Ai tha se dy persona humbën jetën dhe 22 u plagosën, ndërsa tetë blloqe banimi dhe tetë automjete u shkatërruan. Video të postuara në internet shfaqnin zona rreth qendrës tregtare në flakë dhe tym.

“Zjarrfikësit po shuajnë zjarrin pasi ekziston mundësia që ende të ketë njerëz brenda qendrës tregtare”, tha Filashkin për televizionin ukrainas.

“Okupuesi e hodhi bombën në një kohë kur Dobropillia ishte plot me njerëz. Shumë ishin duke bërë pazar. Okupuesi e shënjestroi qëllimisht qendrën tregtare. Të gjitha qendrat tregtare përreth janë shkatërruar ose dëmtuar”, shtoi ai.

Shërbimet kombëtare të emergjencës së Ukrainës deklaruan se numri i të plagosurve ishte 27. Filashkin më herët kishte thënë se rreth 30 stenda tregtare ishin dëmtuar. Presidenti i Ukrainës, Volodymyr Zelensky, duke folur në fjalimin e tij të përnatshëm me video, e përshkroi sulmin si “thjesht terror i tmerrshëm dhe idiot nga Rusia. Nuk ka logjikë ushtarake në këto sulme, vetëm përpjekje për të marrë sa më shumë jetë njerëzish”.

Dobropillia ndodhet në veriperëndim të Pokrovskut, një pikë kyçe e avancimit të ngadaltë rus drejt perëndimit të rajonit të Donjeckut prej muajsh. Një sulm me raketa, raketahedhës dhe dronë në Dobropillia në mars kishte vrarë 11 persona, përfshirë pesë fëmijë./ REL

The post Sulmet ruse në Ukrainë, vriten dy persona dhe plagosen 27 të tjerë appeared first on Albeu.com.

Ministria e Mbrojtjes Ruse, njësitë e Divizionit të 90-të të Blinduar të Ushtrisë Ruse arritën në kufirin e rajonit të Dnipropetrovskit me rajonin e Donetskut, pjesë të mëdha të të cilit janë tashmë nën pushtimin rus. Më pas, ato vazhduan lëvizjen e tyre brenda kufijve të Dnipropetrovskit, pohoi Ministria e Mbrojtjes.

Shkalla e përparimit është e paqartë, ashtu si edhe ambiciet e Moskës për ofensivën. Forcat ruse kanë bërë gjithashtu përparime graduale në rajonin verior të Sumy në javët e fundit, si dhe pranë portit në Donetsk.

Përparimi rus do të ushtronte gjithashtu presion të mëtejshëm mbi njësitë ukrainase që mbrojnë Pokrovskun, një qytet kyç që ka qenë nën sulmin rus për muaj të tërë. Shtabi i Përgjithshëm i Ukrainës tha të dielën në mëngjes se trupat e saj kishin ndaluar 65 veprime “agresive” ruse në drejtim të Pokrovskut.

Një vlerësim nga Instituti për Studimin e Luftës (ISW) i fushatës ofensive të Rusisë zbuloi se forcat ruse vazhduan operacionet e tyre ofensive në drejtim të Pokrovskut të shtunën, por nuk përparuan.

Dnipropetrovsk kufizohet me tre rajone të pushtuara pjesërisht nga Rusia – Donetsk, Kherson dhe Zaporizhia. Një nga qëllimet e deklaruara të Rusisë është të pushtojë të tre rajonet, ndërsa përpiqet të spastrojë forcat ukrainase në rajonin e Luhanskut.

Dnipropetrovsk është rajoni më pak i populluar dhe më rural nga këto katër rajone (i njohur si Donbas) dhe është më i vështiri për t’u mbrojtur. Është një qendër e madhe minierash dhe furnizimesh dhe kishte një popullsi të vlerësuar prej tre milionë banorësh para se të fillonte lufta.

Pretendimi i Rusisë vjen disa ditë pasi forcat e saj përparuan më tej në rajonin verior të Sumy-t. Ndërsa pushtimi i kryeqytetit rajonal, i quajtur edhe Sumy, ka të ngjarë të jetë përtej qëllimit të Moskës, ky veprim nënvizon presionin që ndodhet Kievi, nga kufiri i tij verior deri në Detin e Zi.

The post Rusia po përparon edhe në Ukrainën qendrore appeared first on Albeu.com.

“Pajisje janë dëmtuar në ndërtesat e energjisë në rajonet e Vinitsjas, Dnipropetrovskit, Donjeckut dhe Harkivit”, tha Ukrenerho.

Kjo kompani tha se gjatë sulmeve në një ndërtesë energjetike janë plagosur tre punonjës.

Sipas REL, forcat Ajrore të Ukrainës raportuan se Rusia sulmoi Ukrainën më 20 qershor me nëntë raketa dhe 27 dronë.

Ushtria ukrainase tha se ka rrëzuar të gjithë dronët dh pesë raketa.

Që kur Rusia nisi pushtimin e paprovokuar të Ukrainës në shkurt të vitit 2022, forcat e Moskës vazhdimisht shënjestrojnë rajonet ukrainase me lloje të ndryshme të armëve dhe po ashtu sulmojnë ndërtesa të energjisë dhe infrastrukturën civile. Pavarësisht dëshmive, Moska mohon se sulmon civilët në Ukrainë.

The post Sulmet ruse shkaktojnë dëme në infrastrukturën e energjisë në Ukrainë appeared first on Albeu.com.

“Samiti Ukrainë-BE do të mbahet në Kiev më 3 shkurt”, tha kryeministri ukrainas, Denys Shmygal, gjatë takimit të Qeverisë të martën. Ai tha se kjo ngjarje është “jashtëzakonisht e rëndësishme” për synimin e Kievit që të anëtarësohet në bllokun evropian.

“Fakti që ky samit do të mbahet në Kiev është një sinjal i fuqishëm edhe për partnerët, edhe për armiqtë”, theksoi Shmygal.

Bashkimi Evropian ende nuk ka dhënë detaje se kush do të marrë pjesë në këtë samit. Kryeministri ukrainas tha se edhe një ngjarje kyçe do të zhvillohet të enjten, kur konsultimet midis Qeverisë së Ukrainës dhe Komisionit Evropian do të mbahet “për herë të parë në historinë tonë”.

Ukraina ka marrë statusin e vendit kandidat për në BE qershorin e vitit të kaluar. Shtetet e BE-së e kanë mbështetur me vendosmëri Ukrainë që kur Moska nisi pushtimin në shkurt, duke goditur Rusinë me një valë ndëshkimesh ekonomike dhe duke i dërguar armë Kievit.

The post Samiti BE-Ukrainë do të mbahet në Kiev gjatë kësaj jave appeared first on Albeu.com.

Lista e fundit e sanksioneve përfshin Komisionin Qendror të Zgjedhjeve të Rusisë, të cilin Uashingtoni e akuzoi se ka ndihmuar për të mbikëqyrur dhe monitoruar referendume të rreme të mbajtura në zonat e kontrolluara nga Rusia të Ukrainës.

Departamenti amerikan i thesarit ndërmori gjithashtu masa kundër katër personave që i akuzoi se ishin të përfshirë drejtpërdrejt në operacionet e filtrimit të Rusisë.

Departamenti Amerikan i Shtetit sanksionoi gjithashtu dy shtetas rusë për shkelje të dyshuar të të drejtave të njeriut kundër civilëve ukrainas.

Ndërkohë, Shtëpia e Bardhë tha se presidenti Joe Biden ka autorizuar 275 milionë dollarë ndihmë ushtarake për Ukrainën.

The post SHBA vendos sërish sanksione ndaj Rusisë, njofton paketën e re të ndihmës ushtarake për Ukrainën appeared first on Albeu.com.

“Po, ne e bëjmë këtë. Por kush e filloi atë?” tha presidenti rus në një ceremoni çmimesh në Kremlin.

Sipas BBC, Putin tha se kritikat ndaj sulmeve ruse “nuk do të ndërhynin në misionet tona luftarake”. Moska ka goditur rrjetin elektrik të Ukrainës që nga 10 tetori, pas një vargu humbjesh të rënda ushtarake.

Disa liderë perëndimorë e kanë quajtur strategjinë një krim lufte, për shkak të sasisë së madhe të dëmit të shkaktuar në infrastrukturën civile. Por presidenti Putin tha se kritikat në rritje globale nuk do t’i ndalin sulmet.

“Ka shumë zhurmë për goditjet tona në infrastrukturën energjetike të një vendi fqinj. Po, ne e bëjmë këtë. Por kush e filloi atë?” tha ai për marrësit e çmimeve shtetërore, përfshirë medaljen “Hero i Rusisë”.

The post Putin zotohet të vazhdojë të godasë rrjetin elektrik të Ukrainës appeared first on Albeu.com.

“Sot është një ditë historike. Ne po e kthejmë Khersonin”, ka shkruar ai në Telegram, përcjell Telegrafi.

Njësitë speciale ukrainase janë tashmë brenda qytetit dhe më shumë trupa janë në rrugën e tyre, ka bërë të ditur ai.

“Ukraina e kthen gjithmonë të sajën”, tha ai, duke lavdëruar civilët që “kurrë nuk u dorëzuan”.

Ai shtoi se civilët tashmë po hiqnin simbolet ruse nga rrugët dhe ndërtesat e qytetit. Zelenskyy, së bashku me shumë zyrtarë të tjerë ukrainas, kishin shprehur më parë dyshime nëse Rusia po tërhiqej vërtet nga zona.

Megjithatë, ushtarët rusë u panë sot duke ikur nga qyteti dhe flamujt ukrainas u ngritën mbi ndërtesat qeveritare.

Në orët e para të së premtes, u bë tërheqja e plotë e trupave ruse nga bregu perëndimor i lumit Dnipro në Kherson. Ndërkohë festa veçse ka filluar në qytetin Kherson, nga ku banorët mirëpritën me brohoritje trupat e para ukrainase./albeu.com

The post “Ditë historike”, Zelensky konfirmon se Khersoni po i rikthehet Ukrainës appeared first on Albeu.com.

“Me granatimet e ditës së hënë, (presidenti rus, Vladimir) Putini dëshiron të na frikësojë duke bombarduar kapacitetet energjetike për të na lënë në errësirë, pa ngrohje dhe energji elektrike. Por ne nuk dorëzohemi, nuk frikësohemi. Do të qëndrojmë dhe do t’ia dalim. Ata janë terroristë”, ka thënë Oleksandar Urbanoviç, kryetar i Shoqatës së ukrainasve në Maqedoninë e Veriut.

Maqedonia e Veriut ka dënuar sulmet ruse të 10 tetorit ndaj objektivave civile në disa qytete të Ukrainës, përfshirë kryeqytetin, Kievin. Ministri i Punëve të Jashtme, Bujar Osmani, tha më 10 tetor se sulmet ruse janë të papranueshme dhe se autorët e tyre duhet të nxirren para drejtësisë.

“Republika e Maqedonisë së Veriut dënon fuqishëm veprime të tilla të papranueshme të kryera nga Rusia, të cilat rezultuan me viktima të pafajshme njerëzore. Autorët e sulmeve duhet të sillen para drejtësisë dhe të mbahen përgjegjës për krimet e luftës të kryera”, ka deklaruar Osmani.

Ai tha se Maqedonia e Veriut mbështet fuqishëm sovranitetin dhe integritetin territorial të Ukrainës ndërsa bëri thirrje për ndërprerjen e menjëhershme të luftimeve dhe largimin e forcave ruse nga territori ukrainas.

“Ne rikonfirmojmë edhe një herë solidaritetin tonë me popullin ukrainas, si dhe mbështetjen tonë të vendosur për sovranitetin dhe integritetin territorial të Ukrainës, duke bërë një thirrje tjetër për ndërprerjen e menjëhershme të të gjitha armiqësive dhe tërheqjen e forcave ushtarake ruse nga vendi”, tha ministri Osmani.

Që në ditët e para të agresionit rus, Maqedonia e Veriut i ka dhënë mbështetje Qeverisë në Kiev, duke respektuar sovranitetin dhe integritetin territorial të Ukrainës, ndërsa ka mbështetur të gjitha vendimet për sanksione ndaj Rusisë.

Rusia e ka vendosur Maqedoninë e Veriut në “grupin e shteteve jomiqësore”. Zyrtarët maqedonas në disa raste kanë akuzuar Moskën për ndërhyrje në punët e brendshme dhe për veprimtari spiunazhi, andaj në dy vjetët e fundit kanë dëbuar 11 diplomatë rusë.

Lufta në Ukrainë ka nisur më 24 shkurt. Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

The post Bombardimet në Ukrainë, nisin protesta para Ambasadës së Rusisë në Shkup appeared first on Albeu.com.

Masa vjen pas rrjedhjeve të mëdha në tubacionet e gazit Nord Stream në Detin Baltik, të cilat mendohet gjerësisht se janë rezultat i sabotimit.

Norvegjia ka forcuar ndjeshëm sigurinë rreth instalimeve të naftës dhe gazit si përgjigje.

Anijet ruse tani do të lejohen të vizitojnë vetëm tre porte dhe duhet t’i nënshtrohen kontrolleve të sigurisë kur ta bëjnë këtë, tha ministri i jashtëm norvegjez Anniken Huitfeldt./albeu.com

The post Norvegjia do të kufizojë hyrjen e anijeve ruse në porte appeared first on Albeu.com.

Ambasada e Irlandës në Ukrainë ka rifilluar funksionimin e saj në Kiev, pas shkëputjes që nga pushtimi i Ukrainës, ndonëse ka funksionuar në distancë, ka thënë departamenti i Punëve të Jashtme në një njoftim për shtyp.

Vendet e huaja kanë rihapur gradualisht ambasadat e tyre në kryeqytetin ukrainas pasi mbyllën dyert e tyre pas pushtimit rus të Ukrainës më 24 shkurt. Shtetet e Bashkuara rihapën ambasadën e tyre në qytet më 18 maj./albeu.com

The post Pushtimi i Ukrainës, Irlanda rihap ambasadën në Kiev appeared first on Albeu.com.