Duke folur në një mbledhje të socialdemokratëve evropianë në Bukuresht, Scholz tha se mënyra më e mirë për të parandaluar çdo përshkallëzim, duke përfshirë një konflikt të mundshëm midis Rusisë dhe NATO-s, ishte ajo që ai e quajti parandalim efektiv.

“Lufta në Ukrainë do të përfundojë në momentin kur presidenti rus Vladimir Putin vendos të tërheqë trupat e tij. Megjithatë, ai do ta marrë këtë vendim vetëm nëse e kupton se nuk mund ta fitojë luftën në fushën e betejës”, tha lideri gjerman, vendi i të cilit deri më tani ka dhënë 28 miliardë euro mbështetje ushtarake për Ukrainën.

“Kjo është arsyeja pse ne investojmë më shumë në sigurinë dhe mbrojtjen tonë së bashku si evropianë, në mënyrë që askush të mos guxojë të na sulmojë. Kjo do të thotë gjithashtu të lëmë mënjanë interesat tona të ngushta të vogla dhe të ndërtojmë një industri të fortë dhe vërtetë evropiane të mbrojtjes”, shtoi ai.

The post “Të lëmë mënjanë interesat e ngushta”- Kancelari gjerman tregon zgjidhjen për rivendosjen e paqes në Europë appeared first on Albeu.com.

The post Vritet nga snajperët rusë gazetari i “La Repubblica” appeared first on Albeu.com.

Grupi Kiber Sprotyv njoftoi se kishin në shënjestër llogarinë AliExpress të Mihailo Luchin, një mik i blogerit ushtarak pro-rus Vladlen Tatarsky, i cili u vra në një shpërthim në një kafene në Shën Petersburg të dielën.

Luchin po mblidhte para për të blerë dronë që do të përdoreshin nga trupat ruse në Ukrainë

“Ai është një kriminel lufte, vullnetar, bloger dhe tani një pronar dildosh”, thanë hakerët në një deklaratë, duke postuar një pamje të tyre duke përdorur llogarinë AliExpress të Luchin.

Ukrainasit pretendojnë se kanë blerë lodra seksuale me vlerë 25 mijë dollarë përmes llogarisë së Luchin.

Ata shtuan se Luchin tani zotëron një koleksion “unik” të “penisëve” me vlerë 25 mijë dollarë, para që ai “planifikonte t’i shpenzonte në drone për ushtrinë ruse”.

“Tani, në vend të dronëve, do të duhet të dërgojnë kamionë plot me vibratorë dhe gjëra të tjera shumë të vlefshme për popullin rus”, thuhet në deklaratë.

Luchin konfirmoi se llogaria e tij e postës elektronike dhe AliExpress ishin hakuar nga ukrainasit, por pretendoi se ishte në gjendje të kthente shumicën e parave të shpenzuara, përveç 17,000 rubla (195 euro) për lodra seksuale që ishin dorëzuar tashmë. Rusi tha gjithashtu se ishte i trishtuar sepse nuk kishte mjaft raketa për të shënjestruar hakerat.

Si përgjigje, grupi Kiber Sprotyv më vonë postoi se Luchin po gënjen për kthimin e parave. Më vonë, Luchin shkroi një tjetër postim në Telegram në të cilin tha se do të hapte një dyqan me lodra seksi në Rusi, dhe do të blinte edhe më shumë dronw sesa ishte planifikuar fillimisht. /Telegrafi

The post Veprim mjeshtëror i hakerëve ukrainas, rusët morën lodra seksi në vend të dronëve appeared first on Albeu.com.

Ukraina po heton më shumë se 58 mijë krime të mundshme lufte nga Rusia, përfshirë vrasje, rrëmbime, bombardime pa dallim mes civilëve dhe ushtarakëve dhe sulme seksuale.

Raportimet e agjencisë së lajmeve “Associated Press” dhe rrjetit investigativ “Fronltine” të mbledhura në një bazë të dhënash publike, kanë konfirmuar në mënyrë të pavarur më shumë se 600 incidente, që duket se janë në shkelje me ligjet e luftës.

Disa prej këtyre masakrave kanë lënë të vrarë dhjetra ose qindra civilë, ndërsa numri i përgjithshëm i krimeve të luftës mund të arrijë në mijëra

Sikurse i tha agjencisë “Associated Press”, Karim Khan, kryeprokuror në Gjykatën Ndërkombëtare Penale në Hagë, “Ukraina është një skenë krimi”.

Megjithatë, përballë dokumentimit të asaj që ka ndodhur ka një realitet të hidhur.

Edhe pse autoritetet kanë mbledhur një sasi tronditëse provash, pasi sulmi është nga më të dokumentuarit në historinë njerëzore, janë të pakta gjasat që të arrestojnë së shpejti ata që kanë hapur zjarr dhe kanë ushtruar dhunë e aq më pak komandantët që dhanë urdhrat dhe udhëheqësit politikë që miratuan sulmet.

Për këtë ka një seri arsyesh, thonë ekspertët. Autoritetet ukrainase përballen me sfida serioze në mbledhjen e provave të pakundërshtueshme në një zonë lufte. Shumica dërrmuese e krimeve të luftës janë kryer në anën ruse të frontit.

Edhe në rastet kur ka patur ndjekje penale, kufizimet me të cilat përballet drejtësia janë të dukshme.

Një rast është ai i Vadim Shishimarinit, një komandant tanku 21-vjeçar, i pari rus që u gjykua për krime lufte. Ai u dorëzua në mars dhe u vetëdeklarua fajtor në një gjykatë të Kievit në maj, duke pranuar se kishte qëlluar në kokë një civil ukrainas 62 vjeçar.

Në sallën e gjyqit ndihej dëshira për të ndërthurur drejtësinë me hakmarrjen.

“A e ndjen veten vrasës”, i thirri një grua rusit i cili qëndronte në këmbë në kafazin e qelqtë të të pandehurve.

“Po për burrin që është në varr”?, u dëgjua një zë më i mprehtë. Ndërsa një zë i tretë e pyeti avokatin se si mund të luftonte për lirinë e një rusi.

Ushtari i ri u dënua fillimisht me burgim të përjetshëm, por pas apelimit ndaj tij u vendos 15 vjet heqje lirie. Kritikët thanë se dënimi fillestar ishte tepër i ashpër, duke mbajtur parasysh faktin se ai pranoi krimin, tha se po zbatonte urdhërat dhe shfaqi pendesë.

Megjithatë, hetuesit ukrainas deri më tani nuk kanë qenë në gjendje të ngrenë akuza ndaj komandatëve të Vadim Shishimarinit. Që prej muajit mars, Ukraina ka ngritur dyshime ndaj 600 rusëve, shumë prej tyre zyrtarë të nivelit të lartë dhe zyrtarë ushtarakë, përfshirë Ministrin e Mbrojtjes Sergei Shoifu. Por deri më tani, asnjë prej zyrtarëve të fuqishëm nuk është vënë para drejtësisë ukrainase.

“Do të ishte e tmerrshme nëse në fund do të dënoheshin për krime lufte apo për krime ndaj njerëzimit, ushtarakë të gradave të ulëta dhe komandatët më të lartë të liheshin të lirë”, thotë avokati britanik Philippe Sands.

Gjatë gjithë luftës udhëheqësit rusë kanë mohuar akuzat për sjellje mizore dhe të dhunshme.

Ambasadori i Moskës, në Kombet e Bashkuara, Vasili Nebenzia, tha se asnjë civil nuk është torturuar apo vrarë në qytetin e Buças, pavarësisht dokumentimit të hollësishëm dhe të kujdesshëm nga Associated Press, gazetarë të tjerë dhe hetues të krimeve të luftës, të mizorive që u kryen atje.

“Nuk ka patur asnjë sulm të dhunshëm ndaj asnjë individi atje”, tha ambasadori, duke i cilësuar fotot dhe videot e viktimave në rrugë si inskenime të ukrainasve.

Bazuar në fakte, këto deklarata janë provuar si të pavërteta, nga autoritetet ukrainase dhe ato ndërkombëtare, grupet e të drejtave të njeriut dhe gazetarët që kanë dokumentuar me saktësi barbarinë ruse qëkurse Kremlini urdhëroi sulmin e paprovokuar në shkurt.

Si pjesë e kësaj përpjekjeje për të dokumentuar atë që ka ndodhur,baza e të dhënave të Associated Press dhe Frontline e quajtur “War Crimes Watch Ukraine”, dëshmon një pjesë të krimeve të luftës. Associated Press dhe Frontline kanë përfshirë vetëm incidentet që mund të verifikohen përmes fotografive, videove dhe dëshmitarëve që kanë parë me sy ngjarjet.

Është raportuar edhe për qindra incidente të tjera që mund të përbëjnë krime lufte, por nuk ka patur prova të mjaftueshme publike që të konfirmonin në mënyrë të pavaruar atë që ka ndodhur.

Megjithatë baza e të dhënave jep detaje të fushatës 10 mujore që duket se ka shkelur ligjet e luftës, përfshirë 93 sulme në shkolla, që kanë lënë pas 36 fëmijë të vrarë, sikurse edhe më shumë se 200 sulme të drejtpërdrejta ndaj civilëve, përfshirë torturimin, rrëmbimin, vrasjen e civilëve dhe përdhosjen e trupave të pajetë.

Objektiv i Rusisë kanë qenë kishat, qendrat kulturore, spitalet dhe infrastruktura energjitike.

Baza e të dhënave tregon se Rusia lëshuar bomba në lagjet rezidenciale dhe ndërtesat që strehonin civilë.

Sipas një investigimi të Associated Press, Rusia ka lëshuar një bombë mbi teatrin e Mariupolit, që po përdorej si strehë për civilet, duke lënë pas, së paku 600 viktima. Një tjetër investigim tregon se 30 ditë pas nisjes së sulmit forcat ruse goditën dhe dëmtuan 34 qendra mjekësore.

“Ky është një krim që bie ndesh me ligjet e luftës”, tha Stephen Rapp, ish-ambasador amerikan për krime lufte. “Nëse dikush plagoset duhet të marrë kujdes mjekësor. Nuk mund të sulmosh spitalin. Është rregulli më i vjetër në ligjet ndërkombëtare”.

Ekspertët thonë se nën drejtimin e Presidentit Vladimir Putin, Rusia ka shkelur rregullat e vendosura nga Konventa e Gjenevës dhe një seri traktatesh që përcaktojnë se si duhet t’i trajtojnë vendet që janë në luftë qytetarët e kundërshtarit, si edhe Statutin e Romës në bazë të të cilit u ngrit Gjykata Ndërkombëtare Penale dhe që përcakton aktet që përbëjnë krime lufte dhe krime kundër njerëzimit. /VOA

The post Shtohen dëshmitë e krimeve ruse në Ukrainë appeared first on Albeu.com.

Kështu tha administrata presidenciale ukrainase më 24 dhjetor.

Kyrylo Tymoshenko, nënkryetari i Zyrës presidenciale të Ukrainës postoi të shtunën në rrjetin e tij në Telegram fotografi të njerëzve, në dukje të pajetë, në qendër të qytetit.

Qyteti ishte çliruar kohët e fundit nga pushtimi rus.

“Rusët kanë kryer përsëri terror dhe kanë granatuar qendrën e qytetit”, tha ai. “Njerëz kanë vdekur, ndërtesa janë shkatërruar”.

Shumë njerëz kishin dalë në rrugë pasi ishte fundjavë, tha ai.

Ukraina ka rimarrë Hersonin nga forcat ruse muajin e kaluar.

Presidenti ukrainas, Volodymyr Zelensky, dënoi sulmin si një krim tjetër nga Rusia pak para Krishtlindjeve.

Ai ka paralajmëruar për sulme të mundshme ruse gjatë sezonit të festave dhe u ka bërë thirrje ukrainasve që të jenë vigjilentë ditët në vijim.

Rusia ka nisur pushtimin e paprovokuar të Ukrainës më 24 shkurt dhe që nga tetori po kryen sulme ndaj infrastrukturës së energjisë, duke lënë miliona ukrainas pa furnizim me rrymë./REL

The post Të paktën 5 të vdekur dhe 20 të plagosur nga granatimet ruse në Kherson appeared first on Albeu.com.

Ukraina tha se 16 nga 76 raketat ruse të lëshura të premten kishin depërtuar në sistemin e mbrojtjes ajrore të Ukrainës. Kjo është vala e fundit e sulmeve ruse në Ukrainë që kanë vënë në shënjestër infrastrukturën energjitike të atij vendi, pjesë e strategjisë së Kremlinit për të lënë në errësirë dhe të ftohtë popullin ukrainas gjatë dimrit.

Valentyn Reznichenko, guvernator i rajonit Dnipropetrovsk, ku ndodhet qyteti Kryvyi Rih, shkroi në rrjetin Telegram se, “ekipet nxorën trupin e një fëmije18 muajshe nga rrënojat e një shtëpie të shkatërruar nga një raketë ruse.” Katër persona u vranë nga raketa ruse dhe 13 u plagosën, katër prej tyre ishin fëmijë, thanë autoritetet.

Guvernatori Reznichenko tha se goditjet ruse vazhduan gjatë natës, duke dëmtuar rrjetin e energjisë elektrike dhe shtëpitë në qytetet Nikopol, Marhanets dhe Chervonohryhorivka, që shtrihen përtej lumit Dnieper, përkarshi centralit bërthamor Zaporizhzhia që është nën kontrollin e forcave ruse.

Mëngjesin e së shtunës, udhëheqja ushtarake ukrainase tha se forcat ruse kishin shtuar intensitetin e goditjeve me raketa. Kievi nuk tha se sa raketa ruse ishin shkatërruar nga mbrojtja ajrore.

Sulmet e së premtes, që vunë në shënjestër shumë pjesë të Ukrainës qendrore, lindore dhe jugore, përbëjnë një nga sulmet më të mëdha ndaj kryeqytetit Kiev që nga fillimi agresionit rus ndaj Ukrainës më 24 shkurt. Autoritetet thanë se Kievi u sulmua me rreth 40 raketa të premten dhe pothuajse të gjitha u asgjesuan nga mbrojtja ajrore.

Punonjësit e qytetit u përpoqën të rregullonin sistemet e dëmtuara të shpërndarjes së ujit dhe energjisë. Kryetari i bashkisë së Kievit, Vitali Klitschko, njoftoi të shtunën se dy të tretat e shtëpive ishin rilidhur me rrjetin elektrik dhe se të gjitha shtëpitë kishin furnizim me ujë. Sistemi i metrosë po ashtu rifilloi punën pasi një ditë më parë u përdor si vendstrehim.

Kreu i provincës verilindore të Kharkiv-it, Oleh Syniehubov tha të shtunën se energjia elektrike ishte rikthyer në të gjithë rajonin, duke përfshirë qytetin Kharkiv, metropolin e dytë më të madh të vendit./VOA

The post Një fëmijë ukrainas nxirret nga rrënojat e një pallati të shkatërruar nga raketat ruse appeared first on Albeu.com.

Biden zhvilloi bisedime me liderët demokratë dhe republikanë të Dhomës së Përfaqësuesve dhe Senatit amerikan lidhur me atë se çfarë mund të bëhet në javët që kanë mbetur para se republikanët të marrin kontrollin e Dhomës.

Aktualisht, demokratët kanë kontrollin e dy dhomave të Kongresit amerikan.

Republikanët fituan shumicën në Dhomën e Përfaqësuesve në zgjedhjet e mesmandatit të mbajtura më 8 nëntor dhe do të marrin kontrollin e kësaj dhome në janar. Marrja e kontrollit të Dhomës komplikon agjendën e Bidenit gjatë dy vjetëve të ardhshëm.

Në zgjedhjet e nëntorit, demokratët e Bidenit arritën të mbanin kontrollin e Senatit.

Biden tha se dhënia e ndihmës më të madhe ushtarake për Ukrainën është prioritet, por edhe financimi i masave për të luftuar pandeminë e koronavirusit.

Lideri i republikanëve në Dhomën e Përfaqësuesve, Kevin McCarthy, mori pjesë në takimin me Biden. Ai u tha gazetarëve se do të ngrehë pyetje lidhur me financimin e Ukrainës, ndihmë që ka kaluar shifrën prej 18 miliardë dollarësh. Por, ai shtoi se është i gatshëm që të punojë me demokratët nëse ata “kanë vullnet që të vënë nën kontroll shpenzimet tona”.

Kryetarja e Dhomës së Përfaqësuesve, Nancy Pelosi, pas takimit u tha gazetarëve se demokratët ndoshta duhet të miratojnë planin e shpenzimeve të Qeverisë më 30 shtator. Kjo do të mundësonte që republikanët të mos kenë mundësi të bëjnë shkurtime në buxhet.

Biden po ashtu tha se financimi i Qeverisë përtej 16 dhjetorit, për të shmangur mbylljen, është lart në agjendën e tij.

Përveç McCarthyt dhe Pelosit, në takimin me Biden ishin të pranishëm edhe lideri i Senatit, Chuck Schumer dhe lideri republikan në Senat, Mitch McConnell.

The post Biden në Kongres: Ukraina dhe Covid 19 janë prioritetet kryesore appeared first on Albeu.com.

Qyteti perëndimor i Lvivit ka mbetur pa energji elektrike, pas sulmeve të njëpasnjëshme ruse që janë raportuar në disa qytete, përfshirë kryeqytetin Kievin.

Shteti fqinj, Moldavia, ka raportuar po ashtu ndërprerje të energjisë, ndonëse nuk është goditur drejtpërdrejt.

Kryetari i Lvivit u ka bërë thirrje banorëve që të gjejnë vende strehimi, derisa zyrtarët e rajonit të Kievit kanë thënë se janë dëmtuar shtëpi dhe infrastrukturë kritike.

Rusia ka shtuar së fundi sulmet ndaj rrjetit ukrainas të energjisë.

Zëvendëskryeministri moldav, Andrei Spinu, ka thënë që më shumë se gjysma e Moldavisë ka mbetur pa rrymë.

“Ndërprerje të mëdha të energisë në Moldavi, pas sulmeve të sotme ruse në infrastrukturën ukrainase të energjisë”, ka thënë ai.

Besohet që sulmet ruse kanë shkatërruar gjysmën e sistemin ukrainas të energjisë dhe miliona njerëz kanë mbetur pa rrymë, teksa dimri afrohet.

Ditëve të fundit, autoritetet u kanë thënë banorëve që duhet të konsiderojnë edhe mundësinë e largimit nga shteti për të zvogëluar kërkesën në rrjetin energjetik.

Lufta në Ukrainë ka nisur më 24 shkurt.

Presidenti rus, Vladimir Putin, e konsideron luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Jo vetëm në Ukrainë, edhe Moldavia mbetet pa energji elektrike për shkak të sulmeve ruse appeared first on Albeu.com.

“Një familje e re vdiq pas një sulmi rus në ndërtesën e banimit në Kiev.

Bohdan dhe Victoria, 34 vjeç, u gjetën të dy të vdekur.

Është raportuar se ata ishin në pritje të fëmijës së tyre të parë,”  shkruan në një mesazh në Twitter  Anton Gerashchenko.

“Është kaq e dhimbshme, na duhen sistem të tjera të mbrojtjes ajrore,” shtoi ai.

The post Lumturia u kthehet në tragjedi, dronët vrasin çiftin të cilët po prisnin fëmijën e parë appeared first on Albeu.com.

Në deklaratën e bërë nga Zelesnky me rastin e Ditën se Aviacionit, në Ukrainë, Zelensky tha se pushtuesit rusë do të vriten si vesa në diell.

Ai theksoi se trupa e Kievit do të shkatërrojnë potencialin e pushtuesve hap pas hapi.

“Ushtarët ukrainas do të shkatërrojnë potencialin e pushtuesve hap pas hapi dhe do të vijë dita kur armiku do të zhduket në Zaporizhzhia, në jug, në lindje të vendit dhe në Krime. Pushtuesit do të vdesin si vesa në diell dhe mbrojtja jonë është dhe do të jetë ky diell. Gëzuar Ditën e Aviacionit të Ukrainës”, ka thënë presidenti ukrainas./

The post “Pushtuesit rusë do të vriten si vesa në diell”, Zelensky kërcënon ushtrinë e Putin appeared first on Albeu.com.