Ursula von der Leyen e cilësoi këtë zhvillim si një përparim të madh, duke theksuar se Ukraina ka bërë progres të dukshëm në reformat e brendshme.
“Sot po hapim grup-kapitullin e parë të negociatave për anëtarësim në BE. Ky është një hap i madh përpara,” deklaroi presidentja e Komisionit Evropian.

Ajo shtoi se Ukraina ka përmbushur pjesën e saj të detyrimeve në procesin e reformave dhe tani është radha e Bashkimit Evropian të veprojë në të njëjtën mënyrë.

“Ukraina ka bërë përparim të jashtëzakonshëm në reforma. Ata kanë përmbushur detyrimet e tyre, prandaj tani edhe ne duhet të bëjmë të njëjtën gjë,” u shpreh ajo.

Ky zhvillim shihet si një sinjal i fortë politik për mbështetjen e BE-së ndaj aspiratave evropiane të Ukrainës, në një kohë kur vendi vazhdon të përballet me luftën dhe sfida të mëdha të sigurisë dhe rindërtimit.

The post BE hap kapitullin e parë të negociatave për anëtarësimin e Ukrainës appeared first on Albeu.com.

Ekipet e shpëtimit nxituan në vendin e sulmeve, duke kërkuar për njerëz që besohet se janë bllokuar nën rrënojat në Kiev. Mediat shkruajnë se sirenat e sulmeve ajrore u dëgjuan në orët e para të mëngjesit të së martës në pjesën më të madhe të Ukrainës.

Ministria ruse e Mbrojtjes deklaroi se sulmet ishin një përgjigje ndaj sulmeve të mëparshme ukrainase dhe se të gjitha objektivat u arritën. Presidenti ukrainas, Volodymyr Zelensky deklaroi se Rusia lëshoi ​​gjithsej 656 dronë dhe 73 raketa, duke kërkuar urgjentisht ndihmë nga SHBA-të për raketat Patriot. Pas kësaj, forcat Ajrore Ukrainase njoftuan se 642 nga dronët dhe raketat sulmuese të lëshuara u rrëzuan.

The post Rusia intensifikon sulmet ndaj Ukrainës/ Kievi goditet me 650 dronë dhe 70 raketa, humbin jetën 13 persona appeared first on Albeu.com.

Sipas autoriteteve ukrainase, gjashtë persona u vranë në qytetin e Dnipros, ndërsa katër të tjerë humbën jetën në kryeqytetin Kiev. Dhjetëra persona mbetën të plagosur, mes tyre edhe fëmijë, pasi raketat dhe dronët goditën ndërtesa banimi.

Ekipet e emergjencës vazhdojnë operacionet e kërkim-shpëtimit në Kiev, ku dyshohet se disa persona kanë mbetur të bllokuar nën rrënojat e apartamenteve të dëmtuara.

Alarmet për sulme ajrore u aktivizuan në pjesën më të madhe të territorit ukrainas në orët e para të mëngjesit të sotëm.

Kryetari i bashkisë së Kievit, Vitali Klitschko, u bëri thirrje qytetarëve të qëndrojnë në strehimore, ndërsa kreu i Administratës Ushtarake të qytetit, Tymur Tkachenko, deklaroi se forcat ruse po përdorin raketa balistike në sulmet ndaj kryeqytetit.

Pamjet nga terreni treguan shtëllunga të mëdha tymi që ngriheshin mbi qendrën e Kievit, ndërsa autoritetet paralajmëruan se numri i viktimave mund të rritet.

Ndërkohë, edhe Rusia raportoi një sulm me dronë në rajonin e Krasnodarit. Qendra e reagimit emergjent njoftoi për një zjarr në rafinerinë e naftës Ilsky, por sipas autoriteteve ruse nuk ka pasur viktima.

Sulmet vijnë pasi Moska paralajmëroi javën e kaluar se do të ndërmerrte “goditje sistematike” kundër Ukrainës, në përgjigje të një sulmi me dron në rajonin e pushtuar të Luhanskut, ku sipas autoriteteve ruse u vranë 21 persona.

The post Sulme masive ruse në disa qytete të Ukrainës, të paktën 10 persona të vrarë appeared first on Albeu.com.

I pyetur nga TASS në lidhje me incidentin, presidenti rus tha se nëse ata dorëzojnë dronin, “ne do të kryejmë një hetim objektiv dhe vetëm atëherë do të vlerësojmë se çfarë ka ndodhur”. Ai madje ihodhi poshtë, në stilin e tij të zakonshëm ironik, akuzat e evropianëve se ishte një dron rus.

“Kush thotë se është një dron rus? Shumë. Shumë do të thotë kushdo. Kush saktësisht? Emra. Ursula von der Leyen. Epo, ajo nuk shkoi në Rumani, nuk kreu një hetim. Ajo nuk shqyrtoi rrënojat e dronit.”, tha Putin.

Ai tha gjithashtu se dronët ukrainas kishin fluturuar më parë mbi Finlandën, Poloninë dhe shtetet baltike, ku reagimi i parë ishte gjithashtu: “Ndihmë, rusët po vijnë”.

Sipas Putinit, më vonë doli në raste të tilla se dronët “nuk kishin të bënin fare me avionët rusë”.

The post Droni i rrëzuar në Rumani, Putin mohon se është i Rusisë: Na jepni provat! Do bëjmë hetime appeared first on Albeu.com.

Megjithatë, ish-kryeministrja estoneze deklaroi se është “shumë e rëndësishme që Ukraina dhe Rusia të shtyhen të flasin me njëra-tjetrën”, duke theksuar se një “armëpushim i pakushtëzuar është parakusht për çdo lloj negociate paqeje”.

Pas takimit të ministrave të Jashtëm të BE-së në Limasol të Qipros, Kallas u shpreh se “Rusia ende nuk po tregon interes të vërtetë për paqen”.

Përpara këtij takimi, ajo kishte deklaruar se Bashkimi Evropian do të ndiqte një qasje “maksimaliste” në çdo negociatë të ardhshme me Rusinë, duke përmendur edhe mundësinë e vendosjes së kufizimeve mbi madhësinë e forcave të armatosura ruse.

Ministri i Jashtëm rus, Sergej Lavrov, reagoi ndaj këtyre deklaratave sot, duke i cilësuar ato si “idiotike”.

The post BE në krah të Ukrainës, Kallas: Rusia nuk po tregon interes të vërtetë për paqen appeared first on Albeu.com.

“Motori katër-rrotësh (quad bike) është më i lehtë për t’u manovruar, ka shikueshmëri më të mirë dhe mund të zbresësh shpejt në rast nevoje. Shkon aty ku makinat e zakonshme rrëshqasin dhe nuk kalojnë”, thotë një ushtar i Brigadës së 152-të Jaeger të Ukrainës, i cili do që të identifikohet vetëm me nofkën Bars.

Ai tregon se ushtarët kanë provuar të dërgojnë furnizime edhe me mjete të blinduara, por ato jo gjithmonë arrijnë në destinacion, sepse ekziston rreziku i minave ose sulmeve me dronë.

Ky është fillimi i sezonit të pestë të luftimeve të Ukrainës kundër agresionit të Rusisë, e cila ka një ushtri më të madhe dhe më të armatosur.

Megjithatë, kjo pranverë është ndryshe.

“Momentalisht, situata e përgjithshme për ukrainasit duket më e mirë seç ka qenë në disa vite, ndonëse ende ka rreziqe të konsiderueshme”, thotë Pasi Paroinen, analist ushtarak në “Black Bird Group”, një organizatë kërkimore finlandeze.

Sipas ekspertëve të fushëbetejës dhe analistëve ushtarakë, në mes të majit, forcat ukrainase rimorën më shumë territor nga trupat ruse sesa humbën – për herë të dytë këtë vit.

Por, këto fitore janë të vogla dhe nuk përbëjnë ndonjë kthesë vendimtare në luftë.

Disa prej tyre lidhen edhe me mënyrën se si llogariten ndryshimet në terren.

Për shkak të ndryshimeve në taktika dhe teknologji, analistët thonë se është pothuajse e pamundur të përcaktohet një vijë e qartë fronti, ku mund të matet saktë territori i fituar apo i humbur.

Në përgjithësi, sipas grupit “DeepState”, përparimet ruse janë ngadalësuar pothuajse plotësisht deri në mes të majit.

Në fakt, rusët kanë humbur terren, duke shënuar një humbje neto territoriale, sipas këtij grupi monitorues që ka lidhje me ushtrinë ukrainase.

Këto gjetje përputhen edhe me ato të Institutit për Studime të Luftës me bazë në SHBA.

“Valët ende nuk janë kthyer plotësisht në favor të Ukrainës dhe nuk ka gjasa që ukrainasit të mund të ndërmarrin ndonjë kundërofensivë të madhe së shpejti”, thotë Paroinen.

“Por, Rusia ka vështirësi në avancim, dhe lufta aktualisht po shkon drejt një ngërçi – të përkohshëm?”, shton ai.

“Ky muaj e ka ndryshuar dinamikën në favorin tonë, në favor të Ukrainës”, deklaroi presidenti ukrainas, Volodymyr Zelensky, më 19 maj.

“Po i mbajmë më mirë pozicionet tona dhe po shkaktojmë më shumë dëme”, tha ai.

Me përmirësimin e motit, toka thahet dhe bimësia shtohet. Për pasojë, luftimet intensifikohen.

Sipas vëzhguesve ukrainas, rusë dhe perëndimorë, kjo po ndodh njësoj si në vitet e kaluara.

Ekspertët thonë se, për shkak të përdorimit masiv të dronëve dhe teknologjive të reja, nuk ka më një vijë të qartë fronti.

Në vend të saj ekziston një “zonë vdekjeje” – një hapësirë e rrezikshme edhe pas vijave të frontit, ku ushtarët dhe furnizimet janë vazhdimisht në shënjestër.

Në kundërsulmet e janarit dhe shkurtit, Ukraina fitoi rreth 37 km² territore, kryesisht pranë Hulljajpoljes, por Rusia arriti të rikuperojë një pjesë të tyre.

Në fillim të majit, Ukraina shënoi disa përparime të vogla në rajonin e Harkivit, pranë Kupianskut – një qytet që e kishte rimarrë në vitin 2022, e kishte humbur dhe rikthyer sërish vitin e kaluar.

Më 15 maj, Ukraina mori edhe fshatin Odradne.

Megjithatë, hera e fundit kur Ukraina rimori territore në shkallë të gjerë, ishte në fund të vitit 2022, gjatë ofensivave në Harkiv dhe Herson.

“Në realitet, iniciativat mbeten ende kryesisht në anën e rusëve, edhe pse ata po hasin në vështirësi”, thotë Paroinen.

“Muajt e ardhshëm të verës ka të ngjarë të tregojnë më qartë nëse forcat ruse janë bllokuar përfundimisht…”, shton ai.

Për pjesën më të madhe të luftës, Rusia ka avancuar me forcë brutale, duke përdorur një numër jashtëzakonisht të madh ushtarësh.

Shumë prej tyre përfundojnë në sulme të drejtpërdrejta të këmbësorisë.

Revista “The Economist” ka vlerësuar se midis 280.000 dhe 518.000 ushtarë rusë janë vrarë, ndërsa numri total i viktimave – të vrarë dhe të plagosur – varion nga 1.1 deri në 1.5 milion.

Në raportin e saj vjetor të publikuar muajin e kaluar, agjencia holandeze e inteligjencës ushtarake vlerësoi se numri i të vrarëve rusë ka kaluar 500.000, ndërsa i të vrarëve dhe të plagosurve ka arritur në 1.2 milion.

Gjithashtu në prill, ministri i mbrojtjes i Ukrainës tha se synimi është të vriten ose plagosen më shumë ushtarë rusë sesa rekrutohen aktualisht – rreth 35.000 në muaj.

“Ne po e bëjmë çdo metër të territorit ukrainas jashtëzakonisht të kushtueshëm për armikun”, tha Mykhaylo Fedorov.

Megjithatë, as Ukraina – me një popullsi rreth një të tretës së asaj të Rusisë – nuk ka kaluar më mirë.

Agjencia holandeze vlerëson se numri i të vrarëve, të plagosurve dhe të zhdukurve ukrainas është rreth 500.000 – një shifër që përputhet edhe me ato të Qendrës për Studime Strategjike dhe Ndërkombëtare në Uashington: 500.000 deri në 600.000 viktima dhe deri në 140.000 të vrarë deri në fund të vitit 2025.

Sipas zyrtarëve holandezë, “tendencat nuk janë në favor të Ukrainës”, sepse ndryshe nga Rusia, ajo nuk është në gjendje ose mezi arrin t’i zëvendësojë humbjet.

Ndërsa Kupiansku ka qenë një nga pikat më të forta për Ukrainën përgjatë vijës së kontaktit prej rreth 1.100 kilometrash, zona përreth qyteteve të Donjeckut, Kramatorsk dhe Sllovjansk – e njohur nga ukrainasit si “brezi i fortifikimeve” – ka qenë më problematike.

Zyrtarët rusë kanë bërë të qartë se marrja e këtyre dy qyteteve është prioritet, qoftë me forcë, qoftë përmes diplomacisë.

Që nga fillimi i vitit, forcat ruse janë afruar gradualisht drejt Kostjantnivkës – qytet përgjatë një linje hekurudhore rreth 30 kilometra në jug të Kramatorskut.

Paroinen thotë se Kostjantinivka ka gjasa të jetë “beteja” e kësaj vere dhe ai parashikon se Rusia mund ta marrë atë deri në fund të sezonit veror.

Megjithatë, marrja e qytetit “nuk ka gjasa të shkaktojë ndonjë kolaps lokal për ukrainasit”.

Edhe Limani, që ishte cak i një përpjekjeje të dështuar ruse në mars, mbetet në rrezik, kryesisht për shkak të njësive të lodhura ukrainase që e mbrojnë atë.

Në jugperëndim të Limanit, rreth 200 kilometra larg, trupat ruse kanë avancuar drejt Hulljajpoljes, duke lëvizur ngadalë drejt nyjës më të madhe të Orihivit.

Pamundësia e forcave ruse për të arritur një nga objektivat kryesore strategjike të Kremlinit – marrjen e plotë të rajonit të Donjeckut në Ukrainë – ka bërë që Moska të mbështetet edhe në diplomaci – si alternativë.

Përfaqësuesit rusë janë takuar disa herë me homologët e Shtëpisë së Bardhë që kur presidenti amerikan, Donald Trump, ka nisur mandatin e tij të dytë në janar të vitit të kaluar.

I dërguari kryesor amerikan, Steve Witkoff, është takuar tetë herë me presidentin rus, Vladimir Putin.

Megjithatë, përpjekjet e mbështetura nga SHBA-ja, aktualisht, janë të ngrira, nëse jo praktikisht të bllokuara, pasi administrata Trump është e fokusuar në luftën me Iranin – një konflikt që tashmë ka hyrë në muajin e tretë, me një armëpushim të brishtë dhe pa një zgjidhje të qartë në horizont.

Edhe Ukraina ka shfrytëzuar avantazhin jashtë fushëbetejës, duke përdorur dronët për të goditur rafineritë e naftës ruse, terminalet e eksportit dhe objektiva të tjera thellë brenda territorit rus.

Këto sulme duket se e kanë shqetësuar Kremlinin, i cili, madje, është detyruar ta zvogëlojë paradën vjetore të Ditës së Fitores si pasojë e situatës.

“Lufta po bëhet gjithnjë e më jopopullore në Rusi, dhe ka gjasa që Rusia të përballet me sfida në rritje për financimin e saj dhe për dërgimin e vazhdueshëm të fuqisë njerëzore”, thotë Paroinen.

“Nga ana tjetër, Ukraina po i intensifikon sulmet ndaj infrastrukturës energjetike ruse dhe logjistikës në fushëbetejë, ndërkohë që po ndërton edhe kilometra të tëra pengesash pas vijave të frontit”, përfundon ai./REL

The post Në vitin e pestë të luftës, Ukraina po rikthen territore appeared first on Albeu.com.

“Unë besoj se lufta po i afrohet fundit”, tha presidenti rus gjatë një prononcimi për gazetarët, duke iu referuar luftës në Ukrainë.

Komentet e Putinit vijnë pasi Financial Times, raportoi se liderët e European Union po përgatiten për bisedime të mundshme me Moskën.

I pyetur nëse është i gatshëm të zhvillojë dialog me europianët, Putin përmendi si figurë të preferuar ish-kancelarin gjerman Gerhard Schroeder, i njohur për marrëdhëniet e tij të afërta me Kremlinin.

Kremlini ka argumentuar se hapi i parë drejt rifillimit të kontakteve duhet të vijë nga vendet europiane, pasi sipas Moskës ato ndërprenë komunikimin me Rusinë pas nisjes së luftës në vitin 2022.

Putin deklaroi gjithashtu se është i gatshëm të takohet me presidentin ukrainas Volodymyr Zelensky, por vetëm pasi të arrihet një marrëveshje e qëndrueshme paqeje.

Presidenti rus foli edhe për propozimin e shpallur nga Donald Trump, lidhur me një shkëmbim të madh të të burgosurve mes Rusisë dhe Ukrainës.

Sipas Putinit, Moska ende nuk ka marrë një përgjigje zyrtare nga pala ukrainase.

“Pala ukrainase duhet t’i përgjigjet propozimit të bërë nga presidenti i Shteteve të Bashkuara. Fatkeqësisht, deri më sot nuk kemi marrë asnjë propozim”, shprehet ai.

The post Lajm i mirë! Vladimir Putin “sheh” fundin e luftës në Ukrainë, ja kur do të takohem me Zelenskyn appeared first on Albeu.com.

Lajmi është konfirmuar nga zyrtarët ukrainas, të cilët raportojnë viktima në pesë rajone të ndryshme të vendit. Sipas autoriteteve, nga sulmet u vranë 3 persona në rajonin e Khersonit, 2 në Odesa, 2 në Donetsk, 2 në Zaporizhzhia dhe 1 në Sumy.

Forcat ajrore ukrainase bëjnë të ditur se Rusia lëshoi 269 dronë gjatë natës, nga të cilët 249 u rrëzuan ose u bllokuan. Megjithatë, u regjistruan 19 goditje direkte dhe një sulm me raketë balistike në 15 zona të ndryshme.

Nga ana tjetër, presidenti ukrainas Volodymyr Zelensky deklaroi se Ukraina ka goditur disa objektiva strategjikë rusë në kundërsulm. Sipas tij, janë sulmuar 3 anije cisternë nafte, një anije luftarake me raketa dhe një anije patrullimi

Sulmet kanë ndodhur në dy porte ruse, përfshirë terminalin e Primorskit në Detin Baltik dhe portin e Novorossiyskut në Detin e Zi. Zelensky theksoi se cisternat e naftës ishin pjesë e “flotës hije” që Rusia përdor për të shmangur sanksionet ndërkombëtare.

Autoritetet ruse konfirmuan se Ukraina ka lëshuar mbi 300 dronë, duke shënjestruar veçanërisht rajonin e Leningradit. Megjithatë, Moska ka minimizuar ndikimin e sulmeve. Ndërkohë, Kremlini ka njoftuar se do të kufizojë ceremoninë e përvitshme të 9 Majit për shkak të asaj që e cilëson si “kërcënim terrorist” nga Ukraina.

Sulmet e fundit tregojnë një përshkallëzim të mëtejshëm të konfliktit, me Ukrainën që po rrit goditjet në thellësi të territorit rus, ndërsa Rusia vijon bombardimet ndaj qyteteve ukrainase. Kievi thotë se po godet objektiva ushtarake, ndërsa akuzon Moskën për sulme ndaj civilëve.

The post Lufta në Ukrainë, të paktën 10 viktima dhe dhjetëra të plagosur nga sulmet ajrore, Zelensky: Po godasim cisternat e naftës ruse appeared first on Albeu.com.

Kështu, ai konfirmoi supozimet se kjo është një praktikë në front.

“Ata janë heronj sepse zgjodhën pa hezitim të hidhnin veten në erë për të mbrojtur një nder të madh”, tha udhëheqësi i Koresë së Veriut në një fjalim këtë javë.

Koreja e Jugut vlerëson se të paktën 15,000 trupa të Koresë së Veriut janë dërguar për të ndihmuar Rusinë të mbrojë pjesë të rajonit kufitar Kursk të Rusisë dhe se më shumë se 6,000 kanë vdekur deri më tani.

As Pheniani dhe as Moska nuk i kanë konfirmuar këto pretendime.

Agjencitë e inteligjencës dhe dezertorët pretendojnë se Pheniani ka urdhëruar ushtarët të kryejnë vetëvrasje nëse përballen me kapjen.

“Për vetëmohimin e tyre, ata nuk prisnin kompensim, as shpërblim për përkushtimin e tyre… Ky është një tregues se sa e madhe është besnikëria e ushtrisë sonë”, tha Kim në Phenian gjatë zbulimit të një monumenti për ushtarët e rënë, raportoi media shtetërore KCNA.

Në këtë aktivitet morën pjesë Ministri rus i Mbrojtjes Andrey Belusov dhe Kryetari i Dumës (Parlamenti rus) Vyacheslav Volodin.

Të kapesh peng konsiderohet akt tradhtie në Korenë e Veriut.

Transmetuesi i Koresë së Veriut MBC shfaqi dy të burgosur lufte të Koresë së Veriut në Ukrainë në fillim të këtij viti , njëri prej të cilëve tha se ishte penduar që nuk i mori jetën vetes.

“Të gjithë të tjerët e hodhën veten në erë. Unë nuk ia dola”, tha ai.

Agjencia shtetërore e inteligjencës e Koresë së Jugut njoftoi vitin e kaluar se kishte gjetur dokumente që tregonin për këto lëvizje ekstreme në posedim të ushtarëve të vdekur të Koresë së Veriut.
Kim gjithashtu vlerësoi ata që vdiqën në luftime.

“Ata që ranë në vijën e parë të sulmit dhe ata që u përpëlitën nga frustrimi për dështimin në përmbushjen e detyrës së tyre ushtarake, jo nga dhimbja e trupave të tyre të shqyer nga plumbat dhe predhat, edhe ata mund të quhen luftëtarë besnikë të partisë dhe patriotë”, tha Kim.

The post Akti ekstrem i ushtarëve të Phenianit në Ukrainë, Kim Jong Un: Ata që hodhën veten në erë për t’i shpëtuar kapjes janë heronj appeared first on Albeu.com.

Mediat e huaja shkruajnë se, presidenti ukrainas, i cili mbërriti në Qipro të enjten në mbrëmje për të bërë thirrje edhe një herë për integrim të plotë, do të duhet të armatoset me durim. Ndërkohë, udhëheqësit evropianë nuk duan ta braktisin Ukrainën dhe po kërkojnë mënyra për të lehtësuar pranimin e saj, pa vënë në pikëpyetje rregullat e pranimit.

“Është e qartë për të gjithë se anëtarësimi i menjëhershëm i Ukrainës në BE nuk është aspak i mundur”, tha kancelari gjerman Friedrich Merz në komentet pas samitit informal të udhëheqësve në Nikozia.

“Pranimi i një vendi është një proces i gjatë dhe shumë i vështirë, por ne nuk mund të përpiqemi të vendosim afate kohore artificiale, duke thënë se do të ndodhë brenda tre muajsh ose dhjetë vjetësh”, theksoi Antonio Costa, presidenti i Këshillit Evropian.

Me fjalë të tjera, Brukseli nuk po diskuton mundësinë e dhënies së trajtimit të privilegjuar ose të tërheqjes nga rregullat e rrepta të pranimit. Udhëheqësit evropianë, duke mos dashur të akuzohen për favorizim nga vendet e tjera kandidate, këmbëngulin që secila prej tyre ta meritojë pranimin e saj në bazë të meritave të veta.

Ukrainës iu dha statusi i kandidatit në dhjetor 2023. Pavarësisht presionit nga Zelensky, Hungaria e Viktor Orbanit, e cila ka marrëdhënie të tensionuara me Kievin, deri më tani ka refuzuar të hapë zyrtarisht negociatat e pranimit, kapitull pas kapitulli, duke bllokuar kështu procesin. Ukraina shpreson që humbja e Orbanit në zgjedhjet parlamentare më 12 prill do ta ndryshojë situatën.

Megjithatë, fituesi i këtyre zgjedhjeve, Peter Maior, tashmë e ka përjashtuar miratimin e pranimit të një vendi në gjendje lufte në BE. Ai, megjithatë, mund të miratojë hapjen e negociatave të para zyrtare. Ukraina, me ndihmën e Komisionit Evropian, tashmë ka kryer disa nga reformat e kërkuara prej saj, pa pritur fillimin zyrtar të negociatave, duke shpresuar se kjo do ta shkurtojë procesin.

The post Udhëheqësit evropianë përjashtojnë mundësinë e anëtarësimit të shpejtë të Ukrainës në BE appeared first on Albeu.com.