Ukrainasit realizuan në minutën e 17-të, por goli u anulua nga VAR. Raste pati edhe skuadra kuqezi, por pa mundur të konkretizojë.

The post Ukrainë-Shqipëri/ Kuqezinjtë tentojnë me Brojën, mbyllet pjesa e parë pa gola appeared first on Albeu.com.

Kuqezinjtë janë zhevndosur nga Varshava në Valencia, aty ku do të përballen me Ukrainën në një nga ndeshjet më dëshpëruese, duke qenë se janë dy skuadra që janë eliminuar dhe i kanë dhënë fund ëndrrës për të marrë pjesë në Kupën e Botës.

Sfida e sotme do të nisë në orën 20:45 dhe do të zhvillohet në stadiumin “Estadi Ciutat de Valencia”, aty ku të dyja skuadrave kjo sfidë iu shërben vetëm për të lënë pas humbjen e pak ditëve më parë dhe ndoshta, për t’i dhënë më shumë hapësirë lojtarëve të grumbulluar të cilët nuk patën minuta në sfidat e para.

PËRBALLJET– Shqipëria nuk ka një ecuri pozitive kundër Ukrainës, duke qenë se është një nga skuadrat, që ka marrë më shumë fitore ndaj Shqipërisë në përballjet direlte. Dy skuadrat janë përballur në total 8 herë, ku Shqipëria ka arritur të fitojë vetëm 1 ndeshje ndërkohë që një tjetër është mbyllur në barazim. Nga ana tjetër, Ukraina numëron plot 6 fitore kundër Shqipërisë. Sfida e parë direkte mes dy skuadrave, është zhvilluar në vitin 1997, aty ku ukrainasit kanë fituar me rezultatin 0-1 në “Qemal Stafa” ndërkohë që humbja më e thellë për Shqipërinë, është në qershorin e 2018 me rezultatin 1-4. Kuqezinjtë kanë fituar vetëm një herë në Ligën e Kombeve të edicionit të shkuar, aty ku arritën të fitonin me rezultatin 1-2 dhe ishte pikërisht sezoni, kur Shqipëria ra në Ligën C.

TRAJNERI- Për Shqipërinë, kjo mund të jetë ndeshja e fundit me trajnerin Silvinjo në krye të pankinës. Eliminimi nga Kupa e Botës, ka sjellë edhe përfundimin e kontratës së Silvinjios, e cila tashmë është vetëmm cështje kohe duke qenë se do të përundojë në fundin e muajit korrik, atëherë kur edhe ishte planifikuar që të mbyllej rrugëtimi i Botërorit. I pyetur shpesh herë për të ardhemn e tij, Silvinjo është shprehur se do të respektojë kontratën deri në fund e më pas do të vendoset për të ardhmen e tij. nëse palët bien dakord për të mos vazhduar më së bashku, atëherë kjo mund të jetë ndeshja e fundit e Silvinjos për t’i dhënë kohë dhe hapësirë trajnerit të ri që të njohë skuadrë që do të drejtojë në Ligën e Kombeve.

The post Shqipëria rikthehet në fushë, miqësorja ndaj Ukrainës mund të jetë e fundit për trajnerin Silvinjo appeared first on Albeu.com.

Kuqezinjtë rikthehen sot në fushë, pas paraqitjeve në grupet e Euro 2024 të mbajtur në Gjermani këtë verë.

Edicioni 2024/25, kombëtarja jonë do e startojë me një ndeshje në udhëtim ndaj Ukrainës.

Ky takim i vlefshëm për Grupin 1 të Ligës B në Ligën e Kombeve, pritet të zhvillohet në stadiumin “epet ARENA” në Pragë të Çekisë.

Kombëtarja kuqezi, është gati për këtë duel dhe synon ta nis sa më pozitivisht edicionin e ri të kësaj gare.

Sa i përket titullarëve të ndeshjes, të gjithë ata që kujtojnë ato inkursione të Arbër Hoxhës në minutat që mori në Europian, mesa duket do të presin akoma për ta parë me një fanellë titullari.

Kështu të paktën la të kuptohet trajneri në konferencën për shtyp, megjithëse ka treguar se befasitë i ka aplikuar edhe më përpara.

Por, me shumë mundësi pritet që Nedim Bajramin ta përdorë në krah të majtë, ashtu si me Kroacinë dhe Spanjën, ndërkohë në mesfushë në vendin e tij do të jetë Qazim Laçi, për të formuar një bosht të fortë dhe fizik, që do t’i bëjë ballë ukrainasve.

Me Nedim Bajramin, përpara pritet të jetë edhe Rei Manaj me Jasir Asanin që do të kompletonin sulmin.

Sakaq, me Laçin në mesfushë do të jetë edhe Ylber Ramadani dhe Kristjan Asllani.

Sa i përket mbrojtjes, dihet tashmë që Silvinjo nuk ka dy titullarët e Europianit, me Ajetin dhe Gjimshitin të padisponueshëm, do të jetë Marash Kumbulla dhe Ardian Ismajli, që do ta nisin me shumë mundësi nga minuta e parë.

Të dy qendrat janë aktivizuar me klubet e tyre dhe Silvinjo i mendon si të duhurit kundër Ukrainës. Në krahun e majtë nuk ka dilema, pasi do të jetë Mario Mitaj titullar, ndërsa në të djathtë, trajneri ka provuar Elseid Hysajn, edhe pse mosdalja e tij në konferencën për shtyp si kapiten ngre dyshime.

Gjithsesi, mund të jetë edhe një mënyrë për ta mbrojtur mbrojtësin, pasi nuk po kalon një situatë të mirë te Lacio dhe ndoshta nuk ishte momenti për të folur me mediat.

Është në balotazh me Balliun për krahun e djathtë.

Ndërkohë, porta do t’i besohet sërish Tomas Strakoshës. Më tej, alternativa janë: Mihaj, Bajrami, Hadroj, Abrashi, Berisha, Uzuni, Hoxha, Zeka, Spahiu dhe Seferi.

The post Sonte Ukrainë-Shqipëri, Silvinjo e ka caktuar formacionin kuqezi appeared first on Albeu.com.