Yevheniia Serheieva jetonte dikur në Buça, një qytet pranë Kievit. Vetëm 4 ditë përpara se të niste lufta ajo me bashkëshortin dhe vajzën 5-vjeçare udhëtuan për pushime në Budapest, të Hungarisë. Pak ditë më pas mësoi se forcat ruse i kishin bombarduar apartamentin ku ajo jetonte.

“Shëtitëm rreth Budapestit për katër ditë, pastaj jeta u duk sikur ndali. Vendosëm të qëndrojmë dhe punova si vullnetare në Budapest. Më pas u transferuam këtu, në Sofje për t’u bashkuar me disa miq tanët”, tregon ajo për Zërin e Amerikës.

Aktualisht zonja Serheieva punon si vullnetare për organizatën “Nënë Ukrainë” në Sofje. Olena Koceva, drejtuese e organizatës thotë se shumica e refugjatëve që kanë mbërritur në Bullgari janë nga rajonet e pushtuara të Ukrainës dhe nuk kanë asgjë me vete.

“Shumë njerëz vijnë nga Mariupoli, Melitopoli dhe Berdyansk. Njerëzit i largohen luftës mes një udhëtimi të mundimshëm e të gjatë”.

Në muajin mars, qeveria bullgare strehoi në hotele ukrainasit e zhvendosur përkohësisht, duke u ofruar qasje në shërbimin shëndetësor arsim e shërbime sociale.

Sociologu Ognyan Minchev thotë se pavarësisht nga disa ndjenja pro-ruse në Bullgari, shumica e njerëzve iu përgjigjën nevojave të refugjatëve ukrainas.

“Shumica e refugjatëve janë gra e fëmijë. Një njeri normal nuk mund të jesh armiqësor ndaj grave dhe fëmijëve.

Shumë bullgarë mbështesin financiarisht organizatën “Nënë Ukrainë”.

“U jam mirënjohëse bullgarëve. Njerëz të thjeshtë apo kompani na dhurojnë ushqime e para. Kemi dërguar tashmë mbi 50 tonë ndihma humanitare në Ukrainë, shumica e të cilave janë dhuruar nga bullgarët”, thotë Olena Koceva, drejtuese e Organizatës “Nënë Ukrainë”.

Por zonja Koceva thotë se volumi i ndihmës ka rënë gradualisht me kalimin e kohës.

“Ka më pak ndihma, njerëzit tashmë duket se janë lodhur nga lufta”, thotë Yevheniia Serheieva, refugjate ukrainase.

Në fund të shtatorit, 136 mijë ukrainas përfituan nga statusi për mbrojtje të përkohshme, dhe rreth 57 mijë prej tyre vazhdojnë të qëndrojnë në Bullgari, sipas të dhënave të agjencisë së OKB-së për refugjatët (UNHCR). Shumë prej tyre janë strehuar në hotele, si pjesë e një programi të financuar nga qeveria bullgare dhe Bashkimi Evropian që do të zgjasë deri në fund të tetorit./VOA

The post Bullgarët ndihmojnë refugjatët ukrainas: Nuk mund të jemi armiq me ta appeared first on Albeu.com.

Takimet u zhvilluan në spitalin ushtarak Mandryka të Moskës. Putin shtrëngoi duart me ushtarët dhe pyeti një prej tyre për djalin e tij të vogël, duke i thënë: “Ai do të jetë krenar për babanë e tij”.

“Këta janë njerëz që po rrezikojnë shëndetin dhe jetën e tyre për hir të njerëzve dhe fëmijëve të Donbasit, për hir të Rusisë. Ata janë të gjithë heronj,” u tha ai zyrtarëve pas takimit me të plagosurit.

The post I veshur si mjek, Putin takon në spital ushtarët e plagosur appeared first on Albeu.com.

Nga ana tjetër zyrtarët rusë kanë njoftuar se ushtria e Kremlinit ka sulmuar me raketa një depo armësh të dërguara nga SHBA dhe Evropa për ukrainasit në Lviv, shkruan la Republica.

Më herët presidenti ukrainas Volodymyr Zelesnky ka dorëzuar formularin për për marrjen e statusit të vendit kandidat për tu anëtarësuar në BE.

The post Rrëmbehet nga ushtria ruse ish-kryebashkiaku ukrainas appeared first on Albeu.com.