Ujkani Archives - Albeu.com

“Çdo fund sjell një fillim të ri dhe fillimi im i ri, po nis tani”, Ujkani merr postin e rëndësishëm në përfaqësuesja e Kosovës

prak tike — Thu, 02 Nov 2023 12:58:03 +0000

Data 1 nëntor ishte dita kur portieri i Kombëtares së Kosovës Samir Ujkani, e la futbollin aktiv, duke e mbyllur karrierën e tij në moshën 35-vjeçare.

Përmes një postimi në rrjete sociale, Ujkani njoftoi vendimin që kishte marrë, e po ashtu shprehu emocionet dhe përjetimet e tij gjatë gjithë karrierës, duke falënderuar klubet në të cilat ka luajtur dhe të gjithë bashkëpunëtorët e tij.

Por në fund të letrës përshëndetëse ai shkroi: “çdo fund, sjellë një fillim të ri dhe fillimi im i ri, po nis tani”.

Dhe Samir Ujkani nuk kishte pse të pres gjatë për “fillimin e ri”. Pas karrierës së suksesshme në skuadra të ndryshme në Evropë e po ashtu eksperiencës dhe suksesit në Kombëtaren e Kosovës, Ujkani është ftuar t’i bashkohet Kombëtares, por me përgjegjësi të reja.

Presidenti i FFK-së Ademi priti në zyrën e tij Ujkanin dhe e falënderoi për kontributin e tij të jashtëzakonshëm në fanellën dardane dhe njëkohësisht për ta mirëpritur në postin e ri si zëvendësdrejtor i Kombëtares së Kosovës.

I pari i FFK-së i uroi shumë suksese në detyrën e re dhe shprehu mirënjohjen e tij për kontributin e tij.

Tutje, presidenti Ademi kërkoi nga ish-portieri i Kosovës angazhim dhe përkushtim maksimal edhe në postin e ri.

Nga ana tjetër, Ujkani u shpreh i lumtur për detyrën e re që presidenti Ademi dhe FFK i besuan në Kombëtaren e Kosovës.

Ai falënderoi presidentin dhe pohoi se do ta jap maksimumin në këtë pozitë dhe se do të punojë me shumë dashuri e përkushtim për kombëtaren, ashtu siç kishte bërë deri dje në fushën e gjelbër./albeu.com

The post “Çdo fund sjell një fillim të ri dhe fillimi im i ri, po nis tani”, Ujkani merr postin e rëndësishëm në përfaqësuesja e Kosovës appeared first on Albeu.com.

Ujkani bëhet me ekip të ri, i bashkohet dyshes shqiptare

admin — Tue, 31 Aug 2021 17:27:47 +0000

Samir Ujkani do të mbetet në Serie A. Portieri i Përfaqësueses së Kosovës ka nënshkruar kontratë me skuadrën e Empolit.

Lajmi është bërë i ditur nga faqja zyrtare e klubit në rrjetet sociale. Detajet e marrëveshjes nuk janë bërë të ditura nga klubi italian.

Te Empoli aktivizohen edhe dy futbollistët shqiptarë, Nedim Bajrami dhe Ardian Ismajli. Ujkani në edicionin e shkuar ishte pjesë e skuadrës së Torinos.

View this post on Instagram

A post shared by Empoli Fc Official (@empoli_fc_official)

The post Ujkani bëhet me ekip të ri, i bashkohet dyshes shqiptare appeared first on Albeu.com.

Samir Ujkani bëhet me ekip të ri

admin — Thu, 15 Jul 2021 16:23:00 +0000

Portieri kosovar, Samir Ujkani, pritet që shumë shpejt t’i jap fund aventurës së tij me Torinon.

Kapiteni i Përfaqësueses së Kosovës duket se do të ndërrojë ambient këtë verë.

Siç shkruan gazetari i mirënjohur italian, Gianluca Di Marzio, “gardiani” vushtrrias do t’i bashkohet klubit të Serie B, Alessandria.

Di Marzio raporton se palët kanë arritur marrëveshje dhe se zyrtarizimi do të bëhet shumë shpejt.

Samir Ujkani është pjesë e Torinos që nga viti 2019.

The post Samir Ujkani bëhet me ekip të ri appeared first on Albeu.com.

Ujkani rrëfehet për “MARCA’, lufta dhe ëndrra për Kosovën

E S — Tue, 30 Mar 2021 09:10:09 +0000

Kapiteni i Kosovës në futboll, Samir Ujkani, në një intervistë për mediumin e njohur spanjoll “Marca” ka rrëfyer për luftën me Serbinë dhe për përballjen me Spanjën në kualifikimet për Kampionatin Botëror “Katari 2022”.

Në këtë intervistë, një ditë para përballjes në Sevillë, Ujkani ka treguar se në vitin 1994 ishte larguar nga vendlindja për shkak të luftës me Serbinë.

“Jemi larguar drejt Belgjikës. U rrita aty dhe mund të zgjidhja të luaja për Belgjikën ose Shqipërinë. Zgjodha Shqipërinë sepse familja ime është shqiptare dhe Kosova nuk ekzistonte si përfaqësuese. I kam luajtur 20 ndeshje me Shqipërinë. Por të luaja për shtetin tim, ishte ëndërr. Andaj kur Kosova u bë e njohur si shtet menjëherë nisa procedurën për të ndërruar kombëtare. Isha i pari që bëra kështu edhe pse ishin veç miqësore”, ka treguar ai për “Marcan”.

Sipas tij, objektiv i ekipit përfaqësues të Kosovës është që t’i tregojë botës se populli i Kosovës është i mirë dhe t’ia tregojë traditat e vendit.

Ai ka treguar se ka humbur shumë familjarë në luftë, teksa ka falënderuar Belgjikën që u doli në ndihmë në kohën kur ishin duke ikur nga Kosova.

Se a i bën nervoz ndeshja në Sevillë, kundër një shteti që s’e njeh Kosovën, Ujkani ka thënë se “sporti është më i fuqishëm se politika”.

“Kundër Ukrainës, u desh të luanim në Poloni. Sporti hap dyer, bashkon shtete e popuj. Me të gjitha problemet që bota i ka, futbolli ka shërbyer si çlirim e argëtim”, ka thënë ai duke mos pranuar të flasë për raportet Spanjë-Kosovë. “Duhet të flasim për futboll, për jetën”.

Ai e ka cilësuar ndeshje historike përballjen me Spanjën.

“Besojmë se do të lëmë imazh të mirë”, ka deklaruar ai.

Ujkani ka thënë se për të arritur rezultat pozitiv në Spanjë Kosovës i duhet një mrekulli.

Kosova ka nisur kualifikimet me humbje 3:0 nga Suedia. Ndërkaq Spanja, nga dy ndeshje ka katër pikë. Ka barazuar me Greqinë e ka fituar ndaj Gjeorgjisë.

The post Ujkani rrëfehet për “MARCA’, lufta dhe ëndrra për Kosovën appeared first on Albeu.com.