Ukraina do të duhet të respektojë rregullat strikte si çdo aplikant, tha ministri francez i deleguar për Evropën Clément Beaune, përpara samitit të BE në Bruksel, në të cilin liderët do të diskutojnë kandidaturën e Ukrainës, bën me dije CNN.

“Nuk ka asnjë procedurë të përshpejtuar, nuk ka një “hyrje VIP”, tha ai në një intervistë me radion franceze Europe 1, duke përdorur një term për trajtim preferencial.

“Duhet të mbarojnë fillimisht luftën, të rindërtojnë vendin, të plotësojnë të gjitha kërkesat demokratike dhe ekonomike. Kjo do të marrë kohë. Por ne po japim këtë sinjale pranimi”, shtoi Beaune.

Udhëheqësit e BE-së do të mblidhen të enjten dhe të premten për të diskutuar nëse do t’i japin apo jo statusin e kandidaturës në BE Ukrainës, Moldavisë dhe Gjeorgjisë. Komisioni Evropian javën e kaluar mbështeti kandidaturën e Ukrainës.

The post Ministri francez: Nuk do të ketë “hyrje VIP” për Ukrainën në BE appeared first on Albeu.com.

Duke folur në Radio J në Paris, Clement Beaune tha: “Duhet të jemi të sinqertë. Nëse thoni se Ukraina do të bashkohet me BE-në pas gjashtë muajsh, ose një ose dy vitesh, ju gënjeni.
“Kjo është ndoshta pas 15 ose 20 vjetësh, do shumë kohë.”

Komentet e tij hodhën ujë të ftohtë mbi shpresat e Volodymyr Zelensky për hyrje të përshpejtuar në bllok në vazhdën e pushtimit të Rusisë, shkruan BBC.

Beaune përsëriti ofertën e presidentit francez Emmanuel Macron për të krijuar një “komunitet politik evropian” më të lirë që mund të ndihmojë në integrimin e Ukrainës më shpejt, duke shtuar: “Unë nuk dua t’u ofroj ukrainasve asnjë iluzion apo gënjeshtër”.

Zelensky ka hedhur poshtë ato që ai i quajti “kompromise të tilla” dhe këmbënguli për një fillim të menjëhershëm të procesit drejt anëtarësimit të plotë në BE.

Beaune tha se propozimi i Macron nuk është “një alternativë ndaj bashkimit me komunitetin politik evropian”, duke theksuar: “Nuk e pengon anëtarësimin më vonë”.

Aspiratat e Ukrainës për t’u bashkuar me BE-në dhe NATO-n shihen si arsyeja kryesore që presidenti rus Vladimir Putin filloi pushtimin e tij.

Nisma e komunitetit politik evropian të Macron do të debatohet në një samit të BE-së në qershor.

The post Shuhen shpresat për Ukrainën, anëtarësimi në BE mund të zgjasë 15-20 vjet appeared first on Albeu.com.

Në ditën e dytë të samitit të liderëve të BE-së që po mbahet në Versajë të Francës, liderët e BE-së nuk e vendosën Kievin në një rrugë të shpejtë drejt anëtarësimit në BE, ashtu siç kërkoi presidenti ukrainas, Volodymyr Zelensky.

Të premten, presidenti francez Emmanuel Macron tha se përgjigjja e Bashkimit Evropian ndaj ofertës së Ukrainës për anëtarësim të shpejtë në bllok është “jo”.

“Unë mund ta kuptoj reagimin emocional dhe pritjet që janë atje”, tha Macron.

“A mund të kemi masa të jashtëzakonshme për një vend që është në luftë pa respektuar kriteret [për pranimin]? Përgjigja është jo”, deklaroi Macron.

Përmes një deklarate të përbashkët, më herët liderët evropian “vlerësuan aspiratat evropiane dhe zgjedhjen evropiane të Ukrainës” dhe vunë në pah se aplikimi i saj për anëtarësim ishte dërguar “me shpejtësi” në Komisionin Evropian për “opinion” – faza fillestare e një procesi të gjatë drejt shpalljes së vendit kandidat dhe fillimit të bisedimeve për anëtarësim.

Më 28 shkurt 2022, presidenti ukrainas, Volodymyr Zelensky, nënshkroi zyrtarisht një kërkesë për anëtarësim në BE.

Ditë më parë ai tha se pushtimi rus ishte “një moment vendimtar për të mbyllur një herë e përgjithmonë diskutimin e gjatë dhe për të vendosur për anëtarësimin e Ukrainës”.

Kërkesa për anëtarësim në BE, ndodhi pak ditë pasi Rusia nisi një pushtim të plotë të Ukrainës, më 24 shkurt.

Para pushtimit rus, Zelensky kishte shprehur shprehimisht dëshirën që Ukraina të anëtarësohej në BE.

Anëtarësimi shteteve në BE është një proces tejet i gjatë dhe që kërkon përmbushjen e shumë kushteve dhe kritereve teknike të projektuara për të siguruar që anëtarët e rinj potencialë të përmbushin standardet ligjore dhe ekonomike të cilat janë thelbësore për funksionimin e BE-së./REL

The post BE-ja nuk i premton anëtarësim të shpejtë Ukrainës appeared first on Albeu.com.