJET/ Momenti kur 28-vjeçari i vë flakën makinës së UKT-së appeared first on Albeu.com.

Për të mos përmendur këtu që edhe ajo që shkon në rubitetet e kryeqytetasve është ujë që maksimumi mund të përdoret për të bërë dush apo të pastrojë sifonin pas jashtëqitjes pasi as pihet dhe as mund të vlejë për gjë tjetër.

Megjithatë, UKT nuk kursehet për t’i mbushur mendjen tiranasve se sa shumë mirë kanë punuar këto vite, edhe pse të gjithë e kanë parë tashmë se përveç problemeve të mësipërme dhe abuzimeve me tenderët, një pjesë e mirë e pagesave që bëjnë qytetarët e Tiranës shkojnë në xhepat e personave publik për të blerë influencë në rrjetet sociale.

Sëfundmi UKT ka bërë një spot me në qendër Alban Skënderajn duke i bërë thirrje qytetarëve të Tiranës që të mos e shpërdorojnë ujin. Nuk ka të dhëna se sa ka kushtuar ky spot pasi kemi të bëjmë me një institucion që nuk shquhet për transparencë edhe kur jep rroga për të blerë dy rreshta lëvdata në Facebook, megjithatë duhet thënë se Alban Skënderaj është një këngëtar dhe figurë publike jo dhe aq i lirë.

Dhe sëfundmi, që ta kursesh ujin, duhet ta kesh. Si fillim, UKT duhet të harxhojë në drejtimin e duhur thasët me para që merr çdo muaj nga tiranasit duke rritur cilësinë e furnizimit dhe më pas të na mbushë mendjen me propagandë se gjoja duhet të kursejmë (atë që nuk e kemi?)ujin!/albeu.com

The post QESHARAKE/ UKT, miliona Alban Skënderajt për të kursyer ujin që nuk e kemi appeared first on Albeu.com.